နားလည်ပေးချင်တယ်

၂၀၁၅ ရွေးကောက်ပွဲမှာ အောင်ပွဲခံအပြီး အမျိုးသားဒီမိုကရေစီအဖွဲ့ချုပ်က ၂၀၁၆ မှာ အစိုးရဖွဲ့တော့..နဲနဲနဲ့ကျဲကျဲဝိုင်းရမယ် ချွေတာရမယ်ဆိုပြီး ဝန်ကြီးဌါနတွေကိုပေါင်းပစ်တယ် (စိုက်ပျိုး + မွေးမြူ) (အားကာ+ကျန်းမာ) (ရထား+ပို့ဆောင်ရေး+ဆက်သွယ်ရေး) (ယဉ်ကျေးမှု+သာသနာရေး) (အလုပ်သမား+လူဝင်မှု) (လျှပ်စစ်+စွမ်းအင်) .. နောက်ကျန်တာတွေရှိနိုင်သေးတယ် .. ဒုဝန်ကြီးတွေလဲမလိုဘူးဆိုပြီး တချို့နေရာတွေမှာမခန့်ဘူး ..
နိုင်ငံတော်၏အတိုင်ပင်ခံဒေါ်စုက နိုင်ငံခြားရေး ပညာရေး လျှပ်စစ် သမတရုံး ဝန်ကြီးဌာနတွေကိုတွဲကိုင်လိုက်သေးတယ် ..

