Facebook အပြောင်းအလဲ

f စာလုံးဖြင့် စသော Facebook သည် f စာလုံးများနှင့် စသည့် Family နှင့် Friends တို့က တင်သည်ကိုသာ သူ၏ News Feed တွင် ဦးစားပေးပြတော့မည်။ ယင်းသတင်းထွက်လာအပြီး ကမ္ဘာတစ်လွှားတွင် လှုပ်လှုပ်ခတ်ခတ်ဖြစ်သွားသည်။ မြန်မာနိုင်ငံသားအများအပြားအတွက် အင်တာနက်သည် Facebook ဖြစ်သည်။ ထို့ကြောင့် Facebook အပြောင်းအလဲသည် မြန်မာနိုင်ငံအတွက် ကြီးမားသောအပြောင်းအလဲလည်း ဖြစ်သည်။

ဆိုလိုသည်က သတင်းမီဒီယာများအပါအဝင် လုပ်ငန်းများက တင်သည်တို့ကို နောက်နားပို့တော့မည်။ Page ထောင်ထားသော လုပ်ငန်းမှန်သမျှ ထိမည့်သဘော။ စီးပွားရေးလုပ်ငန်းများ၊ သတင်းမီဒီယာများ၊ နာမည်ကျော်ပုဂ္ဂိုလ်များ Celebrities များက တင်သည်တို့ကို နည်းနည်းသာ မြင်ရတော့မည်။ မိမိ၏ Newsfeed တွင် Page များကတင်သည့် Post များအစား မိမိ၏ Friend List သူငယ်ချင်းစာရင်းထဲမှ သူငယ်ချင်းများ၏ Post များအား ပိုပြီးမြင်တွေ့ရတော့မည်ဖြစ်သည်။ ထိုသို့ သတင်းမီဒီယာများ၊ လုပ်ငန်းများမှတင်သော Post များကို နည်းနည်းသာ မြင်တွေ့ရတော့မည်ဖြစ်သည့်အတွက် လူတို့ Facebook ပေါ်တွင် နေချိန် နည်းလာမည်ဖြစ်သော်လည်း ထိုနေချိန်သည် အရသာပိုရှိနေလို့ ကောင်းလာမည့် Quality Time ဟု Facebook က မျှော်လင့်သည်။

သတင်းမီဒီယာအချို့ကမူ Facebook နှင့် သတင်းမီဒီယာတို့ ကွာရှင်းပြတ်စဲခြင်းဟု ကင်ပွန်းတပ်ကြသည်။ သတင်းမီဒီယာများသည် Facebook ပေါ်တွင် Page များထားရှိကြပြီး Facebook မှသည် သူတို့၏ Website များသို့ လွှဲပို့ပေးသည့်ပရိသတ်ကို အားကိုးနေကြရသည်။ နောင်တွင် Facebook ပေါ်တွင် သတင်းမီဒီယာများမှ သတင်းများကို အမြင်အတွေ့နည်းသွားတော့မည်။ Facebook ပေါ်တွင် အပြောင်းအလဲများသည် လုပ်နေကျဖြစ်သော်လည်း ယခုအခေါက်သည် ယခင်အခါများနှင့်မတူ၊ ကြီးမားသော အပြောင်းအလဲဖြစ်သည်။

Facebook ပေါ်မှာသာ တည်ရှိသော သတင်းမီဒီယာတို့ ပိုနာမည်။ သတင်းစာ၊ ဂျာနယ်ကဲ့သို့ အပြင်မှာ ထုတ်ဝေသော သတင်းမီဒီယာများ၊ သမားရိုးကျ ရုပ်သံမီဒီယာတို့သည် တစ်ဖက်တွင် တက်လာနိုင်သေးသည်ဟု ပြောသူကပြောကြသည်။

