ရန်ကုန်တိုင်းဒေသကြီးအစိုးရက ဒဂုံမြို့သစ်တောင်ပိုင်း(တောင်ဒဂုံ) ၁၀၆ ရပ်ကွက်တွင် အစ္စလမ်ဘာသာဝင်များ ဥပုသ်လ ယာယီ ၀တ်ပြုရန် ခွင့်ပြုထားသည့် ၀တ်ပြု အဆောက်အအုံကို ယနေ့ညပိုင်းတွင် ဘုန်းကြီးတချို့ အပါအ၀င် လူအင်အား ၁၀၀ ကျော်ဖြင့် ဝိုင်းဝန်းပြီး ၀တ်ပြုခွင့် ပိတ်ပင်လိုက်ကြောင်း မြန်မာနိုင်ငံအစ္စလမ်ဘာသာရေး အဖွဲ့မှ ဦးဇော်မင်းလတ်က ပြောသည်။
"လူအင်အား ၁၀၀ လောက်နဲ့ ဝိုင်းပြီး တိုင်းဒေသကြီးအစိုးရ ခွင့်ပြုထားတဲ့ ယာယီ ၀တ်ပြုဆောင်ကို ၀င်စစ်တယ်။ မြို့နယ် ထွေ/အုပ် ပါတယ်၊ ရဲမှူးပါတယ်။ အခုတော့ ၀တ်ပြုဆောင်ကို ပိတ်ပင်လိုက်တယ်။ အမှန်က အဲဒီ ၁၀၆ ၀တ်ပြုဆောင်ကလည်း တိုင်းဒေသကြီးအစိုးရက ဥပုသ်လ ၁ လ ၀တ်ပြုဖို့ ခွင့်ပြုထားတာ။ ခွင့်ပြု အမိန့်စာလည်းရှိတယ်" ဟု ဦးဇော်မင်းလတ်က ဆိုသည်။
ဘုန်းကြီးတချို့ ပါဝင်သော လူအုပ်စုသည် မေလ ၁၄ ရက်နေ့ညပိုင်းက တောင်ဒဂုံ၊ ၂၆ ရပ်ကွက်ရှိ အစ္စလမ် ယာယီ ၀တ်ပြုဆောင်ကို ဝိုင်းဝန်း ပိတ်ပင်မှု လုပ်ဆောင်ခဲ့သည်။
တောင်ဒဂုံတွင် ရန်ကုန်တိုင်းဒေသကြီးအစိုးရက ခွင့်ပြုထားသော အစ္စလမ် ဥပုသ်လ ယာယီ ၀တ်ပြုဆောင် ၃ ခုရှိပြီး ၂ခုမှာ လူအုပ်စုဖြင့် အင်အားသုံး စစ်ဆေး ပိတ်ပင်မှုများ ကြုံတွေ့လိုက်ရခြင်းဖြစ်သည်။.
ဓာတ်ပုံ- တောင်ဒဂုံ ၁၀၆ ရပ်ကွက်ရုံးကို လူအင်အား ၁၀၀ ကျော်ဖြင့် ဝိုင်းဝန်းပြီး ယာယီ အစ္စလမ်ဝတ်ပြုဆောင်ကို ပိတ်ပင်ခိုင်းခဲ့ ကြသည်။
Khit Thit Media
ဓာတ်ပုံ- ကိုကျော်ကြီး
No comments:
Post a Comment