အဖွဲ့အစည်းဆိုတာနောက်လိုက်တွေစုခြင်းမဟုတ်

Shadow Government ဆိုတဲ့ အရေးပါတဲ့နိုင်ငံရေးဖွဲ့စည်းမှုနဲ့သဘောတရားတခုအကြောင်း ဦးရော်နီငြိမ်းက နိုင်ငံတကာဥပမာတွေနဲ့အသေအခြာရေးပြထားတာတွေ့ရတယ် ..

လွန်ခဲ့ပြီးသောဖြစ်ရပ်တွေကို ထောက်ပြယင်တချို့က အပြစ်တင်တယ် မတရားဝေဖန်တယ်ထင်ချင်ထင်ကြမယ် .. ဒါပေမဲ့ ဖြစ်ခဲ့တာတွေဟာ ဖြစ်ခဲ့တာတွေဘဲမှလား.. မြင်အောင်ကြည့်ပြီး အကောင်းဆုံးလမ်းကိုရွေးနိုင်ရမှာပေါ့ ..

NLD ပါတီရဲ့ဖွဲ့စည်းပုံနဲ့ပတ်သက်လို့ ဟိုးအစောပိုင်း ရွေးကောက်ပွဲမတိုင်ခင်ကထဲက ပြည်တွင်းမှာရော ပြည်ပမှာပါဝေဖန်ထောက်ပြမှု့တွေရှိခဲ့ပါတယ်.. NLD က အရေးတယူမလုပ်ခဲ့တာပါ ..

အဓိကကတော့ အစိုးရတခုဖွဲ့နိုင်လောက်တဲ့ နိုင်ငံရေးပါတီတခုအဖြစ်ကြိုတင်ပြင်ဆင် ဖွဲ့စည်းထားတာမဟုတ်ဘဲ စစ်အာဏာဆန့်ကျင်ရေးဆိုတဲ့ သဘောတရားတခုတည်းနဲ့ ခေါင်းဆောင်တယောက်ထဲအောက်လာစုနေကြတဲ့ activist လှုပ်ရှားမှုအဖွဲ့ပုံစံကတက်မလာခဲ့တဲ့အခြေအနေပါ ..

အဲဒီတော့ အာဏာလဲရရော ဘယ်သူကဘာလုပ်ရမှန်းမသိတော့တာအဆန်းမဟုတ်ပါဘူး .. NLD မှာ ခေါင်းဆောင်တယောက်နဲ့ နောက်လိုက်တွေဘဲရှိခဲ့တာကိုး..
ခေါင်းဆောင်ဆိုတာကလဲ အားလုံးကို ထိတွေ့ သိမြင်နိုင်ဘို့နေနေသာသာ ကိုယ်တိုင်တောင် အဝေးမှာကြီး .. ပြည်တွင်းရောက်တော့လဲ ပိတ်ဆို့ချုပ်ချယ်ခံခဲ့ရသူမို့ နောက်လိုက်တွေအပေါ် Morale leadership လို့ခေါ်တဲ့ မျှော်လင့်ချက်နဲ့ စိတ်ဓါတ်ခွန်အားသက်သက်ဘဲပေးနိုင်ခဲ့သူဖြစ်နေပြန်တယ် ..

သူရရွှေမန်းလို အာဏာယူဘူး အုပ်ချုပ်ခဲ့ဘူးသူနဲ့ တိုက်ရိုက်ညှိပြီး နေရာပေး အာဏာခွဲပေးဘို့ကျတော့လဲ ခေါင်းဆောင် ဒေါ်အောင်ဆန်းစုကြည်က ပါတီတွင်းအတိုက်အခံတွေဖြစ်လာမှာစိုးရိမ်ပြီး ရဲရဲရင်ဆိုင်မလုပ်ရဲခဲ့ပြန်ဘူး .. ဒါပေမဲ့အခုနောက်ဆုံးတော့ ဦးကျော်တင့်ဆွေ ဦးသောင်းထွန်း သူရအောင်ကို ဦးတီခွန်မြတ်စတဲ့ သူရရွှေမန်းနဲ့နီးစပ်တဲ့သူတွေဘဲ အစိုးရအဖွဲ့ အတွင်းစည်းနဲ့ အရေးပါတဲ့နေရာတွေရောက်လာတာဘဲမဟုတ်လား..
နိုင်ငံတော်၏အတိုင်ပင်ခံပုဂ္ဂိုလ်၏အတိုင်ပင်ခံဟာဘယ်သူလဲ လူတိုင်းသိပါတယ် ..