အထိဆုံးက Video ဖြစ်မည်ဟု ပြောကြသည်။ Video သည် Passive Content ထိုင်၍အကြည့်များသော အရာဖြစ်သောကြောင့်ဟုဆိုသည်။ Video ကြည့်နေလျှင် Facebook ပေါ်တွင် Live လုပ်ခြင်း၊ comment ပေးခြင်းများ နည်းသွားသည်ဟု Facebook က သုတေသနပြုချက်များဖြင့် ပြောသည်။ Facebook တွင် ပြသရန် ရည်ရွယ်ထားသော Video ထုတ်လုပ်သူများ နာမည့်သဘော။

အမှန်တွင် Facebook သည် ကုန်တိုက်ကြီးနှင့်တူသည်။ သူ့ထံတွင် အခန်းငှားနေသည့်အတွက် သူ့စည်းကမ်းလိုက်နာရသည်။ သူ အခန်းခတိုးတောင်းလျှင်လည်း ပေးရသည်၊ နှင်ချလည်းထွက်ရသည်။

CNBC လားမသိ၊ သတင်းမီဒီယာတစ်ခုတွင်မူ ‘သတင်းမီဒီယာကို လုံးဝကန်ထုတ်လိုက်လျှင် ကောင်းမည်ဟု’ ဆောင်းပါးတစ်စောင်က ရေးသားသည်။ သို့မဟုတ်လျှင် သတင်းမီဒီယာများသည် ကိုယ့်အလုပ် ကိုယ်မလုပ်ဘဲ Facebook ခိုင်းသည့်အတိုင်းပဲ လိုက်လုပ်နေသောကြောင့်တဲ့။ Like များများရမည့်အရာများနောက်လိုက်နေသဖြင့် ပြည်သူအတွက် တကယ်အရေးကြီးသည့်အရာများနောက် မလိုက်ဖြစ်တော့၊ Facebook က ကန်ထုတ်လိုက်မှ တကယ်အရေးကြီးတာတွေ လိုက်ဖော်ပြသည့်အတွက် တကယ့်သတင်းမီဒီယာပြန်ဖြစ်လာမည်ဟု ရေးသူက ဆိုလိုခြင်းဖြစ်သည်။ သတင်းကောင်း၊ သတင်းဗီဒီယိုကောင်း၊ သတင်းဆောင်းပါးကောင်းတို့ကို Facebook တွင် Like အရေအတွက် comment အရေအတွက်ဖြင့် တွက်နေကတည်းက သတင်းမီဒီယာတို့၏ မူလရည်ရွယ်ချက် ပျောက်ဆုံးခဲ့ပြီဟု လွန်ခဲ့သော ၂ နှစ် သုံးနှစ်ကတည်းက စိုးရိမ်ခဲ့ကြသည်။

ဘာ့ကြောင့်

လောလောဆယ်တွင် Facebook ရှယ်ယာဈေးကျသွားသည့်အတွက် တည်ထောင်သူ Zuckerberg ၏ ချမ်းသာကြွယ်ဝမှုပင် ဒေါ်လာ သုံးဘီလီယံခွဲနီးနီး လျော့ကျသွားသည်။ နောင်တွင် လူတို့ Facebook ပေါ်တွင်နေချိန်၊ သုံးစွဲချိန်နည်းသွားလိမ့်မည်။ စင်စစ် လူတို့ Facebook ပေါ်တွင် ကြာကြာနေအောင် လုပ်နိုင်ခြင်းသည် Facebook ၏ အောင်မြင်မှုဖြစ်သည်။ ထို့ကြောင့် လူတို့နေချိန် ကြော်ငြာထိုးရန် ကြော်ငြာရှင်တို့ ရောက်လာကြခြင်းဖြစ်သည်။ Facebook သည် ကိုယ့်သေတွင်းကိုယ် ဘာကြောင့်တူးရပါသလဲ။