ရလာဒ်ကတော့ ဌါနတွင်းမူလအုပ်ချုပ်ပုံ ဖွဲ့စည်းပုံတွေပျက်ကုန်တယ် ရှုပ်ကုန်တယ်.. နဂိုကမှအတွေ့အကြုံမရှိဘဲဝန်ကြီးဖြစ်လာသူတွေဟာလဲ ဘာလုပ်ရဘာကိုင်မှန်းမသိတော့ဘဲ .. ယောင်ကုန်ကြတော့တာပေါ့..
ဒေါ်စုကလဲ (သူ့လူတွေကိုစိတ်မချတော့) နေရာတကာတင်းတင်းကြပ်ကြပ် ချုပ်ကိုင်တယ် ..
နိုင်ငံရပ်ခြား စာချုပ်စာတမ်း ငွေကြေးပံ့ပိုးမှုမှန်သမျှ သူပြန်စိစစ်မယ်.. နောက်ပိုင်း သူ့ဆီကဘဲခွင့်ပြုချက်နဲ့သွားရမယ်လို့အမိန့်ထုတ်တယ် .. ပထမဆုံးထိပြီး လုပ်ငန်းခါးပြတ်ကုန်တာကတော့ ငြိမ်းချမ်းရေးလုပ်နေတဲ့ MPC လက်ကျန်အဖွဲ့ခွဲတွေဘဲ (ဥပမာ - ဦးအောင်မင်းရဲ့ Peace Foundation) ..
နောက်ပြီး တင်လာသမျှ နိုင်ငံခြားစီမံကိန်း Project Proposal မှန်သမျှသူဖတ်မယ်ဆိုတော့ သူ့ဆီဘဲအယင်တင်ရပြန်ရော .. ဒါပေမဲ့တကယ်တမ်းမှာ သူလဲအလုပ်များလွန်းတော့မဖတ်နိုင်ပါဘူး.. တနေ့တနေ့သူ့ကားပေါ်တင်ပေးလိုက်ရတဲ့စာရွက်စာတမ်းဖိုင်တွဲတွေဟာ နောက်နေ့တွေမှာလဲ ဒီအတိုင်းဘဲပြန်ပြန်ပါလာနေတာတွေ့ရတယ်တဲ့..
နောက်ပိုင်းမှာတော့ သူနဲ့အနီးကပ်(အင်္ကျီတွေချုပ်ပေး.. တက္ကသိုလ်ရိပ်သာလမ်းအိမ်တော်ဧည်ခံရေးကိုတာဝန်ယူပေးနေတဲ့) ဒေါက်တာဥမ္မာမြင့် (မိုက်ကယ်မိုးမြင့်ရဲ့ဇနီး) ကို အဲဒီ proposal တွေဖတ်ခိုင်းရတဲ့အဆင့်ရောက်သွားရော ..ဟိုကလဲ နိုင်ငံခြားမှာနေခဲ့တဲ့ဆရာဝန် ပညာတတ်ဆိုပေမဲ့ အင်္ဂလိပ်စာဘဲဖတ်တတ်တာ.. စီမံကိန်းနဲ့စီးပွါးရေးနဲ့လုပ်ငန်းပေါ်လစီကိစ္စတွေဘယ်နားလည်ပါ့မလဲ .. အဲဒီမှာ တခါကျနော်ပြောခဲ့ဘူးသလို Bottle-necking ပုလင်းလည်ပင်းတစ်ပြီး လုပ်ငန်းတွေရှေ့မဆက်နိုင်ဖြစ်ကုန်တယ်..
ရီစရာတခုတောင်ကြားတယ် (တကယ်ဖြစ်မဖြစ်ကတော့ နိုင်ငံခြားရေးဌါနကလူတွေဘဲသိပါလိမ့်မယ်).. နိုင်ငံတကာစာချုပ်/ခွင့်ပြုမိန့်တွေကိုသူဘဲလက်မှတ်ထိုးမယ်ဆိုတော့ နိုင်ငံတကာလေကြောင်းလိုင်းလေယာဉ်ပျံကြီးတွေ မြန်မာ့လေပိုင်နက် ဟိုးအမြင့်ကြီးပေါ်ကဖြတ်ပျံခွင့်တွေကိုပါ လက်မှတ်ထိုးပေးရမဲ့အရေး သူဆီရောက်သွားပြီး တစ် နေမလိုဖြစ်လာနေပါရော.. မြန်မာ့လေပိုင်နက်ဖြတ်သန်းခွင့် ဒီခွင့်ပြုမိန့်ဆိုတာဟာ နိုင်ငံတကာလေကြောင်းလုံခြုံရေးစည်းကမ်းအရနေ့စဉ်စီစစ်ပြီးအတည်ပြုလက်မှတ်ထိုးပေးနေရတာဆိုတော့ သူလက်မှတ်ထိုးတာကိုဘဲ အမြဲစောင့်နေလို့ဘယ်ဖြစ်နိုင်ပါ့မလဲ.. ဒါတော့မဖြစ်ချေဘူးဆိုပြီး သူ့ကိုအရဲစွန့်ပြီး အကျိုးအကြောင်းပြောပြ.. ညွှန်ချုပ် လက်ထောက်ညွှန်ချုပ်တွေဘဲလက်မှတ်ထိုးပါစေလို့ဝိုင်းလုပ်လိုက်ကြရတယ်တဲ့ ..
ဒီကိစ္စဟာ မဖြစ်မနေမို့လို့သာ အောက်ကလူတွေက သူ့ကိုပြောခဲ့ကြတဲ့ပုံရတယ် ..တခြားနေရာတွေမှာတော့ "ဟုတ်ကဲ့အမ"တွေချည်းဘဲ ..
တကွင်းလုံးတယောက်ထဲပတ်ကန်နေသလိုဖြစ်လိမ့်မယ်လို့ ဒေါ်သက်သက်ခိုင်ကပြောတော့တောင် ဝိုင်းစိတ်ဆိုးလိုက်ကြသေးတယ်..

