ခုတုံးလုပ်ကြော်ငြာခြင်း (Surrogate Advertising)

ခုတုံးလုပ်ကြော်ငြာခြင်း (Surrogate Advertising)
ယဉ်ဝေပြုံး
ကြော်ငြာခွင့် ကန့်သတ်ခံထားရတဲ့ ကုန်ပစ္စည်း (သို့) ၀န်ဆောင်မှု တစ်ခုကို ကြော်ငြာချင်တဲ့ အတွက် တရားဝင် ကြော်ငြာခွင့်ရှိတဲ့ ကုန်စည်/၀န်ဆောင်မှု တစ်မျိုး မျိုးကို နာမည်တူနဲ့ ထပ်မံထုတ်လုပ်ပြီး (Brand extension)၊ ကြော်ငြာလို့မရတဲ့ပစ္စည်း ကို ခုတုံးလုပ် ကြော်ငြာခြင်း၊ ဈေးကွက် တည်ဆောက်ယူခြင်းကို Surrogate Marketing/ Advertising လို့ခေါ်ပါတယ်။
Surrogate Advertising ကိုအများဆုံး အသုံးပြုတဲ့ လုပ်ငန်းတွေ ကတော့ အရက်သေစာ၊ ဆေးလိပ်အစရှိတဲ့ မူးယစ်ကုန်စည်ထုတ် လုပ်တဲ့ လုပ်ငန်းကြီးတွေနဲ့ ဆေးဝါးပစ္စည်း ထုတ်လုပ်ငန်းအချို့တို့ဖြစ် ပါတယ်။
ဆေးလောကမှာ ကြော်ငြာခွင့်ကန့်သတ်ထားတဲ့ ဆရာဝန် ညွှန်းမှာ ၀ယ်ရမယ့် သမားကိုင်ဆေးဝါး Prescription/ Ethical Drugs တွေကို Over-the-counter (OTC) အိမ်သုံးဆေးများအဖြစ် နှစ်မျိုး ထုတ်လုပ်ပြီး တံဆိပ်တစ်ခုတည်းနဲ့ ပုံမှားရိုက်ကြော်ငြာတာမျိုးရှိ တတ်သလို အရက်သေစာနဲ့ ဆေးလိပ်စတဲ့ မူးယစ်ကုန်စည်တွေကို ကြော်ငြာခွင့်ကို ပိတ်ထားတဲ့အတွက် ပစ္စည်းတစ်မျိုးမျိုးထုတ်ပြီး Surrogate Advertising လုပ်တာတွေရှိနေပါတယ်။
ဥပမာ - ကျွန်မတို့ အိမ်နီးချင်း အိန္ဒိယမှာ Kingfisher ဆိုတဲ့ အရက်သေစာလုပ်ငန်းစုဆိုလည်း Kingfisher Mineral Water ဆိုပြီး ထုတ်တယ်။ Bagpiper Whisky က Bagpiper Club Sodaထုတ်လုပ်ရောင်းချပါတယ်။ Bagpiper Soda ရဲ့ ကြော်ငြာကိုကြည့်ရင် မူလWhiskyကြော်ငြာရဲ့ ကျောရိုး၊ မူလ Logo၊မူလ ကြော်ငြာ သရုပ်ဆောင်အတိုင်း အသုံးပြုထားတယ်။ ကြော်ငြာကို မြင်လိုက်တာနဲ့ Club Soda မဟုတ်ဘဲ မူရင်းထုတ်ကုန် Whisky ကို အမှတ်ရစေတယ်။
အိန္ဒိယမှာ ဆေးရွက်ကြီးနဲ့ ဆေးလိပ်လုပ်ငန်းတွေက ဆေးလိပ်ကြော်ငြာတားမြစ်ချက်ကို ရှောင်ရှားနိုင်ဖို့ သူတို့မူလ Brand နဲ့ သာမန် အာမွှေး ကွမ်းထုပ်သဖွယ် ထုတ်လုပ်ကြော်ငြာပါတယ်။