ဒါကိုလဲအပြစ်လို့ပြောမနေချင်ပါဘူး .. အတွေ့အကြုံမရှိရင် အတွေ့အကြုံရှိတဲ့သူနဲ့ပေါင်းရမှာဘဲ .. အဓိက ကတော့ နိုင်ငံပြဿနာတွေကို ပွင့်ပွင့်လင်းလင်းတာဝန်ခံဖြေရှင်းနိုင်ရေးအတွက် ခေါင်းဆောင်နဲ့အတူ လက်ရည်တူတာဝန်ယူပေးနိုင်မဲ့ Team (အစိုးရအဖွဲ့)တခုလိုနေတာပါ ..

Team တခုဖွဲ့တယ်ဆိုတာ နောက်လိုက်တွေချည်းစုနေတာမဟုတ်ပါဘူး .. Team members အဖွဲ့ဝင်တွေ အဖြစ် စိတ်တူသူတွေဖြစ်ရမဲ့အပြင် အားလုံးတိုးတက်ရေးအတွက်အကြံဉာဏ်ရှိသူတွေ လုပ်နိုင်စွမ်းရှိသူတွေကိုစုရမှာပါ .. Team Leader ခေါင်းဆောင်ဟာ ဒီလူတွေရဲ့နေရာအလိုက်ကျွမ်းကျင်မှုတွေ အကြံဉာဏ်တွေကို ရယူသုံးသပ်ပြီး executive decision လို့ခေါ်တဲ့ ဆုံးဖြတ်ချက်တွေကိုချ လုပ်ပိုင်ခွင့်ဘောင်နဲ့ အာဏာတွေကိုခွဲပြီး delegated power ပေးရမှာပါ ..

တဦးတယောက်ရဲ့ အမိန့်ကိုဘဲမျှော်ပြီး အရိပ်အကဲကြည့် အလုပ်လို့ထင်တာတွေကိုယောင်ဝါးဝါးလုပ်ပြ အနားတွေပြာပြမနေကြဘဲ Team member တွေဟာ ကိုယ်ရဲ့ကဏ္ဏအလိုက်တာဝန်တွေကို သိသိတတ်တတ်နဲ့ယူနိုင်ကြဘို့ ယူရဲကြဘို့လိုသလို ခေါင်းဆောင်ကို ဘုရားလိုကိုးကွယ်မနေဘဲတန်းတူညှိနှိုင်းပြောဆိုရဲကြအကြံဉာဏ်တွေပေးရဲကြဘို့လိုနေပါပြီ .. ကိုယ်သိတဲ့ ကိုယ်ယုံကြည်တဲ့အတိုင်း သဘောတူရင်လုပ် သဘောမတူရင်ထွက်.. အဖွဲ့ဝင်တွေကြားမှာ ညှိနှိုင်းမှုနဲ့ကျိုးကြောင်းဆီလျော်မှုတွေတော့ရှိရမှာပေါ့.. ဒါဟာဒီမိုကရေစီဘဲ ..

ဗမာပြည်မှာက ခေါင်းဆောင်ကိုဘဲမတရားအားကိုး .. မပြောရဲမဆိုရဲ ..
ဒါပေမဲ့ အောက်ကိုကျတော့ အထက်ကဒါပြောတယ်ဆိုပြီးဖိခြောက် ..
ရှေ့ကလူတွေကိုအပြစ်ပြော .. ကိုယ်ကတော့မပြင်.. လုပ်ငန်းတွေကမတွင်..
ဒီသံသရာကမထွက်သေးဘူးလို့ ပြောရရင်ဖြင့် ..

