အမေရိကန်ရောက် မြန်မာနိုင်ငံသားဒုက္ခသည်များကို ခြိမ်းခြောက်လာသော သမ္မတသစ် ဒေါ်နယ်ထရန့်

Byထားထားမြင့်
On  Sat, 2016-11-26 06:30
Issue No.No.1284 Saturday, November 26, 2016
CARLO ALLEGRI/REUTERS

အမေရိကန်သမ္မတရွေး ကောက်ပွဲတုန်းက အမေရိကန်နိုင်ငံသား တစ်ဖြစ်လဲ မြန်မာနိုင်ငံသား ဒုက္ခသည်အတော်များများက ဒေါ်နယ်ထရန့်ကို မဲပေးခဲ့ကြသည်။ အချို့က ထရန့်၏ ရွေးကောက်ပွဲမူဝါဒများကို သိပ်နားမလည်သော်ငြား အမေရိကန်နိုင်ငံကို ကြီးကျယ်ခမ်းနားစေရမည်ဆိုသော သူ့စကားများကို သူတို့ သဘောကျသည်။ ထရန့်သည် နာမည်ကြီး စီးပွားရေးလုပ်ငန်းရှင် ဖြစ်သည်။ သူနိုင်လျှင်တော့ သူတို့အတွက် စီးပွားရေးအခွင့်အလမ်းများ တက်လာမည်။ အလုပ်အကိုင်အခွင့်အလမ်းတွေပိုများလာမည်ဟု ထင်ကြသည်။ ထို့ကြောင့် မြန်မာဒုက္ခသည် အများစုနေထိုင်ကြသော ကင်ဆတ်ပြည်နယ်၊ အင်ဒီယားနား၊ အိုဟိုင်းအိုး၊ အိုင်အိုဝါ ပြည်နယ်များမှာရှိသော အမေရိကန်နိုင်ငံသား မြန်မာတိုင်းရင်းသားလူမျိုးများက ထရန့်ကို မဲပေး ကြသည်။

‘‘ဟီလာရီဘာလုပ်မလဲ၊ မိန်းမသမ္မတ  မကောင်းပါဘူးနော့။ ထရန့်တက်မှ အလုပ်ပေါ်မှာ။ ကျွန်တော်တို့ သူငယ်ချင်းတွေ အားလုံးတော့ ထရန့်ကိုပဲ မဲပေးကြ တယ်’’ဟု ကန်ဆတ်ပြည်နယ်ကန် ဆတ်မြို့က TriumpFood အမည်ရှိ အသားစက်ရုံမှာ အလုပ်လုပ်နေသော အမေရိကန်နိုင်ငံသား မြန် မာချင်းအမျိုးသားတစ်ဦးက ပြောသည်။

သည်စကားကို ထရန့်အနိုင် ရခဲ့သည့် အချိန်က သူက ပျော်ရွှင်တက်ကြွမှုမျှော်လင့်မှုများနှင့် ပြောခဲ့ခြင်း ဖြစ်သည်။ သို့သော် သူ့အ ပျော်များက တစ်ပတ်တောင်မခံ ပါ။ ထရန့်သမ္မတဖြစ်လာလျှင် လုပ်ဆောင်မည့် မူဝါဒအချို့ကို ဒုက္ခသည်အချို့ဆီက သူကြားလာသောအခါ သူ့အတွက် ကျော ချမှ ဓားပြမှန်းသိတော့သည်။ သမ္မတသစ် ထရန့်သည် ချက်ချင်းသူ့အတွက် မကောင်းဆိုးဝါးကြီး သဖွယ် ဖြစ်သည်။

