သူတစ်ပါးအိမ်ထောင်ကို ဖြိုခွဲတဲ့သူတွေခံစားရမယ့် အရာ(၅)မျိုး

လောကမှာ ကြောက်စရာအကောင်းဆုံးနဲ့ အယုတ်ညံ့
ဆုံးလုပ်ရပ်တွေထဲမှာသူတစ်ပါးအိမ်ထောင်ကိုဖြိုခွဲတာ
လည်း တစ်ခုအပါအဝင်ဖြစ်ပါတယ်
ဒီလိုလူတွေက ယာယီတော့ ပျော်ရွှင်ရမယ်
ဒါပေမယ့်ဘယ်တော့မှ ငြိမ်းချမ်းမှု၊ ပျော်ရွှင်မှုကိုရရှိမှာ
မဟုတ်ပါဘူး
သူတစ်ပါးမိသားစုကိုဖြိုခွဲတဲ့သူတွေ၊ဖောက်ပြန်တဲ့သူ
တွေခံစားရမယ့်အရာတွေကို ဖော်ပြပေးလိုက်ပါတယ်
အားလုံးလည်း သတိထားဆင်ခြင်နိုင်ကြပါစေ။

(၁) ပူလောင်ခြင်း
သူတစ်ပါးအိမ်ထောင်ကိုဖြိုခွဲတဲ့သူတွေနဲ့ ဖောက်ပြန်တဲ့သူတွေ အမြဲတမ်းခံစားနေရမယ့်အရာကတော့ပူလောင်ခြင်းပါပဲ
သူတို့ရင်ထဲမှာ နောင်တရသလိုလို၊ ကျေနပ်သလိုလိုမှားနေသလိုလို၊ မှန်နေပြန်သလိုလို မသေချာမရေရာတဲ့ခံစားချက်တွေ အမျိုးမျိုးဖြစ်နေပြီး ဘယ်တော့မှအေးချမ်းရမှာမဟုတ်ပါဘူး
တစ်ခါတလေအလိုလိုနေရင်း ဒေါသတွေထွက် ရှူးရှူး
ရှားရှားတွေဖြစ်ပြီးဘာတွေကိုဒေါသထွက်လို့ထွက်မှန်း
မသိအောင်ကို ပူလောင်ပြီး အရူးတစ်ယောက်လို ဖြစ်နေမှာပါ။

(၂) စိုးရိမ်ထိတ်လန့်ခြင်း
ဒီလိုလူမျိုးတွေရဲ့ပတ်သက်မှုဟာ မတရားသဖြင့်ရရှိ
ထားတဲ့ ပတ်သက်မှု မျိုးဖြစ်တာကြောင့် အမြဲတမ်းပူပင်သောကရောက်နေရမှာပါ
ဒါ့အပြင်ဘယ်တော့ဝဋ်ပြန်လည်မလဲ၊ဘယ်တော့များတခြားသူနောက်ပြန်ပါသွားမလဲ၊
ကိုယ့်ကိုယ်ဘယ်တော့ထားသွားမလဲဆိုပြီး တစ်ချိန်
လုံး စိုးရိမ်သောကရောက်နေရမှာပါ
ဒါ့အပြင် ကြာလာတဲ့အခါသူတို့ကြားမှာနည်းနည်း
လေး ပြဿနာ ရှိလာတာနဲ့ တစ်ယောက်နဲ့ တစ်ယောက်အပြစ်တင်ပြီး စိတ်ညစ်ပြီးရင်းညစ်လာရ
မှာပါ။

(၃) ဝဋ်လည်ခြင်း
ဝဋ်ဆိုတာက တကယ်ကိုလည်ပါတယ်
ခုခေတ်မှာ ဝဋ်လည်တာပိုတောင်မြန်ပါသေးတယ်
ဒါကြောင့် ဒီလိုလူတွေဟာ သူတစ်ပါးကို မျက်ရည်
ကျအောင်၊ရင်ကွဲအောင်၊နာကျင်အောင်လုပ်ခဲ့သမျှ
သူတို့ပြန်ခံစားရမှာပါ
သူတစ်ပါးမျက်ရည်နဲ့တည်ဆောက်ထားတဲ့သူတို့တွေ
ရဲ့ ပတ်သက်မှုဟာ ဘယ်တော့မှ ပျော်စရာကောင်းလာမှာ မဟုတ်သလို
တစ်ချိန်မှာ ကျိန်းသေပေါက်ဝဋ်ပြန်လည်လာတဲ့အခါ
ကျရင် သူတို့ကို ကူညီမယ့်သူ၊ သနားမယ့်သူ တစ်
ယောက်မှတောင်ရှိမှာ မဟုတ်ပါဘူး။

