သိပ်မကြာသေးခင်က အမေရိကအလယ်ပိုင်း မစ်ဇူရီဒေသရဲ့ အကြီးဆုံးကုမ္ပဏီတစ်ခုမှာ ဖြစ်ပွားခဲ့တဲ့ အဖြစ်အပျက်တစ်ခုရှိတယ်။ ဝန်ထမ်းတွေ နေ့လည်စာစားပြီးချိန် ရုံးခန်းကို ပြန်လာတဲ့အခါ ကြေငြာစာတစ်ခု အခန်းတံခါးမှာကပ်ထားတာကို တွေ့ခဲ့ကြတယ်။
ကြော်ငြာစာမှာ ” သင်တို့ကို နောက်ကွယ်ကနေ မြေတောင်မြှောက်ပေးခဲ့တဲ့ တစ်စုံတစ်ယောက်သောသူဟာ မနေ့ညက ကွယ်လွန်သွားခဲ့ပြီဖြစ်တယ်။ ဈာပနအခမ်းအနားကို ကုမ္ပဏီရဲ့ ခန်းမကျယ်ထဲမှာ ပြင်ဆင်ထားပြီးဖြစ်တဲ့အတွက် အားလုံးတက်ရောက်နိုင်ဖို့ ဖိတ်ကြားအပ်ပါတယ်”လို့ ရေးသားထားတာကို တွေ့ရတယ်။
ဒီသတင်းကို ကြားကြားချင်းမှာ ဝန်ထမ်းတွေအားလုံးဟာ သူတို့ထဲက တစ်ယောက်ဆုံးပါးသွားတဲ့အတွက် စိတ်မကောင်းဖြစ်ကြရသလို အဲဒီလူ ဘယ်သူလဲဆိုတာကို သိချင်မိကြတယ်။
ဝန်ထမ်းတွေအားလုံးဟာ သူတို့ရဲ့ မိတ်ဆွေကို နောက်ဆုံးနှုတ်ဆက်ဖို့ ဈာပနအခမ်းအနားကို စုရုံးရောက်ရှိလာကြတယ်။ လူတိုင်းစိတ်ထဲမှာဖြစ်ပေါ်နေတဲ့ တူညီတဲ့အတွေးတစ်ခုက ငါတို့ကို မြေတောင်မြှောက်ပေးခဲ့တဲ့လူဆိုတာ ဘယ်သူများလဲဆိုတဲ့ အတွေးပဲ။ ဒီလိုလူမျိုးကို အလေးထားပြီး နှုတ်ဆက်သင့်တယ် မဟုတ်လား?
ခန်းမအလယ်မှာ ချထားတဲ့ အခေါင်းထဲက သူတို့မိတ်ဆွေကို တစ်ယောက်ချင်းစီ နှုတ်ဆက်ဖို့ ရည်ရွယ်ပြီး ဝန်ထမ်းတွေဟာ တန်းစီလိုက်ကြတယ်။
အခေါင်းထဲကို ကြည့်လိုက်တဲ့ လူတစ်ယောက်ချင်းစီရဲ့အမူအယာတွေဟာ ရုတ်တရက် ပြောင်းလဲသွားတာကို တွေ့ရတယ်။
သူတို့ဟာ အခေါင်းရှေ့ကိုရပ်လိုက်တာနဲ့ ထူးဆန်းတဲ့အသွင်အပြင်နဲ့ တိတ်ဆိတ်သွားကြတယ်။ မျက်နှာတွေဟာ တစ်ခုခုကို ရှာဖွေတွေ့လိုက်မိတဲ့သဘောကို ဖော်ပြနေတယ်။ တစ်စုံတစ်ခုက သူတို့ရဲ့ အနက်ရှိုင်းဆုံးနေရာထိကို ထိုးဖောက်ဝင်ရောက်လိုက်သလိုမျိုးပဲ။
လှန်ထားတဲ့အခေါင်းရဲ့ အတွင်းမှာ မှန်တစ်ချပ်ကို ကပ်ထားပါတယ်။ အခေါင်းရှေ့က လူတိုင်းဟာ သူတို့မျက်နှာကို သူတို့ မှန်ထဲမှာတွေ့နေရတယ်။ မှန်ဘေးမှာ စာသားတစ်ချို့ ရေးသားထားပါသေးတယ်။
“သင့်ကို မြေတောင်မြှောက်ပေးတဲ့လူဆိုတာ တစ်ယောက်ပဲရှိတယ်”
“အဲဒီလူက သင်ပဲ”
“သင့်ရဲ့ တိုးတက်မှုကို ရပ်တန့်စေနိုင်တာ တစ်ယောက်ပဲ ရှိတယ်”
“အဲဒီလူကလဲ သင်ပဲ”
“သင်ဟာ သင့်ဘဝကို ပြောင်းလဲစေနိုင်တဲ့ တစ်ယောက်ထဲသောသူပဲ။ သင့်ရဲ့ အမြင်၊ ပျော်ရွှင်မှု နဲ့ သင့်အောင်မြင်မှုတွေရဲ့ အဖြေဟာ သင်ကိုယ်တိုင်ပါပဲ”
“သင့်ကိုကူညီနိုင်တဲ့ တစ်ယောက်သောသူဟာလည်း သင်ပဲဖြစ်တယ်”
“သင့်သူဌေးသေသွားလို့ သင့်ဘဝမပြောင်းလဲသွားဘူး”
သင့်သူငယ်ချင်းက ပြောင်းလဲသွားလို့…
သင့်အဖော်က ပစ်သွားလို့……
သင့်မိဘတွေ မရှိတော့လို့…….
သင့်ကုမ္ပဏီကြီး ပိတ်လိုက်လို့…..
သင့်ဘဝပျက်စီးသွားတာ မဟုတ်ဘူး။
သင့်ဘဝဆိုတာက ရှိနေဦးမှာပဲ။
တကယ်တော့ သင်ကပြောင်းလဲမှသာ
သင့်ဘဝက လိုက်ပြောင်းလဲမှာ။
သင့်ကိုယ်သင် ယုံကြည်စွာကန့်သတ်ထားတဲ့အရာတွေရဲ့ နောက်ကိုရောက်အောင်သွားကြည့်မိတဲ့အခါ သင်သာလျှင် သင့်ဘဝရဲ့ အရှင်ဆိုတာ တွေ့လာရလိမ့်မယ်။
ကမ္ဘာပေါ်မှာ အရေးအကြီးဆုံး ဆက်ဆံရေးဆိုတာ
မိမိနဲ့ မိမိစိတ်ရဲ့ ဆက်ဆံရေးပါပဲ။
(ဘာသာပြန်ဖော်ပြပါသည်)
maiyatt
Credit : – မှတ်စုကြမ်း
No comments:
Post a Comment