 |
| အမျိုး ဘာသာ သာသနာ စောင့်ရှောက်ရေး အဖွဲ့ ရှင်းလင်းပွဲ။ မေလ ၂၇ ရက် ၂၀၁၇။ |
လူမျိုးရေး၊ ဘာသာရေး တင်းမာမှုတွေ ဖြစ်ပေါ်အောင် လှုံ့ဆော် ဟောပြောတယ်လို့ စွပ်စွဲခံနေရတဲ့ မဘသ အဖွဲ့ဟာ သံဃာ့ အဖွဲ့အစည်း အခြေခံစည်းမျဉ်း၊ လုပ်ထုံးလုပ်နည်း တွေနဲ့ ညီညွတ်ခြင်းမရှိကြောင်း ဆုံးဖြတ်ထားပြီး ဖြစ်တဲ့အတွက် မဘသ အဖွဲ့ဟာ တရားမ၀င် အဖွဲ့အစည်းဖြစ်တာကြောင့် ဇူလိုင်လ ၁၅ ရက်နေ့မတိုင်ခင် ဒီအဖွဲ့ကို ဖျက်သိမ်းပေးဖို့ မဟန - နိုင်ငံတော် သံဃမဟာနာယက အဖွဲ့ ၄၇ ပါး စုံညီ ပဉ္စမ အထူးစည်းဝေးပွဲက မေလ ၂၃ ရက်နေ့ ရက်စွဲနဲ့ ကြေညာချက် ထုတ်ပြန်ထားပြီး နောက်မှာ ဒီ စည်းဝေးပွဲ ကျင်းပတာပါ။
 |
| မဘသ ရှင်းလင်းပွဲ။ ရန်ကုန် မေလ ၂၇ ၂၀၁၇။ |
မဘသ ဥက္ကဋ္ဌ ဆရာတော် ဘန္ဒန္တ တိလောကာ ဘိဝံသ ကတော့ မဟနနဲ့ မဘသ ကွဲအောင် ကြံစည်နေသူတွေ ရှိနေပြီး မဘသ နာမည်မသုံးဖို့ ဆုံးဖြတ်ချက်မှာ နိုင်ငံတော် သံဃမဟာနာယက အဖွဲ့က အဓိက တရားခံ မဟုတ်ဘူးလို့ စနေနေ့က ကျင်းပတဲ့ စည်းဝေးပွဲမှာ မိန့်ကြားခဲ့ပါတယ်။
မဘသ အဖွဲ့ကို တရားမ၀င် အဖွဲ့အစည်းအဖြစ် မဟနက ကြေညာထားပေမယ့်လည်း သူတို့အဖွဲ့ကို ဖျက်သိမ်းသွားမှာ မဟုတ်ဘူးလို့ ၀ါရင့် မဘသ ဆရာတော်တပါးရဲ့ ပြောကြားချက်ကို ကိုးကားပြီး အေပီ သတင်းမှာ ဖော်ပြထားပါတယ်။
ဗွီအိုအေ (မြန်မာပိုင်း)
http://burmese.voanews.com
No comments:
Post a Comment