မှန်ပါသည်။ အမေရိကမှာ နေထိုင်ကြသူအခြေခံလူတန်းစား ရွှေ့ပြောင်း အခြေချသူများအ တွက် ဒေါ်နယ်ထရန့်ကမိစ္ဆာကြီးတစ်ကောင်သဖွယ် ဖြစ်သည်။သူသည် ယခုအချိန်မှာ အပြည့် အ၀  သမ္မတမဟုတ်သေးသော် လည်း ရွှေ့ပြောင်းအခြေချသူများကို ထိခိုက်ထိုးနှက်မည့် သူ၏ အစွယ်များကို တဖြည်းဖြည်း ထုတ်ပြလာသည်။  ရွေးကောက်ပွဲမှာ အမေရိကမှာ လာရောက်နေထိုင်ကြသော ရွှေ့ပြောင်းအခြေချသူများကို မုန်းတီးနေသည့် လူဖြူ အမေရိကန်မဲဆန္ဒရှင်များ၏ မဲများကို သူက အရယူနိုင်ခဲ့သည်။ အမေရိကန်တွင် လာနေသော တရားမ၀င်အခြေချသူ ၁၁ သန်းကို ပြန်ပို့မည်။ မွတ်စလင်အခြေချသူများကို ပိုပြီးစည်းကမ်း တင်းကျပ်မည်။ မက္ကဆီကိုဘက် က တရားမ၀င်ဝင်ရောက်လာသူ များကို တားဆီးရန် မက္ကဆီကို နယ်စပ်မှာ မဟာတံတိုင်းကြီးဆောက် မည်ဆိုသော ကတိပေးချက်များ ဖြင့် ထရန့်က လူဖြူများ၏ မဲများ ကို သိမ်းကျုံးယူခဲ့သည်။

‘‘ကျွန်တော်တို့ တံတိုင်းကြီး ဆောက်သွားမယ်။ တံတိုင်းမှာ ကြီးမားလှပတဲ့ တံခါးကြီးတွေ ထားမယ်။ လူတွေကို လာခွင့်ပေး မယ်။ ဒါပေမဲ့ သူတို့က တရားဝင် ပဲ အမေရိကန်ကို ၀င်လာလို့ရ မယ်။ ဒီတံတိုင်းဆောက်ခကို တော့ မက္ကဆီကိုနိုင်ငံက ပေးရ လိမ့်မယ်’’

မြန်မာပြည်ကလာရောက် သူ၊ ဒုက္ခသည်အများစုက မက္ကဆီကန်များကဲ့သို့ တရားမ၀င်အခြေ ချနေထိုင်သူများမဟုတ်။ သူတို့ သည် အမေရိကန်နိုင်ငံ၏ အိုင် အာစီခေါ်နိုင်ငံတကာဒုက္ခသည် များအစီအစဉ်ဖြင့် အမေရိကန် အစိုးရ၏ စီစဉ်ပေးမှုဖြင့် တရား ၀င် အခြေချနေထိုင်နေကြခြင်း ဖြစ်သည်။ အမေရိကန်ကို ခိုးဝင် လာသော မက္ကဆီကန်များကဲ့သို့ ပြန်ပို့ခံရမည်ကို ကြောက်လန့်စရာမရှိ။ သူတို့က ထရန့်ကို ကြောက် ရသည်က အခြားအကြောင်းတစ် ခုဖြစ်သည်။

ထရန့်၏ ရွေးကောက်ပွဲတွင် လူဖြူအမေရိကန်များ၏ ထောက် ခံမှုကို ရသွားသော အခြားရွေး ကောက်ပွဲကတိတစ်ခုက မြန်မာ ဒုက္ခသည်များအတွက် ၀ရဇိန် လက်နက်သဖွယ်ထိချက်ပြင်းလှ သည်။ ကျန်းမာရေးအာမခံဆိုင်ရာထရန့်၏ မူဝါဒ ဖြစ်သည်။ ထရန့်က လက်ရှိ သမ္မတအိုဘားမားဆောင် ရွက်ထားသော ကျန်းမာရေးအာမ ခံစနစ်ကို ပယ်ဖျက်မည်ဆိုသော ရွေးကောက်ပွဲကတိပင် ဖြစ်သည်။အခြေခံလူတန်းစားများနှင့် ၀င်ငွေနည်းသူ လူတန်းစားများကို သက် သာအောင် ဆောင်ရွက်ပေးသော အိုဘားမား၏ ကျန်းမာရေးအာမခံ စနစ်ကို လူဖြူအမေရိကန်များက အလွန်မုန်းတီးကြသည်။ အမေရိ ကန်နိုင်ငံမှာ ဆေးကုသမှုစရိတ်က ကြီးမားသည်။ ထို့ကြောင့် ကျန်းမာရေးအာမခံစနစ်ကို သုံးပြီး ဆေးကုကြရသည်။ လူဖြူအမေရိကန်များ က အလုပ်အကိုင်ကောင်းဝင်ငွေ ကောင်းသူများ ဖြစ်ကြရာ တစ်လ ကို ဒေါ်လာ ၃၀၀ ခန့် အနည်းဆုံး ပေးရသည့် ကျန်းမာရေးအာမခံ ကို ၀ယ်နိုင်ကြသလို၊ အလုပ်က နေလည်း အခမဲ့ရလေ့ရှိကြသည်။ အောက်ခြေလူတန်းစားရွှေ့ပြောင်းအခြေချသူများကမူ တစ်လလျှင် ဒေါ်လာ ၁၀၀ ခန့်ပေးရသော ဈေးအပေါစား ကျန်းမာရေးအာမခံကိုပင် မ၀ယ်နိုင်ကြ။ သူတို့သည် ၀င်ငွေနည်းအချိန်ပိုင်း အလုပ်သမားများဖြစ်သဖြင့် အလုပ်ကနေလည်း မရကြ။ ထို့ကြောင့် သူတို့သည် စရိတ်မျှပေး ကျန်းမာရေးအာမခံဟုခေါ်သော အိုဘားမားကျန်းမာရေးအာမခံစနစ်နှင့် မက်ဒီကိတ်ခေါ်ဝင်ငွေနည်းပါးသူတို့အတွက် အစိုးရကပေးသော ကျန်းမာရေးအာမခံကို အားကိုးကြရသည်။

