 |
| ရှစ်တန်းကျောင်းသူအား သားမယားအဖြစ် ပြုကျင့်သူကို ရဲတပ်ဖွဲ့မှ အမှုဖြင့် အချိန်မီဖမ်းဆီးရမိ |
ကရင်ပြည်နယ်၊ ဘားအံမြို့နယ်၊ သာမညကျေးရွာတွင် နေထိုင်သော အသက်-၁၄နှစ်အရွယ် အမျိုးသမီးငယ်တစ်ဦးအား အိမ်ထောင်ရှိ အမျိုးသားတစ်ဦးမှ အလိုမတူဘဲ သားမယားအဖြစ် အကြိမ်ကြိမ် ပြုကျင့်ခဲ့မှုအား စက်တင်ဘာလ ၁၂ ရက်နေ့က အိန္ဒုနယ်မြေရဲစခန်းတွင် အမှုဖွင့် အရေးယူ ဆောင်ရွက်ခဲ့ကြောင်း သတင်းရရှိသည်။
ဖြစ်စဉ်မှာ စက်တင်ဘာလ ၅ ရက်နေ့ ညနေပိုင်းက ဘားအံမြို့နယ်၊ သာမညကျေးရွာတွင် နေထိုင်သူ မ—၊ (၁၄-နှစ်)သည် နေအိမ်မှ သာမညတောင်ပေါ်သို့ ဆီးမီးသွားထွန်းစဉ် ၊ ဘားအံမြို့နယ်၊ သာမညကျေးရွာ အောင်မေတ္တာ(၁)ရပ်ကွက်နေ လှဝေ(ခ)တိုင်းကျော်(ခ)သန်းကျော်၊ (၃၅-နှစ်)မှ သာမညတောင်ပေါ်သို့ ဘုရား ဖူးသွားမည်ဟု ပြောဆိုကာ ခေါ်ဆောင်သွားခဲ့ပြီး သာမညတောင်ပေါ်သို့ မသွားဘဲ သာယာကုန်း-အိန္ဒု ကားလမ်းမ ယာဘက်ခြမ်းရှိ ရော်ဘာခြံတစ်ခြံအတွင်း ခေါ်ဆောင်သွားကာ ၎င်းညက မ—-အား အလိုမတူဘဲ သားမယားအဖြစ် သုံးကြိမ်ပြုကျင့်ခဲ့ကြောင်း၊ နံနက် ၆ နာရီအချိန် မ—အား ၎င်း၏အဒေါ်ဆိုသည့် အမည်မသိ နေအိမ်တစ်အိမ်သို့ ထပ်မံခေါ်ဆောင်သွားခဲ့ပြီး အဆိုပါနေအိမ်တွင် သုံးညအိပ်ပြီး တစ်ညလျှင် နှစ်ကြိမ် သားမယားအဖြစ် ပြုကျင့်ခဲ့ရာ စက်တင်ဘာ ၉ ရက်နေ့ မွန်းလွဲ တစ်နာရီခန့်တွင် မ—မှ မိခင်ဖြစ်သူထံသို့ ဖုန်းဖြင့် ဆက်သွယ်၍ သာမညတောင်အနီး အောင်သိဒ္ဒိကုန်းသို့ လာရောက်ခေါ်ဆောင်ရန် အဆက်အသွယ် ရရှိခဲ့၍ သွားရောက်ခဲ့ဆောင်ခဲ့ခြင်းဖြစ်သည်။
ဖြစ်စဉ်နှင့်ပတ်သက်ပြီး မိခင်ဖြစ်သူ ဒေါ်မူးယူမှ သမီးဖြစ်သူ မ—၊ (၁၄-နှစ်)၊ (၈)တန်းကျောင်းသူအား ဖြားယောင်းသွေးဆောင်၍ သားမယားအဖြစ် ပြုကျင့်သူ လှဝေ(ခ)တိုင်းကျော်(ခ)သန်းကျော်၊ (၃၅-နှစ်)၊အောင်မေတ္တာ(၁)ရပ်ကွက်၊ ဘားအံမြို့နယ်နေသူအား ဥပဒေအရ အရေးယူပေးရန် အိန္ဒုနယ်မြေရဲစခန်းသို့ တရားလိုပြုလုပ်တိုင်တန်းခဲ့ရာ အိန္ဒုနယ်မြေရဲစခန်းမှ (ပ)၈၇/၂၀၁၇၊ ရာဇသတ်ကြီးပုဒ်မ ၃၇၆/၃၆၃ ဖြင့် အမှုရေးဖွင့်ပြီး စွပ်စွဲခံရသူအား အမှုဖြင့် ဖမ်းဆီးစစ်ဆေးလျှက်ရှိကြောင်း သိရသည်။
မင်းသူ/ထွန်းထွန်းထွေး(ဘားအံ)
https://thanlwinnews.com
No comments:
Post a Comment