“ကုန်းမှာ မြွေပွေး၊ ရေမှာ ငါးရွေး၊ ထောင်မှာ စိန်ဌေးဆို အဆိပ်ပြင်းတယ်ဆို၊ ကြီးကြီးကျယ်ကျယ် လာပြောမနေနဲ့။ ၈၈ အရေးအခင်းမှာ တစ်ထောင်လုံး ဆူပူပြီး မီးတင်ရှို့တဲ့အချိန်မှာ ခင်ဗျား ဘယ်နေရာ သွားပုန်းနေတာလဲ။ မိုးထဲရေထဲမှာ အဲဒီအချိန်က အင်းစိန်ထောင်ကို ဘယ်သူအုပ်ချုပ်ခဲ့ရသလဲ။ အခုမှကျုပ်ကို ဟိန်းလား ဟောက်လား၊ ခြိမ်းလား ခြောက်လား လာမလုပ်နဲ့၊ ကျေးဇူးမကန်းနဲ့”
အင်းစိန်ထောင်ပိုင်ကြီးကို မိန်းဂျေးလ်လမ်းမပေါ်တက်ပြီး လက်ညှိုးငေါက်ငေါက်ထိုး ဆဲဆိုနေတဲ့ ဒီအကျဉ်းသားကို ဘယ်သူမှ မတားရဲပါဘူး။ သူ့နာမည်က အီဆတ်။ သူက ၁၉၈၈ အရေးအခင်းကြောင့် အင်းစိန်ထောင် အုပ်ချုပ်ရေး ပျက်ပြားပြီး ထောင်ပေါက်သွားချိန်မှာ အင်းစိန်တစ်ထောင်လုံးကို အုပ်ချုပ် ထိန်းသိမ်းပေးခဲ့တာ ဖြစ်ပါတယ်။ သူ့လိုပဲ အဲဒီအချိန်က ဂန္တ၀င်လူမိုက်စာရင်းထဲ ထည့်ရမယ့် လူထူးလူဆန်းတွေ ရှိခဲ့ပါတယ်။ သူတို့ထဲမှာ စိုးမြတ်ကြီးက “အစ်ကို” လို့ ရိုရိုသေသေခေါ်ရတဲ့ “ကော်ပြန့်”၊ ကော်ပြန့်က စတော့ဂိတ်ကပဲ။ မဟုတ်မခံကောင် လူဆိုးအစစ်။ ၈၉ ခုနှစ် ရုံးထုတ်နေတဲ့အချိန်မှာ ထောင်ဘူးဝနားက မိန်းမဆောင်မှာ မိန်းမအကျဉ်းသားတွေ မထားသေးဘူး။ အဲဒီမှာ ရုံးထုတ်တဲ့လူတွေကို စုထားလေ့ရှိတယ်။ အဲဒီမှာ ကော်ပြန့်က လူနှစ်ဆယ်နဲ့ တစ်ယောက် ခံချခဲ့တဲ့ကောင်။
နောက်တစ်ယောက် ရှိသေးတယ်။ သူက ကြိုးလွတ်သန်းလွင်။ အရူးသားသားကို သံချွန်နဲ့ထိုးဖို့ လုပ်တဲ့အထဲမှာ ပါခဲ့တာပေါ့။ သူက ညဘက်ရောက်ရင် ကြိုးတိုက်မှာ ကော်ခွက်ကို ပိုးကြိုးတပ်ထားတဲ့ လက်လုပ်စောင်းလေးကို တီးလေ့ရှိတယ်။ သူ့ကို ဘယ်သူ သင်ပေးသွားတာလဲဆိုတော့ ဗိုလ်ချုပ်ခင်ညွန့်ကို ကော်ဆဲလို့ ၅(ည)နဲ့ ငါးနှစ်ကျသွားတဲ့ စောင်း ဦးမြင့်ဆွေ သင်ပေးသွားခဲ့တာ။
