အသောကမင်း

★★★ ❝ အသောကမင်း ❞ ★★★
≡≈≡≈≡≈≡≈≡≈≡≈≡≈≡≈≡≈≡≈≡≈≡≈
★အိန္ဒိယနိုင်ငံ၏ သားကောင်းရတနာ ဘုရင်တစ်ပါးဖြစ်သော အသောကမင်းကြီးသည် ခရစ်တော် မပေါ်မှီက (၂၆၈)ခုနှစ်တွင် အိန္ဒိယထီးနန်းကို ဆက်ခံခဲ့သည့် ဧကရာဇ်မင်းတစ်ပါးဖြစ်သည်။ သမိုင်းမှတ်တမ်းဝင်ဘုရင်များအနက် အောင်ပွဲရပြီးနောက် စစ်ကိုစွန့်ပယ်ခဲ့သော တစ်ဦးတည်းသော စစ်ဘုရင်ဖြစ်သည်ဟု စာရေးဆရာကြီး (အိပ်-ဂျီဝဲလ်)က ဆိုထားသည်။ စစ်ကိုစွန့်ပယ်ခဲ့သော အသောကမင်းသည် ဗုဒ္ဓဘာသာကို သက်ဝင်ယုံကြည့်ခဲ့သည်။ ဗုဒ္ဓဘာသာ သာသနာကို လူအများသက်ဝင်ယုံကြည်လာစေရန် ကြိုးပမ်းခဲ့သော ပုဂ္ဂိုလ်ကြီးလည်းဖြစ်သည်။ အသောကမင်းကြီး၏ ဘဝနှင့်ခံယူချက်များအား သူပိုင်သောနယ်မြေအတွင်းတွင် ရေးထိုးထားသော ကျောက်စာများတွင်တွေ့ရှိနိုင်သည်။

ထိုကျောက်စာများအနက်မှ အချို့အား အိန္ဒိယနိုင်ငံအနှံ့အပြားတွင် ယနေ့တိုင်တွေ့ရှိနိုင်သေးသည်။ ကျောက်စာများ၏ ပထဝီအနေအထားအရ အသောကမင်းကြီး၏ နယ်ပယ်အကျယ်အဝန်းကို နှောင်းလူများခန့်မှန်းခွင့် ရခဲ့ကြသည်။ အသောကမင်းကြီးသည် ဗုဒ္ဓ၏ ဓမ္မကို မိမိ၏ဘာသာရေး ဒဿ နအဖြစ်လက်ခံခဲ့ပြီးနောက် တိုင်းသူပြည်သားများအား မှန်ကန်သစ္စာရှိမှု, သနားကြင်နာမှု, အကြမ်းမဖက်မှုစသည့် တရားများဖြင့် အုပ်ချုပ်ခဲ့သည်။ တင်းကျပ်လွန်းသော ဥပဒေများကို လျှော့ချပေးခြင်း, တိရိစ္ဆာန်ဘေးမဲ့ဂေဟာများ ဆောက်လုပ်ပေးခြင်း, လမ်းများဖေါက်ပေးခြင်း, ဆည်မြောင်းတာတမံများ ဆောက်လုပ်ပေးခြင်း စသည်တို့ကို တိုင်းသူပြည်သားများအတွက် ဆောင်ရွက်ပေးခဲ့သည်။ နိုင်ငံအနှံ့အပြားတွင် ရေတွင်း,ရေကန်များလည်း တူးဖော်လှူ ဒါန်းခဲ့သည်။

အထူးခြားဆုံးမှာ တခြားဘာသာများအားလည်း လွတ်လပ်စွာကိုးကွယ်ခွင့် ပေးခဲ့ခြင်းဖြစ်သည်။ နိုင်ငံခြားသို့ ဗုဒ္ဓသာသနာပြုများလည်း စေလွှတ်ခဲ့ပြီး သီဟိုဠ်ကျွန်းတွင် ဗုဒ္ဓသာသနာ အထူးပင်စည်ပင်ဖွံ့ဖြိုးခဲ့သည်။ (BC-226)တွင် အသောကမင်းကြီး ကွယ်လွန်ခဲ့သည်ဟု အချို့သမိုင်းမှတ်တမ်းများတွင် ဖော်ပြကြသည်။ စာရေးဆရာကြီး (အိပ်ခ်ျ -ဂျီ -ဝဲလ်)က သူရေးသားထားသော (The Outline of History)ဆိုသော စာအုပ်ထဲတွင် အသောကမင်းကြီးအား ဤကဲ့သို့ ချီးကျူးပြောဆိုထားပါသည်-

❛❨သမိုင်းစာမျက်နှာများတွင် ထောင်ပေါင်းများစွာရှိနေသည့် ဘုရင်, ဧကရာဇ်, မင်းညီမင်းသားများ၏ အမည်နာမများကြားတွင် အာသောက၏ အမည်နာမသည် တစ်စင်းတည်းသော ကြယ်တာရာအဖြစ် ထီးထီးကြီးပင် ဝင်းလက်တောက်ပနေသည်။ ဗော်လဂါမြစ်မှသည် ဂျပန်ပြည်အထိ အသောက၏ အမည်နာမသည် အလေးအမြတ်ပြုခံရတုန်းပင်ရှိသည်။ တရုတ်ပြည်နှင့် တိဗက်ပြည်အပြင် အိန္ဒိယသည်ပင် သူ့အဆုံးအမသြဝါဒများကို စွန့်လွှတ်လိုက်ပြီဖြစ်သော်လည်း သူ၏ကြီးကျယ်မြင့်မြတ်မှု အစဉ်အလာကိုမှု ထိန်းထားလေသည်။ (ကွန်စတင်တိုင်း), (သျှာလမိန်း)ဆိုသောနာမည်များကို ကြားဖူးနားဝရှိနေသူများထက် သူ့ကိုတစ်လေးတစ်စား အမှတ်တရ ရှိနေကြသူများ၏ ဦးရေက ယနေ့ပို၍ပင် များပြားနေသည်❩❜ဟု ချီးကျူးပြောဆိုထားသည်။

