သီပေါမင်းသားသည် နောင်တော်များနှင့်အတူ ကြေးတိုက်တော် အချုပ်ခန်း၌ စိတ်ပင်ပန်းစွာ စံတော်မူ လျက်ရှိစဉ် မောင်မောင်တုတ် ရုတ်တရက် ၀င်ရောက်လာပြီး
"ကိုယ်တော်ဖျား ... အမြန်လိုက်ပါတော်မူပါတော့ဘုရား"
အရေးတကြီး ပြောလျက် ပခုံးထက်တွင် ထမ်းတင်၍ ခေါ်ယူခဲ့လေရာ သီပေါမင်းသားမှာ ဘုမသိ ဘမသိ ကျီးကြည့် ကြောင်ကြည့်နှင့် မောင်မောင်တုတ်၏ ပခုံးပေါ်တွင် ပါလာရင်း ...
"ကဲ့ ... မောင်တုတ်ရဲ့၊ ဘယ်လိုဖြစ်သတုံး၊ ဒီနားမှာ ခဏရပ်နားပြီး အကျိုးသင့် အကြောင်းသင့် ကလေးများ တင်စမ်း ပါဦးဟဲ့"
ဆိုသဖြင့် မောင်မောင်တုတ်မှာ လမ်းခုလတ်တွင် ခေတ္တရပ်ပြီး ...
"ကိုယ်တော်ဖျားကို အမိန့်တော်အရ ရွှေနန်းတော်ကြီးပေါ် ပို့မလို့ပါဘုရား"
"ခက်ပါဘိ ငတုတ်ရယ်၊ သားတော်တွေ ရှိသမျှ ရာဇ၀တ်မှု ရောက်နေကြတဲ့အထဲ ငါ့ကို ကြေးတိုက်ထဲက နင်ဆွဲလို့ ထုတ်လာတဲ့အတွက် ငါ့အသက်ကို ဦးဦးဖျားဖျား သတ်ကြ ပါလိမ့်မယ်၊ ငါ မလိုက်ပါရစေနဲ့၊ ငါ့နောင်တော်တွေနဲ့ သေအတူ ရှင်အတူ နေပါရစေ၊ ပြန်ပို့ ခဲ့ပါ ငတုတ်ရဲ့"
"ကိုယ်တော်ဖျား ဘာမှ စိုးရိမ်တော်မမူနဲ့ သို့ပေမဲ့ ကျွန်တော်မျိုးကို ကတိတော်တစ်ခုဖြင့် သနားတော်မူ ပါဘုရား"
"ပြောပါဟယ် ... ဘယ်လို ကတိလဲ၊ ငါ စိတ်မကောင်းရတဲ့အထဲ နင်ကလည်း တစ်မှောင့် ပါပဲ"
"ကိုယ်တော်ဖျား အထွတ်အမြတ် ရောက်တဲ့အခါ ကျွန်တော်မျိုးကို အရှင့်ဓားတော်နှင့် ဘယ်တော့မှ မသေ စေရဘူးဆိုတဲ့ 'ဘေးမဲ့တစ်ခု' ကိုဖြင့် သနားတော်မူပါ"
"ငါ့နောင်တော်တွေ ကျော်ပြီး ဘယ်နည်းနှင့် ငါက အထွတ်အမြတ် ရောက်ရမှာလဲ ငတုတ် ရယ်၊ မဟုတ်တမ်း တရမ်းတွေ"
"ကိုယ်တော်ဖျား နောက်တော့ သိတော်မူအောင် လျှောက်တင်ပါမယ်၊ အခု ကျွန်တော်မျိုး တောင်းတဲ့ ကတိကိုသာ သနားတော်မူပါဘုရား"
"ကိုင်း ... ကိုင်း မောင်မင်းကို ငါ၏လက်နက် ဓားလှံနှင့် ဘယ်တော့မှ မသေစေရဘူး၊ ငါ ကတိပြုတော်မူလိုက်ပြီ"
"၀မ်းမြောက်လှပါဘုရား၊ ကိုယ်တော်ဖျားကို ခမည်းတော်ဘုရားက အိမ်ရှေ့နှင်းအပ်သော မူပါတော့မယ် ဘုရား"
"ဘုရား ... ဘုရား၊ ထူးဆန်းလှချည်လား မောင်တုတ်ရယ်၊ ငါ ဘယ်လို လုပ်ပြီး ယုံကြည် တော်မူရမည်လဲ"
"မှန်ပါသည်။ ကံအကျိုးပေးအတိုင်း ကြံပါသော်လည်း မဖြစ်မြောက် မကြံစည်ဘဲနဲ့လည်း ဖြစ်မြောက် နိုင်ကြောင်း မြတ်စွာဘုရား ဟောတော်မူတဲ့အတိုင်း ယုံကြည်တော်မူပါဘုရား"
"အခု ငါ့ကို ဘယ်ခေါ်သွားမယ်လို့တုံးဟဲ့"
"ရွှေနန်းတော်ကြီးကိုပါဘုရား၊ စိတ်ချက်လက်ချ လိုက်ပါတော်မူပါတော့"
ဆိုကာ မောင်မောင်တုတ်သည် မိမိပခုံးပေါ်တွင် ထမ်းလျက်ပင် ရှိနေသေးသော သီပေါ မင်းသားအား မှန်နန်းဆောင်တော်ကြီးရှိရာသို့ ခပ်သုတ်သုတ်ပင် ဆက်လက်ဆောင်ကြဉ် သွားလေ၏။
ထိုနေ့သည်ကား သက္ကရာဇ် ၁၂၄၀ခုနှစ်၊ တော်သလင်းလပြည့်ကျော် ၉ရက်နေ့ ဖြစ်ရာ သီပေါမင်းသားအား အိမ်ရှေ့နှင်းသော အခမ်းအနားကို ကျင်းပလေ၏။ မင်းတုန်းဘုရင် မင်းတရားကြီး၏ အိမ်ရှေ့ နှင်းတမ်း အမိန့်တော်ကို နာခံတော် မင်းထင်ကျော်ခေါင်က အမိန့် တော်ပြန်မှတ်ရာ အိမ်ရှေ့နှင်းတမ်း အမိန့်တော်မှာ ...
