မန္တလေးမြို့၊ ချမ်းမြသာစည်မြို့နယ်ရှိ မဟာမုနိဘုရားကြီး ပရိဝုဏ်အတွင်း သြဂုတ်လ ၇ ရက်နေ့ နံနက် ၁၀:၄၀ နာရီအချိန် ခန့်က CCTV မှတ်တမ်းများအရ မှတ်တမ်းတင်ထားသည့် ယခင်က ဆွဲကြိုးဖြတ်ယူဖူးသူ အမျိုးသမီးတစ်ဦးအား ဆွဲကြိုးဖြုတ်ယူနေစဉ် ဘုရားလုံခြုံရေးအဖွဲ့နှင့် နယ်မြေခံရဲတပ်ဖွဲ့ဝင်တို့ ပူးပေါင်းဖမ်းဆီးရမိသည်။
ဖြစ်စဉ်မှာ ယခင်က ဘုရားဖူးများထံမှ ဆွဲကြိုးဖြတ်ယူဖူးကြောင်း CCTV မှတ်တမ်းများအရ မှတ်တမ်းတင်ထားသည့် မသီတာဝင်း၊ အသက် (၃၇)နှစ်၊ ၉/ကဆန(နိုင်)၂၁၃၁၆၄)၊ (ဘ)ဦးထွန်းလင်း၊ မင်းရပ်၊ ကျောက်ဆည်မြို့နေသူသည် ဘုရားကြီးရှေ့တော် ရွှေဆိုင်းရောင်းကောင်တာ အနီးတွင် ဘုရားဖူးလာသူ မတင်စန်းမြင့်၏ သမီးဖြစ်သူထံမှ ဆွဲကြိုးဖြတ်ယူနေသည်ကို တွေ့ရှိရ၍ ဘုရားကြီးလုံခြုံရေး တသ အိမွန်ဖြိုး၊ ဦးထွန်းထွန်းဝင်း(စီမံ)နှင့် နယ်မြေခံ မြို့မရဲစခန်းမှ တက အောင်ညွန့်၊ တသ အောင်မျိုးသန့်တို့ကပူးပေါင်းဖမ်းဆီး၍ ဆက်လက် အရေးယူနိုင်ရေး မြို့မရဲစခန်းသို့လွှဲပြောင်းပေးအပ်ခဲ့သည်။
ဘုရားကြီးဂေါပကအဖွဲ့အနေဖြင့် ဘုရာဖူးလာပြည်သူများ စိတ်ချမ်းမြေ့စွာ ဘုရားဖူးမြော်နိုင်ရေးအတွက် အထူးအလေးထား ဆောင်ရွက်လျက်ရှိကြောင်း ဂေါပကအဖွဲ့က ပြောကြားသည်။
( Ah Lin Nge )
( ဓာတ်ပုံ မဟာမုနိဂေါပက)
The Mandalay News Journal
https://www.facebook.com/TheMandalayNewsJournal/
No comments:
Post a Comment