★ ❛ စစ်ဘုရင်ဘဝ ❜ ★
*****************
★အသောကမင်းကြီးအား မည်သည့်ခုနှစ်တွင် မွေးဖွားခဲ့သည်ဟူသော သမိုင်းအထောက်အထားမှာ ယခုထိ အတိအကျမသိရသေးပေ။ (BC-300)ခန့်ကဖြစ်မည်ဟူသော ခန့်မှန်းချက်များသာရှိသည်။ အသောကသည် အိန္ဒိယနိုင်ငံ၏သမိုင်းတွင် ပထမဆုံးသောအင်ပါယာကို တည်ဆောက်နိုင်ခဲ့သည့် စန္ဒဂုတ္တမောရိယ၏ မြေးတော်ဖြစ်သည်။ ဘိုးတော်၏အင်ပါယာတွင် မပါဝင်ပဲကျန်ရှိသော အိန္ဒိယနိုင်ငံ အရှေ့ပိုင်းနှင့် တောင်ပိုင်းတို့အား ဆက်လက်သိမ်းပိုက်ရန် အသောကသည် ကြိုးပမ်းခဲ့သည်။ တိုင်းနိုင်ငံငယ်လေးများအား တိုက်ခိုက်အောင်ပွဲခံလာပြီးနောက် နန်းသက်(၈)နှစ်မြောက်တွင် အိန္ဒိယအရှေ့ဖက်ကမ်းရှိ ကလိင်္ဂတိုင်း(ယခု အိုရစ်ဆာပြည်နယ်တွင်ရှိသည်)သို့ ဝင်ရောက်တိုက်ခိုက်လေသည်။

ကလိင်္ဂကတိုင်းသားများက ရဲရဲဝံ့ဝံ့နှင့် ပြန်လည်ခုခံခဲ့သောကြောင့် လူပေါင်းများစွာ သေကြေပျက်ဆီးရလေသည်။ သို့သော် ကလိင်္ဂတိုင်းသည်လည်း နောက်ဆုံးတွင် အသောကလက်သို့ ကျရောက်သွားခဲ့သည်။ ထိုစစ်ပွဲတွင် သွေးသံရဲရဲနှင့် အနိဌာရုံများကို မြင်တွေ့ရသောအခါ အသောကမင်းသည် စိတ်အာရုံတုန်လှုပ်ခြောက်ခြားခဲ့ရသည်။ စစ်နှင့်ပတ်သက်သော လုပ်ငန်းများကိုလည်း စိတ်ကုန်သွားခဲ့သည်။ ထိုအချိန်မှစ၍ ကျူးကျော်စစ်မှန်သမျှကို စွန့်လွှတ်ရန်ဆုံးဖြတ်ခဲ့သည်။
★ကလိင်္ဂတိုင်းကို အောင်မြင်ပြီးသောအခါတွင် အိန္ဒိယတောင်ပိုင်းရှိ အနည်းငယ်မျှသော နယ်မြေများသာ အသောကမင်း၏ အင်ပါယာထဲတွင် မပါဝင်ပဲရှိလေသည်။ အသောက၏ အင်ပါယာအားနှင့် ဆက်လက်တိုက်ခိုက်သိမ်းပိုက်မည်ဆိုပါက အလွယ်တကူပင် အောင်မြင်နိုင်သော်လည်း စစ်ပွဲကိုစွန့်လွှတ်ခဲ့သော အသောကမင်းကြီးသည် တရားမင်းပီသပါပေသည်ဟု သမိုင်းဆရာများက တစ်ညီတစ်ညွတ်တည်း လက်ခံထားကြသည်။

★ ❛ သာသနာပြုမင်းဘဝ ❜ ★
*********************
★ကလိင်္ဂတိုင်းတွင် စစ်ကိုငြီးငွေ့သွားသော အသောကမင်းကြီးသည် ဗုဒ္ဓ၏ ဓမ္မဘက်တွင် စိတ်ကိုမြှုပ်နှံထားခဲ့သည်။ စစ်ဘုရင်ဘဝမှ သာသနာပြုမင်းမြတ်အဖြစ်သို့ ပြောင်းလဲသွားသော အသောကမင်းကြီးအား ဗုဒ္ဓမှလွဲလျှင် ဗုဒ္ဓသာသနာကို ကမ္ဘာ့ဘာသာကြီးတစ်ခုဖြစ်အောင် အထိရောက်ဆုံးဆောင်ရွက်နိုင်ခဲ့သူဟု ကျမ်းပြုဆရာတစ်ယောက်ဖြစ်သော (Michael H.Hart)ကဆိုးထားသည်။ သာသနာပြုများနှင့် တမန်တော်များအား အနောက်အာရှ, ဥရောပနှင့် အာဖရိကဒေသများသို့ စေလွှတ်ခဲ့သည်။ အသောကမင်းရဲ့ အယူအဆမှာ ဓမ္မဆိုသည်မှာ မန္တန်ရွတ်ဖတ်ပူဇော်ခြင်း, ဘာသာရေးဓလေ့ထုံးတမ်းများကို လိုက်နာခြင်းထက် လူ့လောက, လူ့အဖွဲ့အစည်းကို မြှင့်တင်ပေးခြင်းသာ ဖြစ်သည်ဟု ယုံကြည်ထားသည်။ ထို့ကြောင့် ပြည်သူများအတွက် ဥယျာဉ်များ, လမ်းများ, ရေတွင်းရေကန်များ, ဆေးရုံများ ပြု ပြင်ဆောက်လုပ်ပေးခဲ့သည်။ မိန်းမများ ပညာသင်ကြားနိုင်ရေးအတွက်လည်း ဆောင်ရွက်ပေးနိုင်ခဲ့သည်။ ပါဋလိပုတ္တရ တစ်ဝိုက်တွင် ဗုဒ္ဓတက္ကသိုလ်များ တည်ဆောက်ပေးခဲ့သည်။

