နိုင်ငံတော်အကြံပေးကိုအကြံပေးခြင်း

သရ၀ဏ်(ပြည်)

မြန်မာစကားပုံတွင် မိကျောင်းမင်းရေခင်းပြ ဟူ၍လည်းကောင်း ၊ဘုန်းကြီးစာချ ဟူ၍လည်ကောင်း ရှိသည် ။ ကိုယ့်ထက်တော်သူတတ်သူကို အကြံပေးရခြင်းအတွက်အားတုံ့အားနာဖြစ်ရပုံကို စကားပုံဖြင့်ဖွဲ့ဆိုကြခြင်းဖြစ်မည် ။ ယခုလည်း နိုင်ငံတော်အကြံပေးပုဂ္ဂိုလ်အားအကြံပေးပါရစေဆိုတော့ လူတွေကမျက်စေ့ဆံပင်မွှေးစူးကောင်းစူးမည် ။ မင်းကဘာကောင်မလို့လဲ ဟု ပြောကောင်းပြောမည် ။ မင်းကဘယ်လောက်တတ်လို့လဲဟုဆိုကောင်းဆိုမည် ။ ကျွန်ုပ်သည် ဘာကောင်မှလည်းမဟုတ်ပါ ။ ဘာမှလည်းမယ်မယ်ရရမတတ်ပါ ။ သို့သော် မျက်လှည့်ဝိုင်းတွင် ကန့်လန့်ကာနောက်မှကြည့်နေသူသည် ရှေ့ဆုံးတန်းမှကြည့်နေသူထက် နှစ်ဦးနှစ်ဘက်ကို ပို၍ မြင်တွေ့ ရသည်ကတကြောင်း ၊ တခါတရံတွင် ကွင်းထဲမှာမောကြီးပန်းကြီး ကစားနေသူထက် ကွင်းဘေးစည်းက သက်တောင့်သက်သာ ထိုင်ကြည့်သူသည် လစ်ဟာမှုများကိုပိုမြင်တွေ့ ရတတ်သည်ကတကြောင်း ၊ ရာထူးကြီးလွန်းသဖြင့် အောက်ခြေလူထုနှင့်နေ့တိုင်းနေ့တိုင်း ထိတွေ့ ခွင့်မရသူထက် နေ့စဉ်ဘ၀တွင်သာမန်သူလိုငါလို ဘ၀ဖြင့် နှစ် ငါးဆယ်မျှဖြတ်သန်းခဲ့သူနိုင်ငံသားတယောက်အနေနှင့်လည်းကောင်း ချောင်ကြိုချောင်ကြားမှ သိလာမြင်လာရသည်များကို မျှဝေပေးလိုသောသဘောမျှသာဖြစ်ပါသည် ။ ဤအတွေးကိုအဘယ်ကြောင့်ရသနည်းဟူမူ မကြာသေးခင်ရက်များက ဧရာဝတီတိုင်းအတွင်းသို့  ဒေါ်အောင်ဆန်းစုကြည်ရောက်လာ၍ ပြည်သူလူထုနှင့်တွေ့ ဆုံပွဲလုပ်ရာတွင် တောသူတောင်သားအဒေါ်ကြီးတယောက်က ဘဏ်များသို့ငွေစက္ကူများသွားရောက်အပ်နှံလျှင် အပ်နှံငွေထဲတွင်မိမိမသိလိုက်ပါပဲငွေစက္ကူအတုများပါလာပါက ဘဏ်သည် ကာယကံရှင် (ပိုက်ဆံပိုင်ရှင်)ကိုမည်သို့မျှတိုင်ပင်ရှင်းပြခြင်းမရှိပဲ ငွေစက္ကူကို အပေါက်ဖောက်ကာဖျက်ဆီးပစ်လိုက်ခြင်းကိုဖြေရှင်းပေးစေလိုကြောင်း တိုင်ကြားလာသည်ကိုဒေါ်အောင်ဆန်းစုကြည်ဖြေကြားသည်ကိုကြားရာမှ အတွေးရခြင်းဖြစ်ပါသည် ။ ငွေစက္ကူအကြောင်းကိုပြောလိုရင်းမဟုတ်ပါ ။ အောက်ခြေတွင်ဖြစ်ပျက်နေသော ကိစ္စများအားလုံးကို ဒေါ်အောင်ဆန်းစုကြည်အနေဖြင့် သိနိုင်မှာ မဟုတ်ဘူးဆိုခြင်းကိုတွေးမိခြင်းဖြစ်သည် ။ ထိုကိစ္စမှာ သာမန်ပြည်သူလူထုမှာ ဘဏ်တွေကဒုက္ခပေးသမျှ ကိုခံနေရတာ ဆယ်စုနှစ်နှင့်ချီနေပြီဖြစ်သည် ။ တိုင်ကာမှ ဒေါ်အောင်ဆန်းစုကြည် သိသွားသည့်သဘောရှိသည် ။ ထို့ကြောင့် အခြားကိစ္စများမှာလည်း ပမာဒလေခနေလျှင်ပြုပြင်နိုင်ပါစေ ၊ ဒေါ်အောင်ဆန်းစုကြည်မေ့လျော့နေပါက သတိရပါစေဟူသောစေတနာဖြင့်အောက်ပါကိစ္စများကို အကြံပေးရပါသတည်း။