သန်းလွင်ထွန်း လွန်ရာကျပြန်ပြီပေါ့ ..

၂၈ ဇူလိုင် ၂၀၁၈

———————

အရိပ်အစိုးရ၀န်ကြီးအဖွဲ့ (Shadow Cabinet)

ဒီမိုကရေစီနိုင်ငံတွေမှာ အတိုက်အခံပါတီကြီးတွေဟာ - ငါတို့ အာဏာရ လာလျှင် - ဆိုပြီး၊ ရွေးကောက်ပွဲ နိုင်ပြီး တကယ်အာဏာရလာတဲ့အခါ နိုင်ငံကို နိုင်နိုင်နင်းနင်းအုပ်ချုပ်နိုင်ဖို့ အရိပ်အစိုးရ၀န်ကြီးအဖွဲ့ (Shadow Cabinet) ဖွဲ့ပြီး အတိုက်အခံဘ၀မှာ တချိန်လုံးလေ့ကျင့်နေကြတာ ဘယ်က စတင်ခဲ့တာလဲလို့ ကြည့်လိုက်တဲ့အခါ ပါလီမန် (Parliament) ဆိုတဲ့ လွှတ်တော်တကာတို့ရဲ့ ဖခင်ကြီး Father of All Parliaments ဖြစ်တဲ့- ဗြိတိသျှပါလီမန် (British Parliament) ကနေ စတင်ခဲ့တာကို သွားတွေ့ရ ပါတယ်။

မြောက်အိုင်ယာလန် (North Ireland) နဲ့ ဗြိတိန် (Britain) တို့ ၂ခုပေါင်းကို United Kingdom of Great Britain - အတိုအားဖြင့် UK လိုခေါ်ကြတဲ့ ဗြိ တိန်နိုင်ငံမှာ အစိုးရတစ်ရပ်ကို ဖွဲ့စည်းဖြစ်ပေါ်စေတဲ့ Westminster system ခေါ်တဲ့ ပါလီမန် (လွှတ်တော်) စနစ်တစ်ရပ်ကနေ အရိပ်အစိုးရ ၀န်ကြီးအဖွဲ့ (Shadow Cabinet) ဆိုတာက ဆင်းသက်လာခဲ့ပါတယ်။

အတိုက်အခံပါတီ ခေါင်းဆောင်ရဲ့ ဦးဆောင်မှုအောက်မှာ ၀ါရင့် ပြောရေး ဆိုခွင့်ရှိသူအတိုက်အခံနိုင်ငံရေးသမားတွေနဲ့ အာဏာရအစိုးရရဲ့ဝန်ကြီး အဖွဲ့နဲ့ စင်ပြိုင်ဝန်ကြီးအဖွဲ့ (alternative cabinet) တစ်ရပ်ကို အရိပ်အစိုးရ ၀န်ကြီးအဖွဲ့ (Shadow Cabinet) အဖြစ် အတိုက်အခံ ပါတီထဲမှာ ဖွဲ့စည်း ထားကြပါတယ်။

တကယ့်အာဏာရအစိုးရရဲ့ဝန်ကြီး အဖွဲ့ထဲက ၀န်ကြီးတစ်ပါးချင်းနဲ့ အပြိုင် အတိုက်အခံပါတီရဲ့ အရိပ်အစိုးရ ၀န်ကြီးအဖွဲ့ (Shadow Cabinet) ထဲမှာ လည်း ၀န်ကြီးတစ်ပါးစီ ခန့်ထားကြပါတယ်။