ထိုကျောင်းများသို့ တရုတ်ပြည်နှင့် အနောက်အာရှရှိ ဝေးကွာသောနိုင်ငံများမှ ကျောင်းသားများပင် ပညာလာသင်ကြားကြသည်။ ထိုကျောင်းသားများသည် မိမိတို့ဇာတိသို့ ပြန်သွားသောအခါ ဗုဒ္ဓသာသနာတော်ကို ဆောင်ကြဉ်းသွားကြလေသည်။ လူများအတွက်သာမက သတ္တဝါအပေါင်းအား သနားကြင်နာသောအားဖြင့် တိရိစ္ဆာန်များကိုသတ်ဖြတ်၍ ယစ်ပူဇော်သောဓလေ့ကို တားဆီးခဲ့သည်။ တိရိစ္ဆာန်ဘေးမဲ့ဂေဟာများ တည်ထောင်ပေးရုံသာမက, တိရိစ္ဆာန်ဆေးကုသရေး ဌာနများပင် တည်ဆောင်ပေစခဲ့သည်။

★အသောကမင်းကြီးလက်ထက်တွင် ဗုဒ္ဓသာသနာ သန့်ရှင်းစင်ကြယ်စေရန်အတွက် တတိယ သံဃာယနာ တင်တော်မူခဲ့သည်။ ထိုသာသနာပွဲအား ပါဋလိပုတ္တရမြို့တွင် တင်ခဲ့ခြင်းဖြစ်သည်။ သာသနာတော် (၂၃၅)ခုနှစ်, တတိယသံဃာယနာတင်ပြီးချိန် တိုင်းပြည်အရပ်ရပ်တို့သို့ ဗုဒ္ဓသာသနာတော်ပြန့်ပွားစေရန်ရည်ညွှန်း၍ ထိုနှစ် တပို့တွဲလအတွင်း၌ပင် အသောကမင်းတရားကြီးနှင့် အရှင်မဟာမောဂ္ဂလိပုတ္တတိဿ မထေရ်မြတ်တို့က (ကိုးတိုင်းကိုးဌာန) ပြည်နယ်တို့ကို ဥပသမ္ပဒကံဆောင်နိုင်စေရန် ခေါင်းဆောင်တစ်ပါးနှင့် သံဃာငါးပါးစီကို စေလွှတ်ကြွချီတော်မူကြသည်။

★သီဟိုဠ်သို့ ညီတော်မဟိန္ဒ နှင့် နှမတော်
သဃင်္မိတ္တာအား စေလွှတ်၍ ဗုဒ္ဓဂယာရှိ ဗောဓိပင်မှ ညောင်ကိုင်းတစ်ကိုင်းအား ယူဆောင်သွားစေသည်ဟု အဆိုရှိခဲ့သည်။ သီဟိုဠ်တွင် ဗုဒ္ဓသာသနာပြန့်ပွားလာပြီး ထိုမှတဆင့် မြန်မာနိုင်ငံရှိ မွန်လူမျိူးများထံသို့ ဗုဒ္ဓသာသနာ ရောက်ရှိလာသည်ဟုဆိုကြသောကြောင့် အသောကမင်း၏ ကျေးဇူးသည် မြန်မာနိုင်ငံအပေါ်တွင်လည်း မကင်းခဲ့ဟု ဆိုနိုင်ပါသည်။

★ ❛ အသောကမင်း ❜ ❛ (BC 304-232) ❜ ★
********************************
★ကမ္ဘာ့သမိုင်း၌ ဘုန်းလက်ရုံးနှင့်ပြည့်စုံကြ၍ ကျယ်ဝန်းသော နိုင်ငံတော်ကြီးများကို တည်ထောင်ခဲ့ကြသော ဧကရာဇ်မင်းများအနက် အသောကမင်းတရားကြီး၏အမည်သည် အခြားသော ဧကရာဇ်မင်းများ၏ ကျော်ကြားထင်ရှားနည်းမျိူးဖြင့် မဟုတ်ဘဲ ကမ္ဘာတစ်လွှား၌ ထင်ပေါ်ကျော်ကြားခဲ့ပေသည်။ ယင်းသို့ တစ်မူထူးခြား၍ ကျော်ကြားရခြင်းမှာ အသောကမင်းတရားသည် မေတ္တာ, ကရုဏာ, စေတနာတရားတို့ကို အရင်းခံထား၍ လူသတ္တဝါအများ၏ လောကီလောကုတ္တရာ နှစ်ဖြာချမ်းသာရေးကို ရှေးရူလျက် မိမိ၏နိုင်ငံတော်ကို အခြားအခြားသော ဧကရာဇ်တို့ကဲ့သို့ အာဏာစက်ဖြင့် မအုပ်စိုးမူ၍ ဓမ္မစက်ဖြင့်သာ အုပ်စိုးခဲ့သောကြောင့်ဖြစ်သည်။ ထို့ကြောင့် အသောကမင်းတရားကြီး၏ ဘွဲ့နာမသည် ဥရောပအနောက်စွန်းမှသည် အာရှတိုက်အရှေ့စွန်းသို့တိုင်အောင် ယခုခေတ်အထိ မမှေးမိန်ပဲ အလေးအမြတ်ပြုခြင်းကို ခံယူရလျက်ပင်ရှိပေသည်။

