CREDIT
သတင်းစုံပျော်ဝင်အိုးကြီးတွင် ဖော်ပြထားသည့် သတင်း၊ဓာတ်ပုံများသည် သက်ဆိုင်သူများ၏မူပိုင်သာဖြစ်ကြောင်း အသိပေးအပ်ပါသည်။
Tuesday, March 20, 2018
ဗိုလ်ကြီး ကျွန်တော် သူတောင်းစား မဟုတ်ပါဘူး.
မနေ့က ကားအောက်ပိုင်းလေးစစ်ဖို့ ဝပ်ရှော့သွားပြတယ်။ နဲနဲကြာတော့ ဖုန်းအင်တာနက်လေးဖွင့်၊ ဟိုကြည့်ဒီကြည့်လုပ်ရင်းထိုင်စောင့်နေမိတယ်။ ရုံးဆင်းကာစ ရုံးကနေတန်းလာတော့ ယူနီဖောင်းက မလဲရသေးဘူးဗျ။ အဲလိုနဲ့ ထိုင်စောင့်နေရင်းမှာပဲ လူတစ်ယောက် ချိုင်းထောက်နဲ့ ကျတော့်ဆီ တစ်ဖြေးဖြေးလှမ်းလာနေတာကိုသတိပြုမိတယ်။ ကျတော့်နားကိုရောက်တော့ ကျတော့်ကိုအလေးပြုတယ်။ ကျတော်လဲကြောင်ပြီး အလေးပြန်ပြုမိပါတယ်။ နောက်ပြီးကျတော့်ကို မဝံ့မရဲနဲ့ စကားပြောတယ်။
"ဗိုလ်ကြီး ကျတော် သူတောင်းစားမဟုတ်ပါဘူး "
ကျတော်မျက်မှောင်ကျုံ့ပြီးပြန်ကြည့်မိတယ်။ ပြီးတော့သူ့ကိုပြန်ပြောတယ်။
"အင်း...ဘာဖြစ်လိ်ု့ လဲ ပြောလေ"
"ဟုတ်ကဲ့ကျတော် တပ်ထွက်ပါဗိုလ်ကြီး ။ နောင်ချိုတပ်ကပါ။ ဒါကျတော့်တပ်ထွက်လက်မှတ်ပါ"
"သြော်...ဒုတပ်ကြပ်ပဲ။ အခုကဘာဖြစ်လို့ လဲဆရာ"
"ကျတော် ကုတင် ၇၀၀ မှာ ခြေတုလာလဲတာပါ။ ဧရာဝတီတိုင်း လပွတ္တာ ကနေလာတာပါဗိုလ်ကြီး။ ခြေထောက်ပြတ်တော့ မိန်းမကလဲ ပြေးသွားပြီ။
ရွာမှာတော့ လယ်စောင့်တဲ့အလုပ်လုပ်ပါတယ်။ အခုခြေတုလာလဲတာပါ။
ကျတော်အခု ထမင်းမစားရတာ နှစ်ရက်လောက်ရှိနေလို့ပါ ဗိုလ်ကြီး။
အခုဒီလိုလာပြောတာလဲ ဗိုလ်ကြီး ယူနီဖောင်းနဲ့မို့လို့ လာပြောတာပါ။
တခြားအရပ်သားတွေကိုလဲမပြောရဲဘူး။ စစ်သားချင်းမို့လို့ ကျတော်ပြောပြတာပါ။
တခြားသူတွေကိုပြောရင် ကျတော့်ကိုသူတောင်းစားလို့ ထင်မှာစိုးလို့ပါ။
ကျတော် ပိုက်ဆံတောင်းတာမဟုတ်ပါဘူး။ ဗိုလ်ကြီး ကျတော့်ကိုထမင်းလေးကျွေးရင်ကျေနပ်ပါတယ် ဗိုလ်ကြီးရယ်"
ကျတော်အမှန်တိုင်းဝန်ခံရရင် ရင်ထဲစို့တက်လာပြီး မျက်ရည်ဝိုင်းသွားတယ်။
"ဖြစ်ရလေဗျာ"
"ခင်ဗျားခြေထောက်ကဘယ်မှာပြတ်တာလဲ"
"ထီးမူခီး အဝင်မှာပါဗိုလ်ကြီး"
"သြော်...အခုဘယ်သူနဲ့ နေလဲ"
"ကျတော်တစ်ယောက်ထဲပဲနေပါတယ်။ ဆွေမျိုးလဲမရှိဘူးလေ"