အဲတော့ ဗြိတိသျှပါလီမန် (British Parliament) ထဲမှာ အာဏာရအစိုးရ ၀န်ကြီးဌာနတွေရဲ့ မူဝါဒတွေ လုပ်ငန်းကိုင်ငန်းတွေ (policies and actions) ကို၊ အတိုက်အခံပါတီရဲ့ အရိပ် အစိုးရ ၀န်ကြီးအဖွဲ့ (Shadow Cabinet) ထဲက သက်ဆိုင်ရာ အရိပ်ဝန်ကြီး (Shadow Cabinet Member) တွေက ဝေဖန်ထောက်ပြတာ၊ အစားထိုး မူဝါဒတွေ လုပ်ငန်း ကိုင်ငန်းတွေ (policies and actions) တွေ တင်ပြကမ်းလှမ်းတာတွေကို လုပ်ကြပါတယ်။

အဲဒီလို ဝေဖန်ထောက်ပြ အစားထိုး မူဝါဒတွေ လုပ်ငန်းကိုင်ငန်းတွေ စင်ပြိုင်တင်ပြနိုင်ဖို့ အရိပ်အစိုးရ၀န်ကြီးအဖွဲ့ (Shadow Cabinet) ထဲက အရိပ်ဝန်ကြီး (Shadow Cabinet Member) တွေကလည်း တကယ့် အာဏာရနေတဲ့ သက်ဆိုင်ရာ ၀န်ကြီးဌာနတွေရဲ့ မူဝါဒတွေ လုပ်ငန်းကိုင် ငန်းတွေ (policies and actions) ကို ကျေညက်စွာ လေ့လာလေ့ကျင့် ထားပြီး ဖြစ်နေကြပါတယ်။

ဒါကြောင့် ဒီမိုကရေစီ နိုင်ငံတွေမှာ အတိုက်အခံ ပါတီတွေဟာ ကြီးသည် ဖြစ်စေ ငယ်သည်ဖြစ်စေ - ငါတို့ အာဏာရခဲ့လျှင် ဆိုပြီး - အရိပ်အစိုးရ၀န်ကြီးအဖွဲ့ (Shadow Cabinet) ကိုဖွဲ့ပြီး တစ်ချိန်လုံး လေ့လာလေ့ကျင့်နေကြတာကြောင့် တကယ်အာဏာရလာတဲ့အခါ အာဏာလွှဲပြောင်းလက်ခံခြင်း (transition of power) နှင့် လက်တွေ့ အုပ်ချုပ်ခြင်း (Governing) တို့မှာ ဘာမှ အခက်အခဲမရှိ ချောချောမွေ့မွေ့ ဖြစ်ကြပါတယ်။

ဒီနေရာမှာ နိုင်ငံအလိုက် အရိပ်အစိုးရ၀န်ကြီးအဖွဲ့ (Shadow Cabinet) ထဲက အရိပ်ဝန်ကြီး (Shadow Minister) တွေကို အခေါ်အဝေါ် ကွဲပြားမှုလေးတွေ ရှိကြပါတယ်။

များသောအားဖြင့် ဒီမိုကရေစီနိုင်ငံတွေမှာ အတိုက်အခံပါတီတွေ ဖွဲ့ထား ကြတဲ့ အရိပ်အစိုးရ၀န်ကြီးအဖွဲ့ (Shadow Cabinet) ထဲက အရိပ်ဝန်ကြီး (Shadow Cabinet Member) ကို Shadow Minister လို့ခေါ်ကြပေမယ့်၊ ကနေဒါနိုင်ငံမှာတောာ့ Opposition Critic လို့ ခေါ်ကြပြီး၊ UK နဲ့ နယူးဇီ လန်မှာတော့ အရိပ်ဝန်ကြီး (Shadow Cabinet Member) ကို Spokesperson လို့ ခေါ်ကြပါတယ်။

UK ၊ ကနေဒါ နှင့် နယူးဇီလန်နိုင်ငံတွေမှာ အရိပ်အစိုးရ၀န်ကြီးအဖွဲ့ (Shadow Cabinet) ကို His or Her Majesty's Loyal Opposition လို့ ခေါ်ကြပါတယ်။

