ခရီးသွားအိတ်နှင့်လူ့အသက် ဘယ်ဟာတန်ဖိုး ကြီးပါသလဲ

လွန်ခဲ့သောရက်အနည်းတွင်း မော်စကိုလေဆိပ်တွင် ရုရှားခရီးသည်လေယာဉ် တစ်စင်း အရေးပေါ်ဆင်းသက်စဉ် လေယာဉ်မီးလောင်ပျက်စီးသွားသောသ တင်းကို တွေ့မြင်ခဲ့ရပါတယ်။ အဆိုပါမတော်တဆမှုတွင် လေယာဉ်ပေါ်လိုက်ပါ လာသူ (၇၈) ဦးထဲတွင် (၄၁) အသက်ဆုံးရှုံးခဲ့ရပါတယ်။

အဆိုပါဖြစ်စဉ် သတင်းမှတ်တမ်းနှင့် ဓါတ်ပုံများတွင် အသက်ရှင်လွှတ်မြှောက် လာသောခရီးသွားတစ်ချို့တွင် လက်ဆွဲအိတ်များဖြင့်လွှတ်မြှောက်လာကြောင်း တွေ့ရပါတယ်။
အရေးပေါ်အခြေနေ (သေရေးရှင်ရေးအခြေနေ) တွင် ခရီးဆောင်အိတ်က ဘယ်လောက်ပင်အရေးကြီးနေပါစေ ခရီးဆောင်အိတ်တန်ဖိုးနှင့် လူ့အသက် တန်ဖိုး နားလည်တတ်ရန် သတိထားမိရန်လိုအပ်ပါပြီ။

ခရီးသည်တင်လေယာဉ်တစ်စီး၏ အရှေ့အနောက် နှင့်အလည်များတွင် တခါး သို့မဟုတ်ထွက်ပေါက်များ ဘယ်ညာနှစ်ဖက်လုံးတွင်ရှိနေပါတယ်။ လေယာဉ် တည်ဆောက်သော ကုမ္မဏီများသည် လေယာဉ်တည်ဆောက်ရာတွင် လေ ယာဉ်တခါးပေါက်( ထွက်ပေါက်) အရေတွက်နှင့် အရွယ်စားများကို လေယာဉ် ပေါ်ရှိလူအားလုံးကို အချိန်စက္ကန့် (၉၀) အတွင်း အားလုံးထွက်နိုင်အောင်တည် ဆောက်ထားပါသည်။ ထို့အတူ လေယာဉ်ပေါ်အမှုထမ်းသူများအားလုံးသည် လည်း အရေးပေါ်အခြေနေတွင် ခရီးသည်အားလုံးကို သတ်မှတ်ထားသော အချိန်စက္ကန့် (၉၀) တွင်းကယ်ထုတ်နိုင်အောင်လေ့ကျင့်ထားပြီး ထိုလေ့ကျင့် ခန်းကိုနှစ်စဉ်နှစ်တိုင်း (တစ်နှစ်တစ်ခါ) လေ့ကျင့်ရပါတယ်။

အသုံးများသော အဲယားဘတ်စ် ၃၂၀ (Airbus 320) နှင့် ဘိုးရင် ၇၃၇ (Boeing 737) လေယာဉ်များတွင် ပင်မတခါး (Main Doors) အရှေ့နှစ်ပေါက် နှင့် အနောက်ဖက်တွင် နှစ်ပေါက်စီရှိပြီး အဆိုပါတခါးလေးပေါက်မှ လူ ၁၉၀ ထိ ကို စက္ကန့် (၉၀) တွင်း အပြင်ထွက်ရန် လုံလောက်ပြီး အပိုထွက်ပေါက်အနေဖြင့် လေယာဉ် ၏အလယ် (အတောင်ပံရင်း) တွင် ထွက်ပေါက်ငယ် (၄) ပေါက်၊ လေယာဉ်ငယ်ပါက (၂) ပေါက် ထည့်သွင်းတည်ဆောက်ထားပါသည်။
ထို့ကြောင့် လောယာဉ်၏ပင်မထွက်ပေါက်တစ်ခုသည် တစ်စက္ကန့်တွင် လူတစ် ယောက်နှုံးထွက်နိုင်ရန်စီမံ လေ့ကျင့်ထားပါတယ်။

လေယာဉ်တွင်းမှ အပြင်သို့အရေးပေါ်ထွက်ရသောအချိန်တွင် သင်သည် ဦးခေါင်းအထက် ခရီးဆောင်ပစ္စည်းများထားရာအကန့် (overhead baggage compartment) ကိုဖွင့်ပြီးအိတ်တစ်လုံးကိုဆွဲထုတ်ရန်တွက် အနည်းဆုံးအချိန် (၃) စက္ကန့်ပေးရမှာဖြစ်တယ်။ ထို (၃)စက္ကန့်တွက် သင်သည် ထွက်လမ်းကိုပိတ် ရပ်ထားသည့်တွက် အဆိုပါထွက်လမ်းတွင်ရှိနေသော တခါးပေါက် (၂) ပေါက် ကိုပါ (၃) စက္ကန့်ခန့်ပိတ်ထားသလိုဖြစ်နေပါတယ်။ တခါးပေါက် (၂)ပေါက်ကို (၃) စက္ကန့်ခန့် ပိတ်ဆို့ထားခြင်းသည် လူ (၆) ယောက်အသက်ရှင်လွှတ်မြှောက်ခြင်း ကို တားဆီးရာဖြစ်နေပါသည်။