နောက်ဆုံးတစ်ယောက်ကတော့ ပုဇွန်တောင် စတော့ဂိတ်ကနေ ထောင်ကျလာတဲ့ “၀င်းတင်”။ သူတို့အထဲကမှ ၈၈ အရေးအခင်း လူသတ်မှုနဲ့ ထောင်ကျလာတဲ့ စတော့ဂိတ်ဝင်းတင် အကြောင်းကို နည်းနည်း ပြောပြချင်ပါတယ်။ ၀င်းတင်ဟာ တကယ်တော့ လူဆိုးလူမိုက် စာရင်းဝင် မဟုတ်ပါဘူး။ တစ်နိုင်ငံလုံး အာဏာရှင်စနစ် ဖျက်သိမ်းရေးအတွက် တောင်းဆိုဆန္ဒပြတဲ့ထဲမှာ ပါဝင်လာပြီး ကံဆိုးမိုးမှောင်ကျကာ အရေးအခင်း လူသတ်မှုထဲ ပါဝင်ခဲ့တာ ဖြစ်ပါတယ်။ ထောင်ထဲမှာ လူချစ်လူခင် ပေါများပြီးတဲ့နောက်မှာ သတ်္တိလည်းရှိတဲ့အတွက် ထောင်လူမိုက်တွေက ၀င်းတင်ကို “တန်း” တစ်ခု အရာပေးခဲ့တာပါ။ ထောင်ထဲမှာက အနေအစားချောင်ပြီး နာမည်ကြီးချင်ရင် “ရှိသုံးရှိ” ရှိရမယ်လို့ ဆိုရိုးစကား ရှိပါတယ်။ အဲဒီ ရှိသုံးရှိကတော့ “ပိုက်ဆံရှိရမယ်၊ ဂုဏ်ရှိရမယ်၊ သတ်္တိရှိရမယ်”တို့ဖြစ်ပါတယ်။ ဒီရှိသုံးရှိမရှိရင် ထောင်ထဲမှာ အာဝါဒါးစာရင်း ၀င်သွားပါလိမ့်မယ်။ ၀င်းတင်ကတော့ မိသားစုကလည်း ပိုက်ဆံရှိပြီး ထောင်ဝင်စာ မှန်မှန်လာနိုင်တယ်။ ပေါင်းသင်းဆက်ဆံရေးလည်း ပြေပြစ်တယ်။ ရုပ်ရည်ကလည်း သန့်ပြန့်မွန်ရည်တဲ့အတွက် “ဇိုး” တွေထဲမှာ ၀င်ဆံ့လာတာပါ။ ၀င်းတင်ကလည်း ထောင်အာဏာပိုင်တွေရော၊ လူဆိုးတွေရောအားလုံးကို “ဇယား” နိုင်တယ်။ ၀င်းတင် အမြဲပြောတဲ့ စကားတစ်ခွန်းရှိတယ်။
“၀င်းတင်ဆိုတာ သေရမှာ မကြောက်လို့ အစိုးရကို ဆန္ဒပြလာတာ။ ၀င်းတင်ကို ဖိုက်ချင်ရင် ကြိုက်တဲ့ လက်နက်နဲ့ လာထိုးကြည့်၊ အား...လို့အော်ရင် အဲဒါ ၀င်းတင်မဟုတ်ဘူး” လို့ ပြောတတ်တယ်။ တစ်နေ့တော့ ၀င်းတင်အတွက် သူ့ရဲ့စကားတစ်ခွန်းဟာ သူ့သမိုင်းအတွက် သက်သေပြဖို့ ဖြစ်လာတယ်။ ထောင်ထဲမှာ ဇိုးတွေက ထောင်ဝါဒါတွေလစ်တာနဲ့ အချင်းချင်း လောင်းကစားလုပ်လေ့ရှိတယ်။ ၁၉၈၉ လောက် အင်းစိန်ထောင်ထဲမှာ ၀ါဒါတွေ ဖမ်းလို့မရတဲ့ လောင်းကစားနည်းတွေကတော့ စုံ,မ ၀ှက်တာပဲ။ နောက်ကစားနည်းတစ်ခုကတော့ ပဆစ်ပစ်တယ်။ အပြင်လောကမှာ ပဆစ်ပစ်တယ်ဆိုတာ ကြွေပန်းကန်ထဲမှာ ကြွေထည့်ပြီး ပစ်ရတာပါ။ ထောင်ထဲမှာ ကြွေကမရှိတော့ အလွယ်ရတဲ့ မန်ကျည်းစေ့ကို ပြုပြင်ပြီး အကွက်ဖော်တယ်။ ပြီးတော့မှ ပုံစံပန်းကန်ထဲကို ထည့်ပြီး တစ်ဘာရာ, တစ်ခြောက်ဆိုပြီး ပစ်ကြတယ်။ ဒါပေမဲ့ စုံ,မ ၀ှက်နည်းထဲမှာ “ဇယ်ဆုပ်” တဲ့ ကစားနည်းကတော့ ၀င်းတင်အသေအလဲကြိုက်တဲ့ ကစားနည်းပါပဲ။ ဒီကစားနည်းက လူလေးယောက် အကွက်လေးကွက်ချပြီး ကစားရတာ ဖြစ်ပါတယ်။ တစ်ယောက်ကို မန်ကျည်းစေ့ အလုံး ၁၀၀ စီလောက် ဆုပ်ပြီးတော့မှ ကစားရတာဖြစ်ပါတယ်။ လူလေးယောက်ရှေ့မှာ ဂဏန်းကွက် စုံ,မ လေးကွက်ရှိပြီး ဒိုင်ကိုတစ်ကွက် ပေးရပါတယ်။