ကနေဒါ၊ သြစတြေလျ၊ နယူးဇီလန်တို့ရဲ့ နိုင်ငံတော် အကြီးအကဲဟာ ဗြိတိန်ဘုရင် (သို့မဟုတ်) ဘုရင်မ ဖြစ်တာကြောင့်၊ အဲဒီနိုင်ငံတွေက အာဏာရအစိုးရ၀န်ကြီးအဖွဲ့ကို - ဘုရင့်အစိုးရ သို့မဟုတ် ဘုရင်မ အစိုးရ ၀န်ကြီးအဖွဲ့ - (His or Her Majesty's Cabinet) လို့ ခေါ်ကြပါတယ်။

ဒါကြောင့် အဲဒီနိုင်ငံတွေက အဓိက အတိုက်အခံပါတီကြီးတွေရဲ့ - အရိပ်အစိုးရ၀န်ကြီးအဖွဲ့ (Shadow Cabinet) - ကို ဘုရင် သို့မဟုတ် ဘုရင်မ ရဲ့ သစ္စာရှိ အတိုက်အခံ His or Her Majesty's Loyal Opposition အဖြစ် ဖေါ်ပြကြရပါတယ်။

အဓိပ္ပာယ်ကတော့ အရိပ်အစိုးရ၀န်ကြီးအဖွဲ့တွေဟာ ဘုရင့်အစိုးရ သို့မဟုတ် ဘုရင်မ အစိုးရ ၀န်ကြီးအဖွဲ့ - (His or Her Majesty's Cabinet) ကိုသာ အတိုက်အခံပြုခြင်း ဖြစ်ပြီးတော့၊ နိုင်ငံရဲ့အချုပ်အခြာ အာဏာ နှင့်ဘုရင် သို့မဟုတ် ဘုရင်မရဲ့ ထီးနန်းကို အတိုက်အခံပြု ခြင်းမဟုတ်ပဲ သစ္စာစောင့်သိနေမယ် - ဆိုတဲ့ အဓိပ္ပာယ်နဲ့၊ တခါ အာဏာရအစိုးရရဲ့တရားဝင်ဝန်ကြီးအဖွဲ့ဆိုတာနဲ့ ကွဲလွဲစေဖို့ အငြင်းမပွားနိုင်စေဖို့ အတွက် အဲဒီနိုင်ငံတွေရဲ့ အရိပ်အစိုးရ၀န်ကြီးအဖွဲ့ (Shadow Cabinet) ကို - ဘုရင် သို့မဟုတ် ဘုရင်မ ရဲ့ သစ္စာရှိ အတိုက်အခံ His or Her Majesty's Loyal Opposition - လို့ ခေါ်ဝေါ် သုံးနှုန်းခြင်းပါ။

သြစတြေလျမှာဆိုရင် အတိုက်အခံ - သြစတတြလျ အလုပ်သမားပါတီ Australian Labor Party (ALP) - ဟာ သူ့ရဲ့ အရိပ်အစိုးရ၀န်ကြီး (Shadow Cabinet Member) တွေကို ပါတီထဲမှာပဲ မဲပုံးထောင်ပြီး ရွေးချယ်ပါတယ်။

များသောအားဖြင့် တခြားသော ဒီမိုကရေစီနိုင်ငံတွေမှာတော့ အတိုက်အခံပါတီခေါင်းဆောင်ကပဲ အရိပ်အစိုးရ၀န်ကြီး (Shadow Cabinet Member) တွေကို ရွေးချယ်လေ့ရှိပါတယ်။

