 |
| ရက္ခိုင့်တပ်မတော် AA ရဲ့ တပ်ဖွဲ့ဝင်တချို့ကို တွေ့ရစဉ် / ဓာတ်ပုံ - ရက္ခိုင့်တပ်မတော် - သတင်းနှင့် ပြန်ကြားရေးဌာန |
ဘူးသီးတောင်မြို့နယ် စည်တောင်နဲ့ ကန်ပြင်ရွာကြားမှာ မနေ့ကမနက် ၉ နာရီလောက်ကစပြီး တိုက်ပွဲဖြစ်ပွား တာဖြစ်ပြီး ကျောက်တော်မြို့နယ် သလူချောင်းရွာအနီးမှာလည်း တိုက်ပွဲတွေ ပြင်းထန်ခဲ့တယ်လို့ AA သတင်းနဲ့ပြန်ကြားရေးတာဝန်ခံ ခိုင်သုခက RFA ကို ပြောပါတယ်။
ဒီကနေ့မနက်ပိုင်းအထိလည်း ပစ်ခတ်နေကြဆဲဖြစ်ပြီး စစ်ရေးတင်းမာနေတာကြောင့် ဒေသခံတွေက ထွက်ပြေးနေ ကြတာဖြစ်တယ်လို့ ဘူးသီးတောင်မြို့နယ် ပြည်နယ်လွှတ်တော် ကိုယ်စားလှယ် ဦးထွန်းအောင်သိန်းက ပြောပါတယ်။
လက်နက်ကြီးကျည်တွေက အဲဒီရွာအနီးပတ်ဝန်းကျင်ကို ကျရောက်ပေါက်ကွဲတာတွေလည်း ရှိတယ်လို့ သိရပါတယ်။
စည်တောင် နဲ့ ကန်ပြင်ရွာကနေ ထွက်ပြေးလာကြတဲ့ ဒုက္ခသည် ၂၀၀ ကျော်ဟာ လက်ရှိမှာ ဘူးသီးတောင်မြို့နယ် အတွင်းက တိုက်ပွဲတွေနဲ့ အလှမ်းဝေးတဲ့ ဆင်ခုံတိုင်၊ စေတီတောင်၊ စပါးထား စတဲ့ ရွာ ၆ ရွာတို့မှာ ခိုလှုံနေကြ တယ်လို့ ပြောပါတယ်။
ကျောက်တော်မြို့နယ် ၀ါးတောင်ကျေးရွာမှာ ဒီနေ့မနက်က စစ်ဘေးဒုက္ခသည် ၈၀၀ ကျော်ရှိရာကနေ ညနေပိုင်း မှာဆိုရင် ၉၀၀ ကျော်အထိ ရှိလာပါတယ်။
သူတို့ဟာ မြန်မာ့တပ်မတော်က ယိုးချောင်းအထက်ပိုင်းဒေသကို စားနပ်ရိက္ခာသယ်ယူခွင့် ကန့်သတ်တားမြစ်ထား တဲ့အတွက် စားဝတ်နေရေး အခက်အခဲဖြစ်ပြီး ထွက်ပြေးလာကြတာလို့ ဒုက္ခသည်တွေက ပြောကြပါတယ်။
ဇန်န၀ါရီလ ၁ရက်နေ့ တိုက်ပွဲတွေနဲ့ပတ်သက်လို့ အနောက်ပိုင်းတိုင်းစစ်ဌာနချုပ် နပခ ဗိုလ်မှူးကြီး ၀င်းဇော်ဦးကို RFA က အကြိမ်ကြိမ်ဆက်သွယ်ပေမယ့် ဆက်သွယ်လို့ မရခဲ့ပါဘူး။
ဒီသတင်းကို RFA သတင်းထောက် ကိုကျော်သူ ပေးပို့တာပါ။
RFA Burmese
https://www.rfa.org/burmese
No comments:
Post a Comment