ထိုမေးခွန်းကိုဖြေရန် Facebook တည်ထောင်သူ Zuckerberg ၏ နှစ်သစ်ကူးအဓိဋ္ဌာန်က စရမည်။ တစ်နှစ်အတွင်းလုပ်ရန် သူ့ကိုယ်သူ စိန်ခေါ်သည့်အဓိဋ္ဌာန်ကို နှစ်သစ်ကူးတိုင်း လူသိရှင်ကြား ချမှတ်လေ့ရှိသည်။ တစ်နေ့ တစ်မိုင်ပြေးမည်၊ တရုတ်ဘာသာစကားသင်မည် စသည်ဖြင့် နှစ်စဉ်အဓိဋ္ဌာန်များချမှတ်လေ့ရှိသော Zuckerberg သည် ၂၀၁၈ အတွင်း လုပ်ဆောင်ရန် အဓိဋ္ဌာန်ကို ‘Facebook ကို ပြင်ဆင်ရန်’ ဟု ၂၀၁၈ ဇန်နဝါရီလ ၄ ရက်နေ့တွင် ကြေညာလိုက်သည်။ ထိုသို့ ကြေညာပြီး တစ်ပတ်မျှအကြာတွင် Page များအစား Friend နှင့် Family များ၏ Post များကို ဦးစားပေးတော့မည်ဟူသော Facebook ကြေညာချက်ကို Zuckerberg က ကြေညာလိုက်ခြင်းဖြစ်သည်။

Facebook ကို ဝေဖန်ချက်များသည် ယခုနှစ်များအတွင်း အထူးမြင့်တက်လာသည်။ Facebook သည် စိတ်ကျရောဂါ ဖြစ်ပွားစေသည်၊ ဖုန်းကို စွဲလမ်းမှုဖြစ်ပေါ်စေသည်၊ မှတ်ဉာဏ်ကို ထိခိုက်စေသည်၊ အမုန်းတရား ပြန့်ပွားစေသည်၊ Fake News ခေါ် သတင်းတုသတင်းယောင်များ ပျံ့နှံ့စေသည် စသည်ဖြင့် ဝေဖန်ချက်များစွာရှိသည်။ ၂၀၁၆ အမေရိကန်ရွေးကောက်ပွဲကို Page များမှတစ်ဆင့် Facebook တွင်တင်သောကြော်ငြာများ၊ Post များမှတစ်ဆင့် ရုရှားဘက်က လွှမ်းမိုးရန် ကြိုးစားခဲ့သည်ဟူသော စွပ်စွဲချက်သည် အဆိုးရွားဆုံးဖြစ်ပြီး ယင်းကို Facebook သည် အသည်းအသန်ဖြေရှင်းခဲ့ရရာမှ ယခုအခါ ထိုကဲ့သို့ ဖြစ်ခဲ့ကြောင်း ဝန်ခံလိုက်ပြီဖြစ်သည်။ သို့သော် ထိုသို့ ရုရှားဘက် သုံးစွဲခဲ့သည့်ပမာဏသည် ၂၀၁၆ရွေးကောက်ပွဲအတွက် Facebook ပေါ်တွင် သုံးခဲ့သောငွေ၏ မဖြစ်စလောက် ပမာဏသာဖြစ်ရာ သက်ရောက်မှုကို ခန့်မှန်းရန်မလွယ်။

