ညီဘွားညီရဲ့ ဖြေရှင်းချက်တွေအပေါ် ပြန်ထောက်ပြလိုက်တဲ့ ဒေါ်တူးတူးတင်ရဲ့ ခင်ပွန်း ဦးမင်းလွင်တင်

ညီဘွားညီနှင့် interview ဖြေကြားချက်များတွင် လိုအပ်နေသည့်အချက်များကို ပြန်လည်၍ ဖြည့်စွက်ထောက်ပြပေးခြင်း။

ကျွန်တော်ညီဘွားညီရဲ့ အင်တာဗျူးများကို ယနေ့ပဲကြည့်လိုက်ရပါတယ်။ ပထမတုန်းကတော့ သူ့အပြစ်ကိုနားလည်ပြီထင်ပြီး ဒီအတိုင်းပဲ ငြိမ်နေမလို့ပါပဲ။ online ပေါ်မှာ သူတစ်ပြန်ကိုယ်တစ်ပြန် ဖြေရှင်းရတာမျိုး မလုပ်ချင်ဘူး။ သူ့ဘက်က ဖြေရှင်းပြလိုက်တော့ ကျွန်တော်ဘက်မှာပြောစရာ ထောက်ပြစရာတွေ အများကြီးဖြစ်လာလို့ ဒီpost ကိုတင်ပေးလိုက်တာပါ။ အဓိကရည်ရွယ်ချက်က သူ့ရဲ့တစ်ဘက်သက် ဖြေရှင်းချက်ကိုပဲ နားမထောင်ဘဲ ကျွန်တော့်ရဲ့ဖြေရှင်းချက်နှင့် နှိုင်းယှဉ်နားလည်သဘောပေါက်စေရန် ရည်ရွယ်ပါတယ်။ သူ့ကိုရန်သူ၊ ပြိုင်ဖက်လို့လဲ သဘောမထားသလို၊ တူးတူးတင်ကိုလည်း ဥပက္ခာတရားနဲ့ပဲ လက်ကိုင်ထားပြီး ဖြေရှင်းနေပါတယ်။

မြန်မာပြည်တွင်တွေ့ဆုံပြီး အမေတစ်ယောက်လိုသဘောထားပြီးမှ ကျေးဇူးတရားတွေကို နားလည်လွန်းလို့လေး ခေါ်ဝေါ်သုံးစွဲပုံပါ။
သူတို့နှစ်ယောက်လုံးက ကျွန်တော့်ဘဝကို ဒုက္ခရောက်အောင် လုပ်ဆောင်ခဲ့ကြတာပါ။ သူ့ဖြေရှင်းချက်အပြီးမှာ တချို့လူတွေဆိုရင် ကျွန်တော့်ကိုတောင် အပြစ်တင်ပြီးပြောဆိုနေတာတွေ တွေ့ရပါတယ်။

ညီဘွားညီဖြေရှင်းသွားတာဟာ သာမာန်သူတစ်ယောက် နားထောင်ကြည့်မယ်ဆိုရင် ဟာကွက်မရှိဘဲ အပြစ်ကင်းတယ်လို့ ထင်ရအောင် ကောင်းကောင်းပြင်ဆင်ခဲ့ပါတယ်။ ဒါပေမယ့် ကျွန်တော့်အတွက် ( သူတို့ကိစ္စတွေကို အသေးစိတ်သိထားသူ) အတွက်တော့၊ သူပြောသမျှ စကားတွေဟာ မှန်တာတစ်ဝက်မှားတာတဝက်နှင့် မဟုတ်မမှန်တာတွေပါနေလို့ ဖြေရှင်းပေးချင်တာပါ။

ရှေးဦးစွာမေတ္တာရပ်ခံချင်တာကတော့ သားသမီးချင်းကိုယ်ချင်းစာစိတ်ထားပေးကြဖို့နှင့် ညီဘွားညီရဲ့သား အသက်(၁၀)နှစ်အရွယ်ကလေးဟာ အမှန်တကယ်ကို အပြစ်ကင်းစင်ပါတယ်။ သူ့ရဲ့ကလေးကို သူ့အဖေရဲ့အရိပ်မဲကို မထိရောက်စေချင်ပါဘူး။ မိဘကြောင့်သားသမီး ထွန်းတောက်တာမျိုးကို ဖြစ်စေချင်ပေမယ့် ၊ မိဘကြောင့် သားသမီးကို ဒုက္ခရောက်ပြီး လူတောမတိုးဝံ့တဲ့အဖြစ်မျိုး မဖြစ်စေချင်ပါ။ ကလေးကို ဖခင်နှင့်နှိုင်းယှဉ်ပြီး ဆဲဆိုချင်းမပြုပါနဲ့လို့ တောင်းဆိုချင်ပါတယ်ခင်ဗျား။ ဖြစ်နိုင်ရင် ပတ်ဝန်းကျင်မှ ကူညီပြီးစိတ်ဓာတ်မပျက်ပြားသွားစေရန် ကူညီပေးစေချင်ပါတယ်။ စိတ်ရင်းအမှန်ပါ။

