ဒီအတိုင်းလွှတ်ထားရင် အလိုတော်ပြည့်ဘုရား အတွင်းက နံရံဆေးရေးတွေ ၁၀ နှစ်အပြင် ပိုမခံဘူး

ပုဂံမှာ အချမ်းသာဆုံး ငွေအသုံးနိုင်ဆုံးဂေါပက အဖွဲ့တွေ စာရင်းလုပ်ထားတာရှိတယ်။

ဂေါပက အဖွဲ့ဆိုပေမယ့် အထင်တော့မသေးလိုက်နဲ့ဦး အငြိမ်းစားသွားတဲ့ အကြီးတန်းအရာရှိတွေ ပါတယ်။ သိပ်ကို သြဇာကောင်းတဲ့ ဘုန်းတော်ကြီးတွေပါတယ်။

စောစောက ပြောတဲ့ အချမ်းသာဆုံး ဂေါပကတွေထဲမှာ
အလိုတော်ပြည့်က top 5 ထဲမှာပေါ့ဗျာ။ အလိုတော်ပြည့်ဘုရား ဆိုတဲ့နာမည် နဲ့ဆိုတော့ ပုဂံလာတဲ့ ပြည်တွင်း ပြည်ပ ဧည့်သည်တွေ အကုန် လာကြတဲ့ ဘုရားပေါ့ဗျာ ။

၁၉၈၀ ပြည့်လောက်ကဆို အလိုတော်ပြည့် ဘုရားထဲက နံရံဆေးရေးတွေက ပုဂံရဲ့ master piece စာရင်းဝင်။ ၁၉၈၀ ပြည့်နှစ်တွေတုန်းက အဲလောက်ရေပန်းမစားတဲ့ ဘုရားပေါ့။

ဦးခင်ညွှန့်လက်ထက်မှာ အလိုတော်ပြည့်ဖြစ်သွာတာ။ ဆေးရေးတွေရှိတဲ့ နံရံတွေကို လူတွေကိုင်မှာစိုးလို့ ဆိုပြီးအကြောင်းပြချက်ပေးပြီး မှန်ဘောင်တွေ တပ်တယ်။ နံရံနဲ့ သိပ်ကပ်လွန်းတော့ ချွေးတွေ ရေငွေ့တွေရိုက်ပြီး နံရံဆေးရေးတွေ ပျက်စီးကုန်တယ်။

မီးကြိုးတွေ သွယ်ပြီး မီးတွေဆင်တာ ဆေးရေးရှိတဲ့ နံရံတွေပေါ် သံမှိုဆွဲပြီး လုပ်ကြတယ်။ ရှေးလက်ရာတွေကိုမှ အားမနာ အပေါစား တရုတ်မီးဆိုင်းတွေ တပ်တယ်။

အခု အမိုက်မဲဆုံး လုပ်ရပ်က အဲကွန်းဆိုတဲ့ လေအေးပေးစက်တွေ ဆင်ထားတာဘဲ။ ဒါတော်တော်လေး မိုက်မဲတဲ့လုပ်ရပ်ပါ။ လေအေးပေးစက်ကြောင့် ဘုရားအတွင်းပိုင်းကို အေးနေအောင် ထားလို့ရမယ်ဆိုတာလောက်သာ အသိရှိတယ်။

လေအေးပေးစက်ကြောင့် တစ်ကြောင်း ၊ ဘုရားဖူး လူဝင်လူထွက်များလွန်းတာက တစ်ကြောင်းကြောင့် humidity တွေများပြီး နံရံဆေးရေးတွေပျက်စီးမယ်။
အတွင်းပိုင်းက အေးပြီး အပြင်မှာ ကျက်ကျက်တောက်ပူ မယ် ဆိုတော့ မီးပျက်တဲ့အခါ ၊ ညဖက် လေအေးပေးစက်ပိတ်တဲ့အခါ အပူအအေး မညီမျှမှုတွေဖြစ်မယ်။

နံရံဆေးရေးတွေ အဖတ်လိုက် ကော့လန်ပြီး တဖြေးဖြေးကွာကျမယ်။ humanity ကြောင့် အရောင်တွေမှိန်မယ်။ အစိုဓာတ်ကြောင့် ပျက်စီး ကွာကျမယ်။

အဆောက်ဦးရဲ့ ကြံခိုင်ရေးကိုလည်း ထိခိုက်စေတယ်။

ဒီအတိုင်းလွတ်ထားရင် အလိုတော်ပြည့်ဘုရား အတွင်းက နံရံဆေးရေးတွေ ၁၀ နှစ်အပြင် ပိုမခံဘူး။ ဘုရားစေတီအဆောက်ဦးလည်း နောက်ထပ် နှစ် ၅၀ မခံဘူး။

အလိုတော်ပြည့်ဘုရားဆိုတော့လည်း သူတို့ အလိုတော်ရှိတာတွေ အကုန်ပြည့်တာဘဲလားမသိ။
Zay Myo Lin
https://www.facebook.com/mrlynn.MMCP/posts/1372583916162043?pnref=story