အောက်စဖို့ဒ် တက္ကသိုလ်က ဒေါ်အောင်ဆန်းစုကြည်ရဲ့ ပန်းချီကား

အောက်စဖို့ဒ် တက္ကသိုလ်က ဒေါ်အောင်ဆန်းစုကြည်ရဲ့ ပန်းချီကား
——————————————————————————
အောက်စဖို့ဒ် တက္ကသိုလ်က ရခိုင်အရေးနဲ့ပတ်သက်ပြီး ဒေါ်အောင်ဆန်းစုကြည်
ရဲ့ ပန်းချီကားကို ဖယ်ရှားလိုက်တယ်ဆိုတာ တွေ့ရတော့ ဆရာမ (ဒေါ်)
နုနုရည် (အင်းဝ) ရဲ့ ဆောင်းပါးထဲက ဒီပန်းချီကား အကြောင်းကို ထုတ်နှုတ်ပြီး
ပြန်လည် မျှဝေလိုက်ပါတယ်။

———————————————————————
(အောက်ပါတို့ကို ဆရာမ ဒေါ်နုနုရည် (အင်းဝ) ဆောင်းပါးမှ ထုတ်နှုတ်
ဖော်ပြပါသည်။)

Oxford မြို့ထဲကို ကျွန်မတို့ဝင်လာတော့ ကိုးနာရီခွဲပြီးပြီ ။
အင်္ဂလန်ရာသီဥတုထုံးစံအတိုင်း နေရောင်ဖြာရာက ရုတ်တရတ် အုံ့ဆိုင်းလာပြီး မိုးဖွဲလေးတွေ ကျလာတယ်။ ကျွန်မတို့ဝင်တဲ့လမ်းမှားပြီး ခဏ မျက်စိလည်
နေသေးတယ်။ ကားရပ်လို့ရတဲ့နေရာမှာ ရပ်ခဲ့ပြီး လမ်းလျှောက်ရင်း ဟိုမေး
သည်မေး၊ မေးရတယ်။ (အမှတ် (၁၈) Norham Gardens) ကို လမ်းမှာ
တွေ့တဲ့ Postman ကြီး တစ်ယောက်က လမ်းညွှန်ပေးတယ်။ (အမှတ် (၁၈)
Norham Gardens) က အဆောက်အဦးရှေ့ကို ရောက်တော့ ဆယ်နာရီ
တောင်ထိုးနေပါပြီ … ။ ကျွန်မတို့ကို အလိုအလျောက်စနစ်နဲ့ တံခါးဖွင့်ပေးဖို့
အတွက် မမချောက တိုက်အောက်က မိုက်ကယ့်အခန်းနံပတ်ခလုပ်ကို နှိပ်ရတယ်။ မိုက်ကယ့်အခန်းက ဟိုးအပေါ်ဆုံးထပ် (Flat 5) မှာပါ။ မြက်ခင်းသစ် မဂ္ဂဇင်း
ထဲမှာ ပါသလို ဒီတိုက်ကြီးတစ်တိုက်လုံးကို မိုက်ကယ်ပိုင်တာ မဟုတ်ပါဘူး။

မမချောခလုပ်နှိပ်လိုက်တော့ "Are You Anna" ဆိုတဲ့ အသံတစ်သံကို
ကျွန်မကြားရတယ်။ "Yes, မိုက်ကယ်" လို့် မမချောက …. ပြန်ပြောတော ….
" oh. .. Welcome I'm waiting for you" ဆိုတဲ့ မိုက်ကယ့်အသံက
တကယ့်ကို ၀မ်းသာအားရဖြစ်သွားတဲ့အသံပါ။ (Flat 5) ကို ဓါတ်လှေကား
ကလေးနဲ့ ကျွန်မတို့တက်ခဲ့ကြတယ်။ အခန်းတံခါးဝမှာ သူဟာ အဆင်သင့်
ကြိုနေရှာပါတယ်…။
" ဟဲလို နုနုရည် …. လာပါအုန်း …. လာပါအုန်း …. ၊
တွေ့ရတာ ၀မ်းသာလိုက်တာ …."