သားလေးကို သနားပြီးဖြေရှင်းတာပါလို့ပြောထားတယ်။ သားလေးကို အမှန်တကယ်ချစ်ရင်၊ သနားရင် အမှန်တရား ( အစစ်အမှန် )ကို ဖေါ်ထုတ်ဖြေရှင်းပြပြီး ဝန်ခံဖြေရှင်းစေချင်ပါတယ်။ မဟုတ်ရင် အမှန်တရားအတွက် ဖြေရှင်းတဲ့သူနဲ့ထိပ်တိုက်တွေ့ပြီး ကလေးပိုပြီးအရှက်ရမှာ စိုးရိမ်လို့ပါ။ ကလေးကို cover ယူ၊ ပေးပို့သည့်ငွေမှ ရာခိုင်နှုန်းအနည်းငယ်မျှဖြင့် လှူဒါန်းသောအလှူကို အကြောင်းပြ၊ အသက်ကြီးမှန်းမသိလို့ပါဆိုတဲ့ အပြစ်မဲ့တဲ့ပုံစံနှင့် ပြောဆိုနေမှုတွေ ဆရာတော်ဘုရားကြီးတွေအထိပါ သက်သေတည်တာတွေကို ဖြစ်နိုင်ရင်မလုပ်တာ အကောင်းဆုံးပါ။

အတတ်နိုင်ဆုံး အပြစ်တွေကို ဝန်ခံပြီး လုပ်ပြီးခဲ့တဲ့ အပြစ်တွေကို ဆေးကြောနိုင်အောင် ကြိုးစားရင် လူတွေက အကောင်းမြင်ကောင်းမြင်နိုင်လာမယ်။ အခုတော့ မငြင်းပယ်နိုင်တဲ့ သက်သေနှင့်တကွ တင်ပေးထားတဲ့အရာတွေလောက်ပဲ ဝန်ခံပြီးတော့ ကျန်နေသေးတဲ့ အကြောင်းအရာတွေကို လိမ်ပြီးပြောနေမယ်ဆိုရင် ပတ်ဝန်းကျင်က ပိုပြီးမုန်းတီးလာပါလိမ့်မယ်။

မြန်မာပြည်တွင် တွေ့ပြီး မှ အမေလိုချစ်ခင်လေးစားလွန်း၍ ငွေမပေးနိုင်သည့်အတွက် မိန်းမယုတ် ဟု ခေါ်ဆိုပုံ။

အခုပို့စ်မှာလည်း ညီဘွားညီ တစ်ဦးတည်းကို ထိပ်တိုက်ဖြေရှင်းပြီး ပြောတာမဟုတ်သလို၊ ဒေါ်တူးတူးတင်၏ လှည့်စားဉာဏ်များသောလုပ်ရပ်များကိုလည်း တင်ပြပေးသွားပါမယ်။ အပြစ်ရှိသူ၂ဦးလုံးအတွက် ဘက်မလိုက်ဘဲ အရှိကိုအရှိအတိုင်း တင်ပြပေးပါမည်။ တင်ပြပေးသည့် အချက်အလက်များသည် နောက်မီးလင်းသည့် မိန်းမတစ်ဦး၏ လင်ကြီးတစ်ဦး ခံစားချက်သက်သက်မဟုတ်ဘဲ အကျိုးအကြောင်းဆီလျှော်မှန်ကန်ချက်ရှိစွာဖြင့် သုံးသပ်တင်ပြထားပြီး၊ သက်သေများပါ ပူးတွဲတင်ပြထားပါသည်။

(၁) ညီဘွားညီ ပြောကြားချက်များအရ အစပိုင်းတွင် ဖြူဖြူတင်(ခ)တူးတူးတင်သည် သူ၏ကျေးဇူးရှင်၊ မိခင်တစ်ယောက်ကဲ့သို့ ရည်ညွှန်းပြောဆိုခဲ့ပြီး အဆုံးတွင် သူ့ကိုအားလုံးပုံချ၍ ကိုယ်လွတ်ရုန်းပြေးပြီး ပရိသတ်ရဲ့ချစ်ခင်မှုကို တောင်းခံခဲ့တယ်။ ဒေါ်တူးတူးတင် လိမ်လည်ပြောဆိုနေခဲ့သည်ကို လုံးဝယုံကြည်ပါသည်။ သို့ရာတွင် လက်ခုပ်ဆိုသောအရာသည် လက်နှစ်ဖက်နှင့်တီးမှ အသံမြည်နိုင်သလို လိမ်တာကိုသိလျက်နှင့် ငွေရပေါက်ရပ်သွားမည်ကို စိုးရိမ်၍ သိလျက်နှင့် ရှေ့ဆက်တိုးနေတဲ့ ညီဘွားညီကိုလည်း အပြစ်မဲ့သည်ဟု မဆိုနိုင်ပါ။