"ပဉ္စမသင်္ဂါယနာတင် ဘ၀ရှင်မင်းတရားကြီး အမိန့်တော်ရှိသည်။ ရှေးရှေးသော မင်းကောင်း မင်းမြတ်တို့သည် သာသနာတော်သုံးပါး စည်ပင်ပြန့်ပွား ထွန်းလင်းစေ ကြောင်း၊ တိုင်းပြည်နိုင်ငံ အစီးအပွား များပြားတိုးတက်စေကြောင်းများကို ဆောင်ရွက် စေခြင်းငှာ ရိုက်ရာတော်ခံ နန်းရံ အစစ်ဖြစ်သော သားတော်မြတ်ကို အိမ်ရှေ့နှင်းတော်မူမြဲ ဖြစ်သည်နှင့်အညီ ငါအရှင် ဧကရာဇ် မင်းမြတ်သည်လည်း အပရိဟာနိက စသော ရာဇဓမ္မ ကျင့်ဝတ်တရားအပေါင်းတို့ကို မြဲမြံစွာ ကျင့်ဆောင် တော်မူလျက် ရတနာပုံ မဟာရာဇဌာနီ ရွှေပြည်တော်ကြီးကို လက်မွန်အစ တည်ထောင်ဖန်ဆင်းတော်မူ၍ မြတ်စွာ ဘုရား သာသနာတော် အထူးသဖြင့် စည်ပင်ထွန်းလင်းစေခြင်းငှာ ငါးကြိမ်မြောက်ဖြစ်သော ပဉ္စမ သင်္ဂါယနာသဘင် ဆင်ယင်တော်မူပြီးလျှင် သာသနာတော်မြတ် အစီးအပွား၊ ကိုယ်တော် မြတ် အကျိုး စီးပွား သားတော်အစဉ်၊ မြေးတော်အဆက် မြစ်တော်အညွန့်စီးပွား ရဟန်းရှင် လူ ပြည်သူ သတ္တ၀ါအပေါင်းတို့၏ အကျိုးစီးပွား များပြားစေကြောင်းကို တရားနှင့်အညီ ထိန်းသိမ်း စောင့်ရှောက် တော်မူသည့် သားတော် သီပေါမြို့စား မင်းသားသုသီရိ မဟာဓမ္မ ရာဇာသည် ကပ်ဦးမဟာ သမတ ဥက္ကာမုက္ခ သကျသာကီဝင် မင်းတို့မှ အစဉ်မပျက် ဆင်းသက်ခဲ့သော ကုန်းဘောင်နန်းရိုး နေမျိုး နွယ်စစ် ဖြစ်ခြင်း၊ ပိဋကတ်သုံးပုံကို ချောက်ချား စေလျက် သုံးကြိမ်မြောက် ပထမပြန်ဆိုနိုင်၊ သုံးကြိမ်မြောက် မြတ်စွာဘုရားသာသနာတော် ကို ထမ်းဆောင်နိုင်ခြင်း။
လောကဓမ္မ လိမ္မာကျေပွန်သဖြင့် နောင်အခါ ငါနှင့်ထပ်တူ တိုင်းပြည်နိုင်ငံကို အုပ်စိုးနိုင်မည့် နှလုံးလက်ရုံး ဘုန်းပညာလက္ခဏာနှင့် ဂုဏ်ထူးဝိသေသ ရှိသော သားတော်များဖြစ်သည်နှင့်အညီ သာသနာတော်ရေး၊ တိုင်းပြည်ရေးမှုများကို ညီညာဆောင်ရွက်စေခြင်းငှာ အိမ်ရှေ့မင်း၏ တင့်တယ်စမ္ပာယ်ခြင်း အလုံးအရင်း ဆင်မြင်း ဗိုလ်ပါ အပေါင်းတို့ဖြင့် ခြံရံလျက် အိမ်ရှေ့ဥပရာဇာအဖြစ်သို့ ဆောင်နှင်းတော်မူသည်။ အိမ်ရှေ့မင်းတို့ အခမ်းအနား ၀န်၊ ၀င်းမှူး၊ အတွင်းဝန်မှ စ၍ သင်းစုပင်းစု ပေးဘွဲ့ရန် စာရင်းကိုလည်း သွင်းစေ"
အထက်ပါ အိမ်ရှေ့နှင်းတမ်း အမိန့်တော်ကြီးသည် တစ်နိုင်ငံလုံးသော်လည်းကောင်း၊ တစ်နန်းတော် လုံးသော်လည်းကောင်း၊ ဆွေတော်မျိုးတော် အားလုံးကိုသော်လည်းကောင်း အံ့အားသင့်၍ သွားစေရုံမက ကာယကံရှင် ပုဂ္ဂိုလ်ဖြစ်သော သီပေါမင်းသားနှင့် မယ်တော် လောင်းရှည် မိဖုရားတို့ပင်လျှင် ကံတရား၏ လှည့်စားမှုကို အံ့သြတော်မူမိလေတော့သည်။