(၄) လူတွေရဲ့အထင်အမြင်သေးခြင်း
သူတစ်ပါးအိမ်ထောင်ကိုဖြိုခွဲတဲ့သူ၊ ဖောက်ပြန်တဲ့သူတွေ
ဟာဘယ်လောက်ပဲ စည်းစိမ်ဥစ္စာတွေရှိရှိ၊ ဘယ်လောက်
ပဲပညာအရည်အချင်းမြင့်မြင့် ဘယ်သူကမှသူတို့ကို လေး
စားတော့မှမဟုတ်သလိုဘယ်သူကမှလည်း သူတို့ကိုယုံကြည်တော့မှာမဟုတ်ပါဘူး
သူတို့ရဲ့ စည်းစိမ်ဥစ္စာ၊ နာမည်၊ ဂုဏ်ကြောင့်သာအပေါ်
ယံပေါင်းချင်ပေါင်းမယ်၊ ဒါပေမယ့် စိတ်ထဲမှာတော့သူတို့
ကို အထင်အမြင်အရမ်းသေးနေမှာဖြစ်ပါတယ်
ဒုက္ခရောက်တဲ့အချိန်တွေမှာတောင် ကူညီမယ့်သူတစ်
ယောက်မှ ရှိမှာ မဟုတ်ပါဘူး။

(၅) နောင်တတရား
သူတစ်ပါးရဲ့အိမ်ထောင်ကိုဖြိုခွဲတဲ့သူတွေနဲ့ ဖောက်ပြန်
တဲ့သူတွေဟာ နောင်တတရားနဲ့ အဆုံးသတ်ရလေ့ရှိပါတယ်
သူတို့ရဲ့ သားသမီးတွေရဲ့ နာကျည်းခြင်းကိုခံရတဲ့အခါ
အရာအားလုံးကို နောင်တရပြီး စစ်မှန်တဲ့ မေတ္တာတရား
ကို တောင့်တလာတဲ့အခါမှာ ဘယ်သူမှ သူတို့အနားမှာ
ရှိတော့မှာ မဟုတ်ပါဘူး
အရင်အချိန်တွေ၊ အရင်တုန်းကဖြူစင်ခဲ့တဲ့ အတိတ်တွေ
ကိုဘယ်လောက်ပဲပြန် လိုချင်လိုချင် သူတို့ကိုယ်တိုင်က
အမဲစက်ဖြစ်နေတဲ့အတွက် ဘယ်တော့မှပြန်ပြီး မဖြူစင်
နိုင်တော့ပါဘူး ။

“ကာမေသုမိစ္ဆာစာရကံရဲ့ ဆိုးကျိုးများ”
••••••••••••••••••••••••••••••••••
ရှေးတုန်းက “ဧရကစ္ဆမြို့” မှာ ရွှေပန်းတိမ်သည်
သူဌေးသားလူငယ်တစ်ယောက် ရှိခဲ့တယ်။
ဥစ္စာပေါ ရုပ်ချောဆိုတာ လူတကာငေးရတာပေါ့။
ငွေရှိတော့ ထင်တိုင်းကြဲ ပျိုပျိုအိုအို သူနဲ့ ကင်းလွတ်သူ
မရှိသလောက်ပါပဲ။ ဒီလိုပျော်ပါးရင်းနဲ့ပဲ ဘ၀ကုန်ဆုံးတော့
“ငရဲ”ကျရောက်ပါတယ်။

“ငရဲ”က လွတ်ပြန်တော့ မျောက်ဘ၀၊ ဆိတ်ဘ၀၊
နွားဘ၀တွေမှာ ဖြစ်တယ်။ဖြစ်တိုင်းပဲ သင်းကွပ်ခြင်းကို
ခံရပါတယ်။ နွားဘ၀မှာ မျက်စိကန်းလို့ မကျန်းမမာ
ဖြစ်နေတာတောင် ထွန်ဆွဲရ၊ လှည်းရုန်းရနဲ့
မပြတ်လုပ်နေရတယ်။

နောက်ဘ၀ကျတော့ “ကျွန်အမျိုးသမီး”တစ်ဦးရဲ့ သားဖြစ်တယ်။
သားဆိုပေမယ့် ယောက်ျားမဟုတ်၊ မိန်းမဟုတ်တဲ့ “နပုံးပဏ္ဍုပ်”ပါ။
အသက်သုံးဆယ်မှာ သေဆုံးလို့ ဆင်းရဲသားလှည်းကူလီရဲ့
သမီးထပ်ဖြစ်ပြန်ရော။ အကြွေးမပေးနိုင်လို့ ၊
လှည်းကုန်သည်က လှည်းကူလီရဲ့ သမီးကို အကြွေးနဲ့သိမ်းလိုက်ပါတယ်။
၁၆ နှစ်အရွယ်မှာ မယားရှိတဲ့ “လှည်းကုန်သည်သား”က
ချစ်လှပါတယ်ဆိုပြီး “မယားငယ်”အဖြစ်နဲ့ သိမ်းပိုက်ခံရတယ်။