အလှူလုပ်ချင်စိတ်ရှိသူဟု အမွှန်းတင်ထားသော ဒေါ်တူးတူးတင်အားရည်ရွယ်၍ သာသနာကိုစော်ကားသော မိန်းမဟု ခေါ်ဆိုလိုက်သောအခါ။။

(၂) သာမာန်လူယောက်ျားတစ်ဦးအနေဖြင့် မျက်နှာသေချာမမြင်ရဘဲ အသံသာကြားရသော၊ အသက်အအရွယ်တိကျသေချာမသိသော အမျိုးသမီးတစ်ဦးနှင့် long distance relationship ပုံစံဖြင့် “မနှင့်မောင်” အခြေအနေအထိ ချစ်ကျွမ်းဝင်နေနိုင်ခြင်းမှာ စွမ်းအင်ကြီးမားသော ချစ်ခြင်းမေတ္တာကြောင့်လို့ယူဆပါသလား။ သို့တည်းမဟုတ် ဒုတိယဘုရားသခင်ဟု တင်စားခေါ်ဝေါ်သော ‘ငွေ’ ဆိုသည့် သည်းခြေကြိုက် ပစ္စည်းကြောင့်လားဆိုတာကို ဝေဖန်ပိုင်းခြားနိုင်ပါစေ။

အသက်ကြီးနေတာကို သိနေပြီး(သို့မဟုတ်) သံသယရှိနေသော်လည်း ကြိတ်မိတ်ပြီး မမေးဘဲနှင့် နေနိုင်သည်မှာ ငွေရပေါက်လမ်းကြောင့်ပင် မဟုတ်ပါသလား။ ဘယ်သူမဆို ကိုယ်တိုင်သံယောဇဉ်ဖြစ် ချစ်မိပြီဆိုလျှင် မျက်နှာတော့မြင်ဖူးချင်မှာပေါ့။ အသံက သက်သက်မဲ့လုပ်ပြီး ပြောရင်တောင်(၇၀)ကျော်အသံက (၃၀)ကျော်အသံ ဖြစ်စရာအကြောင်းမရှိပါ။ ငွေရနေလို့သာ အလိမ်ခံချင်နေတာပါ။

(၃) ကျွန်တော်ရိပ်မိသောကြောင့် ဒေါ်တူးတူးတင်အနေဖြင့် ကျွန်တော်ယုံကြည်နိုင်စေရန် ဘုရားစင်ရှေ့တွင် သစ္စာရေသောက်ပြီး ကျိန်တွယ်ပြောဆိုသည်အထိ မိုက်မဲခဲ့ပါသည်။ နောက်တွင်လည်း ဆက်လက်ဖောက်ပြန်ခဲ့သည်။ လိမ်လည်ပြောဆိုသည့် မိုက်မဲသူအချို့တို့သည် အများယုံကြည်စေရန် ဘုရား၊ တရားကို ဒိုင်းတစ်ခုကဲ့သို့အသုံးပြုပြီး မိမိကိုယ်ကို ကာကွယ်ပြောဆိုမှုများသည် မိမိကိုယ်ကိုဒုက္ခထပ်မံ၍ ပေးမိနေကြောင်း နားလည်နိုင်စွမ်းမရှိတော့ပေ။

အပြစ်ကိုဆေးကြောနိုင်ရန်သာ ကြိုးစားပြီး ဘုရား၊တရားကို စိတ်ရင်းမှန်ဖြင့်သာ နှလုံးသွင်းသင့်ပေသည်။ ယခုဒေါ်တူးတူးတင် မြန်မာပြည်မှပြန်လာပြီးမှ ပတ်ဝန်းကျင်မှ ဒိန်းမတ်နိုင်ငံနေ မိတ်ဆွေတစ်ဦး၏ ပြောပြချက်အရ ဒေါ်တူးတူးတင်သည် တဏှာစိတ်မွှန်ပြီး စိတ်ပိုင်းဆိုင်ရာ ပြင်ဆင်၍ မြန်မာပြည်သို့သွားရောက်ခဲ့သည်။ သူ၏ရုပ်ပိုင်းဆိုင်ရာအရလည်း ဆံပင်တွေဆေးဆိုး ဆံပင်တွေကောက်၊ မျက်ခုံးမွေးပြုပြင်၊ သွားပြုပြင် အစရှိသည်ကို ထိန်းသိမ်းပြင်ဆင်ခဲ့သည်။

သူတို့နှစ်ဦးအတူတူအိပ်တာ မအိပ်တာကို ကျွန်တော်အနေနှင့် ဝေဖန်ဆွေးနွေး၊ ငြင်းခုံခြင်း မပြုလုပ်ချင်သလို၊ သိချင်စိတ်စိတ်လည်းမရှိပါ။ လင်ကြီးတစ်ယောက်ရဲ့ ခံစားချက်ကို နားလည်နိုင်မည်ဟု မျှော်လင့်မိပါသည်။ ကိုယ်တိုင်ကိုယ်ကျ မမြင်တွေ့ရပေမယ့် တဏှာစိတ်မွှန်ပြင်ဆင်ပြီးသွားခဲ့တဲ့သူနှင့် ငွေရရင်ဘာမဆိုလုပ်မယ့်သူနဲ့ တွေ့ဆုံမှု အခြေအနေအားလုံးကို နာလည် သိရှိနိုင်ပါတယ်။