မြတောင်စုဖုရားလတ်နှင့် အဆောင်တော်တစ်ခုလုံးရှိ အထိန်းတော်၊ အပျိုတော်များမူကား ထိုသတင်း စကားကို မောင်မောင်တုတ်မှတစ်ဆင့် ပို့လိုက်၍ ကြားရသည့်အချိန်မှစပြီး ၀မ်းမြောက်သော နှလုံးဖြင့် တပြုံးပြုံး တရွှင်ရွှင် ရှိနေကြလေသတည်း။
ချိန်ခွင်လျှာသည် အခါခပ်သိမ်း တညီတည်းမရှိနိုင်သကဲ့သို့ တစ်ဖက်မှ ၀မ်းမြောက် နေကြ သလောက် တစ်ဖက်မှ ရင်ဘတ်စည်တီးနှင့် မီးတောက်နေကြသူများမှာ ကြေးတိုက်တော် အတွင်း၌ ရောက်ရှိနေကြသော မင်းသားများနှင့် ရွှေနန်းတော် အနောက်ပိုင်း အဆောင် ဆောင်အခန်းခန်း၌ ရှိကြသော ၎င်းမင်းသားများ၏ မယ်တော်များဖြစ်ကြသူ ဆောင်ရ၊ နန်းရ မိဖုရားများ ဖြစ်ကြလေ၏။
မက္ခရာမင်းသားကြီး၊ သုံးဆယ်မင်းသားကြီး အမှူးရှိသော သားတော်များမှာ သီပေါ မင်းသားအား ခမည်းတော်ဘုရားက အိမ်ရှေ့နှင်းအပ်တော်မူကြောင်းကို ကြေးတိုက်တော် အတွင်းမှ သတင်းစကား သန့်သန့် ကြားလိုက်ရသည့်အချိန်မှာ ဆွေ့ဆွေ့ခုန်မျှ ဒေါမနဿ ဖြစ်တော်မူကြရလေ၏။
မိမိတို့ကို မလိမ့်တစ်ပတ်နှင့် ကြိုတင်ဖမ်းဆီးခြင်း၊ လုံခြုံရာ ကြေးတိုက်တော်အတွင်းသို့ သွင်း၍ ထားပြီးမှ သီပေါမင်းသားကို ခမည်းတော်ဘုရား အမိန့်တော်ဖြင့် အိမ်ရှေ့ဆောင် နှင်းလိုက်ခြင်းသည် ခမည်းတော်ဘုရား၏ အလိုတော်အတိုင်း မဟုတ်ကြောင်း ရိပ်မိကြ သော်လည်း တစ်စုံတစ်ရာ မေးမြန်းပြောဆိုခွင့် မပြုနိုင်ရှာကြဘဲ ခမည်းတော်ဘုရား ကိုယ်တိုင်နှင့် အသက်တော်မြဲလျက်မှ ရှိပါသေးစ၊ အကယ်၍ ခမည်းတော်ဘုရားသည် ဝေဒနာတော်ဖြင့် နတ်ရွာကြွသွားတော်မမူသေးလျှင် ခမည်းတော်၏ အမိန့်ဟု လှည့်ဖြား၍ တစ်စုံတစ်ဦးသောသူက အာဏာကို ကြိုးကိုင်ပြုကာ ဖောက်လွဲဖောက်ပြန် ပြုမူနေသည် ကိုပင် သိရှိတော်မမူနိုင်ရှာသော အခြေအနေသို့ ရောက်တော်မူနေရှာပြီဟု မချိတင်ကဲ အံတခဲခဲ ဖြစ်နေရှာရလေ၏။
ထိုသို့ အိမ်ရှေ့နှင်းသော အခမ်းအနား ပြုပြီးသည့်အချိန်မှာပင် ကြေးတိုက်တော်အတွင်း ရှိရင်းစွဲဖြစ်သော ဖမ်းဆီးထားပြီး မင်းသားကြီးများအား အချုပ်နှင့် ထားရုံပင် စိတ်ဝမ်းမချ သေး သည့်အလား၊ ခြေချင်းရိုက်စွဲခြင်း၊ အပြင်တွင် ကျန်သေးသည့် သားတော်၊ တူတော်၊ မြေးတော်များကိုပါ ထပ်မံဖမ်းဆီးချုပ်နှောင်ထားလိုက်ပြန်လေသတည်း။
ရွှေနန်းတော်တစ်ဝန်းလုံး လက်နက်အစောင့်အနေတို့ဖြင့် ဖုံးလွှမ်းလာသည့်အချိန်က စ၍ မင်းသားများကို ဖမ်းဆီခြင်းခံရသည်အထိ အကြောင်းတစ်စုံတစ်ရာ ထူးခြားတော့မည်ကို ကြောက်ရွံ့ငြိမ်သက်စွာ နားစွင့်လျက်ရှိသော ဆောင်ရ၊ နန်းရ မိဖုရားကြီးများသည် သီပေါ မင်းသားအား အမိန့်တော်နှင့် အိမ်ရှေ့ နှင်းလိုက်သည်ကို ကြားသိရသည်နှင့် တစ်ပြိုင်နက် ဆင်ဖြူမရှင်မိဖုရားကြီး၏ လက်ချက်ဟု အတတ်သိကာ မခံမရပ်နိုင်အောင် ဖြစ်၍ လာကြ လေ၏။