၁။ သံချပ်တွေကိုဆင်ဆာမဖြတ်ပါနှင့်

ယခင်က မြန်မာ့ရိုးရာ သင်္ကြန်ဟူသမျှတွင် သံချပ်ထိုးခြင်းသည် ခေတ်ကို ကြေးမုံပြင်အဖြစ်ထင်ဟပ်ပြခြင်းဖြစ်သည် ။ နေပြည်တော်ရှိ နယ်ပယ်အသီးသီးဝယ်လွဲချော်နေသမျှ ကိုသံချပ်သမားတို့က ဟစ်တိုင်သဖွယ်ဟစ်ကြွေးမှ မင်းအစိုးရတို့ကသိရသဖြင့်ချွတ်ချော်တိမ်းပါးမှု မှန်သမျှကိုပြင်ကြရစမြဲဖြစ်သည် ။စာရေးဆရာအားလုံးနီးပါးက အာဏာရှင်ကိုတော်လှန်ရာတွင် မဆလခေတ်တလျှောက်လုံးသံချပ်လက်နက်ဖြင့်တိုက်ခိုက်ခဲ့ကြပါသည် ။ သို့သော်ယခုအခါတွင် စစ်အစိုးရလက်ထက်ကထားခဲ့သောအမွေကို NLD ခေတ်အထိသယ်လာကြသည် ။ သင်္ကြန်မဏ္ဍပ်များတွင် ပါဝင်ဖျော်ဖြေပြိုင်ပွဲဝင်သမျှသံချပ်တွေကို စာပေစာပေစိစစ်ရေးမရှိတော့သော်လည်း (ရှိနေဆဲကဲ့သို့ ) ဆင်ဆာလုပ် ကြိုတင်စိစစ်ကြပါသည် ။ ဘောင်းတော်ညိတ် စိတ်တော်သိ စစ်ဘက်၊အရပ်ဘက် အထက်ကလူကြီးများ ငြိုငြင်နိုင်သော စကားလုံးများကိုဖြုတ်ကြဖို့ ဖြတ်ကြဖို့လုပ်ပါလေတော့သည်။ ထိုကိစ္စကို ဒေါ်အောင်ဆန်းစုကြည် သိသည်ဟုမထင်ပါ ။ နေအိမ်အကျယ်ချုပ်ဖြင့် နှစ်ပေါင်းများစွာနေလာရသော ဒေါ်အောင်ဆန်းစုကြည်သည် စကားလုံးများကို တားဆီးတုပ်နှောင်သည်ကိုကြိုက်မည်မဟုတ်ပါ ။ အောက်ကလူတွေအဖားလွန်ဟန်ရှိသည် ။ သင်္ကြန်သံချပ်များသည် တိုင်းပြည်ကိုဖျက်နေသည်မဟုတ်ပါ ။ တိမ်းစောင်းနေတာတွေကိုတည့်မတ်ပေးနေခြင်းဖြစ်ပါသည် ။ မိမိတို့ကို ဝေဖန်ရင်လည်းခံနိုင်ရပေမည် ။ မှန်ကိုရိုက်ခွဲခြင်းဖြင့် မှန်တွင်ထင်လာသောအရိပ်များပျောက်ကွယ်သွားမည်မဟုတ် ။ မိမိကမမြင်ရတော့ခြင်းသာဖြစ်ပေမည် ။ အစိုးရသည် သံချပ်ကို မတားမြစ်သင့် ။

၂။ရုပ်ရှင်ဆင်ဆာအဖွဲ့ မရှိသင့်တော့

စာပေစိစစ်ရေးအဖွဲ့ကိုမဖျက်သိမ်းခင် လူတွေပူပန်တာ (စစ်အစိုးရကအကြောင်းပြတာ )တခု၇ှိသည် ။ စာပေစိစစ်ရေးမရှိတော့လျှင် လူတွေကအထိမ်းအကွပ်မရှိတော့ပဲ ရေးချင်ရာတွေရေးကုန်မှာပေါ့ ။ညစ်ညမ်းစာပေတွေပေါ်လာမှာပေါ့ ဟူ၍ဖြစ်သည် ။ တကယ် အလုပ်လုပ်ကြည့်သောအခါ စာပေစိစစ်ရေးမရှိတော့သော်လည်း စာရေးဆရာများသည် ကိုယ့်တာဝန်ကိုယ်ယူကာ မည်သူကမျှ လူ့အဖွဲ့အစည်းကိုဖျက်မည့်စာများမရေးကြပါ ။ အသရေဖျက်သောစာများရေးလျှင် ၊ ညစ်ညမ်းစာပေများရေးလျှင် ဥပဒေကြောင်းအရ တရားစွဲခံရနိုင်သော ဥပဒေများရှိပြီးဖြစ်ရာ မည်သို့မျှ ပရမ်းပတာမဖြစ်နိုင်တော့ပေ ။ရုပ်ရှင်တွင်လည်းဤသို့ပင်ဖြစ်ပါသည် ။ အသရေဖျက်မှု ၊ ညစ်ညမ်းရုပ်ပုံဖန်တီးဝေငှမှု ၊ နိုင်ငံတော်အကြည်ငြိုပျက်စေမှု ၊ နိုင်ငံတော်သစ္စာဖာက်ဖျက်ပုန်ကန်မှုစသည်ဖြင့် ဥပဒေတွေရှိထားပြီးဖြစ်ရာ ရုပ်ရှင်ဇာတ်ကားတွင်ဥပဒေချိုးဖောက်ပါက ဒါရိုက်တာနှင့်ထုတ်လုပ်သူကို တရားစွဲရုံပဲဖြစ်သည် ။ ဆိုရှယ်လစ်ခေတ် ၊ စစ်အာဏာရှင် ခေတ်မဟုတ်တော့သဖြင့် အနုပညာကို ဘောင်ခတ်ပြီးပိတ်လှောင်ထားခြင်းကားဒီမိုကရေစီနှင့်ဆန့်ကျင်ဘက်ဖြစ်ပါသည် ။

