တစ်သက်လုံး အသုံးတည့်နေမယ့်အရာ

တစ်သက်လုံး အသုံးတည့်နေမယ့်အရာ
----
အစားအသောက်နဲ့ ပတ်သက်ပြီး
(၁) နွားနို့နဲ့ ပဲနို့ရည် ဘယ်အရာကိုရွေးမလဲဆိုရင် ပဲနို့ရည်ကိုရွေးပါ။
(၂) ထမင်းပန်းကန်ဝက်လောက် စားနိုင်သေးတယ်လို့ထင်တာနဲ့ ထမင်းဝိုင်းကထပါ။
(၃) ခန္ဓာကိုယ်က မဆာပေမယ့်လည်း တစ်နေ့ကို ရေ၄ခွက်သောက်ပါ။
(၄) ဒိန်ချဉ်များများစားပါ။
(၅) အရက်ဆေးလိပ်ရှောင်ပါ။
(၆) အစားအသောက်စာရင်းထဲမှာ ပဲအမျိုးမျိုး၊ အသီးအရွက်အမျိုးမျိုး ပိုထည့်ပါ။
(၇) green tea သောက်ခြင်းက Red tea သောက်ခြင်းထက်ပိုပါစေ။
(၈) မနက်စာက ညစာထက် ကောင်းစေ၊ ပိုစေ။
(၉) ဆားစားတာကို ထိန်းပါ။
(၁ဝ) အိပ်ရာထချိန် သွားတိုက်ပြီးမှ ရေသောက်ပါ။
(၁၁) အချိန်အကြာကြီးချက်ပြုတ်ထားတဲ့ ဟော့ပေါ့ဟင်းရည်ကိုသောက်ခြင်းရှောင်ပါ။
(၁၂) ပန်းသီး မနက်တစ်လုံး ညတစ်လုံးစားပေးခြင်းဖြင့် ဝမ်းပိတ်ခြင်းကိုကာကွယ်ပါ။
(၁၃) ထမင်းမစားမီ အသီးအနှံစားခြင်းက ထမင်းစားပြီးနောက် အသီးအနှံစားခြင်းထက် ပိုပါစေ။
(၁၄) တစ်ပတ်မှာအနည်းဆုံး ငါးဟင်းတစ်ကြိမ်လောက်စားပါ။
(၁၅) အချိုရည်ကို ရှောင်နိုင်သမျှရှောင်ပါ။
(၁၆) မအိပ်ခင် ဝိုင်နီတစ်ခွက်လောက် သောက်နိုင်ပါတယ်။
----
အားကစားနဲ့ပတ်သက်ပြီး
(၁) မနက် ၈-၉ နာရီက နေရောင်ခြည်ကို ပိုခံယူပါ။
(၂) ဖြည်းဖြည်းပြေး မြန်မြန်လမ်းလျှောက်ပါ။
(၃) ခြေထောက်ကို ရေနွေးစိမ်ခြင်းဖြင့် အကြောများတွန့်လိမ်ပုံပျက်ခြင်းကို ကာကွယ်ပါ။
(၄) အရမ်းစိတ်ပန်း ကိုယ်နွမ်းတဲ့အခါ အားကစားပြုလုပ်ခြင်းရှောင်ပါ၊ အနားယူပါ။
(၅) ဆောင်းရာသီမှာ အိမ်ပြင်ပအားကစားလျော့ပါ။
(၆) တိုက် ၁ဝထပ်အောက်ဆိုရင် ဓာတ်လှေကားကို အသုံးမပြုပါနဲ့။
(၇) မတ်တပ်ရပ်ပြီး ဘတ်စကားစီး၊ ရထားစီးတာက ထိုင်စီးတာထက် ကျန်းမာတယ်။
(၈) နေ့တိုင်း နာရီဝက်လေ့ကျင့်ခန်းလုပ်တာက ရုံးပိတ်ရက် တစ်နေ့ ၃နာရီလုပ်တာထက် ကောင်းပါတယ်။