ငါတို့၏ သားများတော့ ဖမ်းဆီးချုပ်နှောင်ထားပြီး သူ့သမီးနဲ့ သီပေါမင်းသားကိုတော့ အိမ်ရှေ့နှင်းသည်မှာ တရားသလား။ ဘာပဲဖြစ်ဖြစ် ရွှေနန်းရှင်ဘုရားကို ခုသွားတိုင်မယ်၊ မခံနိုင်ဘူးဟု နွားရူးဆူးတိုး စိတ်ထွက် ကုန်ကြလေ၏။
အချို့ စိတ်နူးညံ့လွန်းသော မိဖုရားများနှင့် သားတော်မထွန်းကားသော မိဖုရားများက အစောင့်အရှောက် ကျပ်တည်းလွန်း၍ သွားသင့်၊ မသွားသင့် အကြံပေးကြရာ။
"မိမိတို့က သားသမီးသံယောဇဉ်မျိုး မရှိတော့ စိတ်နှလုံး ဘယ်မျှ ထိခိုက်သည်မသိရှာကြ ဘူး။ မမတို့မှာ ဆယ်ကျိုးဆယ်လ လွယ်၍ မွေးထားရပါသည်။ သည်တော့ သတ်လို့ပစ်ချင် လည်း ပစ်ကြပါစေ၊ အတင်းပင် သွား၍ သံတော်ဦးတင်ကြတော့မည်"
ပြောကာ လင်ပန်းတိုက်စားမိဖုရား၊ သက်ပန်းမိဖုရား၊ ခုနှစ်ရွာမိဖုရား၊ မြောက်ရွှေရေး မိဖုရားတို့သည် မှန်နန်းတော်ဆောင်ရှိရာသို့ ဗျာပါကြီးစွာဖြင့် ထွက်တော်မူလာကြလေရာ အနောက်ဆောင်နှင့် မှန်နန်းတော် ဆောင်အကြားတွင် အစောင့်အနေ ချထားသော လက်နက်ကိုင် အမှုတော်ထမ်းများမှာ ထဘီ၊ ပ၀ါ၊ ဆံကေသာ မသိမ်းနိုင်အောင် အပူမီးခ လာကြသော မိဖုရားကြီးများအား တားဆီးပိတ်ပင်ရန် မ၀ံ့ရဲကြသဖြင့် သွားလိုရာသို့ လမ်းဖယ်၍ ပေးလိုက်ကြရာ မှန်နန်းဆောင်တော် တံခါးဝသို့ ဆိုက်ရောက် လာကြလေ၏။
မှန်နန်းဆောင်တော်မှာ မင်းတရားကြီး မမာတော်မူသော အဆောင်တော်ဖြစ်ခြင်းကြောင့် မမာတော်မူစဉ် စိတ်မချမ်းမြေ့ဖွယ် အကြောင်းများနှင့် နားပူနာဆာ မရှိစေခြင်းငှာ ဆင်ဖြူ မရှင်မိဖုရားကြီး အမိန့်တော်ဖြင့် အတွင်းတော်သို့ မည်သူမျှ မ၀င်နိုင်ရန် အစောင့်အရှောက် များ အထပ်ထပ် တိုးတက်ချထားရုံမက အတွင်းက တံခါးကျည်းရှည်ကို ခိုင်လုံစွာ ပိတ်ဆို့ ထားပြီးလျှင် သမားတော်ကြီးများ အနှိပ်တော် ဘလဲ့ဘရွာစားတို့က အလှည့်ကျဝင်၍ အနှိပ်တော်ဆက်ခြင်း၊ ဆေးတော်ဆက်ခြင်းများ ပြုလျက် စားတော်ဝန်ကြီး ဦးခဲသာလျှင် သလွန်တော်အနီးတွင် ကြပ်မတ်ပွေ့ပိုက် စောင့်ရှောက်ကာ ရေကြည်တော် နှင့် ဆေးတော် များတိုက်၍ နေခိုက်ဖြစ်လေ၏။
စားတော်ဝန်ကြီး ဦးခဲအား မင်းတရားကြီးဘုရားသည် မမာတော်မူစဉ် အချိန်ကစ၍ အပါး တွင် ကပ်၍ နေ့ညဥ့်မပြတ် အမှုတော်ထမ်းရန် ခေါ်ယူထားတော်မူသည်ဖြစ်ရာ ထိုနေ့အဖို့ မှာလည်း ဝေဒနာ တော်သည်း၍ မှိန်းတော်မူသည့် အခိုက်အတန့်သာလျှင် ငြိမ်သက်စွာ စံတော်မူ၍ အနည်းငယ် ကြည်လင် လာသည်နှင့် တစ်ပြိုင်တည်း ...