ကျေနပ်အောင် ပြုစုသော်လည်းပဲ “မေတ္တာစစ်”ကို မရခဲ့ပါဘူး။
အဲဘ၀ကနေ သေဆုံးတော့ ဂေါတမဘုရားရှင်လက်ထက်မှာ
“ဥဇ္ဇေနီပြည် သူဌေး”တစ်ဦးရဲ့ “သမီး” ဖြစ်ပါတယ်။
အရွယ်ရောက်တော့ သာကေတသူဌေးသား တစ်ယောက်နဲ့
လက်ထပ်ခဲ့တယ်။ လိမ်လိမ်မာမာနေကာ
မယားဝတ်ကျေအောင် ပြုစုပါသော်လည်း နောက်တော့
လင်ရဲ့ စွန့်ပစ်ခြင်း ကို ခံရပြန်ပါတယ်။
နောက်တစ်ယောက်နဲ့ ထပ်ပြု၊ ပြန်ကွဲ။
ဒီလိုနဲ့ “အိမ်ထောင်သုံးဆက်”ရှိတာ သုံးဆက်လုံး
“လင်စွန့်ပစ်တာ” ကို ခံရတယ်။ အပြစ်များလှပါပေတယ်။
ရွှေပန်းထိမ်သည်ဘ၀နဲ့ ငွေကို ရေလိုသုံးခဲ့သမျှ
ခံရတာမသက်သာပါလား။

နောက်ဆုံးမှာတော့ “ဇိနဒတ္တာထေရီမ” နဲ့ တွေ့လို့ တရားနာရတယ်။ ဘိက္ခုနီမ၀တ်တရားအားထုတ်လိုက်တာ“ရဟန္တာမ” ဖြစ်သွား ပါတော့တယ်။
ဒီတော့မှ “ကာမေသုမိစ္ဆာစာရကံရဲ့ ၀ဋ်ကြွေး”မှလွတ်မြောက်သွားပါတော့တယ်။

သူများသားမယားဖောက်ပြားတဲ့ကံဟာ ဆိုးကျိုးများပြားလှပါတယ်။
ဒါကြောင့်ပဲ ရှေးဆရာတော်များက လူအများတို့
ကာမေသု မိစ္ဆာစာရအပြစ်များကို အလွယ်တကူ
သိရှိကြပြီး ရှောင်ကြဉ်နိုင်ကြရန်အတွက် ခုလိုကဗျာစပ်ခဲ့ပါတယ်။

“သူ့လင်သူမယား၊ မရှောင်ရှားဘဲ၊ ပြစ်မှားလေမှု၊
ထိုသည့်သူအား၊ ရန်သူပေါများ၊ ချစ်သူရှား၏။
ယောကျားမပီ၊ မ,မပီပဲ၊ မကြည်အိနြေ္ဒ၊
ကျက်သရေမရှိ၊ ဟိရိမကပ်၊ သြတ္တပ်ကင်းကွာ၊
အင်္ဂါချိုတဲ့၊ ရှိန်ဇော်မဲ့၍၊ ချို့တဲ့ဥစ္စာ၊ ဆင်းရဲရှာ၏။
ကွဲကွာချစ်သူ၊ သောကဆူလျက်၊ စိတ်ပူပြင်းပြ၊
စိုးကြောင့်ကြနှင့်၊ လားရဒုဂ္ဂတိ၊ ဆင်းရဲဖိသည်။
ရ၏ဆိုးကျိုးများစွာတည်း။”

အရမ်းကြောက်စရာကောင်းလှပါတယ်။
စာချစ်ပရိသတ်များလည်း ဒီလို “၀ဋ်” မျိုးမခံရအောင်
“ကာမေသုမိစ္ဆာစာရကံ” ကို ရှောင်ကြဉ်ပြီး
အချစ်စစ်ကိုရှာ ဘ၀လက်တွဲဖော်နဲ့သာ
လှပတဲ့ဘ၀တစ်ခုတည်ဆောက်ဖို့ တိုက်တွန်းပါတယ်။

- 【ရွှေစမ်းမြေ အရှင်က၀ိဓဇသာရ】

youngbuddhistassociation