၃။ နိုင်ငံရေးအတွက်ဘာသာရေးကိုအလွဲသုံးနေသောအဖွဲ့များ ကို ပြတ်ပြတ်သားသားကိုင်တွယ်ပါ ။

ဖွဲ့စည်းပုံအခြေခံဥပဒေ ပုဒ်မ ၄၀၇ (ဃ) တွင် နိုင်ငံရေးပါတီ တရပ်ရပ်သည် ဘာသာရေးကိုနိုင်ငံရေးအတွက် အလွဲသုံးစား ပြုကြောင်း တွေ့ရှိလျှင် နိုင်ငံရေးပါတီအဖြစ်မှတ်ပုံတင်ထားခြင်းကိုပယ်ဖျက်ရမည် လို့ အတိအလင်းပြဌာန်းထားပါတယ် ။ ဒါ့ကြောင့်ရွေးကောက်ပွဲကော်မရှင်ဟာ နိုင်ငံရေးပါတီတွေအားလုံးကို ၂၀၀၈ဖွဲ့စည်းပုံအခြေခံဥပဒေပုဒ်မ ၄၀၇ နိုင်ငံရေးပါတီများဆက်လက်ရပ်တည်ပိုင်ခွင့်မရှိခြင်း ပုဒ်မ ခွဲ (က)၊(ခ)၊(ဂ)၊(ဃ) တို့ကို သတင်းစာမှာကြော်ငြာပြီး နိုင်ငံရေးအတွက် ဘာသာရေးမှိုင်းတိုက်နေတဲ့အဖွဲ့များကို သတိပေးရမှာဖြစ်ပါတယ် ။ ဘယ်ပါတီရယ်လို့မရည်ညွှန်းပဲ ဥပဒေကတော့ ဒီလိုဒီလိုရှိတယ် ။ ဒါ့ကြောင့် နိုင်ငံရေးအတွက် ဘာသာရေးကိုအလွဲသုံးနေတာရှိရင်ရပ်တန်းကရပ်ပါ။ မရပ်ရင်တော့ ပါတီဖျက်သိမ်းခံရနိုင်တယ်ဆိုတာကို ပြတ်ပြတ်သားသားကြေညာသင့်ပါတယ် ။ မ.ဘ.သ လို ဖျက်သိမ်းခံရပြီးသားအသင်းတွေ ၊မျိုးချစ်အဖွဲ့တွေလို တရားဝင်နိုင်ငံရေးပါတီမဟုတ်တဲ့အဖွဲ့တွေက တရားဝင်လိုလို ဘာလိုလို တံဆိပ်တွေဘာတွေအသုံးပြု ၊လူစုလူဝေးတွေလုပ်နေတာကို ပြတ်ပြတ်သားသား ဥပဒေအတိုင်းဆောင်ရွက်ရပါမယ် ။ ချစ်တာမုန်းတာတွေမပါပဲ ဥပဒေအတိုင်းတိတိကျကျ ဆောင်ရွက်တော့မယ်ဆိုတာ အများသိအောင်ကြေညာသင့်ပါတယ် ။နိုင်ငံမတည်ငြိမ်နိုင်တာဟာ အချို့အဖွဲ့တွေဟာ နိုင်ငံရေးအကျိုးအမြတ်အတွက် ဘာသာရေးကိုတလွဲအသုံးချနေလို့ပါပဲ ။