"မောင်ခဲ ... ငါ့အနား ဘယ်သူများ ရှိသတုံး"
သမားတော်များက "မောတော်မူမည်စိုးသဖြင့် မည်သူမျှ အပါးတော်မှာ မခစားစေရ ကြောင်းပါဘုရား"
"ပြောစရာ၊ မေးစရာရှိသလောက် မေးချင် ပြောချင်ပါဘိတယ်၊ နေ့တိုင်း၊ နေ့တိုင်းပဲ ဒီလို နေရ တော့မှာလား"
"မောတော်မူပါမယ်ဘုရား"
"ကိစ္စမရှိပါဘူး၊ မောင်ကောင်းတို့၊ မောင်ဖိုးလှိုင်တို့တစ်တွေ ခေါ်လိုက်စမ်းပါဘိ"
"ရွှေလွှတ်တော်ကြီးမှာ အလုပ်များနေကြပါတယ်ဘုရား"
"မောင်ရွှေမောင်တို့၊ မောင်ကလေးမောင်လှဘူးတို့လည်း မရှိဘူးလား"
"မရှိကြောင်းပါဘုရား"
"ဒီလိုတွေ င့ါကို တမင်ရှောင်များနေကြရော့သလား၊ သွားစမ်း ... သွားစမ်း မောင်ခဲ၊ သူတို့အားလုံး ငါ့ရှေ့တော် ခေါ်ခဲ့"
"မသွားဝံ့ ကြောင်းပါဘုရား"
"သယ် ... ငါရှင်ဘုရားပဲ၊ ငါ့အာဏာထက် ဘယ်သူ့အာဏာက ထက်နေလို့ မသွားဝံ့ရပြန် သတုံး"
"မှန်လှပါ၊ အရှင့်အာဏာ ဒီအဆောင်ထဲမှာသာ ရှိပါကြောင်း"
"မြတ်စွာဘုရား၊ ငါ့ကို လူမမာဆိုပြီး မထီလေးစား ပြုကြပြီလား၊ ငါ မသေသေးပါဘူးဟဲ့"
"မ၀ံ့ကြောင်းပါဘုရား"
ထိုအခိုက် မှန်နန်းဆောင်အပြင်ဘက်တွင် ရောက်ရှိနေသော မိဖုရားများသည် လက်နက် ကိုင် အစောင့် အနေ များနှင့် အတိုက်အခံ စကားဆိုလျက် ရှိလေ၏။
အစောင့်။ "ဝေဒနာတော်တိုးမှာစိုး၍ သမားတော်ကြီးများပင် ဆေးဆက်ချိန်ကျမှ ၀င်ခွင့် ရကြောင်း ပါဘုရား"
လင်ပန်းတိုက်စားမိဖုရား။ "ဆေးဆရာ မ၀င်ရပေတဲ့ ငါတို့ မိဖုရားများကို မတားနဲ့"
အစောင့်များ။ "သည်းခံတော်မူပါဘုရား၊ ကျွန်တော်မျိုးများ အထက်အမိန့်အရ လျှောက်တင်ရခြင်းပါ"
ခုနှစ်ရွာမိဖုရား။ "ငါတို့လင်ကို ငါတို့ဝင်ကြည့်မည့်ဟာကို နင့်အထက်အမိန့်က ဘာဆိုသတုံး"
မြောက်ရွှေရေးဆောင်မိဖုရား။ "ကိုယ့်လင် မမာသည်ကို ၀င်လို့မှ မကြည့်ရတော့ဘူး ဟာလား။ ဖယ်ပေး ကြပါ။ ငါတို့ဘာသာ ငါတို့ ၀င်သွားပါ့မယ်"
အစောင့်များ။ "သည်းခံတော်မူပါဘုရား"
သက်ပန်းမိဖုရား။ "ဒီဟာ သည်းခံနိုင်တဲ့ကိစ္စမျိုး မဟုတ်ဘူးတဲ့"
အစောင့်များ။ "ဆင်ဖြူမရှင်ဖုရား အမိန့်တော်ကို ခံယူပြီးတဲ့အခါ သဘောရှိ ၀င်တော်မူ ကြပါဘုရား"
မိဖုရားများသည် တဖြည်းဖြည်း ပို၍ စိတ်တော်ကို မထိန်းသိမ်းနိုင်အောင် ရှိလာကြသဖြင့်...
"ငါတို့လင် မမာနေရာ ငါတို့သွားမည်။ အရေးထဲ ဘယ်သူ့အမိန့် ခံရဦးမှာလဲ"
ပြောကာ အစောင့်များကို အတင်းတွန်းဖယ်ပြီး ကျည်းရှင်တံခါးဝသို့ စုရုံးတိုးကပ်ကာ ပိတ် ထားသော အဆောင်တော်တံခါးရွက်ကို ထုနှက်လျက် အဖွင့်ခိုင်းကြလျှင် လက်နက်ကိုင် အစောင့်အမှုထမ်းများသည် ဘ၀ရှင် မင်းတရားကြီး၏ မိဖုရားများဖြစ်သောကြောင့် ဆွဲဖယ် မပစ်ဝံ့သဖြင့် အကြောင်သားငေး၍ ကြည့်နေ ရ တော့၏။
အပြင်မှ ဆူညံသံများ၊ တံခါးရွက်ထုသံများကြောင့် သလွန်တော်ပေါ်တွင် မှေးစက်လျက် ရှိသော မင်းတရား ကြီးဘုရားသည် ရုတ်တရ် မျက်လုံးဖွင့်၍ ရှုစားကာ ...
"ဟဲ့ ... မောင်ခဲ၊ တံခါးဖွင့်လိုက်ပါ။ သမားတော်များ ၀င်ချိန်ရောက်ပြီ ထင်ပါရဲ့" မိန့်တော် မူသောကြောင့် စားတော်ဝန် ဦးခဲသည် ထ၍ တံခါးဖွင့်လိုက်လျှင် မိဖုရားကြီးများသည် ဦးဆံဖားလျားနှင့် ခြေတော်ရင်းသို့ ပြေးလာကြပြီး မင်းတရားကြီး၏ အရိပ်အကဲကိုကြည့်ရာ ရောဂါအတန် သက်သာသည်ကို မြင်ရသော ကြောင့် တစ်အားတက်သွားကြလေ၏။
"အလို ... မိမိတို့ ဘာဖြစ်လာကြသည်တုံး"
ခပ်သဲ့သဲ့ မေးတော်မူလိုက်သောအခါ မိဖုရားကြီးများမှာ ချုပ်တည်းအောင့်အီးခြင်းငှာ မစွမ်းနိုင်ရှာ ကြတော့ဘဲ ...
"ကယ်တော်မူပါဘုရား၊ ဖျာ့ကျွန်မတို့သားတွေ ဒုက္ခဖြစ်လို့ နေပါပြီဘုရား"
ငိုရှိုက်လျှောက်တင်ကြလျှင် ...
"တင်ကြစမ်းပါဦး၊ ဘယ်ပုံဒုက္ခမျိုး ဖြစ်ကြသလဲ၊ မိမိတို့ရဲ့"
မေးတော်မူရာ မိဖုရားများက ...