★(BC-300)ခုနှစ်ခန့်က ဂရိဧကရာဇ် (အယ်လက်ဇနအ သ-ဂရိတ်)၏ ဂရိတပ်များသည် အိန္ဒိယအနောက်မြောက်ပိုင်းမှ ဝင်ရောက်တိုက်ခိုက်လာ၍ အိန္ဒု မြစ်ဝှမ်းတစ်ခွင်၌ လွှမ်းမိုးကြီးစိုးလာကြသောအခါ ယင်းတို့အား ဂင်္ဂါမြစ်ဝှမ်းသို့မရောက်စေရန် တွန်းလှန်တိုက်ခိုက်ခဲ့သည်။ နောင်အခါကျယ်ဝန်းကြီးမားသော မောရိယနိုင်ငံတော်ကြီးကိုတည်ထောင်ခဲ့သူ စန္ဒဂုတ္တမင်းတရားကြီး၏ မြေးတော်ဖြစ်သော သီရိဓမ္မာသောကမင်းဟုလည်း ခေါ်တွင်သော အသောကမင်းသည် ဗိန္ဓုသာရမင်းနှင့် ဓမ္မာမိဖုရားတို့၏ သားတော်တစ်ပါးဖြစ်ပေသည်။ (BC-304)ခုနှစ်ခန့်တွင် ဖွားမြင်သည်ဟုခန့်မှန်းကြသည်။ အသောကမင်းအရွယ်ရောက်လျှင် အဝန္တိတိုင်း, ဥဇ္ဇေနီပြည်ကြီးကို စားရသည်။ ဥဇ္ဇေနီပြည်စား မင်းသားဘဝ၌ပင် သာကီဝင်သူဌေးသမီးဖြစ်သော ဝေဋိသဒေဝီကို ယူခဲ့၍ နောင်အခါ ဗုဒ္ဓသာသနာပြု မထေရ်မြတ်တစ်ပါးဖြစ်လာသော ရှင်မဟိန္ဒထေရ်လောင်းနှင့် သင်္ဃမိတ္တာထေရီလောင်း, သားတော်နှင့် သမီးတော်တို့ကို ရခဲ့သည်။

★တစ်ခါတစ်ပါး ဗိန္ဓုသာရမင်းကြီး နာမကျန်းဖြစ်တော်မူသည်ဟု ကြားသိရလျှင် အသောကမင်းသည် ဝေဋိသဒေဝီနှင့် သားတော်သမီးတော်တို့ကို ဥဇ္ဇေနီပြည်၌ပင်ထားခဲ့၍ ခမည်းတော်ရှိရာ ပါဋလိပုတ္တနေပြည်တော်သို့ အလျင်အမြန်လာခဲ့၍ ခမည်းတော်အားလုပ်ကျွေးပြုစုသည်။ ခမည်းတော် ခန္ဓာငြိမ်းလျှင် နိုင်ငံအလုံးကိုသိမ်းပိုက်လိုက်လေသည်။ ထိုအခါ တက္ကသိုလ်ပြည်၌ သူပုန်သူကန်တို့ကိုနှိမ်နင်းနေသည့် နောင်တော်သုမန မင်းသားခေါင်းဆောင်သော (အသောကမင်းသားနှင့်တစ်မိတည်းမဟုတ်သည့် ) (ကိုးကျိပ်ကိုးယောက်)သော ညီနောင်မင်းသားတို့သည် သမုဒ္ဒရာလှိုင်းထသကဲ့သို့ စစ်ကြီးချီလာ၍ ပါဋလိပုတ္တနေပြည်တော်ကို ဝန်းရံလုပ်ကြံကြသော်လည်း အရေးမလှကြပဲ သေကြေပျက်စီးကြရလေသည်။

★အသောကမင်းသည် ထီးနန်းကိုသိမ်းပိုက်ပြီး၍ (၄)နှစ်ကြာမှသာလျှင် (BC-270 ပြည့်ဟု ခန့်မှန်းကြသည်) ရာဇဘိသေကကို ခံယူတော်မူသည်။ စာပေအထောက်အထားများအရ ရာဇဘိသေကမခံယူမီ တက္ကသိုလ်ပြည်၏ သူပုန်သူကန်ရန်ကို နှိမ်နှင်းခြင်းစသော နိုင်ငံနော်ငြိမ်ဝပ်ပိပြားရေးကို ဆောင်ရွက်လျက်ရှိနေကြောင်း ယူဆရပေသည်။ ဘိုးတော်နှင့် ခမည်းတော်တို့နည်းတူ နိုင်ငံတော်ကိုချဲ့ထွင်ခဲ့ကြောင်းလည်း သိရသည်။ ရာဇဘိသေကခံယူသောအခါ (ဒေဝါနံပီယ)ဟူသော ဘွဲ့ကိုလည်းကောင်း,
(ပီယဒဿီ)ဟူသော ဘွဲ့ကိုလည်းကောင်း ခံယူသည်။ တစ်မိတည်းဖွား ညီတော်ဖြစ်သော တိဿ ကုမာရ အား အိမ်ရှေ့အရာအပ်နှင်းသည်။ အဂ္ဂမဟေသီမိဖုရားကြီးကား အသန္ဓီမိတ္တတည်း။ ဝေဋိသဒေဝီသည် သားတော် မဟိန္ဓ နှင့် သမီးတော် သိင်္ဃမိတ္တာတို့ကို ပါဋလိပုတ္တနေပြည်တော်သို့ ပို့စေ၍ မိမိမူ ဝေဒိဿ ဂီရိမြို့၌ပင် နေလေသည်။ မင်းတရားကြီးသည် နိုင်ငံနော်အုပ်ချူ ပ်ရေးကို စည်းစနစ်ကျနစွာဖြင့် ဆောင်ရွက်သည်။ နိုင်ငံတော်အတွင်း၌ နယ်ပယ်အသီးသီးသို့ မင်းညီမင်းသားများနှင့် ယုံကြည်စိတ်ချရသော အမတ်ကြီးများကို စေလွှတ်ကာအုပ်ချူ ပ်စေသည်။ ပြည်နယ်ကြီးများ အုပ်ချူ ပ်ရသူကို ရာဇူကဟုခေါ်၍ ခရိုင်ဝန်အဆင့်အတန်းရှိသူများကို ပြာဒီသိကဟု ခေါ်သည်။ နိုင်ငံနော်တစ်ခုလုံးကို ဌာနအသီးသီးခွဲ၍ အုပ်ချူပ်စေရာ, ဌာနတာဝန်ခံကို မုခဟုလည်းခေါ်၍ မဟာမတ္တဟုလည်းခေါ်သည်။ အုပ်ချူ ပ်ရေးအတွက် ခွဲခြားထားသော ဌာနများတွင် စက်မှုလက်မှုလုပ်ငန်းဌာန, အခွန်တော်စည်းကြပ်ရေးဌာနနှင့် စစ်တမ်းကောက်ယူရေးဌာန, နိုင်ငံတွင်း နိုင်ငံပ ကူးသန်းရောင်းဝယ်ရေးဌာန, တိုင်းရင်းထွက်ကုန်ပစ္စည်းများ စီမံခန့်ခွဲရေးဌာန, အမြတ်တော်ကြေးဌာနတို့လည်း ပါဝင်သည်။