တဖြည်းဖြည်းနဲ့မှသူ့ဘာသာမနိုင်မနင်းတွေပိုဖြစ်လာတော့ ဒေါ်စုဟာ နိုင်ငံခြားရေးကလွဲလို့ (သူပထမတာဝန်ယူထားတဲ့) တခြားဝန်ကြီးဌါနတွေကိုလက်လွှတ်ပြီး ဝန်ကြီးအသစ်တွေခန့်ရတယ် .. နိုင်ငံခြားရေးကိုတောင် သူက ကာလုံအစည်းအဝေးမှာဝင်ပါခွင့်ရဘို့ဘဲ ရာထူးယူထားတာ ..အဲဒီမှာနိုင်ငံတကာဆက်ဆံရေးဆိုပြီးဝန်ကြီးတပါးတိုးခန့်လိုက်ရပြန်ရော..
အတိုင်ပင်ခံရုံးကိုလဲဝန်ကြီးဌါနလုပ်ပြီးဝန်ကြီးတပါးထပ်ခန့်တယ် .. နဝတ နအဖ အစဉ်အဆက် စစ်တပ်နဲ့တည့်အောင်ပေါင်းပြီး ဗျူရိုကရက်ကြီးဖြစ်ခဲ့တဲ့ အဲ့ဒီဝန်ကြီးအသစ်က အတိုင်ပင်ခံရဲ့ Gate Keeper (အပေါက်စောင့်)ဖြစ်လာတော့ တခြားအစိုးရဝန်ကြီးတွေ ဝန်ကြီးချုပ်တွေ NLD ဗဟိုအမှုဆောင်တွေတောင်ဒေါ်စုကိုတွေ့ဘို့မလွယ်တော့ဘူး .. NLD တွေဟာ သူတို့နဲ့ ရင်ဘတ်ချင်းမတူတဲ့ဝန်ကြီးကိုခွင့်တောင်းနေရတယ်.. ဒီဝန်ကြီးကလဲ ဗြူရိုကရက်ပီသတယ်တဲ့.. ပိတ်ထားတယ်.. တော်ရုံဆိုဒေါ်စုဆီမရောက်တော့ဘူးတဲ့.. ဒေါ်စုလဲ လက်တွေ့အခြေအနေတွေနဲ့ပြတ်သထက်ပြတ်လာတော့တာပေါ့ ..
ဒုဝန်ကြီးတွေလဲတယောက်ပြီးတယောက်တိုးခန့်နေရတာမနည်းတော့ဘူး .. နဲနဲနဲ့ကျဲကျဲမဝိုင်းနိုင်တော့ဘူး .. ထားပါလေ လိုအပ်ချက်အရပေါ့.. ဒါပေမဲ့လဲ The damage is done .. အဖတ်ဆယ်ဘို့တော်တော်နောက်ကျသွားပြီ ..
နောက်တခုသတိထားမိတာက ဒီမိုကရေစီအစိုးရလက်ထက်မှာ နာမည်ကောင်းကောင်းနဲ့ အသစ်ထွင်လိုက်တဲ့ တိုင်းရင်းသားရေးရာပြည်ထောင်စုဝန်ကြီးဌါနဟာ ဘာတခုမှမယ်မယ်ရရအလုပ်မဖြစ်တာဘဲ .. ဘတ်ဂျက်လဲမရှိဘူး.. ဝန်ကြီးနိုင်သက်လွင်ခမျာလဲ (အသက်လဲကြီးပြီဆိုတော့) ဘာလုပ်ရမှန်းမသိဘဲ ဖုတ်လှိုက်ဖုတ်လှိုက်နဲ့ သူ့ဝန်ကြီးဌာနရှိမှန်းတောင်လူတွေမသိဘူးဖြစ်နေရှာတယ် ..
ပြောရယင်တော့အကျိုးမဲ့ဖြစ်နေတာ.. ဒါပေမဲ့ တိုင်းရင်းသားဆိုပြီးနာမည်ကောင်းနဲ့ဖွဲ့ပေးထားတဲ့ ဒီဝန်ကြီးဌာနကြီးကို အခုနေဖျက်သိမ်းလိုက်ယင်လဲ တိုင်းရင်းသားတွေကဝိုင်းအော်ကြဖွယ်ဘဲရှိနေတယ် .. ထိုင်နေအကောင်းသား ထသွားမှကျိုးမှန်းသိ .. ဒီအတိုင်းဘဲနှပ်ထားရတော့တာပေါ့.. (အဲ့ဝန်ကြီးဌာနကို လူပြောင်း.. ဘတ်ဂျက်တိုးချပေးပြီး အလုပ်လေးဘာလေးလုပ်ခိုင်းရင်တော့ကောင်းမယ်)..

