 |
| ဆူဖန်ဘူရီကယ်ဆယ်ရေးတွေ ကလေးအလောင်း သယ်လာပုံ (credit- Suphan Buri Relief Volunteer ) |
ထိုင်းနိုင်ငံ ဆူဖန်ဘူရီခရိုင် အတွင်းက ဧကပေါင်းရာနဲ့ ချီ ကျယ်ဝန်းတဲ့ ကြံတောထဲမှာ ဒီဇင်ဘာလ ၁၇ ရက်မနက်ကတဲက ပျောက်ဆုံးသွားခဲတဲ့ နှစ်နှစ်သားအရွယ် မြန်မာကလေးငယ်ရဲ့ ရုပ်အလောင်းကို သူပျောက်ဆုံးသွားတဲ့နေရာနဲ့ ၅ ကီလိုမီတာ လောက်အကွာက ရေကန်ထဲမှာ ဒီဇင်ဘာလ ၂၅ ရက်နေ့က ပြန်တွေ့တဲ့အကြောင်း အဲဒီနေ့ညနေပိုင်းမှာလုပ်တဲ့ သတင်းစာ ရှင်းလင်းပွဲအတွင်း ဆူဖန်ဘူရီမြိုပိုင် ၀မ်ချိုင်းထန၀ုန်က ပြောသွားတာပါ။
“ကျနော်တို့ ရှာဖွေလုပ်ငန်းစဉ်ကို ဒီနေ့လုပ်တဲ့အခါမှာ ပျောက်ဆုံးနေတဲ့ ကလေးကို ရှာတွေ့ သွားပါပြီ။ ကလေးပျောက်တဲ့ နေရာနဲ့ ငါးကီလိုအကွာမှာ ကလေးသေဆုံးနေတဲ့အလောင်းကိုတွေ့ ရပါတယ် ။ ကလေးဟာ သာမန်သွေးရိုးသားရိုးနဲ့ သေဆုံးတာလား ၊လမ်းစပျောက်တာမျိုး သွားလာရင်သေဆုံးတာလား၊ တဦးတယောက်ကသတ်လိုက်လို့ သေဆုံးတာလားဆိုတာ ကျနော်တို့ ဆက်လက်စစ်ဆေးမှာဖြစ်ပါတယ်။ ကလေးရဲ့ အလောင်းကို ဆေးရုံကိုယူသွားပြီး ဆေးစစ်ချက်တွေယူရပါမယ်။ ကလေးက သေဆုံးသွားတာရက်နဲ့ချီကြာသွားပါပြီ ။ ဒီကလေး ဘယ်လိုသေဆုံးသွားသလဲဆိုတာကိုအလောင်းတွေတဲ့ နေရာကသက်သေအထောက်အထားတွေကို ကြည့်ပြီး ကျနော်တို့ စစ်ဆေးနေပါတယ်။ မူခင်းဆိုင်ရာ ကျွမ်းကျင်သူတွေလည်း ပါဝင်ပါတယ်။”
ဒီကလေးပျောက်ဆုံးသွားပြီးတဲ့နောက် ဒီဇင်ဘာလ ၁၉ ရက်နေ့ကစလို့ ထိုင်းအာဏာပိုင်တွေက ရဟတ်ယာဉ်သုံး ရှာဖွေသလို ရေငုတ်သမားတွေ၊ လူအင်အားတွေ၊ ဆင်တွေ၊ အနံ့ခံ ခွေးတွေကိုသုံးပြီး ရှာဖွေခဲ့တာ ဖြစ်သလို ကြံကားတွေမောင်းတဲ့နေရာက စီစီတီဗွီမှတ်တမ်းတွေကိုကြည့်ပြီး မသင်္ကာဖွယ်ရာဖြစ်တဲ့ ကားသမားတွေကို စစ်ဆေးတာ၊ ကြံခင်းတ၀ိုက်က အိမ်တချို့ကို ၀င်ရောက်စစ်ဆေးတာတွေ လုပ်ခဲ့ပါတယ်။
အခုအခါမှာတော့ ကလေးဟာ သွေးရိုးသားရိုးသေဆုံးတာ ဟုတ်မဟုတ် ဆိုတာကို ဆက်ပြီး စစ်ဆေးသွားမယ်လို့ မြို့ပိုင်က ပြောဆိုသွားပါတယ်။
မအေးအေးမာ / ဗွီအိုအေ (မြန်မာပိုင်း)
https://burmese.voanews.com
No comments:
Post a Comment