တကသအဆောက်အအုံတည်ဆောက်ရေးမှာပယောဂတွေဝင်နေပြီလား ? ။
ယနေ့ကျောင်းသားသမဂ္ဂလို့မည်ခံထားတဲ့ကလေးတွေသိစေချင်တယ်။ တကသအဆောက်အအုံကြီးကိုယခင်နေရာမှာမဆောက်ဘဲကွက်လပ်အဖြစ်ထားပြီးအထိမ်းအမှတ်ကျောက်တိုင်ပဲထားမယ်ဆိုတဲ့ဖောက်ပြန်တဲ့အတွေးအခေါ်တွေစစ်အုပ်စုရဲ့သပ်လှိုအတွေးအခေါ်တွေဝင်နေတယ်။ နိုင်ငံရေးပယောဂတွေပါနေတယ်။ အဓိကပြောနေတဲ့သူတွေကို အုပ်စုတခုခုက Brain Wash လုပ်ထားပုံရတယ်။ အဓိကပြသနာက
ဒေါ်စုအစိုးရဦးဆောင်တည်ဆောက်မှာကိုမလိုလားတာပါတယ်။ နောက်တခုက စစ်အုပ်စုကသမဂ္ဂအဆောက်အအုံကြီးကိုတက္ကသိုလ်အဝင်ဝမှာမမြင်ချင်ဘူး ဒါကြောင့်ဒီကွက်လပ်ကြီးကိုနှစ်ပေါင်း ၅၃နှစ်ကျော်အထိသံကြိုးခတ်ပြီးစိန်ပန်းပင်တွေစိုက်ထားခဲ့တာစိန်ပန်းပင်တွေတောင်ကြီးပြီးစိန်ပန်တောကြီးဖြစ်နေပါပေါ့လား။ ဒါကိုမမြင်ဘဲ Ground Zero အဖြစ်ထားမယ်၊ ကျောက်တိုင်စိုက်မယ်နဲ့ရူးကြောင်ကြောင်စစ်အုပ်စုရဲဆိုက်ဝါးတွေလာပြောနေကြတယ်။ တကသအဆောက်အအုံနေရာမှာအရင်အဆောက်အအုံအတိုင်းပြန်ဆောက်မယ်လို့ပြောခဲ့တဲ့၆၂လူကြီးတချို့ကလည်း ဗကသကျောင်းသားတွေသံယောင်လိုက်ပြီး ကွက်လပ်ပဲထားမယ် ကျောက်တိုင်စိုက်မယ်နဲ့ဖြစ်လာတယ်၊နောက် ၇၄၊ ၇၅၊ ၇၆ အမည်တပ်ထားတဲ့အုပ်စုကလည်းဗကသကျောင်းသားတွေအကြိုက်လိုက်ပြောလာတယ်။
သူတို့ပြောနေတာတွေက-
၁။ တကသအဆောက်အအုံကြီးဖျက်စီးခံရတာကိုနောက်လာနောက်သားတွေသိအောင်စစ်အစိုးရရဲ့ရက်စက်ကြမ်းကြုတ်မှုတွေသိအောင်ဒီအတိုင်းထားမယ်။
၂။ တကသအဆောက်အအုံကြီးကိုကျောင်းပြင်တနေရာမှာဆောက်မယ် ဆိုတဲ့စောက်တလွဲအတွေးအခေါ်တွေဖြစ်တယ်။
အမှန်တော့ဘယ်အုပ်စုနောက်မှမလိုက်ပဲကျောင်းသားတွေအတွက်တကသဆောက်အအုံကြီးဟာကျောင်းဝင်းထဲ့မှာရှိသင့်တယ် ကျောင်းသားသမဂ္ဂတွေရှင်သန်လာဖို့စနစ်တကျဖွဲစည်းပြီးဆွေးနွေးတိုင်ပင်နိုင်ဖို့ဒီအဆောက်အအုံကြီးဟာမူလနေရာတက္ကသိုလ်ဝင်ပေါက်ကြီးမှာမားမားမတ်မတ်တည်ရှိရမယ်ဆိုတာကိုကျောင်းသားစိတ်အပြည့်နဲ့မြင်ရမယ်နိုင်ငံရေးပယောဂပူးနေသူတွေမလိုဘူး။သူတို့သဘောထားဟာမမှန်ဘူး ။လက်ဦးမှုရယူဖို့ငါတို့ချယ်လှယ်နိုင်မှဆိုတဲ့အတ္တသမားတွေရဲ့အတွေးအခေါ်တွေဟာအဆိပ်နဲ့အတူတူဘဲ။.
ကိုယ်ကျိုးမပါဘဲတကယ့်ကျောင်းသားတွေအတွက်လိုအပ်နေတဲ့တကသအဆောက်အအုံကြီးကိုမူလကွက်လပ်မှာဆောက်ကိုဆောက်ရမယ်။ အဓိပ္ပါယ်မရှိတဲ့အကြောင်းပြချက်တွေလာမပေးနဲ့။
အထိမ်းအမှတ်ထားချင်တယ်ဆိုရင် ဒီဆောက်လုပ်မဲ့အဆောက်အအုံနေရာမှာ Underground level တည်ဆောက်ပြီးအဲဒီအထပ်မှာယခင်အဆောက်အအုံဟောင်းပုံတူကိုအလယ်မှာထား နောက်ဘေးပတ်လည်နံရံတွေမှာတက္ကသိုလ်သမိုင်းဝင်အဆောက်အအုံကြီးဘယ်လိုဖောက်ခွဲခံခဲ့ရတယ်ဆိုတဲ့အထောက်အထားဓါတ်ပုံတွေ၊နောက်တကသကျောင်းသားခေါင်းဆောင်တွေရဲ့ဓါတ်ပုံတွေပါနဲ့ ပြတိုက်သဘောမျိုးထားရင်နောက်လူငယ်မျိုးဆက်တွေအတွက်သိသင့်တာတွေတခါတည်းလေ့လာလို့ရတယ်။ အပေါ်ထပ်တွေမှာစည်းဝေးခမ်းမတွေ၊ရုံးခန်းတွေ စတာတွေ၊ ကွန်ပြူတာခန်းတွေ ဗီဒီယိုကွန်ဖရင့်အခန်းတွေ၊နယ်ခေါင်းဆောင်တွေ၊ နိုင်ငံတကာကျောင်းသားသမဂ္ဂခေါင်းဆောင်တွေလာရင်တည်းဖို့အိပ်ခန်းတွေ၊ရေချိုးခန်းတွေ၊ ကင်တင်းတွေစသည်ဖြင့်ခေတ်နဲ့အညီလိုက်နိုင်ဖို့စဉ်းစားတွေးခေါ်ပေးရမယ်နေရာတကာမှာဘယ်သူလုပ်လုပ်ဆန့်ကျင်မယ်ငါတို့လုပ်ရမှဆိုတဲ့အတ္တတွေပယ်နိုင်ရင်ကောင်းမယ်။ မှန်တယ်ထင်ရင်တယောက်တည်းလည်းနေရဲတယ်။ကိုယ်ကျိုးမပါဘူးအနာဂတ်ကျောင်းသားတွေအတွက်စေတနာ ၁၀၀%နဲ့ရေးလိုက်တယ်။မနှစ်ကရေးထားတဲ့စာလတ်လတ်ဆတ်ဆတ်ပဲရှိသေးတယ်အောက်မှာ ဖတ်ကြည့်ကြ။
ထွန်းအောင်ကျော် (၇၄မျိုးဆက်)
No comments:
Post a Comment