ကျနော်ပြောနေတာတွေဟာ လက်ရှိမှာ တတ်နိုင်သလောက် အခက်အခဲတွေအကြားက ကြိုးစားရုန်းကန်နေရတဲ့ ဒီမိုကရေစီအစိုးရကို အဆိုးမြင်နဲ့ ဖိပီး နင်းကန်ဝေဖန်တာလို့ထင်ကြမှာလဲရှိတယ် .. (စစ်တပ်ကချုပ်ထားလို့တို့.. တပ်ကျန်မိုးကျရွှေကိုယ်ဟောင်းတွေကပူးသတ်နေလို့တို့.. ဖွဲ့စည်းပုံမပြောင်းနိုင်သေးလို့တို့ .. ဘလာ ဘလာ ဘလာအကြောင်းတွေလဲရှိတာပေါ့ဗျာ)..
ဒါပေမဲ့ ကျနော်အဓိကပြောချင်တာကတော့..
အတွေ့အကြုံမရှိဘဲ ရှိသမျှလူတွေနဲ့လုပ်နေရတဲ့ တည်ဆောက်ဆဲကာလမို့ ချို့ယွင်းချက်တွေ အမှားတွေဖြစ်တယ်ဆို ဖြစ်လို့ရပါတယ် ..
အမှားကိုမြင်နိုင်ဘို့ .. တာဝန်ခံဖြေရှင်းပေးနိုင်ဘို့.. အရေးယူဘို့..လူလဲဘို့.. ပြုပြင်ဘို့ဆိုတာတွေတော့လိုနေပါပြီ..

ခေါင်းဆောင်တယောက်အနေနဲ့ Theater level, Strategic level ကနေကြည့်..
Delegate လုပ် (သင့်တော်တဲ့သူတွေကိုတာဝန်ပေး လုပ်ပိုင်ခွင့်ပေး)..
Grooming (သင့်တော်မဲ့အရည်အချင်းရှိသူတွေကိုစုဆောင်းမွေးမြူ) ..
အကြောင်းအရာတခုထဲကိုဘဲအာရုံလာသလိုအချိန်ကုန်ခံလုပ်မနေဘဲ ကဏ္ဏတိုင်းမှာသက်ဆိုင်ရာတာဝန်ပေးထားသူတွေနဲ့ပုံမှန်တွေ့ (active oversight)..
တိတိကျကျသိရတဲ့အချက်တွေပေါ်မူတည်ပြီး လိုအပ်ယင် executive decision ယတိပြတ်ဆုံးဖြတ်ချက်တွေချပေး .. ဒါမှမဟုတ် Policy guideline မူဝါဒလမ်းညွှန်ချက်တွေပေး ..
ဒါဘဲလုပ်ရမှာပါ ..ဒါမလုပ်နိုင်ယင်ခေါင်းဆောင်တာဝန်မကျေပါဘူး ..
လူအချစ်ခံရတိုင်းခေါင်းဆောင်မဟုတ်ပါဘူး ..

လက်ရှိ လုပ်ငန်းပိုင်း အစိုးရပိုင်းမှာတာဝန်ယူလုပ်ပေးနေရတဲ့ မိတ်ဆွေအပေါင်းအသင်းများ နိုင်ငံရေးလုပ်ဖေါ်ကိုင်ဖက်ရဲဘော်ဟောင်းများခင်ဗျာ..
အစောကပြောခဲ့သလိုဘဲ ကျနော်က (ဘေးထိုင်ဘုပြော)မညှာမတာဝေဖန်နေတယ်လို့ထင်ချင်လဲထင်ပါ .. ဒါပေမဲ့ လုပ်ခွင့်ရသလောက်လုပ်နေရတဲ့ ခင်ဗျားတို့ဟာ တာဝန်ကျေပြီလား .. ဘာလုပ်စရာတွေရှိနေသေးသလဲ ဆိုတာကိုတော့ဆန်းစစ်ကြည့်ကြပါဦး..
မှန်တာကိုတွန်းတွန်းတိုက်တိုက်လုပ်တတ်တဲ့သူတွေကို ကျနော်လေးစားပါတယ်.. အားပေးပါတယ်..
နောက်တခုကတော့ ..

