WLC ပွဲ မန္တလေးမှာ လုပ်တော့မယ်ဆိုတဲ့ ကနဦး အချိန်ထဲက လူတစ်စု၏ စိန်ခေါ်မှုတွေ စတင်ခဲ့တာ လူတိုင်းအသိပါ။ ၂၂ရက်နေ့ တစ်ရက်ထဲ WLC နဲ့ အပြိုင် အခမဲ့ပွဲလုပ်မယ်ဆိုတာတွေ၊ ဘာတွေ ညာတွေ အစုံတင်ပြီး စိန်ခေါ်ကြတာတွေ ရှိခဲ့ဖူးတယ်။ နောက်တော့ မူးလို့ ပြောတာလိုလို၊ ကြောက်လို့ ပြေးသလိုလိုနဲ့ ပျောက်ကွယ်သွားကြတာပါပဲ။
အဲ့ဒီနောက် WLC ပွဲမှာ တောက်တိုမယ်ရ လုပ်ခွင့်ရဖို့ လူတစ်ယောက် ချဉ်းကပ်လာတယ်။
မိတ်ဆွေတွေကအစ (( သူ့ကို ဂွင်တစ်ခုခုချပေးလိုက်ဖို့ တိုက်တွန်းကြပါတယ်။အဲ့လို မပေးလို့ ဆိုင်းဘုတ်ထောင်ရင် ဆိုင်းဘုတ်ကို တပည့်ငှားပြီး ဖျက်ခိုင်းတတ်တဲ့ အကျင့်ရှိတယ်။ အဲ့ဒါကြောင့် ၅သိန်းဖိုးလောက် မုန့်ဖိုးပေးရင် ငြိမ်သွားပါလိမ့်မယ်။သူများတွေလဲ ဒီလိုပဲ ငွေပေးအလုပ်ပေးပြီး ပြဿနာမဖြစ်အောင်ညှိခဲ့တာတွေရှိတာကြောင့် ကို ဇေ မပေးရင် ကျွန်တော် စိုက်ပြီး ပေးလိုက်မယ်။ )) စသည်ဖြင့် ကျွန်တော့ပွဲကို မထိခိုက်စေလိုသော မိတ်ဆွေတွေက ၀ိုင်းဝန်းအကြံပေးရင်း ကူညီကြပါတယ်။
ခြိမ်းခြောက်ပြီး ငွေတောင်းတဲ့ကိစ္စမို့ လက်မခံနိုင်ကြောင်း ပြောလိုက်ပါတယ်။ ကျွန်တော်ငြင်းလိုက်တဲ့ ကိစ္စကြောင့် ဆိုင်းဘုတ်ဖျက်ခံရတော့မယ်ဆိုတာ ကြိုသိထားပြီးသားပါ။ အဲ့ဒီလူကို ဒီနေရာကနေပြောချင်တာက ဆိုင်းဘုတ်ကို ညဘက်မှာ ခိုးဖျက်တာလောက်နဲ့တော့ မန္တလေးမှာ လူမိုက်မလုပ်ပါနဲ့။ ရိုးရာလက်ဝှေ့လောက ကလဲဖြစ်တာဆိုတော့ ကြိုးဝိုင်းလဲ အဆင်သင့်ရှိတဲ့အချိန်မှာ ကျွန်တော်လဲ ရှိနေတယ်ဆိုရင်.. ကြိုးဝိုင်းပေါ်တက် စိန်ခေါ်လိုက်ပါ။ ကြိုးဝိုင်းပေါ် ကျွန်တော် မတက်လာရင် ကန်တော့ပြီး ရန်ကုန်ပြန်ပါ့မယ်။ လက်ဝှေ့ထိုးဖူးတယ်ဆိုတဲ့ ခင်ဗျားကို စင်ပေါ်မှာ တစ်ချီတော့ ပြည့်အောင် ရင်ဆိုင်ပေးမယ်။ ယောင်္ကျားတွေလို ရင်ဆိုင်ကြည့်ပါ လူမိုက်ကြီးရယ်။
ဇေသီဟ
No comments:
Post a Comment