ထိုးသားသုံးယောက်က ကျန်တဲ့ အကွက်သုံးကွက်မှာ ကြိုက်ရာထိုးလို့ရတယ်။ ပြီးတော့မှ လက်နဲ့ဆုပ်ထားတဲ့ မန်ကျည်းစေ့တွေကို ရေရတာပါ။ လက်ထဲမှာ နိုင်သလောက် ဆုပ်ထားတဲ့ မန်ကျည်းစေ့တွေကို လေးလုံးစီ၊ လေးလုံးစီ ထုတ်ထုတ်သွားပြီး နောက်ဆုံးကျန်တဲ့ မန်ကျည်းစေ့က သုံးလုံးလား၊ နှစ်လုံးလား၊ တစ်လုံးလား၊ ကိုယ်ထိုးတာနဲ့ ကိုယ့်လက်ထဲကျန်တာနဲ့ ကိုက်ရင် ဒိုင်က လျော်ရပါတယ်။ ဒီကစားနည်းကို ၀င်းတင်က အသေကြိုက်တယ်။ တစ်နေကုန် ဇယ်ဆုပ်နေလေ့ ရှိတယ်။
ထောင်ဆိုတာက မ,တစ်ရာသားတွေဖြစ်တဲ့အတွက် ၀င်းတင်အပေါ်မှာ မကျေနပ်တဲ့သူကလည်း ပေါ်လာသေးတယ်။ သူ့နာမည်က “ကျွဲမ”လို့ ခေါ်ပါတယ်။ တကယ်တော့ မိုက်ဂုဏ်ရော၊ ပေါင်းသင်းဆက်ဆံရေးမှာပါ ကျွဲမက ၀င်းတင်ကို မယှဉ်နိုင်ပါဘူး။ ခက်တာက ထောင်ထဲမှာ လူမိုက်တန်းဝင်ချင်ရင် နာမည်ကြီးအောင် လုပ်ရတယ်။ နာမည်ကြီးချင်ရင် နာမည်ကြီးတဲ့ လူတစ်ယောက် ယောက်ကို ဖြိုနိုင်မှရမယ်။ အဲဒီအချိန် ဥပဒေက ထောင်တွင်းမှာ လူသတ်ရင် ထောင်ဒဏ်ငါးနှစ်ပဲ။ နာမည်မကြီးတဲ့ လူသတ်လည်း ငါးနှစ်ပဲ။ နာမည်ကြီးတဲ့လူသတ်လည်း ငါးနှစ်ပဲ။ ဒီတော့ နာမည်ကြီးချင်တဲ့ ကျွဲမက ၀င်းတင်ကို ပစ်မှတ်ထားတယ်။ ဇယ်ဆုပ်တိုင်း ကျွဲမက အမြဲရှုံးပြီး ၀င်းတင်က အမြဲနိုင်တယ်။ နိုင်တဲ့သူပီပီ ၀င်းတင်က ကျွဲမကို “အိုးပေးရင် အရှုံးကစားပေးမယ်” လို့ စခဲ့ဖူးတယ်။ ဒါကို ကျွဲမက နာကျည်းပြီး အသဲပေါက်နေတယ်။ ဒါကြောင့် တောင်ယာသမား သုံးယောက်လောက်ကို စည်းရုံးပြီး ၀င်းတင်ကို သတ်ဖို့လုပ်တယ်။
အဲဒီနေ့က အဆောင်ရှေ့က ရေကန်နားမှာ ၀င်းတင်တို့က ဇယ်ဆုပ်နေတယ်။ ကျွဲမနဲ့ သူ့ ဘော်ဒါသုံးယောက်က ချွတ်တွေယူပြီး ၀င်းတင်ကို သတ်ဖို့ပြင်ဆင်နေကြတယ်။ ဒီသတင်းကိုကြားတဲ့ သူတစ်ယောက်က ၀င်းတင်ကို လာပြောတယ်။