ဒုသနသော ကံအပြစ်ကို ၂ဦးလုံးကသိ၍ဖြစ်စေ၊ မသိ၍ဖြစ်စေ၊ မသိတသိဖြင့်ဖြစ်စေ၊ ကာယကံအရဖြစ်စေ၊ ဝစီကံအရဖြစ်စေ၊ မနောကံအရဖြစ်စေ၊ တစ်ခုခုနှင့်တော့ကျူးလွန်ပြီးခဲ့ပါပြီ။ အပြစ်ကိုဆေးကြောနိုင်ရန်သာ ကြိုးစားပြီး အမှန်အတိုင်းဝန်ခံပြောကြားပါ။ (၇၀)ကျော်အမျိုးသမီးတစ်ယောက်ဖြစ်ပြီး ငရဲမကြောက်တာ အံ့သြမိပါတယ်။ ငွေကြေးအရှုပ်အထွေးပါနွယ်လာတော့ပိုဆိုးပါတယ်။

ဒေါ်တူးတူးတင် တစ်ယောက်ထဲအတွက်ဖွင့်ထားတဲ့ viber account profile picture ကတော့ အမေ တစ်ယောက်လိုအစားထိုးပြီး ချစ်လို့ဖြစ်မှာပါ။

(၄) ညီဘွားညီက ဒေါ်တူးတူးတင်သူ့ကို အကြွေးတွေနဲ့ထားခဲ့တယ်လို့ ပြောပါတယ်။ ကျွန်တော့်ကိုပင်မက သူ့ကိုပါ ဒုက္ခတွင်းထဲမှာ ထားခဲ့တယ်ဆိုတဲ့ သဘောပါ။ သူပြောပုံအရဆိုရင် အလှူကိုတောင်အကြွေးနှင့်လှူပြီး ဒေါ်တူးတူးတင်က ပေးမည်လို့ကတိပေးခဲ့သလိုပါပဲ။ (သို့မဟုတ်)တစ်နိုင်ငံလုံးဘုရားဖူးလည်ပတ်မှု၊ တစ်မိသားစုလုံးအတွက် ကုန်ကျငွေ(၁၂)ရက်စာကို ဘယ်သူက အကုန်ကျခံပေးမည် ထင်ပါသလဲ။ ဒေါ်တူးတူးတင်ပြန်လာပြီး (၁)ရက်အကြာမှာကျွန်တော်က သူမရဲ့ဖုန်းကိုယူထားတဲ့အချိန်မှာ ညီဘွားညီထံမှ ဖုန်းခေါ်လာလို့ ကျွန်တော်ဖုန်းကိုင်ပြီးဖြေတော့ ညီဘွားညီ၏ အဒေါ်ဖြစ်သူနှင့် စကားပြောဖြစ်ခဲ့ပါသည်။

သူမက ကျွန်တော်ကို ဒေါ်တူးတူးတင်အနေဖြင့် ငွေ သိန်း(၂၀၀)အကြွေးပေးရန်ရှိနေသည့်အတွက် တာဝန်ယူပြီး ပြန်ရှာပေးရန် ဖြေရှင်းပေးရန် တောင်းဆိုခဲ့သည်။ ဒီလောက်ထိငွေကြေး အမြောက်အများ လက်ခံရှိပြီးတာတောင်မှ ငွေသိန်း (၂၀၀) ကိုထပ်မံတောင်းခံနေသည့် သူတို့၏စိတ်ရင်းအမှန်ကို ဘယ်လိုမှသည်းခံနိုင်စွမ်းမရှိတော့၍ မိမိကဲ့သို့ အိမ်ထောင်ရှင်ယောက်ျားများ၊ တခြားအမျိုးသမီးများ ထိုကဲ့သို့သော ဒုက္ခများ၊ လှည့်ဖြားမှုများမှ ကင်းဝေးအောင်၊ ပထမပို့စ်ကိုတင်ပေးခဲ့ခြင်းဖြစ်သည်။