အန်တီစုခင်ဗျာ ..
အခုလို ကြားသမျှ မြင်သမျှသတင်းအချက်အလက်တွေနဲ့ အတုံးလိုက်အတစ်လိုက်ဝေဖန်ရတာကို ကျနော် စိတ်ကြည်နှုးခြင်းမဖြစ်မိပါဘူး .. အန်တီနဲ့မတွေ့တာလဲကြာပါပြီ ..
အန်တီနဲ့နီးစပ်သူ (ကျနော်နဲ့လဲရင်းနှီးသူ) တယောက်က "ကိုအောင်နိုင်ရယ် ခင်ဗျားတို့ကလဲ သူ့အခက်အခဲ .. အစိုးရအခက်အခဲတွေကိုနားလည်ပေးဘို့ လိုတယ်လေဗျာ" တဲ့ .. မကြာသေးခင်ကဘဲပြောတယ် ..
ကျနော်ကတော့ .."ဆရာရယ် ကျနော်က ဘာကိုနားလည်ပေးရမှာလဲ.. မြင်သမျှ ကြားသမျှကို မျက်စိမှိတ် နားပိတ်ပြီး.. နားလည်ပါတယ်လို့ ဖာထေးပေးနေရမှာလား"..
"တွေ့ခွင့် မေးခွင့် ရင်းရင်းနှီးနှီးစကားပြောခွင့်တွေမရှိယင် လုပ်ငန်းအတွင်းသဘောနဲ့ သိပ်ပြီးအကဲဆတ်တဲ့သူ့ရဲ့အခက်အခဲတွေ နောက်ခံအကြောင်းရင်းတွေကို ကျနော်ကဘယ်လိုလုပ်သိနိုင်မှာလဲ နားလယ်နိူင်မလဲ"..
"ကျနော်မေးချင်နေတဲ့အကြောင်းတွေ နားလည်အောင်မေးခွင့်မရသလို .. ကျနော်ဆီကတဆင့်သူသိသင့်တဲ့အကြောင်းတွေကိုလဲ သူဘယ်လိုသိခွင့်ရတော့မလဲခင်ဗျာ" .. လို့ဘဲပြန်ပြောလိုက်ပါတယ် ..
"ဒါကိုလဲ အန်တီစုသိစေချင်ပါတယ်"လို့သူ့ကိုပြောလိုက်ပါသေးတယ် .. ပြန်ပြောမပြောတော့မသိပါ ..

ကျနော်က သတင်းသမား ဂျာနယ်လစ်ပါ .. အတိုင်းအတာတခုအထိအောင်မြင်ပါတယ် .. ဒါပေမဲ့ ဒီဘက်ဒီမိုကရေစီနိုင်ငံတွေမှာ နိုင်ငံခေါင်းဆောင်တွေ နိုင်ငံရေးသမားတွေ လုပ်ငန်းအကြီးအကဲတွေနဲ့ လိုအပ်သလိုတွေ့ဆုံပြီး စကားပြောခွင့် လက်ဖက်ရည်သောက်ခွင့် (အင်တာဗျူးသဘောမဟုတ်ဘဲ) off the record အတွင်းသတင်းအခြေအနေတွေ Background info နောက်ခံအကြောင်းရင်းတွေကို နားလည်သဘောပေါက်အောင်ဆွေနွေးခွင့်တွေရနေတဲ့ နာမည်ကျော်သတင်းသမားတွေ ဝါရင့်အယ်ဒီတာတွေရဲ့အဆင့်အတန်းကိုတော့အားကျနေမိတုန်းပါဘဲ.. သူတို့လိုအဘက်ဘက်ကသိထားတဲ့အချက်အလက်တွေကိုအခြေခံပြီး ဆင်ခြင်သုံးသပ်ပြနိုင်တဲ့သတင်းသမားဖြစ်ချင်တာခင်ဗျ ..

ဆုတောင်းတိုင်းသာပြည့်မယ်ဆိုပါယင်..ပေါ့..
သန်းလွင်ထွန်း
၉ စက်တင်ဘာ ၂၀၁၉