★စစ်ဘက်၌လည်း ယင်းသို့ပင် ဌာနများခွဲ၍ အုပ်ချူ ပ်ရာ ရေကြောင်း, စားနပ်ရိက္ခာ, ခြေလျင်တပ်, မြင်းတပ်, ရထားတပ်, ဆင်တပ် စသည့်ဌာနတို့ဖြစ်သည်။ အခြားနိုင်ငံများနှင့်လည်း သံတမန်လဲလှယ်ဆက်သွယ်ကာ ချစ်ကြည်စွာဆက်ဆံခဲ့ရာ ဂရိနိုင်ငံသည်လည်း အသောကမင်းကြီး၏ မောရိယနိုင်ငံတော်နှင့် အဆက်အသွယ်ရှိခဲ့သည်။ အုပ်ချူ ပ်ရေးကို ဆောင်ရွက်ရာ၌ မင်းတရားကြီးသည် အချိန်မရွေး နေရာမရွေးဆောင်ရွက်သည်။ နိုင်ငံငြိမ်းချမ်းသာယာမှုကို မင်းတရားကြီးသည် ကိုယ်ရေးထက်မကပင် အလေးပြုပေသည်။ အသောကမင်းတရားကြီးရေးထိုးခဲ့သော ကျောက်စာတစ်ချပ်၌- ❛❛တစ်လောကလုံး၏ ကောင်းကျိူးချမ်းသာအတွက် ဆောင်ရွက်ရန်တာဝန်ထက် ကြီးလေးသော တာဝန်သည်မရှိ။

 ငါကြီုးပမ်းအားထုတ် လုပ်ကိုင်ဆောင်ရွက်သမျှတို့သည်လည်း ဝေနေယျ သတ္တဝါတို့အား ဤပစ္စုပ္ပန်ဘဝ၌ ချမ်းသာသုခဖြစ်စေရုံသာမက နောင်တမလွန်ဘဝပါ ကောင်းရာသုဂတိသို့ ရောက်ကြစေခြင်းငှာ ငါ၌ ဆောင်ရွက်သည့်တာဝန်တည်းဟူသော ကြွေးမြီမှ လွတ်ကင်းစေရန်ဖြစ်သည်❞ဟူ၍ ပါရှိလေသည်။