(၉) မကြာခဏ လမ်းလျှောက်လေ့ကျင့်ခန်းလုပ်ပါ။
(၁ဝ) ကုတင်နည်းနည်းမာတာနဲ့ အိပ်တာက ကျောရိုးကို ပိုကျန်းမာစေတယ်။
(၁၁) အားကစားလုပ်ပြီး နာရီဝက်ကြာမှ ရေချိုးပါ။
----
ဇီဝကမ္မနဲ့ ပတ်သက်ပြီး
(၁) အာရုံကြောဖိမိမနေအောင် ခြေချိတ်ထိုင်ခြင်းကို ရှောင်ပါ။
(၂) မနှစ်ကအင်္ကျီကို ဒီနှစ်ထုတ်ဝတ်မယ်ဆိုရင် နေအရင်လှန်းပါ။
(၃) ထမင်းကျန် ဟင်းကျန်တွေပဲ အမြဲမစားပါနဲ့။
(၄) ခဏခဏ ခေါင်းမလျော်ပါနဲ့၊ ၂ရက် ၃ ရက် တစ်ကြိမ်လျော်ပါ။
(၅) နေ့လယ်နေ့ခင်း အိပ်ချင်ရင် အထိုင်လိုက်မအိပ်ပါနဲ့၊ လဲအိပ်ပါ၊ မိနစ် ၄ဝ ထက်တော့မပိုပါစေနဲ့။
-----
ချစ်သူနဲ့ပတ်သက်ပြီး
(၁) သားသမီးတွေကို ဂရုစိုက်လွန်ပြီး ကိုယ့်အိမ်ထောင်ဘက်ရဲ့ ခံစားချက်ကို လျစ်လျူရှုမိတာမျိုး မဖြစ်ပါစေနဲ့။
(၂) သံယောဇဉ်ဆိုတာ နှလုံးသားနဲ့လည်ပတ်ရပါတယ်။
(၃) ငြင်းခုန်ကြတဲ့အခါ တစ်ယောက်ခြေတစ်လှမ်းစီဆုတ်ပါ။
(၄) အံသြဝမ်းသာမှုကို တစ်ခါတလေ ဖန်ဆင်းပါ။
(၅) သူ့မွေးနေ့ကို အမှတ်ရပေးပါ။
-----
ပျော်ရွှင်ခြင်းနဲ့ ပတ်သက်ပြီး
(၁) အခုလက်ရှိ ပိုင်ဆိုင်နေတာတွေကို တန်ဖိုးထားပါ။
(၂) ရှင်သန်နေတာကလည်း စိတ်ခံစားချက်တစ်မျိုးပါပဲ၊ ဒီကနေ့ကို ဖမ်းဆုပ်ပါ။
(၃) နှလုံးသားနဲ့ခံစားရင် ပျော်ရွှင်ခြင်းက နေရာတိုင်းမှာ အမြဲရှိတယ်။
(၄) ရောင့်ရဲခြင်းက ပျော်ရွှင်ခြင်းဖြစ်တယ်။
(၅) မိသားစုက အဖော်ပြုတယ်၊ သူငယ်ချင်းက ဂရုစိုက်တယ်၊ ကျန်းမာတဲ့ခန္ဓာကိုယ်ရှိတယ်၊ ဒါဟာ လောကမှာ အပျော်ရွှင်ဆုံးအရာပေါ့။
----
wechat မှာ ဖတ်မိတာလေးကို မြန်မာလိုကျွန်မ ပြန်ရေးပါတယ်။
နေကောင်းကျန်းမာနေတုန်း၊ အရာရာပြည့်စုံနေတုန်းမှာတော့ ဒီလိုပို့စ်က အာပလာပေါ့။ ဒါက နင်ပြောမှလား ငါလည်းသိသားပဲဆိုတာမျိုး ဖြစ်လိမ့်မယ်ပေါ့။ တကယ်တမ်း အသက်အရွယ်တဖြည်းဖြည်းကြီးလို့ ကျန်းမာရေးယုတ်လျော့လာတဲ့အခါ ဒါတွေကလိုအပ်လာပါတယ်။ ကျန်းမာသန်စွမ်းနေတဲ့အရွယ်မှာ လူတွေက ခန္ဓာကိုယ်ထိန်းသိမ်းဖို့၊ ကျန်းမာရေးလိုက်စားဖို့ မေ့လျော့နေတတ်ကြတယ်။ အထူးသဖြင့် ကိုယ်လက်လှုပ်ရှား အားကစားတွေ သိပ်မလုပ်ကြတဲ့ မြန်မာလူမျိုးတွေပေါ့။