ကျတော်သိချင်တာလေးတွေ သူ့ကိုမေးနေမိတယ်။
ကျတော်တို့စကားပြောနေတာကို ဘေးကဝပ်ရှော့ကကောင်လေးတွေနဲ့ ကားပြင်ဆရာတွေကဝိုင်းကြည့်နေတယ်။ သူတို့စိတ်ထဲမှာ အထင်သေးနေတာလား
ဝမ်းနည်းနေတာလား ကျတော်မသိဘူး။ ကျတော်စိတ်ထဲမှာအဲဒီအချိန်ကျတော်သိတာတစ်ခုပဲရှိတယ်။
ကျတော်သူ့အတွက်ဘာလုပ်ပေးနိုင်မလဲဆိုတာပဲ။
ကျတော်ပြောပြောဆိုဆိုနဲ့ သူ့လက်ထဲပိုက်ဆံတစ်သောင်းထဲ့ပေးလိုက်တယ်။
ကျတော့်မှာလဲသိပ်ရှိလွန်းလို့တော့မဟုတ်ပါဘူး တတ်နိုင်သလောက်ပါပဲ လကုန်ရက်လေ။
"ကျေးဇူးတင်လိုက်တာဗိုလ်ကြီးရယ် ဗိုလ်ကြီးကျေးဇူးကျတော်မမေ့ပါဘူး"
"ရပါတယ်ဗျာ စစ်သားအချင်းချင်းပဲ"
"ခင်ဗျားမှတ်ထား စစ်သားဆိုတာ အရင်ကစစ်သားပဲဖြစ်ခဲ့ဖြစ်ခဲ့
အခုစစ်သားပဲဖြစ်နေဖြစ်နေ အားလုံးဟာ ရဲဘော်ရဲဘက်ပဲ"
ကျတော်တို့ပြောနေတာကိုကြည့်ပြီး ဘေးကကားပြင်နေတဲ့ကားပြင်ဆရာက
သူ့လက်ထဲကို ပိုက်ဆံတစ်သောင်းထပ်ထဲ့ပေးတယ်။
ကျတော်ကအမြင်လွဲသွားမှာဆိုးလို့ 
"သူ သူတောင်းစားမဟုတ်ဘူး ကားဆရာ"
"ကျတော် ဗိုလ်ကြီးတို့ ပြောနေတာတွေအကုန်ကြားပါတယ်။ ဒါလဲကျတော်တတ်နိုင်သလောက်ကူညီတာပါ"
ကျတော်အရမ်းဝမ်းသာသွားပါတယ်
သူ့ကိုယ်စားကျေးဇူးတင်ပါတယ်လို့လဲ ကားပြင်ဆရာကိုပြောလိုက်တယ်။
စစ်ထွက်ကြီးကတော့ ကျတော့်ကို ချိုင်းထောက်တစ်ဘက်နဲ့ အလေးပြုတယ်။
ကျတော်သတိကိုမတ်နေအောင်ဆွဲပြီး ပြန်အလေးပြုလိုက်တယ်။
ကျတော့်ပုံစံက ကြောင်ရင်ကြောင်သွားနိုင်တယ်။ ဒါပေမယ့်ကျတော်မရှက်ပါဘူး
"ရဲဘော်စိတ်ဟူသည် ရဲဘော်အချင်းချင်းပေါ်ထားရှိသော မေတ္တာတရား သံယောဇဉ်တရား သစ္စာစောင့်သိမှုတရားပင်ဖြစ်သည် "
Once a Soldier, Always Soldier
နိုင်ငံအတွက် ကိုယ်လက်အင်္ဂါစွန့်လွှတ်ခဲ့ရသော စစ်မှုထမ်းဟောင်းများကို တတ်အားသရွေ့ ကူညီကြပါ
crd
ဗိုလ်ကြီး ကျွန်တော် သူတောင်းစား မဟုတ်ပါဘူး.
Reviewed by MP4 YoU
on
March 20, 2018
Rating: 5
![](https://4.bp.blogspot.com/-CJJsx8ZMWX4/WrGli2_NR1I/AAAAAAAAQa0/yTlJWh_h5DwA22Xhi_7a-EOUkE8pyHXQgCLcBGAs/s72-c/1.jpg)
Subscribe to:
Post Comments (Atom)
No comments:
Post a Comment