၎။ သမ္မတရုံး ပုံမှန်သတင်းစာရှင်းလင်းပွဲလုပ်ပါ ။

တရုတ်နိုင်ငံမှာတော့ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လူကန်းရဲ့ ပုံမှန်သတင်းစာရှင်းလင်းပွဲဟာနေ့စဉ်နီးပါး တောက်လျှောက် သတင်းစာရှင်းလင်းပွဲလုပ်နေခဲ့တာကိုတွေ့ရပါတယ် ။ ၂၀၁၉ အတွင်းမှာ တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ဟာ ဧပြီလ ၉ရက် ၊ ဧပြီလ၈ရက် ၊ဧပြီ ၄ရက် ၊ဧပြီ၃ ရက်တို့မှာဆက်တိုက်ပြုလုပ်ခဲ့ပြီး ၊ နိုင်ငံခြားရေးဌာနပြောခွင့်ရပုဂ္ဂိုလ်ဂွမ်လျှောင်ကတော့ ၂၀၁၉ ဧပြီလ ၂ရက် ၊ ဧပြီ ၁ ရက် ၊ မတ်လ ၂၈ရက် ၊ မတ်လ ၂၇ ရက် ၊ မတ်လ ၂၆ ရက် ၊မတ်လ ၂၅ ရက် ၊မတ်လ ၂၂ ရက် ၊၂၁ ရက် ၊ ၂၀ရက် ၊၁၉ရက် ၊၁၈ရက် ၊၁၄ ရက် ၊၁၃ရက် ၊၁၂ရက် ၊၁၁ရက် ၊၇ ရက် ၊၆ရက် ၊၅ရက် ၊၄ရက် ၊၁ ရက် နေ့တွေမှာ ပုံမှန်သတင်းစာရှင်းလင်းပွဲတွေလုပ်ခဲ့တယ် ။ နေ့တိုင်းနီးပါး နိုင်ငံခြားရေးဝန်ကြီးဌာနကသတင်းစာရှင်းလင်းပွဲလုပ်နေတာတွေ့ရမှာဖြစ်ပါတယ် ။ အမေရိကန်ပြည်ထောင်စုမှာတော့ သမ္မတရဲ့အိမ်တော် (အိမ်ဖြူတော်)မှာနေ့စဉ်သတင်းစာရှင်လင်းပွဲလုပ်ပေးပါတယ် ။ အရေးကြီးရင်သမ္မတကိုယ်တိုင်တက်ပါတယ် ။ ပုံမှန်အားဖြင့်တော့ မီဒီယာတာဝန်ခံ ( Press Secretary ) ကပဲ တာဝန်ယူပြီး သတင်းထောက်တွေကို သတင်းပေးပါတယ် ။ မြန်မာနိုင်ငံမှာ တော့ သတင်းထုတ်ပြန်ချက်တွေဟာ ပုံမှန်မရှိပဲ နှေးကွေးလေးလံလွန်းပါတယ် ။ ကိုယ့်နိုင်ငံရဲ့သတင်းတွေကို BBC တို့  AP တို့ ၊ AFP တို့ ၊ရိုက်တာ သတင်းဌာနတို့က ဖော်ပြမှပဲ ပြည်တွင်းသတင်းသမားတွေကသိခွင့်ရကြပါတယ် ။ ဘယ်သူ့ကိုမေးလို့မေး၇မှန်းလဲမသိပါ ။ သက်ဆိုင်သူတွေရဲ့ ဖုန်းနံပတ်တွေပေးထားပေမယ့်လည်း ဆက်မေးရင် ရေရေရာရာမပြောကြတာများပါတယ် ။ ဖုန်းမကိုင်တဲ့သူတွေတောင်ရှိတယ် ။ ဒီလိုအကျင့်မျိုးနဲ့တော့ ကမ္ဘာကိုထိုးဖောက်လို့မရပါ ။ သမ္မတရုံးကဖြစ်စေ ၊ နိုင်ငံတော်အတိုင်ပင်ခံရုံးကဖြစ်စေ ၊ နေ့စဉ် မဟုတ်တောင် အပတ်စဉ် ပုံမှန် သတင်းစာရှင်းလင်းပွဲ ရှိသင့်ပါတယ် ။ တလောတလောစိတ်ကူးပေါက်မှထပြီးသတင်းစာရှင်းလင်းပွဲလုပ်တာမျိုးဟာ ဒီမိုကရေစီမဆန်သလို အစိုးရပါးမ၀ရာရောက်ပါတယ်။ ၀န်ကြီးဌာနအားလုံးကလည်းပုံမှန်သတင်းစာရှင်းလင်းပွဲ လုပ်နေရမှာဖြစ်ပါတယ်။ သတင်းစီးဆင်းမှုကိုဒိထက်မြန်အောင်ဆောင်ရွက်ပေးသင့်ပါတယ် ။မလုပ်မနေရသတင်းစာရှင်းလင်းပွဲတွေဖြစ်လာအောင် နိုင်ငံတော်အတိုင်ပင်ခံပုဂ္ဂိုလ်ရဲ့ လုပ်ပိုင်ခွင့်နဲ့ တွန်းအားပေးသင့်ပါတယ် ။

