၂၀၁၉ခုနှစ်၊ ဇန်နဝါရီလ ၁၅ ရက်နေ့ ၂၂၀၅ အချိန်ခန့် က ရမည်းသင်းမြို့နယ်၊ ရန်ကုန်- မန္တလေးပုံမှန် ကားလမ်း မိုင်တိုင်(၂၇၆/၂၀-၂၁) ကြားရှိ အင်ကြင်းကန်ဘူတာနှင့် ရမည်းသင်းဘူတာကြားတွင် ရထားနှင့် ဆိုင်ကယ်တို့ တိုက်မိ၍ အမျိုးသား ၂ ဦး သေဆုံးကြောင်း သိရပါသည်။
အင်ကြင်းကန်ဘူတာနှင့် ရမည်းသင်းဘူတာကြား တရားဝင် ရထားသံလမ်းကူးဂိတ်၌ အမှတ်(၄) အစုန် မန္တလေး-ရန်ကုန် ရထားဖြတ်သန်းနေသဖြင့် ရထားသံလမ်းကူး ဂိတ်စောင့်တာဝန်ကျ ဦးမြင့်ဝင်းမှ ဂိတ်တံခါးအား ပိတ်ထားစဉ် နိုင်ဝင်း(၄၅)နှစ်မောင်းနှင်ပြီး ရဲဆွေ (၂၄)နှစ်လိုက်ပါလာသော ဆိုင်ကယ်ဖြင့် ဂိတ်တံခါးဘေးမှ ရထားသံလမ်းအား ဖြတ်ကူးရာ ရထားစက်ခေါင်း ဖြင့် တိုက်မိခဲ့ခြင်း ဖြစ်သည်။
၎င်းတို့ ၂ ဦးတွင် ဦးခေါင်းပေါက်ပြဲ/မျက်လုံးကျွတ်ထွက် ဒဏ်ရာများဖြင့် အခင်းဖြစ် နေရာတွင် သေဆုံးခဲ့ပြီး ၂၃၄၅ အချိန်တွင် ရမည်းသင်းပြည်သူ့ဆေးရုံသို့ ပို့ဆောင်ခဲ့ကာ ဇန်နဝါရီလ ၁၆ ရက်နေ့ ၀၂၀၀ အချိန် ရမည်းသင်းမြို့မရဲစခန်း သေမှုသေခင်းအမှတ်စဉ် (၁/၂၀၁၉)ဖြင့် ရေးဖွင့် စစ်ဆေးလျက်ရှိကြောင်း ပြည်ထဲရေးဝန်ကြီးဌာန၏ သတင်းထုတ်ပြန်ချက်အရ သိရပါသည်။
သစ်ထူးလွင်
No comments:
Post a Comment