သူ့အပြုံးဟာ နွေးထွေးလှိုက်လှဲပြီး သူ့အသံဟာလည်း ရိုးသားနွေးထွေး
လှိုက်လဲလှပါတယ်။ သူ့ရင်ထဲကလာတဲ့ ဗမာနှုတ်ဆက်စကားသံဝဲ၀ဲဟာ
ဘာလို့ရယ်မသိ ကျွန်မကိုမျက်ရည်ဝဲစေပါတယ်။

"လာ … လာ .. .အေးသလား၊ ကော်ဖီသောက်မလား …."
ဧည့်ခန်းဆီကို သူခေါ်သွားရင်းနဲ့ အခန်းတစ်ခန်းရှေ့မှာ သူရပ်လိုက်တယ် …. ။
ပြီးတော့ …. အခန်းထဲကို သူ့လှမ်းဝင်လိုက်ရင်း …. ၊
"လာပါအုန်း …. ဒီမှာကြည့်ပါအုန်း"
ကျွန်မတို့ သူ့နောက်ကနေ အခန်းထဲကို လှမ်းဝင်လိုက်ကြတယ်။
အိုး … ကြည့်ပါအုန်း …. ၊ အခန်းနံရံပေါ်က ကြီးမားလှတဲ့ ဆီဆေး
ပန်းချီကားကြီးထဲမှာ ဒေါ်စုက ကရင်ထဘီကလေးနဲ့ အင်္ကျီနီညိုလေးနဲ့
ပုဝါနီလွင်လွင်လေး ပုခုံးတင်ပြီး ဒူးလေးတုပ်ထိုင်လို့၊ သူ့မူပိုင်ဟန်အတိုင်း ပန်းကလေးပန်လို့၊ ရိုးသားရဲရင့်တဲ့ အပြုံးနဲ့ ကျွန်မကို ကြည့်နေတယ် …. ။

ဒီပန်းချီကားကို ကျွန်မသိတယ်။ တရုပ်ပန်းချီဆရာ (Chen Yan Ning ) ဆွဲတာ … ။
ဒီ Portrait Postcard ကျွန်မဆီမှာရှိတယ်။ ဒီနံရံပေါ်က မူလပန်းချီကားကြီး
က ပို့စကပ်ထက် ပိုလက်ရာမြောက်ပြီး ပိုပြီး ကြည့်လို့ကောင်းတာပေါ့။
ပန်းချီကားကြီးရဲ့ အောက်တည့်တည့်မှာတော့ … တစ်ယောက်အိပ်ခုတင်
တစ်လုံးရယ်၊ အိမ်ရာလေးတစ်ခုရယ်၊ ခေါင်းအုံးလေး တစ်လုံးရယ် …. ၊
အော် .. … ဒါ … မိုက်ကယ့်အခန်းပေါ့ …။

ပန်းချီကားတစ်ချပ်ရယ် … ၊ အိပ်ရာတစ်ခုရယ်၊ ခေါင်းအုံးလေးတစ်လုံးရယ်. ….. ။ ဒီမြင်ကွင်းဟာ အလိုလိုကမှ (cultural shock) ရပြီး ကျွန်မတိုင်းပြည်လေးကို တချိန်လုံးသနားပြီး လွမ်းနေတဲ့။ ကျွန်မကို မျက်ရည်ပေါက်ပေါက်ကျစေပါတယ် …. ။ ကိုယ့်ကိုကိုယ် သတိမထားလိုက်မိတဲ့ အချိန်လေးအတွင်းမှာပဲ ကျွန်မ
တစ်ယောက် ငိုနေမိပါပြီ။

"မငိုပါနဲ့ …. နုနုရည်ရယ်၊ သူ့အတွက် ၀မ်းမနည်းပါနဲ့ ….
She is stay going strong … "

New Credit: Daw Nu Nu Yiy Innwa