ဒီဇင်ဘာ ၂၄ မိုးကုတ်
မိုးကုတ်မြို့ ရွာသာယာကျေးရွာ ( ဘားနပ်စ် ) တွင် ရွာတစ်ရွာလုံးနီးပါးခန့် ရေခဲနေမှု ကြောင့် ဒေသခံများနှင့် ပြည်တွင်းခရီးသွားဧည့်သည်များ လာရောက်လည်ပတ် သူများပြားလာကြောင်းသိရသည် ။
အဆိုပါ ကျေးရွာတွင် နေလမ်းကြောင်းနှင့် အဝေးဆုံး နေရာတစ်နေရာဖြစ်သည့်အတွက် ပျှမ်းမျှအပူချိန်တို့ထက် 0 ဒီဂရီစင်တီဂရိတ် နှင့် အနှုတ် 1 ဒီဂရီစင်တီဂရိတ် အောက်ကို လျော့ခဲ့သည့်အတွက် ရေခဲခြင်းဖြစ်ကြောင်း သိရသည် ။
" ရေစခဲတာကတော့ မနေ့ကစခဲတယ် ။ ရေခဲတာကို လာကြည့်ချင် အလှဓါတ်ပုံလာရိုက်ချင် သူတွေကတော့ တစ်နေ့နဲ့တစ်နေ့ တော်တော်များများလာလည်ကြတယ် ။ ဒါပေမယ့် ဒီနှစ်က အရင် နှစ်တွေတုန်းကလောက်တော့ ရေသိပ်မခဲသေးဘူး " ဟု ရွာသာယာကျေးရွာ ( ဘားနပ်စ် ) ဒေသခံကိုမျိုးဝင်းက ပြောသည် ။
ယင်းကျေးရွာသည် မိုးကုတ်မြို့၏ အနောက်တောင်ဘက်တွင်တည်ရှိပြီး မြို့နှင့် ရှစ်မိုင်ခန့် အကွာတွင်တည်ရှိသည့် ရွာတစ်ရွာဖြစ်သည် ။ ကျေးရွာတွင် နှစ်ပေါင်း ၁၂၀ ကျော်သက်တမ်းရှိ ဘားနပ်စ် စစ်သချိ င်္ူင်းဟုခေါ်သည့် အင်္ဂလိပ် စစ်သချိ င်္ူင်း တစ်ခုလည်း တည်ရှိသည် ။
မိုးကုတ်မြို့သည် တောတောင်များ ပတ်လည်ဝိုင်းကာ တစ်ဆယ့်နှစ်ရာသီ ပတ်လုံး အေးမြသောရာသီဥတုနှင့် သမိုင်းဝင်စေတီပုထိုးမြောက်များစွာ တည်ရှိသောမြို့တစ်မြို့ဖြစ်သည် ။
မိုးကုတ်မြို့တွင် တိုင်းရင်းသားလူမျိုးပေါင်းစုံ နေပြီး ကမ္ဘာကျော်ကျောက်ပတ္တမြားအပါအဝင် အဖိုးတန်ကျောက်မျက်ရတနာများ မျိုးစုံ ထွက်ရှိသော မြို့တစ်မြို့ဖြစ်သည် ။
သတင်း - နေထက် ( Mogok Views )
ဓါတ်ပုံ - ဘော်ဘီဒေါက်တာ ၊ ကျော်ထွန်း (မိုးကုတ်)
No comments:
Post a Comment