မြန်မာနိုင်ငံမှာလည်း အလားတူပါပဲ။ မူးယစ်ကုန်စည်ထုတ်လုပ်သူတွေက တရားဝင် ကြော်ငြာတွေကို ပိတ်ပင်လာတဲ့အခါမှာ မူလအမှတ်တံဆိပ် ကိုသုံးပြီး ဈေးကွက်ထဲ တရားဝင်ကြော်ငြာခွင့်ရှိတဲ့ အခြားကုန်စည်တွေကို ထုတ်လုပ်တယ်၊ ကြော်ငြာတယ်။ ဒါပေမယ့် အဲဒီ့ ပစ္စည်းတွေကိုတကယ်လည်း မရောင်းပါဘူး။ တကယ်ရောင်းရင်လည်း အဲဒီ့ကအမြတ်ကို မျှော်ကိုးလို့မဟုတ်ပါဘူး။ သူတို့ လုပ်ချင်တာက ကြော်ငြာလို့ မရတဲ့ ကုန်စည်တွေကို လူထုရင်ထဲစွဲစေချင်တာပါ။
အရက်သေစာ လုပ်ငန်းကြီးတွေ ဆိုရင် မူလ အမှတ်တံဆိပ် ၀ိသေသ အမှတ်လက္ခဏာ (Brand identity elements) တွေဖြစ်တဲ့ logo၊ brand အရောင်တွေနဲ့ Brand Personalityတွေ သုံးပြီး ရေသန့်နဲ့ အင်္ကျီအ၀တ်အစားတွေ ထုတ်လုပ် ရောင်းချတာမျိုးပေါ့။
နာမည်ကြီး ဆေးလိပ်ကုမ္ပဏီကြီးတစ်ခုကလည်း ယခင်ကရန်ကုန်မှာ ထိုင်းကုမ္ပဏီတစ်ခုနဲ့ ပူးပေါင်းပြီး တေးသံသွင်းလုပ်ငန်း တည်ထောင် ခဲ့ဖူးတယ်။ ဂီတနှစ်သက်တဲ့ လူငယ်များကို အဲဒီ တေးသံသွင်းရဲ့ သီချင်းခွေများကို ၀ယ်ယူအားပေးကြတဲ့အခါ သူတို့ရဲ့Brand ကို နာမည်ကျော်အဆိုတော်တွေနဲ့တွဲပြီး အမှတ်ရစေခဲ့ပါတယ်။
အရက် သေစာအမှတ်တံဆိပ်တွေက ယခုအခါမှာ pH7 ဆိုပြီး ပိတ်ပင်ထား တာတွေကို ကျော်ခွပြီး ကြော်ငြာနေဆဲပါပဲ။ ရုပ်သံလိုင်းတွေ၊ ဂျာနယ် မျိုးစုံတွေမှာ သူတို့ရဲ့ ကြော်ငြာတွေရှိနေဆဲပါ။ ကားကံစမ်းမဲတွေလည်းပေးပါတယ်။ ၀ီစကီတစ်မျိုးကလည်း သူ့ရဲ့ Facebook Page ၀င်ဖို့ တီဗီမှာ စွဲဆောင် ပါသေးတယ်။ Facebook ပေါ်ရောက်မှ အရက်ကို ဆက်ပြီးကြော်ငြာပါတယ်။
ဘီယာတံဆိပ် တစ်ခုက တကိုယ်တော် ဂီတဖျော်ဖြေပွဲတစ်ခုကို ကိုယ်တိုင်စီစဉ်ပြီး အဲဒီ့အဆိုတော်ပုံနဲ့ Stage Show ကြော်ငြာလုပ်ပါတယ်။ အရောင်တွေ ဘီယာရဲ့ တံဆိပ်လိုဂိုတွေပါသုံးပြီး ဂီတပွဲ စီစဉ်သူအဖြစ် ကြော်ငြာသွားခဲ့တာလည်းရှိပါတယ်။ နောက်ဘီယာ အမှတ်တံဆိပ်တစ်ခုကလည်း အင်္ကျီအ၀တ်အစားတံဆိပ်တည်ထောင်ပြီး အဆိုတော်နဲ့ သူ့ကလေးပါထည့် ကြော်ငြာတဲ့အတွက် အများက ၀ိုင်းကန့်ကွက်တာတွေလည်း ခံခဲ့ရပါတယ်။ ရန်ကုန်မှာ အဲဒီ့ ကြော်ငြာတွေ ဖြုတ်လိုက်ပေမယ့် အခြားမြို့တွေမှာတော့ တွေ့နေရဆဲပါပဲ။