၎င်းသိန်း (၂၀၀)သည် ၎င်းတို့မိသာားစုအားလုံး (၁၂) ရက်ခန့် ဘုရားဖူးလည်ပတ်မှုကို ဒေါ်တူးတူးတင်မှ တာဝန်ယူ အကုန်အကျခံမည်ဟု နှုတ်ကတိပေးခဲ့သည်ဟု သိရှိရသည်။ ကျိုက်ထီးရိုးဘုရားသို့အတက်အဆင်းတွဲ၍ လိုက်ပို့ပေးခဲ့သည့် ညီဘွားညီ၏ စေတနာမေတ္တာတွေဟာ၊ ငွေသိန်း(၂၀၀)ကို လင်ကြီးဟု သိရှိထားသည့် ကျွန်တော့်ထံမှ တောင်းခံနိုင်ရဲသည့် စိတ်ဓါတ်နှင့် နှိုင်းယှဉ်ကြည့်ပါက သူ၏စိတ်ထားအမှန်ကို ပေါ်လွင်စေပါတယ်။ ကိုယ့်ရဲ့ကျေးဇူးရှင်လို့ သတ်မှတ်ထားတဲ့သူရဲ့ ဓာတ်ပုံကိုတောင် လူကြားထဲမှာ ထုတ်မပြရဲလောက်အောင် ပုဂံ၊ အင်းလေး၊ ငွေဆောင် ပုသိမ်ခရီးစဉ်တွေမှာ ဘာလို ကျေးဇူးရှင်ဆိုသူကို့ တောက်လျှောက်ဖွက်ထားရတာလဲ။

အမေတစ်ယောက်လို သဘောထားတဲ့ ကျေးဇူးရှင်ကို ရိုသေစွာဖြင့် မင်းနဲ့ငါလို့ပဲ သုံးတာလား? လင်မယားလို သဘောထားလို့ မင်းနဲ့ငါ သုံးတာလား ဆိုတာ ကာယကံရှင် ပဲသိနိုင်ပါမယ်။

(၅) ဒေါ်တူးတူးတင်ကို ရိုသေလေးစားပြီး အမေ အစားထိုးပြီး ချစ်ခင်တာပါဆိုသည့် ညီဘွားညီ တင်ထားတဲ့ပို့စ်တွေက သက်သေတွေကိုပါ တင်ထားပါတယ်။ ဓာတ်ပုံကိုကြည့်ပါ မိန်းမယုတ်မကို ပုံနှင့်တကွမနက်ဖြန်ညီတင်တော့မည်လို့ ဆိုပြီးချိန်းခြောက်၍ ငွေတောင်းတာ ကြောင့် ငွေတွေကို ဒေါ်တူးတူးတင်က ရန်ကုန်မှအမျိုးတွေဆီကနေလှည့်ပတ်ချေးငှားပြီးပေးလိုက်မှ ပြန်ပြီးပြေလည်သွားကာ သူတင်ထားသောပို့စ်ကို ပြန်လည်၍ဖျက်ဖြစ်လိုက်ပါသည်။

ငွေသာအချိန်မှီမရရင်တော့ သူ့ရဲ့post တွေမှာ ယခင်က ဓာတ်ပုံလုံးဝမတင်ပြခဲ့တဲ့ ဒေါ်ဖြူဖြူတင်(ခေါ်)တူးတူးတင်ကို အရှက်ခွဲဖို့ပဲဆိုတာကို မငြင်းနိုင်ပါဘူး။ ဘာလို့ (သက်သေဓာတ်ပုံ) ဒီpost တွေကို ဖျက်ပြစ်တာလဲ? အင်တာဗျူးလုပ်ရင် ပို့စ်မဖျက်ဘဲ လုပ်ရဲရတယ်။ ဒီပို့စ်နဲ့ပတ်သက်ပြီးတော့လဲ မရှင်းသွားဘူးနော်။

(၆) ဒေါ်တူးတူးတင်(ခေါ်) ဖြူဖြူတင် နှင့် ညီဘွားညီ ရဲ့ အလှူဆိုပြီးတင်ခဲ့တယ်။ ဒါပေမယ့် ဘယ်တုန်းကမှ ဒေါ်တူးတူးတင်ဓါတ်ပုံကို တင်ရဲလောက်အောင် သတ္တိမရှိပါ။ တကယ်လို့သာ ဓါတ်ပုံတင်ခဲ့ရိုးမှန်ရင် ကျွန်တော်လဲ မသိစရာအကြောင်းမရှိပါ။ သူကိုယ်တိုင်သူ့ရဲ့ carrer မင်းသားအလုပ်ကိုထိခိုက်မှာစိုးရိမ်လို့ အသက်ကြီးမိန်းမတစ်ယောက်ရဲ့ဓာတ်ပုံကိုသူ့ရဲ့မိန်းမဆိုပြီး မတင်ပါဘူး။ အများကိုပြောတော့ single ပါဆိုပြီးပဲပြောတာပါ။ ဖြူဖြူတင်ကျေနပ်အောင်သာ ညီဘွားညီ ဇနီးဖြူဖြူတင် ကောင်းမှုဆိုပြီး စာတမ်းထိုး နှစ်သိမ့်ခဲ့တာပါ။

