ကိုယ့်ဘဝအမှန်ကို ဖုံးကွယ်ထားတတ်တဲ့အနုပညာသမားတစ်ယောက်မဟုတ်ဘူးဆိုတဲ့မန္တလေးသား အဆိုတော် မနော
အောင်မြင်တဲ့ အနုပညာသမား တိုင်းဘဝအမှန်ကိုဖုံးကွယ်တတ်ပေ မဲ့ ဘဝအမှန်ကို အမြဲလိုလို အမှန် အတိုင်းချပြတတ်တဲ့ အသက် ၃၃ နှစ်ရှိပြီဖြစ်တဲ့ ယနေ့ခေတ်ဂီတ လောကရဲ့ ကြယ်ပွင့်တစ်ခုဖြစ်တဲ့ အဆိုတော်မနောက သူ့ဘဝဇာတ် ကြောင်းတွေပါတဲ့ သီချင်းတစ်ပုဒ် ကို ကိုယ်တိုင်ဖန်တီး ရိုက်ကူးတင် ဆက်ဖို့ပြင်ဆင်နေကြောင်း သိရ တယ်။
''အမေနဲ့ပတ်သက်တဲ့ စီးရီး လေးထွက်ဖို့ ပြင်ဆင်နေတာပါ။ အခွေနာမည်ကိုလည်းချမ်းမြေ့ပါစေ အမေလို့ပေးထားပါတယ်။ သင်္ကြန် ပြီးရင်ထွက်နိုင်ဖို့တော့လုပ်ထားပါ တယ်၊ ကျွန်တော် ကိုသီဟအောင် ကိုပဲ အပ်တာပါ၊ သူပဲရေးတာပါ။ မြန်မာသံစဉ်သီချင်းတွေပဲ သူ့ကို ကျွန်တော်ရေးခိုင်းတာကြာပါပြီ။ ကျွန်တော်ရဲ့ပထမဆုံးလက်ချောင်း များဆိုတဲ့ စီးရီးကတည်းကပါ။ အဲ့ ဒီအခွေမှာလည်း မြန်မာသံသီချင်း လေးတွေပါတယ်။အခု ချမ်းမြေ့ပါ စေ အမေစီးရီးမှာတော့ အားလုံး မြန်မာသံတွေချည်းပဲ သီးသန့်လုပ် ထားတဲ့ အခွေလေးပါ။ သီချင်း ခေါင်းစဉ်လေးပေးထားတဲ့အတိုင်း အမေ့ကိုပါ ဒီအခွေမှာ ကျွန်တော် ထည့်ရိုက်မှာပါ။ ကျွန်တော်တို့ ငယ်ငယ်က ရွာမှာ အရမ်းဆင်းရဲ တယ်။ အမေ ကျွန်တော်တို့ကို ရုန်းကန်ပြီး ရှာဖွေကျွေးမွေးပြုစု ခဲ့တာလေးတွေကို အမှတ်တရ အဖြစ် ပြန်ရိုက်မှာပါ။ ကျွန်တော် အဲ့ဒါရိုက်ဖို့ သရုပ်ဆောင်ရွေးနေပါ တယ်။ ကျွန်တော်စိတ်တိုင်းကျ ရွေးထားတဲ့ သရုပ်ဆောင်ကလည်း မအားသေးလို့ ရိုက်ဖို့ရက်ရွေးနေ တာမို့ပါ။ နှစ်ယောက်လုံးအားတဲ့ အချိန်ကလည်း သင်္ကြန်ပဲဖြစ်နေလို့ သင်္ကြန်မှာ ရိုက်ဖြစ်မှာပါ။ သီချင်း တွေကတော့အားလုံးနီးပါးပြီးနေပါ ပြီ။ ပရိသတ်ကြီးစောင့်မျှော်ရကျိုး နပ်မယ်လို့ထင်ပါတယ်။အကောင်း ဆုံးလည်းဖန်တီးထားပါတယ်'' ဟုအဆိုတော်မနောကပြောပါတယ်။
အဆိုတော်မနောဟာ မန္တလေး တိုင်းဒေသကြီး ငါန်းဇွန်မြို့နယ် ကျွမ်းခံရွာသစ်တွင် မွေးဖွားကြီး ပြင်းခဲ့ပြီး မိခင်ကြီးနဲ့အတူ ဆင်းရဲ စွာနေထိုင်ခဲ့ရကြောင်း၊ပတ်ဝန်းကျင် ရဲ့အထင်သေးနှိမ့်ချမှုတွေကိုခါးစည်း ရင်ဆိုင်ခဲ့ရတဲ့ မိခင်ကို သနားတာမို့ ကျောင်းထွက်ကာကားဝပ်ရှော့တွင် အလုပ်ဝင်လုပ်ရင်း ဘဝကိုခက်ခဲ ပင်ပန်းစွာ အနိုင်မခံအရှုံးမပေး ကြိုးစားခဲ့ရကြောင်း၊ ထိုမှတစ်ဆင့် မိမိဝါသနာပါတဲ့ ဂီတအလုပ်ကို သူငယ်ချင်းတွေနဲ့အတူ ဝိုင်းဖွဲ့ကာ ဖန်တီးပုံဖော်ရင်း ဂီတလောကထဲ ကိုရောက်ရှိလာခဲ့ကြောင်းသိရတယ်။
''မိဘရဲ့ ကျေးဇူးတရားကို သိတတ်လို့ ကျွန်တော်ဒီဘဝကို ရခဲ့တာပါ။ ဒီအတွက်ကြောင့် အခု အချိန်မှာ အမေဖြစ်ချင်တဲ့ အမေ လုပ်ချင်တဲ့ အလှူအတန်းတွေ အမြဲ လိုလိုလုပ်ဖြစ်တယ်။ အမေက ကျွန်တော့်ဘဝအတွက် ရှေ့ကလမ်း ပြကြယ်ပါပဲ။ အမေ့လိုအမေမျိုးက တကယ်ကိုရှားမှရှားပါပဲ။ အမေ ကကျွန်တော်ကို အမြဲပြောလေ့ရှိတဲ့ စကားက ဘာလဲဆိုမိမိကြောင့် သူတစ်ပါး စိတ်မဆင်းရဲစေနဲ့သား တဲ့ ဒါအမေရဲ့လက်သုံးစကားပါ။ ပြီးတော့ ကိုယ်ဘယ်ဘဝရောက် ရောက် ကိုယ့်ဘဝအမှန်ကို မဖုံး ကွယ်ပါဘူး။ ဆင်းရဲတာ ချမ်း သာတာက လောကသတ်မှတ်ချက် တစ်ခုပါ။ တချို့က ဆင်းရဲတာကို အပြစ်ကြီးတစ်ခုလို့ထင်နေတယ်။ ဒါတွေက အရေးမကြီးပါဘူး။ အဓိကကစိတ်ဓာတ်ကောင်းကောင်း မွေးဖို့ပါပဲ။ ကိုယ့်ဖြစ်ခဲ့သမျှ တွေ့ ကြုံခဲ့တာတွေကိုကျွန်တော်ကတော့ ဘယ်တော့မှမဖုံးကွယ်ပါဘူး။အချိန် မရွေးအမှန်အတိုင်းပြောရဲပါတယ်'' ဟု ပြောကြားခဲ့ပါတယ်။
Sources : ဒဂုံဝေလင်း( Apann Pyay )
No comments:
Post a Comment