ပြဿနာ၏ အဓိကမှာ Facebook အနေနှင့်မူ Social Media ဟု သူ့ကိုယ်သူကြွေးကြော်ခဲ့ရာမှ Media ဖြစ်မှန်းမသိ ဖြစ်လာခဲ့ခြင်းကြောင့်ဖြစ်သည်။ Facebook သည် စထောင်သည်ကိုက Social Media။ လူမှုရေးအတွက် အဓိက။ သူငယ်ချင်းများ မိတ်ဆွေများကြားထဲ ကူးလူးဆက်ဆံနိုင်ရန် ထူထောင်ခြင်းဖြစ်သည်။ နောက်တွင် သူ့ Business Model က စီးပွားရေးလုပ်ငန်း ဦးစားပေးဖြစ်သွားသည့်အတွက် မူလရည်ရွယ်ချက် ပြောင်းသွားခြင်းဖြစ်သည်။ သတင်းမီဒီယာ ပေါင်းစုံကတင်သည့် သတင်းများလည်ပတ်နေသဖြင့် Facebook သည် သတင်းအစုံဆုံး၊ အမြန်ဆုံး၊ အကြီးဆုံး မီဒီယာသဖွယ်ဖြစ်လာခဲ့သည်။ Facebook သည် မီဒီယာဖြစ်လာသော်လည်း Media တစ်ခု ကျင့်ကြံသင့်သည်များကို မကျင့်ကြံဟု Facebook ကို ဝိုင်းဝန်းဝေဖန်မှု များပြားလာသည့်အခါတွင် “Facebook သည် စင် Platform သာဖြစ်သည်။ စင်ပေါ်တွင် လူပေါင်းစုံ၊ အဖွဲ့ပေါင်းစုံက လာတင်ထားကြသည်များကို အခြားသူများက မြင်ရခြင်းသာဖြစ်သည်” ဟု တုံ့ပြန်သည်။ Facebook သည် မီဒီယာလုပ်ငန်းမဟုတ် နည်းပညာလုပ်ငန်းသာဖြစ်သည် ‘Facebook is not a media company. Facebook is a Technology Company’ ဟုလည်း တုံ့ပြန်လေ့ရှိသည်။

Facebook ကို Zuckerberg က ကယ်လိုက်ခြင်းဟု ဆိုသူက ဆိုကြသည်။ Facebook သည် Fake News များကြောင့်လည်းကောင်း၊ အခြားသောဝေဖန်ချက်များ ပြင်းထန်လာသည့်အတွက်လည်းကောင်း အစိုးရက အရေးယူခံရမည့်၊ တင်းကျပ်ခံရမည့် Regulation Risk ရှိနေရာ ယခုကဲ့သို့ဆောင်ရွက်ချက်ကြောင့် Regulation Risk လျော့ပါး သွားသည်ဟု အကဲခတ်များက ဆိုကြသည်။

ယခု Facebook လုပ်လိုက်ခြင်းသည် တကယ့်တစ်ချက်ခုတ် နှစ်ချက်ပြတ်ဟုလည်း ပြောသည်။ facebook သည် လူတို့ ရေးသည်သားသည်၊ သူတို့အကြောင်းသူတို့ ပြောကြသည်ကိုကြည့်ပြီး ထိုသူ ဘာကြိုက်သလဲအကဲခတ်၊ ပြီးလျှင် သူကြိုက်မည့် ကြော်ငြာကိုပစ်ချင်သည်။ သတင်းများ၊ လုပ်ငန်းများက တင်သည်တို့က များလာသည့်အတွက် လူတို့က သိပ်မရေးကြတော့၊ လုပ်ငန်းများက တင်သည်ကိုပဲ ကြည့်ကြသည်။။ အချင်းချင်း Post ကို အခြေခံပြီး အပြန်အလှန်ပြောဆိုခြင်း နည်းလာသည်။ Video ကမူ Facebook ၏ ရန်သူဖြစ်သွားသည်။ Video ကြည့်လိုက်လျှင် ကျန်သည်များ မကြည့်ဖြစ်တော့။ Video ကချည်း အချိန်စားသွားသည်ဟု Facebook က ယူဆသည်။

ငွေကြေးရရှိမှုအားဖြင့်လည်း ကြော်ငြာပမာဏနည်းလာလျှင်ပင် ကြော်ငြာခ ဈေးတင်လိုက်ရုံ။ ကြော်ငြာခဈေးတင်လို၍ တစ်ဖက်လှည့်ဖြင့် လုပ်ခြင်းဟုပင် အချို့က ဆိုကြသည်။ Facebook ပေါ်တွင် ကြော်ငြာခ ဈေးတက်သွားနိုင်သည့်အတွက် လုပ်ငန်းငယ်လေးများ၊ ငွေသိပ်မသုံးချင်သူများသည် အခြားနေရာတို့ကို ရှာရတော့မည်။

