မကွေးတိုင်းဒေသကြီး၊ မင်းလှမြို့နယ် စမ်းအိုင်ကျေးရွာတွင် (၃)ရက်အတွင်း ဒုတိယမြောက် လူသတ်မှု အဖြစ် အောက်တိုဘာလ (၁၅)ရက်နေ့ ညပိုင်းက ဖြစ်ပွားခဲ့ကြောင်းနှင့် လူသတ်မှုနှင့် ပတ်သက်၍ သ၀န်တိုမှုကြောင့် ဖြစ်ပွားရခြင်း ဖြစ်ကြောင်း မင်းလှမြို့မရဲစခန်းမှူးထံက သိရသည်။
“အေးထွန်းက သူ့မိန်းမကို အမြဲတမ်းလိုလို သဝန်တိုလေ့ရှိတယ်လို့ သိရပါတယ်။ အခုဖြစ်စဉ်မှာလည်း မိန်းမနဲ့ သဝန်တိုပြီး အခင်းဖြစ်တဲ့နေ့ညက အိမ်အောက်မှာ ရောက်နေတဲ့ ဘိုပုကိုတွေ့လို့ ဓားနဲ့ ခုတ်သတ်လိုက်တာ ဖြစ်ကြောင်း စစ်ဆေး သိရှိရတာကြောင့် အေးထွန်းကို ဖမ်းဆီးပြီး (ပ)၂၂၈/၂၀၁၇၊ ရာဇသတ်ကြီးပုဒ်မ ၃၀၂အရ အမှုဖွင့် စစ်ဆေးဆောင်ရွက်လျက်ရှိပါတယ်”ဟု မင်းလှမြို့မရဲစခန်းမှူး ဒုတိယရဲမှူး မျိုးမြင့်ဦးက တာချီလိတ်သတင်းအေဂျင်စီသို့ ပြောသည်။
သတ်ခံရသူ ဘိုပု(ခ)ငထွန်းမှာ ပြစ်မှုကျူးလွန်သူဟု သိရသည့် အသက်(၃၂)နှစ်ရှိ အေးထွန်း၏ နေအိမ် အောက်ထပ် ခုံတန်းလျားပေါ်တွင် ဓားခုတ်ဒဏ်ရာများဖြင့် သေဆုံးနေသည်ကို တွေ့ရှိရ၍ သေဆုံးသူ၏ မိခင်ဖြစ်သူက တရားလိုပြုလုပ်ကာ မင်းလှမြို့မရဲစခန်းတွင် အမှုဖွင့်တိုင်တန်းထားခြင်း ဖြစ်ကြောင်း သိရသည်။
အဆိုပါ စမ်းအိုင်ကျေးရွာ၌ အောက်တိုဘာ (၁၃)ရက်နေ့က အရက်မူးယစ်၍ မိသားစုအား ကြိမ်းဝါး ရိုက်နှက်လေ့ရှိသည့် ဖခင်ကို အသက် (၁၂) နှစ်အရွယ် သားဖြစ်သူက ကိုင်းခုတ်ဓားနှင့် ခုတ်သတ်မှုဖြစ်ပွားခဲ့ပြီး နောက် (၃) ရက်အကြာ အောက်တိုဘာလ (၁၅)ရက်နေ့ ညပိုင်းတွင် လူသတ်မှုတစ်ခုထပ်မံဖြစ်ပွားခဲ့ခြင်းဖြစ် ကြောင်း သိရှိရသည်။
သတင်း - ဖီးနစ် ၊ ကြိမ်လုံး
Tachileik News Agency
https://www.facebook.com/TachileikNewsAgency/
No comments:
Post a Comment