၅။ ဒေါ်လာငွေစက္ကူတွေ ဟောင်းရင်လက်မခံတဲ့ကိစ္စ ကို ပြေလည်သည်အထိဆောင်ရွက်ပါ

ဘဏ်တွေနဲ့ ငွေလဲကောင်တာတွေရဲ့ ဒီညစ်ကွက်ကိုလဲ အတိုင်ပင်ခံပုဂ္ဂိုလ် သိမည်မထင်ပါ ။ မြန်မာပြည်မှာ ကမ္ဘာ့ဘယ်နိုင်ငံမှာမှမရှိတဲ့အကျင့်ထူးတခုရှိပါတယ် ။ အဲဒါကတော့ အမေရိကန်ဒေါ်လာငွေစက္ကူကို ဂျပန်ခေတ်က ဂျပန်ပိုက်ဆံလိုအသစ်ကြပ်ကြွတ် ထောင်မလဲသဲကော်အခြေအနေမဟုတ်ခဲ့ရင် သက်ဆိုင်ရာကလက်မခံတာ ပါပဲ ။သက်ဆိုင်ရာဆိုတာ ဘုရားဝင်ကြေးကောက်တဲ့နေရာတွေ ၊ ရှေးဟောင်းဇုန်ဝင်ကြေးပေးဆောင်ရတဲ့နေရာတွေ ၊ အစိုးရဘဏ် ၊ပုဂ္ဂလိကဘဏ်တွေ၊ ငွေလဲကောင်တာ ( money changer )တွေ ၊ဟိုတယ်တွေ ၊ လေယာဉ်လက်မှတ်အရောင်းဌာနတွေ စတဲ့ ဒေါ်လာနဲ့ပတ်သက်တဲ့နေရာဌာနအားလုံးပဲ ဖြစ်ပါတယ် ။သူတို့ အဓိကအကြောင်းပြကြတာကတော့ သူတို့လက်ထဲမှာရောက်လာတဲ့ ငွေစက္ကူအနွမ်းတွေကို သွားအပ်ရင် ဗဟိုဘဏ်က လက်မခံတာကြောင့် ရယ်လို့ယိုးမယ်ဖွဲံကြပါတယ် ။ ဗဟိုဘဏ်ကိုလည်းဘယ်သူမှသွားမေးခွင့်မရပါ ။ ဗဟိုဘဏ်က မဟုတ်ပါဘူး ယူပါတယ် လို့ပြောလာရင်လည်း အောက်ခြေမှာတော့ ခေါက်ရိုးလေးနည်းနည်းကျိုးတာနဲ့ ၊ နှမ်းစေ့လောက် မင်ကလေး တစက်လောက်စွန်းတာနဲ့မယူကြတော့ပါဘူး ။ နိုင်ငံခြားသားတွေကတော့ အဲဒိကိစ္စကိုအလွန်စိတ်ပျက် စိတ်ဆိုးကြပါတယ် ။ မြန်မာပြည်ကိုလည်း ဒေါ်လာငွေစက္ကူကို ဘုရားလောက်ကိုးကွယ်နေကြတဲ့ အရိုင်းအစိုင်းတွေဆိုတဲ့အကြည့်မျိုးနဲ့ကြည့်ကြပါတယ် ။ ဒီကိစ္စကိုတကယ်ရှင်းပေးချင်ရင်၊ ပိုက်ဆံဟာပိုက်ဆံပဲ အစစ်ဖြစ်မယ်ဆိုရင် ဘယ်လောက်ဟောင်းတဲ့ပိုက်ဆံပဲဖြစ်ဖြစ် အပ်ရင်လက်ခံတယ် ၊ရောင်းရင် ဈေးမနှိမ်ပဲဝယ်ပါတယ်ဆိုတဲ့ ဘဏ် နဲ့ ငွေလဲကောင်တာ ရန်ကုန်မှာ အနည်းဆုံး ၅ ခုလောက် ၊ ပုဂံ၊မန္တလေး၊ အင်းလေး ၊ ငပလီ ၊ ကျိုက်ထီးရိုး ၊ မြိတ် ၊ကော့သောင်း၊ကျိုင်းတုံ ၊ စတဲ့ မြို့တွေမှာ တခုစီလောက် ဖွင့်လှစ်ပေးသင့်ပါတယ် ။ အခုတော့ ဒေါ်လာစက္ကူလေးနည်းနည်း နွမ်းသွားတာနဲ့ ၊ခေါက်ရာလေး ထင်မိတာနဲ့ ၊ မင်ကလေး နှမ်းခေါင်းလောက်စွန်းတာနဲ့ လက်မခံဘူးလို့ပြောနေကြတာ၊ ဈေးနှိမ်ပြီးဝယ်တာ အင်မတန်ကို ရုပ်ပျက်ဆင်းပျက်ဖြစ်နေပါတယ် ။ ပြင်ကြပါဦး ။ စာရွက်ကလေးနဲ့ကြေညာချက်ထုတ်ရုံဝတ်ကြေ၀တ်ကုန်တော့ မပြင်ကြနဲ့ပေါ့။ ကိုယ့်မြန်မာပိုက်ဆံကျ ဟောင်းနွမ်းစုတ်ပြတ်နေလဲ နိုင်ငံခြားသားကလက်ခံရတယ် ။ သူတို့ပိုက်ဆံကျတော့ အသစ်ကြပ်ကြွတ်ဖြစ်ရမယ်ဆိုတာ အတော် ကို ရှက်စရာကောင်းတဲ့ ကိစ္စပါပဲ ။ ဒေါ်အောင်ဆန်းစုကြည်ကတော့ ဒါတွေသိမှာ မဟုတ်ပါဘူး ။