"ဖျာ့ကျွန်မတို့ သားတော်များကို အိမ်ရှေ့မင်းနှင့် မှူးတော်၊ မတ်တော်တို့က ခြေချင်း ရိုက်စွဲ၍ အကျဉ်း ချုပ်ချ ထားသဖြင့် ကယ်တော်မူပါဘုရား"
လျှောက်တင်လျှင် မင်းတရားကြီးသည် ခေတ္တစဉ်းစားတော်မူကာ ...
"အိမ်ရှေ့မင်းက ... အိမ်ရှေ့မင်းက ... "
နားမရှင်းသည့်အလား နှုတ်တော်မှ ရေရွတ်ကာ အမိန့်တော်မဆက်ဘဲ ရပ်ဆိုင်းတော်မူနေ လျှင် ...
သက်ပန်းမိဖုရား။ "မှန်လှပါ၊ သားတော် သီပေါမင်းသား အိမ်ရှေ့မင်းနှင့် မှူးတော် မယ်တော်များက ဖျာ့ကျွန်မတို့ သားများကို ဖမ်းဆီးချုပ်နှောင်ထားပါပြီဘုရား"
ထပ်၍ လျှောက်တင်လိုက်သောအခါတွင် မမာတော်မူရာမှ သက်ပြင်းရှူလိုက်ပြီးလျှင် ...
"ဟင် ... ငါမသေသေးဘဲနှင့်ပင် သည်လိုဖြစ်ကုန်ကြပြီလား။ ကိုင်း ... ကိုင်း မှူးတော် မတ်တော်ကြီးများကို ငါ၏ ရှေ့တော်သို့ ခေါ်ကြစမ်းဟဲ့"
အမိန့်တော်ရှိရာ မည်သူမျှ သွား၍ မခေါ်ဝံ့ဘဲ ရှိနေကြပြန်၏။
ထိုအခိုက်တွင် မှန်နန်းစနုဆောင်၌ ဆင်ဖြူမရှင် မိဖုရားကြီးနှင့် ၀န်ကြီးများ စီမံဆွေးနွေး လျက်ရှိရာသို့ အစောင့် အမှုထမ်းများ ရောက်လာပြီး မင်းတရားကြီးဘုရား၏ အဆောင် တော်တွင်းသို့ မိဖုရားကြီးများ ဇွတ်အတင်း တွန်းထိုးဝင်ရောက်သွားကြောင်း သတင်း ရောက်လာသောကြောင့် ...
"ဟော ... ဟိုမိန်းမတွေ ရှုပ်လို့ကုန်ပြန်ပြီ။ အပါးတော်ကို ကျွန်မတို့အားလုံး လိုက်သွားကြ မှ ဖြစ်မယ်"
ဆင်ဖြူမရှင် မိဖုရားကြီးက အမိန့်ရှိကာ ၀န်ကြီးများပါ အရေးတကြီးရောက်လာလျက် မင်းတရားကြီး၏ သလွန်တော် အပါးဝယ် ခစားမိကြလေတော့၏။
မင်းတရားကြီးဘုရားသည် သားတော်များအတွက် စိတ်ဆောင်တော်မူလျက်ရှိသော ကြောင့် ခါတိုင်းကဲ့သို့ ညှိုးညှိုး ခွေခွေ စံနေတော်မမူဘဲ အုံးဝန်းတော်ကိုမှီကာ မတ်မတ် ထိုင်တော်မူလျက် အသင့်ရောက်လာသော ၀န်ကြီးများကို လှမ်း၍ ရှုစားတော်မူကာ ...
"ငါ မမာတော်မူရုံမျှ ရှိသေးလျက် ရက်စက်ကြေကွဲမှုတွေ ဖြစ်ကုန်ကြပြီလား။ မောင်ကင်း တို့၊ ဘယ်လို စံမံ ထားကြသလဲ"
အမေးတော်ရှိလျှင် ...
ကင်းဝန်မင်းကြီး။ "အရှင် မမာတော်မူချိန်၌ တိုင်းနိုင်ငံ အေးချမ်းသာယာမှုကို အရှင့် ကိုယ်တော်အစား ရွှေလွတ်တော်ကြီးမှ ကျွန်တော်မျိုးက တာဝန်ကြီးလေးစွာ ထမ်းဆောင် နေရကြောင်းပါ။ ကာလံဒေသံ အဂ္ဂံ ဆိုသည့်အတိုင်း ကြက်ဥအဆောင် တိမ်တောင်သဖွယ် မင်ရေးကျယ်လှသည့်အတွက် နိုင်ငံတော် အေးချမ်း သာယာမှုကို အဓိကထားလျက် ရုတ်တရက် ရန်လက်စ ငြိမ်းတဲ့အောင်အခိုက်အလှည့် သင့်သလို ခေတ္တ ခဏ ကြံဆောင်ရ ခြင်း ဖြစ်ပါကြောင်းဘုရား"
ကျေးကျွန်သင်းပင်းတို့ပါ လိုသလောက် ခေါ်ယူ၍ ယနေ့နေ့ချင်း ညဥ့်ချင်း ချီတက် သွားကြရန်ဒ အမိန့်တော်မြတ် မှတ်တော်မူလေ၏။
မှူးတော် မတ်တော်ကြီးများလည်း အမိန့်တော်ကို ဦးထိပ်ရွက်လျက် အဆောင် တော်အပြင်သို့ ထွက်ခဲ့ကြရာ မိဖုရားများလည်း သားတော်များအတွက် ၀မ်းမြောက် ၀မ်းသာနှင့် မိမိတို့ အဆောင်တော် ရှိရာသို့ ပြန်လာခဲ့ကြရှာလေသတည်း။
