အခကြေးငွေပေးဆောင်ရန် မလိုဘဲ နေရပ်ပြန်ခွင့်ပြုသည့် ဧပြီ ၅ ရက်မှစ၍ ထိုင်းရောက် မြန်မာရွှေ့ပြောင်းလုပ်သားများ အလုံးအရင်းဖြင့် ပြန်လာနေ

မြန်မာ့နှစ်သစ်ကူး သင်္ကြန်ပွဲတော် ဆင်နွှဲရန် မြန်မာနိုင်ငံသို့ ပြန်လာသည့် ရွှေ့ပြောင်းလုပ်သားများအား ၀င်ထွက်သွားလာမှု အဆင်ပြေစေရေးအတွက် ထိုင်းအစိုးရနှင့် မြန်မာနိုင်ငံ အစိုးရတို့ ပူးပေါင်းပြီး မည်သည့် အခကြေးငွေမျှ ပေးစရာမလိုဘဲ (ထိုင်းဘက်ကမ်း) သွားလာခွင့်ပြုသည့် ဧပြီ ၅ ရက် နံနက်က အလုံးအရင်းဖြင့် ပြန်လာနေကြပြီဖြစ်ကြောင်း သိရသည်။

ယင်းသို့ နေရပ်ပြန်လာသည့် မြန်မာရွှေ့ပြောင်းလုပ်သားများအား ထိုင်းနိုင်ငံ မဲဆောက်ချစ်ကြည်ရေးတံတား နယ်စပ်ဂိတ်မှ ၀င်ထွက်ခွင့်ကို အခမဲ့ ဆောင်ရွက်ပေးလျက် ရှိသော်လည်း မြန်မာနိုင်ငံသားများ အနေဖြင့် အလုပ်လုပ်ခွင့်လက်မှတ် (Work Permit) ပါရှိရန် လိုအပ်သည်ဟု ဆိုသည်။

ထိုင်းနိုင်ငံ မဲဆောက်ဘက်ကမ်း ချစ်ကြည်ရေးတံတားတွင် သင်္ကြန်ပွဲတော် ကာလအတွင်း မြန်မာနိုင်ငံသားများ အလိမ်မခံရအောင် ၀င်ထွက်ခွင့် အခမဲ့ ခွင့်ပြုပေးမှုအား ဧပြီ ၅ ရက်မှ ၃၀ ရက်ထိ သတ်မှတ်ထားခြင်း ဖြစ်ကြောင်း အသံချဲ့စက်ဖြင့် ကြေညာလျက်ရှိသည်။

သို့သော်လည်း မြန်မာနိုင်ငံ မြ၀တီဘက်တွင် အ၀င်တုံး အထွက်တုံးထုစဉ် ပေးဆောင်ရသည့် ငွေကြေးကို ပုံမှန်အတိုင်း ပေးဆောင်ရပြီး၊ နေရပ်ပြန် မြန်မာလုပ်သားများအတွက် မည်သည့်ညွှန်ကြားချက်မျှ မရှိကြောင်း မြ၀တီ ချစ်ကြည်ရေးတံတားမှ သိရသည်။

Work Permit မပါသည့် မြန်မာနိုင်ငံသားများ ယခင်နေ့က ဖမ်းဆီးခံရသည့်အတွက် မဲဆောက်မြို့ လူမှုကူညီရေး အထွေထွေရုံးမှ မန်နေဂျင်းဒါရိုက်တာ ကိုသားကြီးက “မြန်မာနှစ်သစ်ကူးပွဲတော် ဆင်နွှဲဖို့ ပြန်လာကြတဲ့ မြန်မာရွှေ့ပြောင်းလုပ်သားတွေ အနေနဲ့ ပတ်စ်ပို့ ဗီဇာ ပါရှိရုံနဲ့ မလုံလောက်ပါဘူး။ အလုပ်လုပ်ခွင့် လက်မှတ်လို့ခေါ်တဲ့ Work Permit ပါရှိဖို့ လိုပါတယ်။ ထိုင်းနိုင်ငံဘက်က ဧပြီ ၅ ရက် က ၃၀ ရက်ထိ သွားလာခွင့်ပြုတာဟာ ယခင် ကုန်ကျစရိတ်တွေကိုသာ အခမဲ့ ပြုလုပ်ပေးတာဖြစ်ပြီး အထောက်အထားတွေကတော့ ပြည့်စုံဖို့ လိုအပ်ပါတယ်။ Work Permit မပြည့်စုံလျှင် ထိုင်းဥပဒေအရ အရေးယူ ဆောင်ရွက်ခြင်းခံရမှာ ဖြစ်ပါတယ်” ဟု သတိပေး ပြောကြားသည်။

ထို့အတူ ထိုင်းနိုင်ငံ တာ့ခရိုင်လ၀က ခရိုင်မှူး မစ္စတာ ဆုံချိုင်းဒီဖဲ့ကလည်း Work Permit ဆိုတာ ပတ်စ်ပို့ဗီဇာပြုလုပ်ပြီးသူတိုင်း Work Permit ရှိပြီးသူ ဖြစ်သည်ဟု ယူဆကြောင်း ပြောကြားသည်။

သင်္ကြန်ပွဲတော်အကြို နေရပ်ပြန်လာသူ တစ်ဦးက “ယခုလို ခွင့်ပြုတာ အရမ်း ကျေးဇူးတင်ပါတယ်။ ယခင်ကဆိုရင် ကိုယ့်နိုင်ငံကို ပြန်ရင် လမ်းမှာပေးရတာ၊ တုံးကြီးထုရတာ၊ အထွက်တုံးထုရတာနဲ့ဆို ဘတ် ၁၀၀၀ ကျော် ၂၀၀၀ နီးပါး ကုန်ကျပါတယ်။ ဒီနှစ် ဘာမှ မပေးရဘူး။ နောင်နှစ်တွေမှာ နှစ်သစ်ကူး သင်္ကြန်ပွဲတော်ရောက်တိုင်း အခုလို ခွင့်ပြုပေးစေချင်ပါတယ်” ဟု ပြောကြားသည်။

ထိုင်းအစိုးရနှင့် မြန်မာအစိုးရတို့ ပူးပေါင်းဆောင်ရွက်မှုဖြင့် ဧပြီ ၅ ရက်မှ ၃၀ ရက်ထိ ၀င်ထွက်ခွင့်လက်မှတ်အတွက် အခမဲ့ ဆောင်ရွက်ပေးနေသည်ဟု ဆိုသော်လည်း မြန်မာနိုင်ငံဘက်တွင် ယခင်အတိုင်းသာ ပေးဆောင်ရကာ စတင်ခွင့်ပြုသည့် ဧပြီ ၅ ရက်၌ မြန်မာရွှေ့ပြောင်းလုပ်သား ထောင်နှင့်ချီ၍ ပြန်လာခဲ့ကြကြောင်း သိရသည်။

Writer:

ကိုရွှေသိန်း (မြ၀တီ)

Eleven Media Group