ရေသန့်နာမည်ခံ အရက်ကြော်ငြာတစ်ခုဆိုရင်အထက်တန်းကျောင်းတွေမှာ ကမ္ဘာ့မြေပုံတွေ လှူဒါန်းပြီး ကလေးတွေကြားအထိ Brand ရင်းနှီးမှုရအောင်အတင့်ရဲလုပ်နေတာတွေလည်း စိတ်မကောင်းစရာ တွေ့ရပါတယ်။ ဆရာမတွေကလည်း ရေသန့်ထင်လို့ မြေပုံကိုကပ်ပေးထားခဲ့တယ်လို့ အံ့သြတုန်လှုပ်စွာနဲ့ ပြောပြခဲ့ပါတယ်။ နောက်ဘီယာ တံဆိပ်တစ်ခုကလည်း အသွင်တူသံဗူးထဲမှာ အချိုရည်တစ်မျိုးထုတ်လုပ်ပြီး ၁၂-၁၃ အရွယ် ကလေးငယ်များပါထည့်ပြီး ကြော်ငြာထားတာလည်းတွေ့ရပါတယ်။
ဒီတံဆိပ်နဲ့ပဲ စာသင်ကျောင်းတွေမှာ ပွဲတွေလိုက်လုပ်ပြီးကြော်ငြာနေတာတွေလည်း တွေ့ရပါတယ်။ ကလေးဈေးကွက်ထဲမှာ ဒီဘီယာအမှတ်တံဆိပ်နဲ့ အဲဒီ့ အမှတ်တံဆိပ်ပါသံဗူးကိုင်တာကို ယဉ်ပါးလာစေနိုင်တဲ့အတွက် အထူးသတိထားဖို့လိုပါတယ်။
ဒါတွေဟာ Umbrella Brand တစ်ခုထားပြီး Surrogate Advertising နည်းကို သုံးပြီး ဈေးကွက်ဖောက်နေတာတွေ ဖြစ်ပါတယ်။ ယစ်မျိူးကုန် မဟုတ်တဲ့ အခြားကုန်စည်တွေကိုခုတုံးလုပ်ပြီး ကြော်ငြာခြင်းဖြစ်ပါတယ်။
အဲဒီ့ Brand အောက်မှာ အဓိက ရောင်းချင်တဲ့ မူးယစ်ကုန်စည်တွေကို ဈေးကွက် ဆက်လက်ချဲ့ထွင်နိုင်အောင် ဆောင်ရွက်ကြတာပါ။
ဒီလို Surrogate Marketing တွေကြောင့် နိုင်ငံအနှံ့ ယစ်မျိုး Brandတွေဆကလ် က်ပြန့်နှံ့ နေတာကိုတွေ့ ရပါတယ်။ Strategy First Instituteက၂၀၁၁၊ ဇန်န၀ါရီလအတွင်း ရန်ကုန်တိုင်းဒေသကြီးအတွင်းက အစိုးရနဲ့ ပုဂ္ဂလိကကျောင်းတွေမှာ ပြုလုပ်ခဲ့တဲ့ သုတေသနအရတော့ ကြော်ငြာတွေ ပိတ်ပင်ထားပေမယ့်လည်း အသက် ၁၂ နှစ်မှ ၁၆ နှစ်အထိ ကလေးတွေဟာ ယမကာ အမှတ်တံဆိပ်တွေနဲ့ အကျွမ်းတ၀င်ရှိနေဆဲဆိုတာကို တွေ့ရပါတယ်။ ရေသန့်အဖြစ်ကြော်ငြာထားတဲ့ ယမကာတံဆိပ်ပေါင်းများစွာကိုလည်း မှတ်မိကြပြီး ဒီကြော်ငြာတွေဟာ ရေသန့်ကြော်ငြာ၊ အင်္ကျီကြော်ငြာမဟုတ်ဘူးဆိုတာကိုလည်း သိနေကြပါတယ်။
နိုင်ငံတကာမှာ အဲလို Surrogate Advertising တွေအပြင် Surrogate လုပ်ထားတဲ့ Product တွေကိုပါ တားမြစ်ပိတ်ပင်လာကြပြီ။ မြန်မာနိုင်ငံရဲ့ မူးယစ်ကုန်စည်တွေကို ကြော်ငြာခွင့်ကန့်သတ်ထားပြီး Surrogate Advertising တွေကိုလည်း တင်းကြပ်စွာ စိစစ်ဖို့ လမ်းညွှန်ထားပေမယ့် အရေးယူမှု မရှိတာကိုတွေ့ရပါတယ်။