ဆင်ဖြူမရှင် မိဖုရားကြီးနှင့် ၀န်ကြီးများလည်း မှန်နန်းစနုဆောင်တွင် ခေါင်းချင်း ရိုက်မျှ ဆွေးနွေး တိုင်ပင်ကြပြန်လေ၏။
ဆင်ဖြူရှင်။ '' အမိန့်တော်အတိုင်း ကြေးတိုက်တော်က မင်းသားများကို ဘုရင် ခံခန့်အပ်တော်မူတဲ့ အမိန့် ကို ပြန်ပါစေ''
ကင်းဝန်။ '' ဘုရင်ခံခန့် အမိန့်တော် ပြန်ပြီးလျှင် အချုပ်အနှေင်မှ လွတ်ရပါလိမ့်''
ဆင်ဖြူမရှင်။ ''ဟုတ်ပါသည်၊ အချုပ်အနှေင်မှလွတ်၍ အမိန့်တော်အတိုင်း စရိတ်ငွေတော တွေလည်း အမြောက်အမြား ထုတ်ပေးရပါလိမ့်မည်။ နေ့ချင်း ညဥ့်ချင်း ခရီးထွက်ရမည် ဖြစ်တဲ့အတိုင်း သူတို့ မြောက်သား ကြင်ရာတော်များ၊ ညီတော်နှမတော်များ၊ ကျေးတော် ကျွန်တော်မျိုးများကိုလည်း ခေါ်လိုရာ ခေါ်နိုင်ရန် မယ်တော်မိဖုရားများကိုလည်း နှုတ်ဆက် ကန်တော့ရန် အတွင်းဝန်မင်းတ်ို့က အမြန်ဆုံး စီမံဆော်သြ၍ ပေးလိုက်ကြပါ။ အင်္ဂလိပ် သံထဲက အောက်မြစ်စဉ် ဘုရင်ခံလောင်း ညောင်ရမ်း မင်းသားကိုပါ သွားရောက်ခေါ်ယူ အကြောင်းကြားပါ။ လာသည် မလာသည်မှာ သူ့သဘောပ''
ဝန်ကြီးမင်းများသည် ဆင်ဖြူမရှင် မိဖုရား၏ ထူးခြားသော အမိန့်တော်ကို မစဉ်းစား တတ်အောင် ရှိကြသဖြင့် ခပ်မဆိတ် ငြိမ်သက်လျက် ရှိကြလေ၏။ တိုင်းတာမင်းကြီးမှာ မမျိုသိပ်နိုင်အောင် ရှိလာသော ကြောင့်.....
'' ဘ၀ရှင်မင်းတရားကြီး သလွန်တော်ပေါ်မှ ချမှတ်မူလိုက်တဲ့ အမိန့်တော်အတိုင်း သာဆိုလျှင် ဒီဘုရင်ခံမင်းသားကြီး သုံးပါးက ကျွန်တော်မျိုးတို့ နေပြည်တော်ကြီးကို သည်အတိုင်း အဝေးက အလှ ကြည့် နေကြမည် ထင်ပါသလားဘုရား''
နှုတ်ပေါ့ လျှာသွက်နှင့် ကန့်ကွက်တင်လျှောက်လိုက်သည်တွင် ဆင်ဖြူမရှင် မိဖုရားကြီးက တည်ငြိမ်စွာ ပြုံးတော်မူလိုက်ပြီး....
'' ဘ၀ရှင်မင်းတရားကြီး၏ အမိန့်တော်အတိုင်း ဆောင်ရွက်ဖို့က ဘ၀ရှင်ဘုရားထံ မှာ ကျေးဇူး သစ္စာ တော်ခံထားကြတဲ့ မင်းကြီးတို့ရဲ့တာဝန် မဟုတ်ပါသလား၊ ကျန်သည့် လုပ်ရေးကြံရေး ကိစ္စ အရပ်ရပ် တို့ကို ဆက်လက်လုပ်ကိုင်ရန် ရွှေလွှတ်တော်ကြီးက နောက်ထပ်၍ အမိန့်သတ်မှတ်ပြီး အင်အားကြီးမားတဲ့ လက်နက်ကိုင် စစ်သည်တော် များကို အချက်ပေးလိုက်သည်နှင့် တစ်ပြိုင်နက် အခါကာလအလျောက် ဆောင်ရွက်ကြရန် လျှို့ဝှက်စီမံထားရလိမ့်မယ်။
သည့်အတွက်လည်း အခက်အခဲမရှိရလေအောင် အကျဉ်းထောင်က မင်းသားများကို ကြေးတိုက်တော်က ထုတ်ယူ၍ မြောက်ဥယျာဉ် တော်အတွင်းမှာ သူတို့၏ သား မယား ကျေးကျွန်များနှင့် တွေ့ဆုံ ပေးရ လိမ့်မည်။ သူတို့၏ မယ်တော်များကိုလဲ ခရီးထွက်မည့် သားတော်များကို နှုတ်ခွန်းဆက်သကြရန် မြောက်ဥယျာဉ် တော်မှာပင် ကျယ်ကျယ်ဝန်းဝန်း တွေ့ဆုံတော်မူကြပါစေ၊ သည့်နှယ်မှ သူတို့၏ နောက်လိုက် နောက်ပါ အလုံးအရင်း အဆက်အသွယ် ရှိသမျှကို တစ်စုတည်း တစ်ရုံးတည်း ကျွန်မတို့လက်ဝယ် ရောက်ရှိနိုင်ကြမည် မဟုတ်ပါလား''
ဤတွင်မှ တိုင်းတာမင်းကြီးနှင့်တကွ စိတ်ဒွိဟဖြစ်နေကြသော မှူးတော် မတ်တော်ကြီးများလည်း ဆင်ဖြူမရှင် မိဖုရားကြီး၏ အကြံဥာဏ်ကို ရိပ်စားမိသဖြင့် စီမံခန့်ခွင့်ရှိသမျှ အမ်ိန့်ချမှတ်ရန် တီးတိုး လေသံ ဖြင့် ထပ်မံဆွေးနွေး တိုင်ပင် နေကြပြန်လေ၏။
