ဦးတင်ဦးစကားပြောတာကိုမြင်ချင်တယ်လို့ နိုင်ငံတော်အတိုင်ပင်ခံပြော
၃၊ဇွန်လ၊ရန်ကုန်
နောက်တစ်ကြိမ် ပြန်လာရင် စကားပြောနေတာမျိုးမြင်ချင်ပြီး ကျန်းမာရေးလေ့ကျင့်ခန်းတွေ ပုံမှန်လုပ်ဖို့  အမျိုးသားဒီမီုကရေစီအဖွဲ့ချုပ် နာယကကြီး ဦးတင်ဦးကို နိုင်ငံတော်အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်က တိုက်တွန်းပြောဆိုလိုက်ပါတယ်။
”နာယကကြီးကို လေ့ကျင့်ခန်းတွေ မှန်မှန်လုပ်ဖို့ ။ နောက်ပြန်လာကြည့်တဲ့ အခါ စကားပြောတာကို မြင်ချင်တဲ့ အကြောင်း ပြောတယ်။ နာယကကြီးကတော့ သိပါတယ်။ခေါင်းငြိမ့်တာတို့ ၊ လက်ဆွဲနှုတ် ဆက်တာတို့  လုပ်ပါတယ်။ စကားပြောတာကတော့ ၀ူးဝါး…၀ူးဝါးနဲ့ ပဲ။ ” လို့  ရန်ကုန်ပြည်သူ့ ဆေးရုံကြီးမှ ဆေးရုံအုပ် ဒေါက်တာအေးကိုကိုက ပြောပါတယ်။
ဒေါ်အောင်ဆန်းစုကြည်ဟာ ရန်ကုန်ပြည်သူ့ ဆေးရုံကြီး နှလုံး အထူးကြပ်မတ် ကုသဆောင်မှာ တက်ရောက်ကုသခံယူနေတဲ့ နာယကကြီး ဦးတင်ဦးဆီကို လာရောက်ကြည့်ရှု့ ခဲ့ပြီး နောက်ထပ်၁၀ ရက်ကြာရင် ပြန်လာမယ်လို့  မှာကြားသွားတယ်လို့  ဒေါက်တာအောင်ကိုကိုက ပြောပါတယ်။
နာယကကြီး ဦးတင်ဦးဆီကို လာရောက်တဲ့ ဒေါ်အောင်ဆန်းစုကြည်ကတော့ ”ကျန်းမာရေးအခြေအနေကောင်းပါတယ်” လို့ သာ သတင်းထောက်တွေကို ပြောဆိုသွားပါတယ်။
ဦး နှောက်သွေးကြောပိတ်ကာ ကိုယ် တစ်ခြမ်းလေဖြတ်ခဲ့တဲ့ ဦးတင် ဦးဟာ မေလ ၁၈ ရက် မနက်ပိုင်းကတည်းက ရန်ကုန်ပြည်သူ့ဆေးရုံကြီးမှာ ဆေးကုသမှုခံယူနေရတာဖြစ်ပါတယ်။
အခုဆိုရင် နာယကကြီး ဦးတင်ဦးဆေးရုံမှာ ဆေးကုသမှုခံယူနေရတာဟာ ၂ပတ်ရှိပြီဖြစ်သလို ကျန်းမာရေးအခြေအနေတွေလည်း ကောင်းမွန်လာတယ်လို့  ဒေါက်တာ အေးကိုကိုက ပြောပါတယ်။
ဦးတင်ဦးဟာ ကျန်းမာရေးအခြေအနေကောင်းလာခဲ့ပေမယ့် စကားပြောတာမပီသသေးပါဘူး။ဒါ့အပြင် ကိုယ်တစ်ခြမ်းသေသွားတဲ့ ညာဘက် လက်နဲ့  ခြေထောက်က လူပ်လို့ ရတဲ့ အဆင့်မှာပဲ ရှိနေသေးတယ်လို့  ဒေါက်တာအေးကိုကိုက ပြောပါတယ်။
ဒါ့အပြင် ဦးတင်ဦးရဲ့  ဆီးပိုက်ကို ဖြုတ်ထားနိုင်ပြီဖြစ်သလို ဆီးအိုးထဲမှာ သွားနိုင်တဲ့ အနေအထားရှိပါပြီလို့  ဒေါက်တာအေးကိုကိုက ထပ်မံရှင်းပြပါတယ်။
”နာရီဝက်နီးပါးလောက် ပုံမှန်ထိုင်နိုင်နေပါပြီ။ စကားပီပီသသပြောနိုင်ဖို့ နဲ့  ညာဘက်ကိုယ်တစ်ခြမ်း ပုံမှန်အတိုင်းဖြစ်ဖို့  လေ့ကျင့်ခန်းတွေ ဆက်လက်လုပ်ပေးရဦးမှာဖြစ်ပါတယ်။ လိုအပ်နေတဲ့ ကုသမှု၊ စောင့်ရှောက်မှုတွေ ပေးနေပါတယ်။ ” လို့ ဒေါက်တာအေးကိုကိုက ပြောပါတယ်။
ဒ့ါအပြင် ဇွန်လအလယ်မှာ ဦးတင်ဦးဟာ ဆေးရုံက ဆင်းနိုင်တော့မှာဖြစ်တယ်လို့ ဆရာဝန်တွေက ခန့် မှန်းပြောဆိုကြပါတယ်။
ချမ်းသာ(Kumudra)
No comments:
Post a Comment