နောက်တစ်ဆင့်ကတော့ Surrogate Marketing တွေ ပိတ်ပင်လာခဲ့ရင် ဒီတံဆိပ်တွေနဲ့ တခြားပစ္စည်းတွေ အမှန်တကယ် ထုတ်လုပ်ရောင်းချနေပါတယ်၊ အမှန်အကန် Brand Extension လုပ်ပါတယ် ဆိုပြီးတော့လည်း စောဒက တက်လာနိုင်ပါသေးတယ်။ လွန်ခဲ့တဲ့ ဆယ်စုနှစ်လောက်ကတည်းက ယမကာလုပ်ငန်းတစ်ခုကရေသန့်တွေကို Brand Extensionတကယ်လုပ်ပြီး ရောင်းခဲ့ပါတယ်။ အဲဒီ့ Brand ကတော့ နာမည်ကျော် အောင်မြင်ခဲ့ပြီး ယနေ့အထိ သုံးစွဲနေကြတုံးပါပဲ။ သူ့ကိုတော့ ရေသန့်အဖြစ်လည်း လူတွေကလည်း သတ်သတ်မှတ်မှတ် လက်ခံထားကြတော့ Surrogacy ပုံစံတော့ မပေါက်တော့ပါဘူး။
ဆောင်းပါးကို နိဂုံးချုပ်ရရင် Surrogate Marketing ကိုသုံးပြီး နေရာတိုင်းမှာ ကျယ်ပြန့်စွာ ကြော်ငြာနေခဲ့တဲ့အတွက် အရက်မှန်း၊ ဆေးလိပ်မှန်းသိတဲ့လူကသိ၊ မသိတဲ့လူက မသိနဲ့ ကလေးရော၊ လူကြီးပါ ဒီ Brand Messageတွေကို လက်ခံမိစေခဲ့တယ်။ ဒါဟာသက်ဆိုင်ရာနဲ့ အများပြည်သူကို လိမ်ညာတဲ့အဆင့် အထိဖြစ်သွားပါတယ်။ ယခုလို အမှန်အကန် Brand Extension တွေပါလို့ ကြေညာပြီး လုပ်လာပြန်ရင်လည်း ကြော်ငြာပိတ်ပင်ထားတဲ့ ပစ္စည်းတွေကို ပါရောပြီး Promote လုပ်ရာရောက်နေသေးတဲ့အတွက် လက်ခံလို့ဖြစ်ပါ့မလားလို့လည်း တွေးပူမိပြန်ပါတယ်။
Strategy First Journal အမှတ် (၁)မှ ဆောင်းပါကို ပြန်လည်ဖော်ပြသည်။
Ref:
http://www.managementparadise.com/…/29342-advertisement-eth…
http://www.scribd.com/doc/39117724/Surrogate-Advertisements
http://www.scribd.com/doc/53687500/Surrogate-Advertising
http://www.scribd.com/…/Banning-Liquor-Surrogate-Advertisin…
http://www2.potsdam.edu/hansondj/LegalDrinkingAge.html
__________________________
ဆက်စပ်သတင်း
အရက်၊ ဘီယာ၊ ဆေးလိပ်ကြော်ငြာကန့်သတ်ဖို့ လွှတ်တော်နဲ့ ပညာရှင်အပိုင်းက ပြောဆို
နိုင်နိုင်ဇော်
ရန်ကုန်၊ ဇူလိုင် ၁၄
အရက်၊ ဘီယာ၊ ဆေးလိပ်ကြော်ငြာ ကန့်သတ်မှုတွေ ပြုလုပ်ဖို့ လိုအပ်နေပြီလို့ လွှတ်တော်ကိုယ်စားလှယ်၊ စီးပွားရေးပညာရှင်တွေနဲ့ ကျန်းမာရေးကဏ္ဍ တာဝန်ရှိသူတွေက ပြောပါတယ်။