(၇) ကျွန်တော် ဒေါ်တူးတူးတင်ရဲ့ဖုန်းအတွင်းမှ ညီဘွားညီဆီမှ ပို့ထားတဲ့message တွေကို တင်ပြထားပါတယ်။ ၊ မြန်မာပြည်မှပြန်လာပြီးမှ လက်တုန်နေသော အဘွားကြီးမှန်းသိပြီးမှ (၁၇.၅.၂၀၁၈) ပို့ထားတာလေးတွေပါ။ သူရဲ့အမေတစ်ယောက်လိုပဲ ဆက်ဆံတာပါဆိုတဲ့ စိတ်ဓာတ်တွေကို သေချာစွာ တွေ့မြင်နိုင်ပါတယ်။ မိန်းမတစ်ယောက်ကို ရေးတာလား၊ အမေတစ်ယောက်ကိုရေးတာလား ဆိုတာကို ဝေဖန်ပေးပါခင်ဗျား။ screen shot ဓာတ်ပုံကိုကြည့်၍ မှန်ကန်စွာဝေဖန်ပေးစေချင်ပါတယ်။

(၈) တူးတူးတင်လှည့်စားတာကို ခံရတာပါ။အပြစ်ကင်းပါတယ်လို့ ဘယ်လိုပင်ပြောနေပါစေ အပြင်မှာတွေ့ပြီး “မနှင့်မောင်” ဇာတ်လမ်းဆက်လုပ်နေတဲ့ သတ္တိကိုတော့ အားလုံးကလေးစားကြမှာပါ။ အဝတ်တစ်ထည်၊ ကိုယ်တစ်ခုနှင့်လို့ ပြောရအောင် ဒေါ်တူးတူးတင်ဝတ်ထားတဲ့အဝတ်အစားတွေက ဒိန်းမတ်ကနေသူယူသွားတဲ့ အဝတ်တွေပါပဲ။ ငွေဆောင်မှာရိုက်ထားတဲ့ဓာတ်ပုံထဲကအင်္ကျီကသက်သေပါ။

(၉) ဒေါ်တူးတူးတင်က ဒုက္ခပေါင်းစုံ ခံစားနေရတဲ့ ကျွန်တော့်ကိုအနည်းငယ်မျှပင် စိုးရိမ်ပူပန်မှုမရှိဘဲ ယခုအချိန်ထိပင် ညီဘွားညီတစ်ယောက် အရှက်ကွဲပါပြီ၊ သနားပါတယ်။ ကိုယ့်ကိုကိုယ် သတ်သေရင်ဒုက္ခပါပဲဟုသာ စိုးရိမ်လွန်ကဲနေသော ဒေါ်တူးတူးတင်၏ ဖြစ်အင်ကို အလွန်တရာမှပင် အံ့သြ၍သံဝေဂရမိပါသည်။ ယခုအချိန်ထိ နောင်တမရဘဲ ရှေ့ဆက်တိုးရန်သာ အကြံထုတ်၍ လောလောဆယ်တွင် ဂဠုန်ဆားချက်နေသော ဒေါ်တူးတူးတင်ကိုမြင်ရပြီး မိမိဝဠ်ကြွေးကြီးမားကြောင်း သိရပါသည်။

မည်သို့သောအရာက ၎င်းအား ထိုကဲ့သို့တမ်းတစွဲလန်းအောင် ဖြစ်စေခဲ့သနည်းဆိုတာကိုတော့ မသိလိုတော့ပါ။ ပတ်ဝန်းကျင်မှ ပြောပြချက်အရ ” ငါ့ဘာသာ ငါလင်ငယ်ကိုချစ်လို့ပေးတာ။ ဘယ်သူ့ကိုဂရုစိုက်ရမှာလဲ” ဟူသော စကားကိုလည်းပဲ နောင်အခါတွင်မှ ပြန်ကြားမိ၍ရင်နင့်အောင် စိတ်မကောင်းဖြစ်ရပါတယ်။ ဘယ်သူမပြုမိမိမှုပါ။

(၁၀) ညီဘွားညီက ဒေါ်တူးတူးတင်ထံတွင် ပြန်စရာစရိတ်ပင်မရှိတော့ဟု ပြောသောစကားမှာ အမှန်တရားပင်ဖြစ်ပါသည်။ အဘယ်ကြောင့်ဆိုသော် လင်ကြီးဖြစ်သူကျွန်တော်မှ အစစအရာရာပြီးပြည့်စုံအောင် စီစဉ်ပေးခဲ့ပြီး ငွေကြေးအလုံအလောက်နှင့် လေယာဉ်လက်မှတ်အသွားအပြန်နှစ်ကြောင်းစာဝယ်ပေးလိုက်သော်လည်း ၎င်းမှညီဘွားညီအား ပါလာသောငွေကြေးများအား အကုန်ပေးကမ်းပြီး နောက်လက်ထဲတွင်ငွေလုံးဝမကျန်တော့ပဲ၊ ညီဘွားညီ၏ ထပ်မံ၍ အရှက်ခွဲမည်ဟု ချိန်းခြောက်ငွေ တောင်းခံမှုကို ထိတ်လန့်ပြီး ဆွေမျိုးများဆီမှ ငွေကြေးများကိုချေးငှားပြီး ညီဘွားညီအားနှစ်သိမ့်စေခဲ့သည်။ ယခုအချိန်တွင် ဒေါ်တူးတူးတင်၏ အမျိုးများမှ သူမ၏လုပ်ဇာတ်များကို နားလည်သဘောပေါက်ပြီး ကျွန်တော့်ဘက်မှ ရပ်တည်ကာ အောက်ပါအကြောင်းအရာအားပြောပြခဲ့သည်။