“ကျွဲမတို့အုပ်စု ခင်ဗျားကို သတ်ဖို့ လုပ်နေကြတယ်”
ဝင်းတင်က ဇယ်ဆုပ်ရင်း ကစားမပျက် ပြန်ပြောတယ်။
“ဟိတ်ကောင် ... ၀င်းတင် ဘ၀မှာ ထွက်ပြေးတယ်ဆိုတာ ထုံးစံမရှိဘူး၊ သတ္တိရှိရင် လေနဲ့ မရိုက်နဲ့လို့”
သူ့ စကားအဆုံးမှာပဲ ကျွဲမတို့အုပ်စုက လက်နက်အသီးသီးနဲ့ ရေကန်ဘေးကို ရောက်လာတယ်။ ကျွဲမက ၀င်းတင်ကို မြင်မြင်ချင်း ချွတ်နဲ့ ပြေးထိုးတယ်။ ၀င်းတင် အံ့သြချိန် မရလိုက်ပါဘူး။ ချွတ်ကို ကပျာကယာ ရှောင်လိုက်ပြီး တောင်ယာထဲကို ပြေးသွားတယ်။ ကျွဲမတို့အုပ်စုက သံချွန်တွေ၊ ပေါက်တူးတွေကိုင်ပြီး တောင်ယာထဲကို တရကြမ်းလိုက်လာတယ်။ ၀င်းတင်က တောင်ယာထဲမှာ အသင့်ရှိနေတဲ့ ရေပန်းခရားနဲ့ ကျွဲမတို့ လေးယောက်ကို ခုခံတယ်။ လုံးဝထွက်မပြေးဘူး။ တခြားအကျဉ်းသားတွေနဲ့ မိန်းဂျေးလ်ကလည်း အခြေအနေ မြန်လွန်းလို့ မထိန်းသိမ်းနိုင်ဘူး။ ဒီအချိန်မှာ ၀င်းတင်ကိုကူဖို့ အဆောင်အပြင်ဘက်ကနေ စိုးမြတ်ရဲ့ အမှုတွဲ “ဂါးဂါးလေး” က ပြေးလာတယ်။
ဒါပေမဲ့ အဆောင်မှာရှိတဲ့ ၀ါဒါက တံခါးကိုအမြန် ပိတ်လိုက်တယ်။ တောင်ယာကို လာကူလို့မရတဲ့အတွက် ဂါးဂါးလေးက “၀င်းတင် ဒီကိုပြေးလာခဲ့” ဆိုပြီး အော်ခေါ်တယ်။ ဂါးဂါးလေး အသံကြားလို့ ၀င်းတင်က တစ်ချက်လှမ်းအကြည့်မှာ ကျွဲမက သံချွန်နဲ့ ပြေးထိုးလိုက်တယ်။ ၀င်းတင်ငိုက်အသွားမှာ ကျွဲမနဲ့ ပါလာတဲ့သူတွေက လက်နက်မျိုးစုံနဲ့ ၀င်းတင်ကို ၀ိုင်းထိုးလိုက်တော့တယ်။ တစ်ထောင်လုံး မကူညီနိုင်ဘဲ ကြည့်နေတဲ့အချိန်မှာ ၀င်းတင်ဟာ သွေးအိုင်ထဲ လဲကျသွားတယ်။ အဲဒီအချိန်ကျမှ ခရာတွေမှုတ်ပြီး ၀ါဒါတွေ ၀င်လာတယ်။ ၀င်းတင်ကိုသတ်တဲ့ ကျွဲမတို့အုပ်စုလည်း မခုခံဘဲ အညံ့ခံလိုက်တယ်။
ဒီဖြစ်ရပ်ကို ၀ိုင်းကြည့်နေတဲ့ ထောင်သားတွေထဲက လူတစ်ယောက်ရဲ့ အသံက ကျယ်ကျယ်လောင်လောင် ထွက်ပေါ်လာတယ်။
“၀င်းတင်တော့ သေသွားပြီကွ။ ဒါပေမဲ့ သူ့စကားအတိုင်းပဲ သေသာသွားရော “အား”ခနဲ တစ်ချက် အော်မသွားဘူး”
ကြားရတဲ့သူ အပေါင်းဟာ ဘာမှမပြောနိုင်ဘဲ ၀င်းတင်အလောင်းကို ကြည့်ရင်း အံ့သြမှင်တက် တွေဝေနေကြတယ်။
ဇော်သက်ထွေး
No comments:
Post a Comment