လက်ရှိမှာ အမျိုးသားလွှတ်တော်က အရက်၊ ဘီယာနဲ့ စီးကရက်ကြော်ငြာတွေ ကို အထူးကန့်သတ်ဖို့ နိုင်ငံ တော်အစိုးရကို တိုက်တွန်းတဲ့အဆို ဆွေးနွေးဖို့ ခွင့်ပြုခဲ့ပြီးဖြစ်ပါတယ်။
အဲဒီအဆိုတင်သွင်းတဲ့ မကွေးတိုင်းဒေသကြီး မဲဆန္ဒနယ်အမှတ်(၁၂)မှ လွှတ်တော်ကိုယ်စားလှယ် ဦးလှဆွေ က“ မြန်မာပြည်ကလူငယ်တွေ ငယ်ငယ် ရွယ်ရွယ်နဲ့ ပျက်စီးနေတာ အရက်၊ ဘီယာ၊ စီးကရက်ကြော်ငြာတွေနဲ့ ဆွဲဆောင်အား ကောင်းနေတာကြောင့်ပဲ။ ဒီကြော်ငြာတွေ လျှော့ချနိုင်မှ တိုင်းပြည်အနာကို စိတ်အေးနိုင်မှာပါ” လို့ လွှတ်တော်မှာ ပြောဆိုပါတယ်။
အရက်၊ ဘီယာ၊ ဆေးလိပ်ကုမ္ပဏီတွေက သူတို့ရဲ့ထုတ်ကုန်တွေကို သွယ်ဝိုက်ကြော်ငြာမှုတွေ ပြုလုပ်ပြီး လူငယ်တွေဘ၀ လူညွန့်တုံးအောင် ပြု လုပ်နေတာကြောင့် အဆိုတင်သွင်းရတာဖြစ်တယ်လို့ ဦးလှဆွေက ထပ်ပြီး
ပြောဆိုပါတယ်။
နိုင်ငံတကာမှာ အရက်၊ ဘီယာ၊ ဆေးလိပ်တွေကို ပြင်းပြင်းထန်ထန် ကန့်ကွက်မှုတွေ ပြုလုပ်နေတာကြောင့် မြန်မာ့လွှတ်တော်ပိုင်းကလည်း ဒါတွေကို အတုယူသလို အစိုးရပိုင်းကလည်း ဥပဒေ၊ အမိန့်တွေထုတ်ပြန်ပြီး တားဆီးသင့်တယ်လို့ စီးပွားရေးပညာရှင် ဦးလှမောင်က ပြောပါတယ်။
“အမေရိကန်ဆိုရင် စီးကရက်ကို ဘယ်လို့နည်းနဲ့မှ ကြော်ငြာခွင့်မပေးဘူး၊ အခုတရုတ်လည်း ဒါတွေကို ပိတ် ပင်နေပြီ။ မြန်မာနိုင်ငံကလည်း ဒါတွေကို လက်တွေ့အတုယူသင့်တယ်”လို့ သူက ပြောပါတယ်။
ဒီ ၂၀၁၅-၁၆ ဘဏ္ဍာနှစ်မှာလည်း ဆေးရွက်ကြီးအုပ်စု၊ အရက်၊ ဘီယာ နဲ့ ဆေးလိပ်တွေကို ကုန်သွယ်လုပ်ငန်း ခွန် ၁၅၀ ရာခိုင်နှုန်းအထိ တိုးမြှင့်
ကောက့်ခံပေမယ့် တင်သွင်းကုမ္ပဏီအများစုက ရောင်းကုန်ပေါ်မှာ ပြန်လည်
ဈေးတင်ကြတာကြောင့် နောက်ဆုံးစားသုံးသူပဲ ထိခိုက်မှုတွေရှိနေတယ်လို့ သိရပါတယ်။
ကျန်းမာရေးပညာရှင် ဒေါက်တာစိုးလွင်က “လူတွေက ဆေးလိပ်မကောင်းဘူး ဆိုတာသိပေမယ့် ရှောင်နိုင်မှုအား နည်းတာက ကြော်ငြာတွေကြောင့်လို့မြင် တယ်။ ဒါကိုလွှတ်တော်က ကန့်သတ်နိုင်ရင်ကောင်းပါတယ်”လို့ ပြောဆိုပါ တယ်။
အရက်၊ ဘီယာ၊ ဆေးလိပ်ကြော်ငြာကန့်သက်မှုအဆိုဆွေးနွေးဖို့ လွှတ်တော်ကိုယ်စားလှယ်တွေအနေနဲ့ ဒီ ဇူလိုင်လ ၃၁ ရက်နောက်ဆုံးထားပြီး အမျိုးသားလွှတ်တော်ကို အမည်စာရင်းပေးပို့ရမှာဖြစ်ပါတယ်။