သောက်ဆေးမကူဘဲ သွေးတွင်းအဆီလျော့ကျစေနိုင်မည့် နည်းလမ်းများ

 

သောက်ဆေးမကူဘဲ သွေးတွင်းအဆီလျော့ကျစေနိုင်မည့် နည်းလမ်းများ

အဆင့် 1

       လေ့ကျင့်ခန်းပုံမှန်လုပ်ပါ။ သင့်တင့်လျောက်ပတ်တဲ့ အေရိုးဗစ်လေ့ကျင့်ခန်းကိုပုံမှန်လုပ်ရုံနဲ့ 3 လအတွင်း သွေးတွင်းကောင်းတဲ့ အဆီ (HDL)တွေမြင့်လာစေနိုင်ပါတယ်။ ဒါကြောင့် လေ့ကျင့်ခန်းလုပ်ဖို့ တစ်နေ့လျှင် မိနစ် 30 ကြာအချိန်ပေးသင့်ပြီး ရက်သတ္တပတ်လုံးအချိန်မပေးနိုင်ရင်တောင် တစ်ပတ်လျှင် 5 ရက်မျှ ပုံမှန်ကိုယ်လက်လှုပ်ရှားမှုပြုလုပ်ပေးပါက ကိုလက်စထရောလ်တွေများလာမှာကို စိုးရိမ်ပူပန်စရာမလိုတော့ပါဘူး။

 

အဆင့် 2

       အဆီထုတ်ပြီးသားအစားအစာ၊ အဆီပါဝင်မှုမများတဲ့ အစားအစာတွေကိုသာ ရွေးချယ်စားသုံးပါ။ (ဥပမာ- ကြက်သားဆိုလျှင် အရေခွံဖယ်စားပါ။)

 

အဆင့် 3

       မပြည့်ဝဆီတွေဖြစ်တဲ့ သံလွင်ဆီ၊ မြေပဲဆီ၊ နေကြာဆီ၊ ပဲပုပ်စေ့ဆီကိုရွေးချယ်ပါ။ ယင်းမပြည့်ဝဆီတွေဟာ သွေးတွင်းမကောင်းတဲ့အဆီ (LDL) ကိုလျော့ကျစေပြီး သွေးခဲခြင်းဖြစ်စဉ်ကိုပုံမှန်ဖြစ်စေပါတယ်။

 

အဆင့် 4

       အမျှင်ဓာတ်ပါဝင်အောင်စားပါ။ အမျှင်ဓာတ်က ခန္ဓာကိုယ်မှ အဆီကိုစုပ်ယူမှု အားပျော့စေပါတယ်။ ဒါကြောင့် အမျှင်ဓာတ်ကြွယ်ဝတဲ့ ပန်းသီး၊ သစ်တော်သီး၊ ပဲတောင့်ရှည်၊ အုတ်ဂျုံမှုန့်ကို နေ့စဉ်အစားအစာတွေမှာ ပါဝင်အောင်စားပေးသင့်ပါတယ်။

 

အဆင့် 5

       အ၀လွန်ခြင်း၊ ဆီးချို၊ သွေးချိုရောဂါဖြစ်ခြင်းမှ ကာကွယ်နိုင်ခြင်းဟာ သွေးတွင်းအဆီများ တက်မလာစေရန် တစ်ဖက်တလမ်းမှ အထောက်အကူပြုပေးနိုင်ပါတယ်။ ဒါ့အပြင် ဆေးလိပ်သောက်ခြင်းမှလည်း ရှောင်ကျဉ်သင့်ပါတယ်။

 CMS

DrMyanmar