ပြောချင်ပေးချင်တဲ့ message က - ဒီမိုကရေစီနိုင်ငံတွေမှာတော့ တကယ် လည်းအာဏာရလာရော ဘယ်သူ့ခန့်ရမှန်းမသိ ဖြစ်နေလို့ ကိုယ်ကိုယ်တိုင် ၀န်ကြီးဌာန (၄) ခုကို ၀န်ကြီးတက်လုပ်လိုက်တာမျိုး မလုပ်ကြပဲ၊ အဓိက အတိုက် အခံပါတီတွေဟာ - ငါတို့ အာဏာရ လာတဲ့အခါ ဆိုပြီး - အတိုက်အခံပါတီ ဘ၀မှာ အရိပ်အစိုးရ၀န်ကြီးအဖွဲ့ (Shadow Cabinet) ကို ဖွဲ့စည်းပြီး အာဏာရလာတဲ့အခါ ချောချောမွေ့မွေ့ အုပ်ချုပ်နိုင်အောင် နှစ်ပေါင်းများစွာ အရိပ်အစိုးရ ၀န်ကြီး (Shadow Cabinet Member) တွေနဲ့ လေ့ကျင့်ထားကြတယ် ဆိုတာပါ။

အောက်ဖေါ်ပြပါ alphabetic အက္ခရာစဉ် နဲ့ list ကတော့ လက်ရှိ နိုင်ငံတကာက အရိပ်အစိုးရ၀န်ကြီးအဖွဲ့ (Shadow Cabinet) နှင့် ခေါင်းဆောင် အရိပ်အစိုးရ၀န်ကြီးချုပ် (Shadow Prime Minister) တွေပါ။

(1) Australia
Shadow Cabinet of Australia (Australian Labor Party) (Bill Shorten)

New South Wales
New South Wales Shadow Cabinet (Australian Labor Party) (Luke Foley)

(2) The Bahamas
Shadow Cabinet (Progressive Liberal Party) (Philip "Brave" Davis)

(3) Canada
Official Opposition Shadow Cabinet of the 42nd Parliament of Canada (Conservative Party of Canada) (Andrew Scheer)

Ontario
Official Opposition Shadow Cabinet of the 41st Legislative Assembly of Ontario (Progressive Conservative Party of Ontario) (Patrick Brown)

(3) Ireland
Opposition Front Bench (Ireland) (Fianna Fáil) (Micheál Martin)

(4) Italy
Shadow Cabinet of Italy (Governo ombra) (Walter Veltroni)

(5) Jamaica
Shadow Cabinet of Jamaica (People's National Party)

(6) Japan
Shadow Cabinet of Japan - Democratic Party of Japan (Renhō Murata)

(7) Lithuania
Shadow Cabinet of Lithuania (Šešėlinis kabinetas) (Andrius Kubilius).[7]

(8) Malaysia
Shadow Cabinet of Malaysia (The National Front) (Ahmad Zahid Hamidi)

(9) New Zealand
Official Opposition (New Zealand) (New Zealand National Party) (Simon Bridges)

(10) Poland
Shadow Cabinet (Civic Platform led by Grzegorz Schetyna)

(11) Serbia
Shadow Cabinet (Serbian: Влада у сенци)

(12) Sri Lanka
Joined Opposition (led by ex-President Mahinda Rajapakshe)

(13) Slovenia
Shadow Cabinet (Slovenska demokratska stranka)

(14) Solomon Islands
Shadow Cabinet of Solomon Islands (Democratic Party and allies)

(15) South Africa
Official Opposition Shadow Cabinet (South Africa) (Democratic Alliance) (Mmusi Maimane)

(16) Thailand
Shadow Cabinet (Democrat Party) (Abhisit Vejjajiva)

(17) Ukraine
Shadow Government (Bloc of Yulia Tymoshenko, Arseniy Yatsenyuk)

(18) United Kingdom
Official Opposition Shadow Cabinet (United Kingdom) (Labour) (Jeremy Corbyn)

(19) Scotland
Shadow Cabinet (Scottish Parliament) (Scottish Conservatives) (Ruth Davidson)

(20) Wales
Official Shadow Cabinet (National Assembly for Wales) (Plaid Cymru) (Leanne Wood) & (Welsh Conservatives) (Andrew RT Davies)

Ref:
https://en.wikipedia.org/wiki/Shadow_Cabinet