ကျောင်းမှာလည်း အားကစားဘာသာရပ်ဆိုတာ မရှိသလို၊ ကျန်းမာရေးလိုက်စားရမယ်မှန်းလည်း စိတ်ကူးမရှိကြဘူး။
နိုင်ငံခြားကျောင်းတွေမှာ အားကစားဘာသာရပ်က မယူမနေရ ဘာသာရပ်ထဲမှာပါတယ်။ မြန်မာပြည်မှာတော့ ဝါသနာပါတဲ့လူတွေပဲ ကိုယ့်အသိစိတ်နဲ့ကိုယ် အားကစားလုပ်ကြတာ များတယ်။ အားမှ ကစားတာဆိုပြီး အားကစားလုပ်တာကို အပိုအလုပ်တစ်ခုလို ထင်တဲ့လူတောင် ရှိသေးတယ်။ နေ့တိုင်း အလုပ်နဲ့အိမ် လှုပ်ရှားနေတာပဲ ဘာအားကစားလိုလည်းဆိုတဲ့ လူလည်းရှိသလို၊ GYM ဆိုတာ သူဌေးတွေမှ၊ အနုပညာသည်တွေမှ လုပ်ကြတာလို့လည်း ထင်ကောင်းထင်ကြပါလိမ့်မယ်။ ကျွန်မတွေ့ဖူးပါတယ်... လမ်းလျှောက်အားကစားလုပ်တာတဲ့.. လျှောက်တာကလည်း စိတ်ပြေနှပြေ။ တကယ်တမ်းမှာ နှလုံးခုန်နှုန်း၁ဝဝလောက်ရှိတဲ့ လှုပ်ရှားမှုမျိုးကမှ ထိရောက်တဲ့အားကစားဖြစ်တယ်။
လူတွေဟာ အသက်ကြီးလာလေ အကျဘက်ကိုရောက်လေပါပဲ.. အသက် ၃ဝကျော်တုန်းကတော့ လူအများဟာ ဒေါင်ဒေါင်မြည်ပါပဲ။ ၄ဝ ကျော်လည်းရောက်ရော့.. ဟိုနားနာသလိုလို၊ ဒီနားနာသလိုလို ခန္ဓာကိုယ်က တဖြည်းဖြည်း ကျဘက်ကိုဦးတည်လာတော့တယ်။ ဒါတွေက ကိုယ်တိုင်ကြုံမှ သိရပါတယ်။ ဒါကြောင့် ကြိုတင်ပြင်ဆင်တာတွေ လုပ်ကြရတယ်။ သက်လုံကောင်းအောင် လုပ်နိုင်တုန်းမှာ ကိုယ်အားရင်အားသလို ကိုယ်ဝါသနာပါရာအားကစားတစ်ခုခုကို တစ်ပိုင်တစ်နိုင်လေး လုပ်ကြစေချင်ပါတယ်။ တခြားဘာအားကစားမှ ဝါသနာမပါခဲ့ရင်တောင်မှ လမ်းလျှောက်တာကို အကျင့်တစ်ခုလိုလုပ်ပြီး နေ့တိုင်းလုပ်စေချင်ပါတယ်။ ဥပမာ-- ကိုယ်သွားမယ့်မှတ်တိုင်မရောက်ခင် ၂မှတ်တိုင်အလိုမှာဆင်းပြီး လမ်းလျှောက်တာမျိုးတွေ လုပ်နိုင်ပါတယ်။
ကျန်းမာနုပျိုကြပါစေ...
.
#NineNineSaNay