★ဆိုခဲ့သည့်အတိုင်း မင်းတရားကြီးသည် ကျယ်ပြန့်သော နိုင်ငံတော်ကြီးကို တည်ထောင်နိုင်သည်သာမက နိုင်ငံတော်ကြီးကို စနစ်တကျ စီမံခန့်ခွဲအုပ်ချူ ပ်နိုင်ခဲ့လေရာ မင်းတရားကြီး၏ အမိန့်ရာဇသံကို ပါဋလိပုတ္တနေပြည်တေည်မှ အိန္ဒု မြစ်ဝှမ်းသို့တိုင်လည်းကောင်း, အာရေဗျပင်လယ်သို့တိုင်လည်းကောင်း မပျက်မကွက် ဦးထိပ်ရွက်ဆင်၍ နာခံကြရလေသည်။ အသောကမင်းတရားကြီးသည် ဖွားတော်မူသည်မှစ၍ မင်းအဖြစ်သို့ရောက်သည့်တိုင်အောင် မျိူးရိုးစဉ်လာအတိုင်း ဗြဟ္မဏအယူဝါဒီတစ်ဦးဖြစ်သည်။ ဘိုးတော်, ခမည်းတော်တို့ ပြုသကဲ့သို့ပင် အာဇီဝကတို့အား ကိုးကွယ်၍ နေ့စဉ် အာဇီဝက (၆၀ ၀၀၀)တို့အား နန်းတော်၌ ဆွမ်းဝတ်ပြုသည်။ သို့သော် ဘိသိက်ခံ၍ (၄)နှစ်မြောက်ပြီးနောက်တွင် နိဂြောဓ သာမဏေငယ်ကို အကြောင်းပြု၍ ဗုဒ္ဓအယူဝါဒ၌ သက်ဝင်ယုံကြည်သော ဥပသကာတစ်ဦးဖြစ်လာပြီးလျှင် သာမဏေငယ်၏ ဆရာတော်ဖြစ်သော အရှင်မောဂ္ဂလိပုတ္တတိဿ မထေရ်မြတ်နှင့်တကွ များစွာသော ရဟန္တာအရှင်မြတ်တို့ကို ရိုသေစွာ ဆည်းကပ်ကိုးကွယ်သည်။ ရဟန်းသံဃာတို့နေစိမ့်သောငှာ ပါဋလိပုတ္တနေပြည်တော်၏ အရှေ့နောင်ဘက်၌ အသောကာရာမကျောင်းတော်ကြီးကို ဆောက်လုပ်လှူ ဒါန်းခဲ့ရာ အသောကမင်းတရားကြီး၏ ပထမဆုံးသော ကုသိုလ်တော်အဆောက်အအုံကြီး ဖြစ်ပေသည်။
★ရာဇဘိသေက ခံယူပြီးနောက် (၈)နှစ်အကြာ (BC-262)ခုနှစ်တွင် အသောကမင်းကြီးသည် အရှေ့ဘက်ပင်လယ်ကမ်းခြေ, မဟာနဒီနှင့် ဂိုဒါဝရီမြစ်တို့စပ်ကြားရှိ ကလိင်္ဂတိုင်း(သြရိဿ )တိုင်းကို သိမ်းသွင်းရန် ရေတပ်, ကြည်းတပ် အလုံးအရင်းနှင့် ချီတက်လုပ်ကြံရာ အလိုတော်ပြည့်သည်။ ထိုအချိန်တွင် အသောကမင်းကြီး၏ နိုင်ငံတော်သည် တောင်ဘက်စွန်းပြည်နယ်ငယ်အချို့မှအပ အိန္ဒိယကျွန်းဆွယ်တစ်ခုလုံး ပါဝင်ခဲ့လေသည်။
★ကလိင်္ဂစစ်ပွဲတွင် အသောကမင်းကြီး၏ ရာဇဝင်ကြောင်းကို လမ်းပြောင်းလိုက်သော စစ်ပွဲကြီးဟု ဆိုရပေမည်။ မင်းတရားကြီးသည် ကလိင်္ဂကို အောင်နိုင်ရသော်လည်း ရွှင်လန်းအားရခြင်း မဖြစ်နိုင်တော့ပေ။ သွေးချောင်းစီးအောင် အပြင်းအထန်တိုက်ခိုက်ခဲ့ကြသဖြင့် ကလိင်္ဂတိုင်းရင်းသား သိန်းသောင်းမက သေကြေပျက်ဆီးကြရသည်။ ထောင်သောင်းချီ၍ အိုးမဲ့အိမ်မဲ့ဖြစ်ကြရသည်။ ယင်းတို့ကို ကိုယ်တော်တိုင် မျက်ဝါးထင်ထင်တွေ့မြင်ရသောအခါ လက်နက်အားကိုးဖြင့် သူတစ်ပါးအား နှိပ်စက်သတ်ဖြတ်မိခြင်းကို ယူကြုံးမရဖြစ်မိသည်။ ရန်သူများကိုလည်း သနားစာနာမိသည်။ လူအချင်းချင်းအပေါ်ဝယ် မေတ္တာတရား, ကိုယ်ချင်းစာ တရားတို့ကိုသာ ပွားများမိလေသဖြင့် စစ်အတိုက်အခိုက်၌ များစွာငြီးငွေ့ စက်ဆုတ်သွားသည်။ နိုင်ငံသူနိုင်ငံသားတို့အား စိတ်ဝမ်းချမ်းမြေ့စွာဖြင့် နေထိုင်စေလိုသောစိတ်များဖြစ်ပေါ်လာသည်။ ထို့ကြောင့် မိမိထက်အင်အားငယ်သော နိုင်ငံများကို လက်နက်အင်အား လူအင်အားဖြင့် ဖိနှိပ်တိုက်ခိုက် အနိုင်ယူသည်ထက် မေတ္တာတရားဖြင့် အနိုင်ယူတော့မည်ဟု ဆုံးဖြတ်လိုက်လေသည်။
★ကလိင်္ဂမှ နေပြည်တော်သို့ ပြန်ရောက်သောအခါ မေတ္တာတရားနှင့် ဂရုဏာတရားတို့ကို အရင်းခံထား၍ သူတစ်ပါးအား ညှင်းပန်းနှိပ်စက်မှုကို မလိုလား, အားမပေးသော ဗုဒ္ဓအယူဝါဒကို ပို၍ကြည်ညိုလေးစားကာ ထက်ထက်သန်သန်ဆည်းကပ်ကိုးကွယ်ခြင်းကို ပြု ပြီးလျှင် သာသနာတော်ကိုများစွာ ချီးမြောက်တော်မူသည်။ တရားတော်နှင့်လျော်ညီစွာ နေထိုင်ကျင့်ကြံနိုင်ရန် ကိုယ်တော်တိုင်လည်း ကိုယ်စိတ်နှစ်ပါးကို အထူးပြု ပြင်တော်မူသည်။ မိမိသာမက မိမိ၏မိဖုရား, သားတော်, သမီးတော်, ခြွေရံသင်းပင်း အသိုက်အဝန်းနှင့်တကွ မိမိ၏နိုင်ငံသားအားလုံးတို့၏ ပစ္စုပ္ပန်နှင်တမလွန်အကျိူး စီးပွားဖြစ်ထွန်းရေး, လူသားအချင်းချင်း, ပြည်ထောင်အချင်းချင်း ချစ်ကြည်ငြိမ်းချမ်းရေးအတွက် ကောင်းမြတ်သောတရားဓမ္မဖြင့်သာ အောင်မြင်ရာသည်ဟူသော ဓမ္မဝိဇယဝါဒကို လိုက်နာကျင့်သုံးစေလေသည်။