၆။ နိုင်ငံခြားဘဏ်တွေဖွင့်ခွင့် လုပ်ငန်းအပြည့်လုပ်ကိုင်ခွင့်တွေပေးပါ ။

နိုင်ငံခြံဘဏ်တွေ မြန်မာပြည်မှာဖွင့်ခွင့်မရသေးချိန် ၊ အချို့ဖွင့်ခွင့်ရသော်လည်း ကိုယ်စားလှယ်ရုံးလောက် ဖွင့်ခွင့်ရတာ ၊ မြန်မာဘဏ်တွေကိုပဲ ငွေချေးခွင့်ရသေးတာ လောက်ပဲ ရှိနေပါသေးတယ် ။ အဲဒိအချိန်မှာ ပြည်တွင်းဘဏ်တွေဟာ ဈေးကွက်ကို သူတို့ဘက်ကပဲ အစစအရာရာလက်ဝါးကြီးအုပ်ထားပါတော့တယ် ။ နိုင်ငံတကာမှာ မရှိတဲ့ အတိုးနှုန်းတွေနဲ့ငွေချေးတယ် ။ လုပ်ငန်း၇ှင်တွေဘယ်လိုမှ အလုပ်လုပ်လို့မဖြစ်တဲ့အတိုးနှုန်းတွေယူတယ် ။ မြန်မာလုပ်ငန်း၇ှင် ၈၀ ရာခိုင်နှုန်းဟာ ဘဏ်ကချေးငွေယူပြီးရင်ဘယ်တော့မှ ပြန်မဆပ်နိုင်တော့ပဲ စက်ရုံထိုးအပ် ၊ လုပ်ငန်းထိုးအပ်ရတော့တာပါပဲ ။ နိုင်ငံတကာဘဏ်တွေက အတိုးနှုန်းသက်သက်သာသာနဲ့ ပြည်တွင်းလုပ်ငန်းရှင်တွေကိုငွေထုတ်ချေးမယ်ဆိုတော့ ပြည်တွင်းက ပုဂ္ဂလိကဘဏ်တွေက အကြောင်းအမျိုးမျိုးပြပြီးဖျက်တော့တာပါပဲ ။ အဓိကအကြောင်းပြတာက နိုင်ငံတကာကဘဏ်ကြီးတွေဟာအရင်းအနှီးအလွန်များတယ် ။ အဲဒိဘဏ်ကြီးတွေ ပြည်တွင်းကို ၀င်လာပြီး အလုပ်လုပ်ခွင့်ပေးလိုက်ရင် ရှိပြီးသားတိုင်းရင်းသား ပုဂ္ဂလိကဘဏ်လေးတွေပြိုလဲသွားနိုင်တယ်ဆိုတဲ့ဆင်ခြေပဲဖြစ်ပါတယ် ။ သူတို့ပြောသလိုဆိုရင် အသေးစားနဲ့အလတ်စားလုပ်ငန်းရှင်လေးတွေ ၊ တဦးချင်းချေးငွေယူချင်တဲ့ မြန်မာနိုင်ငံသား တွေ ရဲ့မျက်နှာထက် သူတို့ဘဏ်သူဌေး ကိုးယောက်ဆယ်ယောက်လောက်ရဲ့မျက်နှာကိုပဲ နိုင်ငံတော်က ကာကွယ်ပေးနေရမလိုလို ၊ တိုင်းသူပြည်သားတွေဆီက အတိုးနှုန်းကောင်းကောင်းနဲ့ပြိုင်ဘက်မရှိရိတ်နေတာကိုပဲ နိုင်ငံတော်က သူတို့စားလို့မ၀မချင်းကြည့်နေရမလိုလိုပါပဲ ။ဒါ့ကြောင့် နိုင်ငံခြားဘဏ်တွေကိုဖွင့်ချလိုက်ပါ ။ ဦးနုလက်ထက်က ၊ပါလီမန်ဒီမိုကရေစီခေတ်က ဒီလိုပဲ နိုင်ငံခြားတွေ မြန်မာပြည်မှာ အပြည့်အ၀ လုပ်ကိုင်ခွင့်ရှိခဲ့ပါတယ် ။ တိုင်းပြည်မွဲသွားသလား ကောင်းခဲ့သလားဆိုတာ အထူးမပြောလိုတော့ပါဘူး ။