ပရိသတ်များထံသို့ Facebook တွင် ကိုယ်ပိုင် Page ဖြင့် ရောက်ချင်ကြသည့် လုပ်ငန်းများအဖို့ Facebook ၏ လုပ်ရပ်သည် ရင်ဝကို ဆောင့်ကန်လိုက်သကဲ့သို့ ဖြစ်သည်။ ယခင်လောက် ပရိသတ်ထံသို့ များများနှင့် မြန်မြန်မရောက်နိုင်တော့သည့်အတွက် Facebook သည် လုပ်ငန်းများအတွက် ယခင်ကလောက် သာယာနေပျော်ဖွယ်နေရာ မဟုတ်တော့ပေ။ အင်တာနက်အားဖြင့် ပရိသတ်များဆီကို ရောက်ရန် Website များကို ပိုအားကိုးလာရဖွယ်ရှိသလို သတင်းစာဂျာနယ်များနှင့် ရုပ်သံလွှင့်မီဒီယာများကိုလည်း ဆက်အားထားရဖွယ်ရှိသည်။ မြန်မာအစိုးရအနေနှင့်မူ Facebook တွင် သတင်းအချက်အလက်များ လျော့ပါးသွားမည်ဖြစ်သည့်အတွက် Facebook ပေါ်မှနေပြီး Google ပေါ်သို့ မြန်မာများ ပိုရောက်အောင် ကြိုးစားသင့်သည်။

Fake News များကြောင့် Facebook ပျက်ရသည်ဆိုပြီး သတင်းဌာနကြီးများ၏ သတင်းများကို ပယ်လိုက်လျှင် သတင်းတုများ ပိုကြီးစိုးလာမည်ဟုလည်း ပြောဆိုနေကြသည်။ အထူးသဖြင့် ကောလာဟလကို ယုံကြည်ကြသည့် မြန်မာနိုင်ငံတွင် ယခုအပြောင်းအလဲကို မျက်စိဒေါက်ထောက် ကြည့်ရှုရန်လိုအပ်သည်။

ယခုအပြောင်းအလဲကြောင့် Facebook ပေါ်တွင် နေရသည့်အချိန်သည် သာသာယာယာပြန်ဖြစ်လာမည်၊ အမုန်းတရားများ လျော့ပါးလာမည်ဟု Facebook က မျှော်လင့်သည်။ သို့သော် Facebook စွဲလမ်းခြင်းသည် မူးယစ်ဆေးဝါးစွဲလမ်းခြင်းနှင့် အလားတူ ဦးနှောက်၏ နေရာများပေါ် သက်ရောက်ကြောင်း သုတေသနအချို့က ဆိုသည်။ ပြည်သူ့ကျန်းမာရေးနှင့် ပြည်သူတို့၏ အချိန်များသည် Facebook ကြောင့် ကုန်ဆုံးနေကြသည်ဟု ဝေဖန်ချက်များကိုလည်း ယခုအပြောင်းအလဲက ဖြေရှင်းနိုင်မည်လားဟု မေးခွန်းထုတ်နေကြသည်။

အရေးကြီးသည်မှာ မြန်မာနှင့်ပတ်သက်သည့် မေးခွန်းဖြစ်သည်။ မြန်မာတွင် အင်တာနက်မရှိဟု ဖြေချင်ဖြေမည်။ Facebook ကို နေ့တိုင်းသုံးသည်ဟုဖြေမည့်သူ များလှသည်။ Facebook နိုင်ငံသား များပြားလာသည့် မြန်မာနိုင်ငံတွင် Facebook အပြောင်းအလဲကြောင့် မည်သို့ ဖြစ်လာနိုင်မည်နည်း။

ဇေယျသူ - The Voice.