★နိုင်ငံတော်အတွင်း၌ ဗုဒ္ဓအယူဝါဒကို ကြည်ညိုလေးစားလာသူများ ပေါများလာအောင် အားထုတ်သည်။ နိုင်ငံတော်အတွင်း၌ အရာထမ်းအမှုထမ်းများကို သက်ဆိုင်ရာပြည်နယ်များ၌ (၅)နှစ်တစ်ကြိမ် လှည့်လည်၍ တရားဓမ္မများကို လူအများအား ဟောကြားပြသရန် ညွှန်ကြားသည်။ ဘုရားပွင့်တော်မူရာ ဗုဒ္ဓဂယာ အစရှိသော ဘုရားရှင်နှင့်စပ်လျဉ်း၍ အထွက်အမြတ်ထားသော အရပ်များသို့ အဖူးအမျှော်သွားရောက်ပြီးလျှင် ထိုနေရာအရပ်များ၌ အထိမ်းအမှတ်အဆောက်အအုံများ စိုက်ထူတည်ဆောက်ခဲ့သည်။ မိမိဆောင်ရွက်ခဲ့သမျှအကြောင်းအရာများနှင့် တရားဓမ္မအဆုံးအမတို့ကို ကြာရှည်စွာမပျောက်မပျက်တည်တံ့စိမ့်သောငှာ နိုင်ငံတော်အတွင်းရှိ နယ်ပယ်အသီးသီးတို့၌ ကျောက်တိုင်များ, ကျောက်ပြားများ, ကျောက်ဂူ လိုဏ်နံရံများတွင် ကမ္ဗည်းကျောက်စာထွင်း၍ အနှံ့အပြား၌ မော်ကွန်းထားခဲ့သည်။ နိုင်ငံတော်အတွင်း အနှံ့အပြညး၌ မော်ကွန်းကျောက်စာများဖြင့် မှတ်တမ်းတင်ထားခဲ့ရာ မိဂဒါဝုန်, လုမ္ဗိနီ စသော ဗုဒ္ဓအယူဝါဒဆိုင်ရာ အထွက်အမြတ်နေရာများ၌လည်းကောင်း, ပါဋလိပုတ္တနေပြည်တော်မှ မိုင်ပေါင်း (၁၀၀၀၀)ကျော်ဝေးသော အိန္ဒိယအနောက်မြောက်ဒေသ ပက်သျှဝါခရိုင်၌လည်းကောင်း, ဘုံဘိုင်ပြည်နယ်အတွင်း၌လည်းကောင်း, သြရိဿ (ကလိင်္ဂတိုင်း)ပြည်နယ်အတွင်း၌လည်းကောင်း, စသဖြင့် အိန္ဒိယကျွန်းဆွယ်တစ်ခုလုံး နေရာအနှံ့အပြား၌ တွေ့ရရာ စုစုပေါင်း ကျောက်တိုင် (၃၀)ကျော်ခန့် စိုက်ထူခဲ့သည်ဟု ခန့်မှန်းကြသည်။ ကျောက်စာရေးထိုးရာ၌ အက္ခရာနှစ်မျိူး အသုံးပြုကြောင်းတွေ့ရသည်။ တစ်မျိူးမှာ လက်ယာမှလက်ဝဲဘက်သို့ရေးရသော ခရောသျှဋ္ဌီအက္ခရာမျိူးဖြစ်၍ တစ်မျိူးမှာ ဗြာဟ္မီအက္ခရာမျိူးဖြစ်ရာ ဒေဝနာဂရီနှင့် ယခုအိန္ဒိယအက္ခရာများ၏ မူလအခြေခံအက္ခရာများဖြစ်ကြသည်။ မင်းတရားကြီးသည် အယူဝါဒရေးဆိုင်ရာ, လူမှုရေးဆိုင်ရာ အဆောက်အအုံများစွာတို့ကိုလည်း ဆောက်လုပ်ကုသိုလ်ပြုခဲ့သည်။ လူမျိူးမရွေး, ဇာတ်မရွေး, မရှိဆင်းရဲသားတို့အား နေ့စဉ်ပေးကမ်းစွန့်ကြဲသည်။ မြတ်စွာဘုရား၏ ဓာတ်တော်မွေတော်များကို ရှာဖွေစုဆောင်းပြီးလျှင် ဗုဒ္ဓဝါဒီအပေါင်းတို့ ဆည်းကပ်ကိုးကွယ်နိုင်စေရန် ထူပါရုံစေတီတော်များ တည်ဆောက်ခဲ့သည်။

ယင်းတို့အနက် ဗိုပေါပြည်နယ်, ဆန်ချီအရပ်ရှိ သဦ္စစေတီတော်ကြီးသည် အဓိကရထူပါရုံကြီးတစ်ဆူ ဖြစ်ပေသည်။ ဘုရားရှင် ဟော်ကြားတော်မူခဲ့သော ဓမ္မက္ခန္ဓာ (၈၄၀၀၀)ကို အထိမ်းအမှတ်ပြုသောအားဖြင့် ဇမ္ဗူ ဒိပ်ကျွန်းအလုံး နေရာအနှံ့အပြား၌ စေတီတော်ပေါင်း (၈၄၀၀၀), ရေတွင်းရေကန်ပေါင်း (၈၄၀၀၀)ကို လှူ ဒါန်းခဲ့သည်။ သာသနာ့အမွေခံနိုင်ရန် သားတော်နှင့်သမီးတော်တို့ကိုပင် သာသနာ့ဘောင်သို့ သွတ်သွင်းချီးမြှင့်ခဲ့သည်။ အသောကရာမကျောင်းမှအပ အခြားသောအရပ်များ၌လည်း သံဃာများအတွက် ကျောင်းများဆောက်လုပ်လှူ ဒါန်းခဲ့၍ ပစ္စည်းလေးပါး အထောက်အပံ့လည်း ပေးခဲ့ပေသည်။ အသောကမင်းတရားကြီးသည် လူအပေါင်းအား ကိုယ်စိတ်နှစ်ပါး ဆင်းရဲအောင် နှိပ်စက်ညှင်းပန်းခြင်းမပြုပေ။ မင်းတရားကြီးသည် မိမိတို့နိုင်ငံသားတို့အတွက်သာမဟုတ် ကျောသားရင်သားမခွဲခြားပဲ ကမ္ဘာတစ်လောကလုံးရှိ လူ,သတ္တဝါတို့၏ ကောင်းကျိူးချမ်းသာအတွက် လိုလားတော်မူသော စိတ်ထားရှိကြောင်းကို မလိကတိုင်းတွင် စိုက်ထူခဲ့သော ကျောက်စာတစ်ခု၌- ❛❛ငါသည် ငါ၏သားတော်, သမီးတော်တို့အတွက် ဤမျက်မှောက်ဘဝ၌သာမက နောင်တမလွန်ဘဝ၏ ကောင်းကျိူးကိုပါ လိုလားတော်မူသကဲ့သို့ လူခမ်သိမ်းတို့အတွက်လည်း လိုလားတော်မူသည်။ လက်အောက်ခံ လူမျိူးတို့၏စိတ်၌ မင်းတရားကြီးသည် ငါတို့၏ဖခင်သဖွယ်ဖြစ်ပါပေသည်။ ငါတို့ကို သူ့ကိုယ်အား သူချစ်သကဲ့သို့ ချစ်ပါပေသည်။ ငါတို့ကား မင်းတရားကြီး၏ သားသမီးသဖွယ်ဖြစ်ပါပေသည်❞ဟူ၍ အောက်မေ့သဘောထားလာရန် ဆောင်ရွက်ရမည်ဟု အရာထမ်းအမှုထမ်းများ လိုက်နာဆောင်ရွက်ရန် ညွှန်ကြားထားချက်အရ သိရလေသည်။