၇။ နိုင်ငံခြားလေကြောင်းလိုင်းတွေ ပြည်တွင်းမှာလုပ်ကိုင်ခွင့်ပေးပါ ။

အခုဟာက ရန်ကုန်ကနေဘန်ကောက်ကိုအသွားအပြန်အပြန်လေယာဉ်လက်မှတ်ဟာ Air Asia တို့ Nok Air တို့  Thai Lion Air တို့ဆို ဒေါ်လာ ၁၁၀ လောက် နဲ့ရပါတယ် ။ ရန်ကုန်-ဘန်ကောက် တကြောင်းတည်းဆို ၅၅ ဒေါ်လာလောက် ၆၀ လောက်ပေါ့ ။ အဲဒိအချိန်မှာ မြန်မာပြည်တွင်းလေကြောင်းလိုင်းတွေဟာ ရန်ကုန် -မန္တလေးကို မြန်မာငွေ ခြောက်သောင်းခွဲ ခုနစ်သောင်း ၊ နိုင်ငံခြားသားဆို ဒေါ်လာ ၇၀ ကနေ ၈၀ လောက်အထိ ယူနေကြတာပါ ။ ဆိုလိုတာက နိုင်ငံခြားသွားတာ ပြည်တွင်းသွားတာထက် လေယာဉ်ခကသက်သာနေတာပါ ။ အဲဒိအချိန်မှာ မလေးရှား Air Asia နဲ့ မြန်မာပြည်က FMI လေကြောင်းလိုင်းပူးပေါင်းပြီး ပြည်တွင်းခရီးစဉ်တွေပြေးဆွဲဖို့ တင်ပြတာကိုအစိုးရကငြင်းလိုက်ပါတယ် ။ မရှေးမနှောင်းမှာပဲ ဂျပန်နိုင်ငံရဲ့ ANA လေကြောင်းလိုင်းကြီး နဲ့  ရွေသံလွင်ကုမ္မဏီတို့ပေါင်းပြီး Asian Blue လေကြောင်းလိုင်း ပြေးဆွဲဖို့ကိစ္စကိုလည်းမြန်မာအာဏာပိုင်တွေကပယ်ချခဲ့ပါတယ် ။အကြောင်းပြချက်ကတော့ နဂိုကတည်းကအရှုံးနဲ့ရင်ဆိုင်နေရတဲ့ မြန်မာ ပုဂ္ဂလိကလေကြောင်းလိုင်းတွေ ဟာ နိုင်ငံခြားလေကြောင်းလိုင်းတွေဝင်လာရင်ပြုတ်ကုန်မှာစိုးလို့ပါတဲ့ ။ သိပ်ပြီးယုတ္တိမရှိတဲ့ဆင်ခြေလို့  ယူဆမိပါတယ် ။ နိုင်ငံခြားလေကြောင်းလိုင်းတွေဝင်မလာလဲ မြန်မာလေကြောင်းလိုင်းတွေရှုံးနေတယ်လို့ဆိုထားပြီးသားမို့လား ။ ရှုံးရခြင်းအကြောင်းက လေယာဉ် ဆီဈေးတွေဝယ်ရတာကြီးမြင့်တာ ၊ လေယာဉ်ရပ်နားခ အပါအ၀င် ကွင်းကြေးတွေ ကြီးတာ ၊ အထွေထွေစားရိတ်တွေကြီးတာ ၊ လေကြောင်းလိုင်းထောင်ထားပေမယ့် တကယ်တမ်းမှာ လေယာဉ်သုံးစီး လောက်ပဲရှိပြီးအဲဒိသုံးစီးလောက် ပျံသန်းရတဲ့ ၀င်ငွေအတွက် မြန်မာတနိုင်ငံလုံးလေဆိပ်ရှိတဲ့မြို့ကြီးတိုင်းမှာ ရုံးခွဲတွေဖွင့် ၊၀န်ထမ်းတွေခန့်ထားရတာ (လေယာဉ်ကသုံးစီး ၀န်ထမ်းက သုံးရာ ဖြစ်နေတာ ) ၊လေယာဉ်အသေးတွေဖြစ်တဲ့ ATR 72 (600) တွေများတဲ့အတွက် ဂျက်လေယာဉ်တွေ ၊ Airbus တွေလို လူအများကြီးမတင်နိုင်တော့ ဈေးမချနိုင်တာတွေ ၊လေယာဉ်တွေက ဖန်တရာတေနေတဲ့ ရန်ကုန် -မန္တလေး- ပုဂံ-အင်းလေး-ငပလီ နေရာငါးနေရာကိုပဲ လေကြောင်းလိုင်းအားလုံးကလုယက်ပြေးဆွဲနေကြတာကြောင့်ပဲဖြစ်ပါတယ် ။ နိုင်ငံခြားလေကြောင်းလိုင်းတွေဝင်လာရင် လေယာဉ်လက်မှတ်ခတွေဈေးကျမယ် ။ ကမ္ဘာ့အဆင့်မီ စီမံခန့်ခွဲမှု ၊၀န်ဆောင်မှုတွေကြောင့် လူတွေ လေယာဉ်ပိုစီးလာကြမယ် ။ လေယာဉ်မဆွဲသေးတဲ့ မြို့တွေကို ခရီးစဉ်အသစ်တွေအပြိုင်အဆိုင်ပေါ်လာမယ် ။ စသည်ဖြင့်ကောင်းကွက်တွေရှိပါတယ် ။ မြန်မာပြည်က ဘဏ်သူဌေးကြီးတွေ ၊ လေကြောင်းလိုင်းသူဌေးကြီးတွေ ၊ခရိုနီကြီးတွေဟာ သတ်သတ်စီမဟုတ်ပါဘူး ။ ဒီလူဒီလူတွေချည်းပါပဲ ။ သူတို့ကိုကာကွယ်မလား ၊ ၅၄ သန်းသောပြည်သူတွေသက်သာချောင်ချိတာကြည့်မလားဆိုတာစဉ်းစားကြရမှာပါ ။ ပြည်တွင်းလေကြောင်းဈေးကွက်ကိုနိုင်ငံတကာလေကြောင်းလိုင်းတွေကို ရဲရဲဖွင့်ချလိုက်စေချင်ပါတယ် ။တဖက်မှာလဲ လေယာဉ်ကွင်းရှိပြီး နေ့စဉ်လေယာဉ်မဆွဲ ပဲရပ်နားထားတာကြာပြီဖြစ်တဲ့ တဲ့ မြို့တွေ (ဥပမာ မော်လမြိုင်၊မကွေး၊ပြည်၊ပုသိမ် ၊ မုံရွာ စသည်ဖြင့် ) ကို ပုံမှန်ခရီးစဉ်တွေ ပြန်လည်ပြေးဆွဲကြဖို့ လုပ်ဆောင်သင့်ပါတယ် ။၉ယောက်စီး ၊ဆက်စနာလေယာဉ်လေးနဲ့ မစို့မပို့ဆွဲပေးတာမျိုးကိုမဆိုလိုပါ ။