သူတို့ နှစ်ယောက် ဘယ်သူနိင်ပြီး ဘယ်သူရှုံးလဲတော့ မသိပေမယ့် သေချာတာ ကတော့ ငွေကြေးအရှိန်အဝါရဲ့ လွှမ်းမိုးမှုတွေကို မရုန်းထွက်ချင်ခဲ့တာ အတိအကျပါ။ အကြွေးတွေ ဝိုင်းနေတဲ့ ကျွန်တော်က အသိဆုံပါ။

ဒေါ်တူးတူးတင်နှင့်၎င်း၏ဆွေမျိုး(တူမ) များသည် ပြည်မြို့နတ်ကနားပွဲသို့ အတူတကွသွားရောက်ခဲ့သည့် ခရီးစဉ်တွင် ညီဘွားညီနှင့်၎င်းတို့တွေ့ဆုံခဲ့သည်။ ညီဘွားညီပြောသည့် မည်သည့်ဆွေမျိုးကိုမှ မသိပါဟူသောစကားသည် မမှန်ကန်ပေ။ ထိုနတ်ကနားပွဲသွားစဉ်တွင် ညီဘွားညီသည် လက်ထပ်စာချုပ်ကိုတပါတည်း ယူဆောင်လာခဲ့ပြီး ဒေါ်တူးတူးတင်၏ ကြွားလုံးထုတ်ထားသော ပိုင်ဆိုင်မှုများကို မျှော်ကိုးပြီး ပိုင်ဆိုင်မှုခိုင်မာစေရန်အလို့ငှာ လက်ထပ်ရန် စီစဉ်ခဲ့သည်။

ဒေါ်တူးတူးတင်၏ အမျိုးများမှဝိုင်းဝန်းပြီး ကန့်ကွက်နိုင်ခဲ့သဖြင့် လက်ထပ်မှုအထမမြောက်ခဲ့ကြောင်း သိရှိခဲ့ရပါသည်။ ၎င်းဖြစ်ရပ်ကို ကြည့်ခြင်းအားဖြင့် ညီဘွားညီ၏ ဒေါ်တူးတူးတင်အပေါ်တွင် အဘွားကြီးတစ်ယောက်မှန်း သိသော်လည်း ထားရှိသည့် စိတ်ထားအမှန်ကို ပေါ်လွင်စေပါသည်။ အင်တာဗျူးအဖြေများတွင်မိခင်တစ်ယောက်ကဲ့သို့ သဘောထားကြောင်း မှားယွင်းစွာ ပြောဆိုခဲ့ပါသည်။

(၁၁) ညီဘွားညီရဲ့ပြောကြားချက်အရ (၅)ရက်အကြာမှပဲယောက်ျားရှိတယ်ဆိုတာ ပေါ်လာတယ်လို့ ဖြေကြားခဲ့ပါတယ်။ ကျွန်တော်မှန်သော စကားဆိုပါမည်။ လွန်ခဲ့သော တစ်နှစ်ခန့်က ကျွန်တော့်ကိုမိတ်ဆွေအချို့က ဒေါ်တူးတူးတင်အပေါ်တွင် သံသယဝင်ကြောင်း တိုင်တန်းပြောဆိုခဲ့သဖြင့် ညီဘွားညီ၏ facebook account messenger သို့ စာရေးပြီး ဒေါ်တူးတူးတင်(ခ)ဖြူဖြူတင်သည် ကျွန်တော်၏မိန်းမဖြစ်ကြောင်းနှင့် လုပ်ရပ်များကို ရပ်ပါဟု စာရေးပေးပို့ခဲ့သော်လည်း ကျွန်တော့် account minlwintin အား block လုပ်ခဲ့ပါတယ်။ ကျွန်တော်လဲ အတိအကျမသိဘဲ သံသယအဆင့်သာဖြစ်သဖြင့် ထပ်မံ၍ ဆက်သွယ်ရန် မကြိုးစား မစုံစမ်းခဲ့ပါ။

(၁၂) ညီဘွားညီရဲ့အင်တာဗျူးအပြီးမှာတော့ တစ်ချို့သော သူများက သူ့ရဲ့professional skill ဖြစ်တဲ့ ၂ရက်လောက်ကြိုတင်ပြင်ဆင်ထားတဲ့ အပြစ်မဲ့တဲ့သားကို ဒိုင်းတစ်ခုလို အကာအကွယ်လုပ်ပြီး၊ ပရဟိတဆိုတဲ့ မြင့်မြတ်တဲ့ စကားလုံးကို အသုံးပြုထားတဲ့ ကျွမ်းကျင်တဲ့သရုပ်ဆောင်ပညာကို ကြည့်ရှုပြီးတဲ့နောက်မှာတော့၊ သူကဝဋ်ကြွေးရှိလို့ပါ သနားပါတယ်ဆိုတဲ့သူတွေကို အများကြီးတွေ့လိုက်ရပါတယ်။ သူ့ကိုသနား စာနာကြတာဟာ ကျွန်တော်နှင့်တိုက်ရိုက် မပတ်သက်တော့ မဝေဖန်ချင်ပါဘူး။