★လူသားတို့အတွက်သာမက တိရိစ္ဆာန်များအပေါ်၌လည်း ကြင်နာသနားထောက်ထားတော်မူသည်။ ဗုဒ္ဓဝါဒီအဖြစ် ကူးပြောင်းလာပြီးနောက်တွင် သားသတ်ရုံများ၌ အသတ်အဖြတ်လျော့နည်းနိုင်သမျှ လျော့နည်းစေသည်။ တိရစ္ဆာန်များအတွက် ရေတွင်းရေကန်များတူးဖော်ပေးသည့်အပြင် တိရစ္ဆာန်များအတွက် ဆေးရုံများလည်း ဆောက်လုပ်ပေးထားလေသည်။ မင်းတရားကြီးသည် နိုင်ငံသာယမှု, ဝပြောစည်ပင်မှု, တိုးတက်မှု၌ အရပ်ရပ်တို့ကိုလည်း ဆောင်ရွက်တော်မူသည်။ မောရိယနိုင်ငံတော်အတွင်း ခရီးအသွားအလာ လွယ်ကူစေခြင်းငှာ ဖြောင့်ဖြူးသော လမ်းကြီး, လမ်းငယ် အသွယ်သွယ်တို့ကို ဖောက်လုပ်သည်။ လမ်းဘေး တစ်ဖက်တစ်ချက်စီတွင် ခရီးသွားများအရိပ်ရစေရန် သစ်ပင်များကို စိုက်စေသည်။ ခရီးသည်မျာ တစ်စခန်းမှ တစ်ခန်းသို့ ခရီးအဆင့်ဆင့်သွားကြရာ၌ အပန်းဖြေနားနေရန် ဇရပ်အဆောင်ဆောင်တို့ကို ဆောက်စေသည်။ လူနှင့် တိရစ္ဆာန်တို့အတွက် ဆေးဝါးလုံလုံလောက်လောက်ရရှိစေရန် နိုင်ငံတော်အနှံ့အပြား၌ ဆေးဝါးပင်များကိုလည်း စိုက်စေသည်။ နိုင်ငံတော်အတွင်း ကောက်ပဲသီးနှံအထွက်ကောင်းစေရန် ဆည်းမြောင်းများဖို့ပေးသည်။ ပြု ပြင်သင့်သည်ကို ပြု ပြင်တူးဖေါက်ပေးသည်။ သစ်သီးခြံကြီးများကို ပြုစုပျိူးထောင်ပေးသည်။

★အသောကမင်းတရားသည် ဗုဒ္ဓသာသနာကို လွန်စွာချီးမြှင့်လင့်အစား အခြားသော ဘာသာအယူဝါဒများအား အပြစ်ဆိုခြင်း, ရှူတ်ချ ခြင်း, မပြုချေ ။ ကိုယ်တော်တိုင်သာမက နိုင်ငံတော်အတွင်းရှိ လူခပ်သိမ်းတို့အား တစ်ဦး၏အယူဝါဒကို တစ်ဦးက ရှူတ်ချ ခြင်း, ပြစ်တင်ခြင်းမပြုရန်လည်း အမိန့်ထုတ်ထားခဲ့သည်။ ဗုဒ္ဓသာသနာအတွက် စေတီပုထိုး, ကျောင်းကန်ဇရပ်တို့ကို ဆောက်လုပ်လှူ ဒါန်းသည့်နည်းတူ အာဇီဝကများအတွက်လည်းကောင်း, ဂျိန်းဝါဒီများအတွက်လည်းကောင်း, အယူဝါဒရေးရာ အဆောက်အအုံများကို ထိုက်သင့်သလိုဆောက်လုပ်လှူ ဒါန်းလေသည်။

★သို့သော် မင်းတရားကြီးသည် ဗုဒ္ဓသာသနာတော်ကို လွန်စွာချီးမြှင့်သဖြင့် သာသနာတော်တွင် အလွန်ပြန့်ပြောသော လာဘသက္ကာရဖြစ်သည်။ ထိုအခါ လာဘ်လာဘကို မျှော်ကိုး၍ တိတ္ထိတက္ကတွန်းတို့သည် ရဟန်းခွင်သို့ခိုးဝင်ကြရာ သာသနာတော်တွင် အညစ်အကြေးတင်လာသည်။ ထို့ကြောင့် မင်းတရားကြီးသည် အရှင်မောဂ္ဂလိပုတ္တတိဿ မထေရ်၏ အဆုံးအမကိုယူ၍ သာသနာတော်တွင်းမှ ရဟန်းတုရဟန်းယော