၈။ လူ့အခွင့်အရေးကော်မရှင်ကို လုပ်ပိုင်ခွင့်ပိုပေးပါ ။

မြန်မာနိုင်ငံလူ့အခွင့်အရေးကော်မရှင်နဲ့ ၊ မြန်မာနိုင်ငံအဂတိလိုက်စားမှုတိုက်ဖျက်ရေးကော်မရှင် နှစ်ခုမှာအဓိကကွာခြားချက်ရှိပါတယ် ။အဲဒါကတော့ အဂတိလိုက်စားမှုတိုက်ဖျက်ရေးကော်မရှင်ဟာ တရားစွဲအဖွဲ့အစည်းဖြစ်ပါတယ် ။ သူဟာအဂတိလိုက်စားတယ်လို့ တိုင်ကြားခံရသူကို စစ်ဆေးခွင့်ရှိပါတယ် ။ စစ်ဆေးပြီးလို့သက်သေတွေခိုင်လုံရင်သူပဲတရားလိုလုပ်ပြီး တရားရုံးကို တရားစွဲဆိုတင်ပို့ ပါတယ် ။လူ့အခွင့်အရေးကော်မရှင်ကတော့ဒီလိုအာဏာပေးမထားပါဘူး ။ လူ့အခွင့်အရေးချိုးဖောက်ခံရတယ်လို့ တိုင်ကြားလာရင်စုံစမ်းပါတယ် ။ ပြီးရင် တွေ့ရှိချက်ကို သက်ဆိုင်ရာဝန်ကြီးဌာနကိုတင်ပြရပါတယ် ။ ကျောင်းခန်းထဲကမော်နီတာအဆင့်ပါပဲ ။ သူကိုယ်တိုင်တရားစွဲခွင့်မရှိတဲ့ စက္ကူကျားတကောင်ပါပဲ ။ ဒါ့ကြောင့် ရဲစခန်းတွေမှာ တရားခံအပေါ်မတရား အနိုင်ကျင့်တဲ့ လူ့အခွင့်အရေးချိုးဖောက်မှုတွေ မကြာခနကြားကြရတာပါ ။ အကျဉ်းထောင်တွေမှာ လူ့အခွင့်အရေးချိုးဖောက်မှုတွေမကြာခနကြားကြရတာပါ ။ ဒီတော့ လူ့အခွင့်အရေးချိုးဖောက်မှုကို အာဏာပိုင်တွေဘက်က ရပ်တန့်စေချင်တယ်ဆိုရင်တော့ အစီရင်ခံစာလေးရေးလိုက် အနေအစားချောင်သလိုနေလိုက်နဲ့ကတော့ ပန်းနဲ့ပေါက်တာလောက်ပဲရှိမှာ ။ ကိုမင်းကိုနိုင်တို့လို တကယ် ရာဇ၀င်ရှိတဲ့သူတွေကို လူ့အခွင့်အရေးကော်မရှင် မှာဥက္ကဌခန့်ပြီး တရားစွဲနိုင်တဲ့အခွင့်အာဏာအထိ ဥပဒေပြဌာန်းသတ်မှတ်ပေးရမှာဖြစ်ပါတယ် ။ အခုလူ့အခွင့်အရေးကော်မရှင်ရဲ့ပြောင်မြောက်တဲ့ လက်ရာ ဘာတခုမှမမြင်ရသေးတာ အသက်မရှိတဲ့ ဥပဒေကြောင့်ပါပဲ ။ဒါကိုပြင်ကြရပါမယ် ။

၉။ တရုတ်မယားအဖြစ်ရောင်းစားခံနေကြရတဲ့ မြန်မာမိန်းကလေးတွေ ကိုကယ်တင်ပါ

နှစ်ပိုင်းရှိပါတယ် ။ တရုတ်ကိုရောက်သွားပြီးတဲ့မြန်မာမိန်းကလေးတွေကို ဒိထက်ပိုပြီးဖိဖိစီးစီးကယ်တင်စေချင်ပါတယ် ။ နောက်တခုက ဟိုဘက်ကို မရောက်သေးခင်ကယ်တင်တဲ့ကိစ္စကို လဲ ဒိထက်ပိုပြီးဖိဖိစီးစီးလုပ်ကြစေချင်ပါတယ် ။ တရုတ်ဘက်မှာ လူမှောင်ခိုကူးမှုလို့မသတ်မှတ်ပဲ တရားဝင် လူသယ်ဆောင်လာခွင့်ရနေတာကိုလဲ သံတမန်ရေးလမ်းကြောင်းက (အခုလို Road and Belt တွေဘာတွေနဲ့ မြန်မာကိုတရုတ်ကလိုအပ်နေချိန်မျိုးမှာ ) ပိုပြီးပြင်းပြင်းထန်ထန်တောင်းဆိုသင့်ပါတယ် ။ မြန်မာပြည်ကမိန်းကလေးကိုသူတို့ဆန္ဒမပါပဲတရားမ၀င် နယ်စပ်ဖြတ်ကျော်သယ်ဆောင်လာခဲ့ရင် အဲဒါဟာ Human Trafficking လို့ခေါ်တဲ့လူမှောင်ခိုမှု လို့သတ်မှတ်ဖို့ ၊ တရုတ်နိုင်ငံသားတွေကို လူမှောင်ခိုမှုနဲ့ဖမ်းဆီးအပြစ်ပေးဖို့ မြန်မာဘက်ကတောင်းဆိုသင့်ပါတယ် ။ သူ့နိုင်ငံမှာဘာဥပဒေပြဌာန်းပါလို့အခြားနိုင်ငံတခုကမတောင်းဆိုနိုင်ပေမယ့် ၊ ဒီကိစ္စဟာ တကမ္ဘာလုံးက လူမှောင်ခိုကူးမှုလို့ သတ်မှတ်ထားတဲ့ရာဇ၀တ်မှုဖြစ်ပါတယ် ။ တရုတ်တနိုင်ငံထဲလူလည်ကျပြီး အဲဒိ ဥပဒေသူတို့နိုင်ငံမှာ မရှိသလိုလုပ်နေလို့မရပါဘူး။အနည်းဆုံးတော့မြန်မာဘက်ကပြင်းပြင်းထန်ထန်တောင်းဆိုရပါလိမ့်မယ် ။ မြန်မာမိန်းကလေးတွေဟာရောင်းကုန်မဟုတ်ဘူးဆိုတာ တရုတ်ကို တင်းတင်းမာမာပြောရပါလိမ့်မယ် ။

ဒိထက်ပြောစရာတွေရှိပါသေးတယ် ။ နိုင်ငံအတွက်အခမဲ့ စေတနာနဲ့အကြံပေးချင်တာတွေရှိပါသေးတယ် ။ စာမျက်နှာကိုငဲ့ကွက်ရတာကြောင့်အခုတော့ဒီလောက်ပါပဲ။ နောင်တချိန်အခါအခွင့်သင့်ရင် အလကားပဲတင်းထပ်ပြီး အကြံပေးပါရစေဦးခင်ဗျား။

သရ၀ဏ်(ပြည်)

စောင့်ကြည့်ဂျာနယ်
၁၈.၄.၂၀၁၉