- ဒိပြင် သင်အိတ်ဆွဲတာကိုတွေ့သဖြင့် နောက်ခရီး သည်ကလည်း သူတို့ရဲ့အိတ်များကို လုဆွဲကြမည်ဆိုရင် အချိန်ပိုကြန့်ကြာသွား သည့်တွက် အခြားသောခရီးသည်များ လွှတ်မြှောက်သင့်သော်လည်း မလွှတ် မြှောက်နိုင်တော့ဘဲ အသက်ဆုံးရှုံးနိုင်ပါတယ်။

- ဒိပြင်လက်ဆွဲအိတ်၊ ခရီးဆောင်အိတ်၏ထက်မြက်သောအရာများ၊ သော့ခလောက်များ၊ သတ္တုများသည် အရေးပေါ်ခုန်ချသောအခါ လေယာဉ်ထွက်ပေါက်လျှော (Exit Slide) ကိုထိုးဖေါက်မိခြင်း၊ ပေါက်ပြဲခြင်းများဖြစ်နိုင်ပြီး ထွက်ပေါက်လျှော ( Exit Slide) ကို နောက်လူသုံးလို့မရအောင်ဖျက်ဆီး ပြီးသားဖြစ်သွားနိုင်ပါသည်။

မော်စကိုလေဆိပ် ရုရှား လေယာဉ်ပျံ မတော်တဆမှုတွင် ခရီးသည်များ သည် မိမိတို့လက်ဆွဲအိတ်မပါဘဲ အရေးပေါ်ထွက်ပေါက်သို့ အမြန် ဆုံးပြေးပြီးထွက်သွားပါက အသက်ရှင်လွှတ်မြှောက်သည့်ခရီးသည်အရေ တွက်များလာပြီး၊ အသက်ဆုံးရှုံးမည့်လူအရေတွက်မရှိနိုင်သလို ဆုံးရှုံးမည့် အရေတွက်များစွာနည်းပါးပါလိမ့်မယ်။ ယခုချိန်တွင် လူအများ သို့မဟုတ် နိုင်ငံတကာမှလူအများသည် ခရီးဆောင်အိတ်နှင့်လွှတ်မြှောက်လာသော သူများကိုဝိုင်းဝန်းပြစ်တင်နေပါပြီ။

အကယ်၍ သင်သာ လွှတ်မြှောက်လာသော အဆိုပါခရီးသည် ဖြစ်နေလျှင် သင်ဘယ် လိုခံစားရမလဲ။ သင့်ရဲ့လက်ဆွဲအိတ်တွက် မဆုံးရှုံးသင့်ဘဲ အသက်ဆုံးခဲ့ သော အခြားသူများတွက် သင်တစ်သက်လုံးစိတ်ချမ်းသာ နိုင်ပါသလား။ သင်၏လက်ဆွဲအိတ်ကြောင့် အသက်ဆုံးရှုံးသွားသော ခရီးသွား များ၏ ကျန်ရစ်သူမိသားစုများကို ဘယ်လိုရင်ဆိုင်နိုင်ပါသလဲ။

၎င်း လေယာဉ်မတော်တဆမှုနှင့်မရှေးမနှောင်း မန္တလေးအပြည်ပြည်ဆိုင်ရာ လေဆိပ်တွင် မြန်အမျိုးသားလေကြောင်းပိုင် (MNA) မှာ လေယာဉ်တစ် စင်း ရှေ့ဘီးမပါဘဲ အောင်မြင်စွာဆင်းသက်နိုင်ခဲ့ပါတယ်။ အဆိုပါရေးပေါ် အခြနေတွင်-

- လေယာဉ်မှုးများ၏ကျွမ်းကျင်မှု
- လေယာဉ်မယ်များ၏တာဝန်ကျေမှု၊ ခရီးသည်များကိုဦးဆောင်နိုင်မှု
အပြင် ထူးခြားစွာသတိထားမိသည့်အရာတစ်ခုမှာ-

ခရီးသည်များရဲ့စနစ်တကျ #စည်းကမ်းရှိစွာလိုက်နာခြင်း
#စည်းကမ်းတကျပူးပေါင်းပါဝင်ခြင်း၊ #ခရီးသွားအိတ်များမဆွဲဘဲ အပြင်ကိုထွက်ခြင်း များကို ကိုယ်တိုင်တွေ့ရှိရသလို ကမ္ဘာတဝှမ်းမှ တွေ့မြင်ခဲ့ရသည့် အတွက် များစွာဝမ်းသာမိပါတယ်။

ထို့ကြောင့် နိုင်ငံတော်သို့၎င်း၊ မြန်မာအမျိုးသားလေကြောင်း (MNA) သို့ ရိုသေ စွာအကြံပေးလိုသည်မှာ-

မန္တလေးအပြည်ပြည်ဆိုင်ရာလေဆိပ်မတော်တဆမှုတွင် တာဝန်ကျေပြွန် ခဲ့သော လေယာဉ်မှုးများနှင့် လေယာဉ်မယ်များ၏လုပ်ငန်းကျွမ်း ကျင်မှုများကို အသိမှတ်ပြုဂုဏ်ပြုခြင်းနှင့်အတူ စနစ်တကျဖြင့်စည်းကမ်းရှိစွာ ပူးပေါင်းပါဝင် ခဲ့သောခရီးသွားများကို အသိမှတ်ပြု၊ ဂုဏ်ပြုပေးပါရန် အကြံပေး လိုပါတယ်။ ထိုကဲ့သို့ဂုဏ်ပြုပေးနိုင်ပါက လေကြောင်းအန္တာရယ်ကင်းရှင်းရေးကို ထိရောက်စွာ မြှင့်တင်၊ ပညာပေးရာရောက်ပါသည်။

လေစားစွာဖြင့်

စောလယ်ထူး (ကိုဒီးဒီ)
မေလ (၁၃) ရက်၊ ၂၀၁၉။