Food box နဲ့ စတုဒိသာ မသဲကွဲတဲ့ နိုင်ငံမှာ ကျနော်နေတယ်

ဒီနေရာမှာ စတုဒိသာကို ပြောပြမယ်။ စတုဒိသာဆိုတာ ယုတ်လတ်အမြတ်မရွေး တန်းစီလို့ပဲဖြစ်ဖြစ် ပြုံအုံလို့ပဲဖြစ်ဖြစ် လာသမျှလူ ရောက်သမျှလူမှန်သမျှကို ရော့ ဆိုပြီး ပေးလိုက် ကျွေးလိုက်တာကို စတုဒိသာလို့ခေါ်တယ်။ Food box ကျတော့ အဲ့လိုမဟုတ်ဘူး။ ခရီးသွားဟန်လွှဲဖြစ်နေရင်းက တကယ်လိုအပ်လာချိန်မှာ လိုအပ်လို့ အသုံးပြုလိုက်ရတာမျိုး။ အနီးစပ်ဆုံးပြောရရင် လမ်းဘေး ရေချမ်းစင်လိုမျိုး။ ရေထည့်ပေးထားတယ်. တကယ်ရေဆာတဲ့သူက ရေဆာနေချိန်မှာ ဝင်သောက်သွားတယ်။ ဒီနေရာမှာ ရေချမ်းစင်ရှိတယ်ဆိုပြီး ဆိုင်ကယ်ကြီးနဲ့ တကူးတက လာသောက်စရာမလိုဘူး။ ရေဘယ်အချိန်ထည့်မလဲ စောင့်ကြည့်နေပြီး ရေထည့်လိုက်တာနဲ့ တစ်ပြိုင်နက် ဝုန်းကနဲပြုံရောက်လာပြီး လုသောက်နေစရာလည်း မလိုဘူး။ ကိုယ်တကယ်ရေဆာနေချိန် ရေချမ်းစင်နားရောက်ချိန် ခပ်သောက် ဒါပဲ။ Food box ဆိုတာ အဲ့ဒီသဘောမျိုးပဲ။

ခု နောက်ပိုင်း လှူတဲ့သူတွေများလာတယ်. အလှူရှင်ပရဟိတလူငယ်တွေကလည်း Food box တစ်ဖက်တစ်ချက်မှာ ရပ်နေကြပြီး တန်းစီလာတဲ့ လုထုကြီးကို ရေဗူးကမ်း မုန့်ထုတ်ပေးနဲ့. အဲ့ လာယူတဲ့သူတွေ စည်းကမ်းရှိလာကြပုံလေးကိုလည်း live လေးလွှင့်လို့.. အာ့ ဘာလဲ??. အဲ့ဒါ Food box culture မဟုတ်ဘူး.. တကူးတကကြီးတွေ လုပ်ယူနေကြတာ။ အာ့မျိုး လုပ်ချင်ရင် ၆၆ x ၂၆ ထောင့်မှာ စတုဒိသာကျွေးပါတယ်ဆိုတဲ့ ခေါင်းစဉ်နဲ့ မုန့်ဝေ ရေသန့်ဗူးဝေ. အဲ့လိုပဲ ဝေလိုက်ကြပါ။ Food box ဆိုပြီး ခေါင်းစဉ်တက်မနေပါနဲ့။ ဥပမာဗျာ.. ၆၆ ပလက်ဖောင်းမှာ အပြေးလေ့ကျင့်ခန်းလုပ်နေတဲ့ လူတစ်ယောက်.. ပြေးရင်းနဲ့ မောချိန် food box နားရောက်ခိုက် အထဲက အသင့်ရှိတဲ့ Royal D တစ်ဗူး ယူသောက်လိုက်မယ်။ Royal D တစ်ဗူး ဘယ်လောက်မှ မရှိဘူး. အချိန်မရွေး ဝယ်သောက်လို့ရတယ်. ဒါပေမယ့် food box နားရောက်နေတုန်းမှာ အထဲက လှူထားတဲ့ ဗူးကို အမှန်တကယ်လိုအပ်ချက်နဲ့ ယူသောက်လိုက်တယ်။ အဲ့ဒါကမှ food box အတွက် လှူတဲ့သူနဲ့ အလှူကို အမှန်တကယ် လိုအပ်ချိန်မှာ လိုအပ်လို့ အသုံးချလိုက်တဲ့ ပုဂ္ဂိုလ်။ Food box ဆိုတာ ဒါပဲ။ အဖိုးနဲ့ မြေး ၆၆ ပလက်ဖောင်းမှာ လမ်းလျှောက်ကြတယ်။ မြေးဖြစ်သူက ဖိုးဖိုး ဗိုက်ဆာတယ်. မုန့်စားချင်တယ် ပြောမယ်။ အဖိုးဖြစ်သူက Food box ထဲမှာ လှူထားတဲ့ ပဲလမုန့်တစ်ထုတ် ယူကျွေးလိုက်တယ်။ သူတို့ မြေးဖိုးက တကူးတက လာစားတာမဟုတ်ဘူး။ လမ်းလျှောက်ထွက်လာရင်းက ကလေးပီပီ ဗိုက်ဆာလာလို့ အဖိုးဖြစ်သူက မြေးအတွက် ယူကျွေးလိုက်တယ်။ အဲ့ဒါ food box ပဲ။

အစကတော့ အုံလိုက် ပြုံလိုက် လာယူကြတဲ့ လူတွေကိုပဲ ပြောမလို့. ခုကြ လှူတဲ့သူတွေကိုပါပြောချင်လာတယ်။ လူတွေက food box အတွက် သီးသန့်ကြီး လာတန်းစီယူကြတာကိုပဲ လှူတဲ့သူတွေအမြင်မှာက စည်းကမ်းရှိလာပြီ ဘာဖြစ်လာပြီ ညာဖြစ်လာပြီနဲ့ အကျေနပ်ကြီးကျေနပ်နေတယ်(အပြစ်တင်တာမဟုတ်ဘူးဗျ food box ဆိုတာ စတုဒိသာကျွေးသလို တန်းစီစနစ်နဲ့ အလှည့်ကျဝေရတာမျိုး မဟုတ်ဘူးဆိုတာ သိစေချင်တာပါ) အလှူခံပုဂ္ဂိုလ်ကိုရော လှူတဲ့သူကိုပါ ထပ်ပြောချင်ပါတယ် food box သည် စတုဒိသာ မဟုတ်ပါ။ စတုဒိသာစတိုင်နဲ့ လုပ်ချင်သပါ့ဆို ကျုံးဘေး ၆၆ ပလက်ဖောင်းထက် ချို့တဲ့ဆင်းရဲတဲ့ နေရာမျိုးတွေမှာပဲ တန်းစီစနစ်လေးနဲ့ လှူပေးပါ။ ရတဲ့ ကုသိုလ်ချင်းအတူတူပါပဲလို့။ Food box လား စတုဒိသာလား ကွဲကွဲပြားပြားလှူပါ။ food box သည် စတုဒိသာမဟုတ်ပါ..