ကျွန်တော်ကတော့ ကျွန်တော်သိတဲ့အမှန်တရားကို စာရေးပြီးတင်ပြပေးခြင်းသာ ဖြစ်ပါတယ်။ ငွေလည်း ကျွန်တော်မချူပါဘူး။ မျက်ရည်လည်းမချူပါဘူးခင်ဗျား။ သို့ပေမယ့် မိန်းမဖြစ်ဖြစ်၊ ယောက်ျားဖြစ်ဖြစ်၊ ကိုယ့်ခင်ပွန်း၊ ဇနီးကနောက်အငယ်အနှောင်းနှင့်ဖောက်ပြန်ပြီး မိမိတို့ရှာသမျှ ငွေကြေးတွေကို အငယ်အနှောင်းကို အားလုံးပေးပြီးတဲ့အပြင် နောက်ထပ် မိမိနာမည်ကိုအသုံးချငွေချေးငှားပြီး မိမိကို အကြွေးပတ်လည်ဝိုင်းအောင် ဒုက္ခရောက်အောင် လုပ်ခဲ့မယ်ဆိုရင် အများပြောနေကြတဲ့ “လင်ကြီး” ဆိုတဲ့နေရာက သူရဲ့ခံစားမှုကိုရော နားလည်ပေးနိုင်ကြပါစေခင်ဗျား။ နောင်ဘဝဆက်တိုင်းမှာလည်း လင်ငယ်အတွက် ငွေရှာပေးရတဲ့ လင်ကြီး ဘဝဘယ်တော့မှ မဖြစ်ရပါစေနဲ့ လို့ဆုတောင်းပါတယ်။ ခုဘဝမှာလည်း ဝဋ်ကြွေးတွေ မြန်မြန်ကျေပါစေ။

(၁၃) နောက်ဆုံးအနေဖြင့် ညီဘွားညီ၏ တောင်းပန်သည့်စကားကို ကျေနပ်စွာ လက်ခံပါသည်။ သို့ရာတွင် ခွင့်လွှတ်နိုင်ရန်မှာ ကျွန်တော်သည် ပုထုဇဉ် လူသားတစ်ဦးဖြစ်သည့်အတွက် လုံးဝမဖြစ်နိုင်ပါ။ ယခုအချိန်တွင် လိုအပ်သည့် အထောက်အထား အချက်အလက်များကို ပြင်ဆင်နေပြီး အရာရာအတွက် စိတ်ပိုင်းဖြတ်ထားပါသည်။ ညီဘွားညီအနေဖြင့် ပရိတ်သတ်ကိုတန်ဖိုးထားပြီး ပရိတ်သတ်ရဲ့စစ်မှန်တဲ့ ချစ်ခြင်းကိုလိုချင်တယ်ဆိုရင် ပရိတ်သတ်ကို စစ်မှန်သော အမှန်တရားပြောပြပါ။

ပရိတ်သတ်က အမှန်တရားကို မြတ်နိုးပါတယ်။ ပရိတ်သတ်ရဲ့ မေတ္တာကိုလိုချင်တဲ့စကားတွေလဲ ကြားရပါတယ်။ အခုလိုအဖြစ်အပျက်နှင့် လူသိများနေတဲ့ အခွင့်အရေးကို အသုံးချပြီး ပရိတ်သတ် လက်ခံစေချင်ရင်တော့ အလိမ်အညာမပါဝင်တဲ့ အမှန်တရားကို ပြောပြ၍ မိမိအပြစ်ကိုဆေးကြောပါ။ အမှန်တရားကို မပြောပြဘဲ ငိုပြနေပြီး၊ မိမိရိုက်ခဲ့သော ဇာတ်လမ်းအကြောင်းတွေပြောပြ ကြော်ငြာဝင်ပြီး၊ လတ်တလောအနုပညာလှုပ်ရှားမှုတွေကိုပဲ တင်ပြပြောနေမယ် ဆိုရင်တော့၊ ပရိတ်သတ်ကလည်း လက်မခံပါဘူး။

ကျွန်တော်ကတော့ အမှန်တရားအတွက် ဆက်လက်ဖြေရှင်းမှာ ဖြစ်ပါတယ်။ နောက်တခါ အင်တာဗျူးဖြေရင်တော့ အမှန်တရားများ ထွက်ပေါ်လာပြီး ဝန်ခံနိုင်ပါစေ။ အပြစ်တွေကိုဝန်ခံ ဆေးကြောပြီး ကလေးဘဝကို မထိခိုက်အောင် အဖတ်ဆယ်နိုင်ပါစေ။
အမှန်တရားအတွက်

Min Lwin Tin (Denmark) (24-05-2018)

.......................................................................