ဘ၀ရှင်ိမင်းတရားကြီးသည် မကျန်းမာတော်မူရာကပင် သားတော်များ၏ အရှုပ်အထွေး ပြဿနာကြီးကို သလွန်တော် ပေါ်မှနေ၍ ဖြေရှင်းပေးတော်မူလိုက်ပြီးနောက် ရောဂါဝေဒနာ တော်မှာ တိုးတက် ဖိစီး တော်မူလာလေ၏။
ဆင်ဖြူမရှင် မိဖုရားကြီးသည် ဤတစ်ကြိမ်၌ မင်းတရားကြီး စံတော်မူသည့် မှန်နန်း ဆောင်တော်တွင်းသို့ အခြားမိဖုရားသားတော်၊ သမီးတော်၊ မှူးတော် အ၀င်အထွက် မရှိစေရ၊ အပြင်လူ မ၀င်ရ၊ အတင်း ရောက်နေသူလည်း အဆောင်တော်အပြင်သို့ မထွက်ရဘဲ ကျပ်တည်းစွာ တားမြစ်ပိတ်ပင်ထားရုံမက ဆင်ဖြူ မရှင် မိဖုရားကြီး ကိုယ်တိုင်လည်း မင်းတရားကြီး၏ သလွန်တော်အနီး၌သာ ကိုယ်ဖိ ရင်ဖိ ပြုစု လျက် ရှိလေသည်။
အပြင်မထွက်ရဘဲ အဆောင်တော်အတွင်းသို့ ရောက်ရှိနေရသူများကား သားတော်မထွန်းကားသည့် မိဖုရားများဖြစ်ကြသော တောင်ဆောင်တော်မိဖုရား၊ စိန်တုံးမိဖုရား၊ လက်ပန်စဉ်မိဖုရား၊ သရစိန်မိဖုရား၊ လဲချားမိဖုရား၊ သနစ်စစ်မိဖုရား၊ အနှိပ်တော်ဘလဲ့ ရွာစားနှင့် သီဟိုဠ်ကျွန်းသား ဆေးသမား သာရာ လင်္ကာရ တို့သာ ရှိလေရာ ၎င်းတို့ကိုယ်တိုင်ပင် အပြင်မှ အဆက်အသွယ်ကင်းပြတ်လျက်ရှိသောကြောင့် မည်သည့် အကြောင်းကိစ္စထူးမျိုးကိုပင်ဖြစ်စေ မသိနိုင်ရှိကြလေသတည်း။
ကြေးတိုက်တော် အတွင်းမှ မင်းသားများသည် အကျဉ်းမှလွတ်၍ ဘုရင်ခံခန့် အပ်လွှာဖြစ်သော ခမည်းတော်ဘုရား၏ အမိန့်တော်မြတ်ကို နာခံရသော အချိန်အခါတွင် ရာဟုအသူရိန်လက်မှ လွတ်ကင်း ရသော လ၀န်းပမာ ၀မ်းမြောက် ၀မ်းသာ ဥယျာဉ်တော်အတွင်းသို့ ရောက်ရှိလာကြပြီးလျှင် ဖမ်းဆီးခြင်း ခံရသည့် အချိန်အခါကစ၍ ပူပင်သောကမအေး ဖြစ်လျှက်ရှိကြသော မယ်တော်များ၊ ကြင်ယာ မြောက် သားတော်များ၊ ညီတော်၊ နှမတော်၊ ခြွေရံကျေးကျွန်များနှင့် အားရ၀မ်းသာ နှုတ်ခွန်းဆက်စကား ပြောကြားလျက် ခရီးထွက်ရာတွင် လိုက်လိုသူ၊ မလိုက်လိုသူတို့ကို ဆိုင်ရာ ဆိုင်ရာ မေးမြန်းဆွေးနွေးလျက် ရှိကြလေ၏။
မက္ခရာမင်းသားကြီးနှင့် သုံးဆယ်မင်းသားကြီးတို့မှာ အချုပ်မှ လွတ်မြောက်လာကြ
သော ညီတော်များကို ဦးစီးဦးဆောင်ပြုကာ မယ်တော်များနှင့် ဆွေးနွေးလျက် ရှိကြလေရာ...
မက္ခရာမင်းသားကြီး။ ''မသမာသူတို့ အစီအမံကို မယ်တော်ဖျားများ စွန့်စားကြိုးပမ်း အချုပ်အနှေင်မှ လွတ်မြောက်ရုံမကဘဲ ဘုရင်ခံရာထူးများလည်း ခံရပါပြီ။ သည်တော့ မယ်တော်ဖုရားများလည်း နေပြည် တော်မှာ နေလျှင် ရန်များဖွယ်မြင်ပါတယ်၊ သားတော် များနှင့်အတူသာ လိုက်ပါတော် မူကြပါ ဘုရား''
သုံးဆယ်မင်းသား။ '' မယ်တော်များ သာမက ညီတော် ၊ နှမတော် များလည်း လိုက်ပါ တော်မူလိုကြပါ သလား''
ညီးတော်များ။ '' ဖျကျွန်တော်တို့သည်မှုာ မျက်နှာငယ်နှင့် မနေရစ် ပါရစေနှင့် နောင်တော်ကြီးများ နောက်တော် သို့ လိုက်ပါရစေဘုရား''
ခုနစ်ရွာ တိုက်စားမယ်တော်။ '' မောင်တို့ခမည်းတော်ဖုရား မမာတော်မူနေဆဲကို၊ မယ်ဖျားတို့က စွန့်ခွာပြီး သားတော်များနောက် မ
No comments:
Post a Comment