‘‘ဒါမတရားတာပဲ လူပျင်း တွေ...အလုပ်လုပ်ပြီး ကျန်းမာ ရေးအာမခံကို ကိုယ်တိုင်ဝယ်ပါ လား။ အခုတော့ ကျွန်တော်တို့က အလုပ်လုပ်ပြီး အစိုးရကို အခွန် ငွေဆောင်နေတဲ့ ငွေတွေထဲက သူတို့က အလကားဆေးကုနေကြ တယ်။ မတရားဘူး။ အိုဘားမား ကလည်း အသုံးမကျဘူး မတရား တဲ့ အိုဘားမားကျန်းမာရေးစနစ် ကို ဖျက်ရမယ်’’ဟု ၀ါရှင်တန်ဒီစီ မှာ မကြာသေးမီက ပြုလုပ်ခဲ့သော လူဖြူအမေရိကန်များ ကွန်ဖရင့် မှာ တက်ရောက်သူတစ်ဦးက ပြောကြားခဲ့သည်။

အမှန်က အိုဘားမားကျန်း မာရေးစနစ်ကို အများဆုံးခံစားခွင့်ရနေသူမှာ ၀င်ငွေနည်းလူတန်း စား အာဖရိကန်-အမေရိကန်များ နှင့် စပိန်စကားပြော မက္ကဆီကန် လိုနိုင်ငံများမှ ရွှေ့ပြောင်းလာသူ များက အများစုဖြစ်သည်။ သို့ သော် ယခုနောက်ပိုင်းမှာလည်း မြန်မာဒုက္ခသည်များလည်း ယင်း အုပ်စုထဲပါဝင်လာသည်။ သူတို့ ကလည်း သည်ကျန်းမာရေးစနစ် ကို အဓိကအားထားကြ၏။

တကယ်တမ်းမှာ အမေရိ ကန်နိုင်ငံသည် ကရုဏာတရား ကြီးမားပြီး မြန်မာဒုက္ခသည်များ ကို မလေးရှားနှင့် ထိုင်းနိုင်ငံဒုက္ခ သည်စခန်းများကနေ ခေါ်ယူနေ ခြင်းမဟုတ်ပါ။ တစ်စိတ်တစ်ပိုင်း အားဖြင့် သူ့နိုင်ငံမှာ လိုအပ်နေ သော အောက်ခြေအလုပ်သမား လူတန်းစားတစ်ရပ်ကို ခေါ်ယူ ဖြည့်တင်းခြင်း ဖြစ်သည်။ အမေရိကန်ဒုက္ခသည်များ အေဂျင်စီသည် အမေရိကသို့ ရောက်လာသော မြန်မာဒုက္ခသည်များကို ဝေးလံ ခေါင်းပါးသော ပြည်နယ်များသို့ ပို့ ၏။ အထူးသဖြင့် စိုက်ပျိုးရေး၊ မွေး မြူရေးလုပ်ငန်းများအခြေချရာ အင်ဒီယားနားပြည်နယ်၊ အိုဟိုင်အိုးပြည်နယ်၊ အိုင်အိုဝါ၊ တက္ကဆက်နှင့် အောရီဂွန်နှင့် တောင်ပိုင်းဒါကိုတာပြည်နယ်ကဲ့သို့ နေရာမျိုး ဖြစ်သည်။ ထိုဒေသမှာ စက်ရုံ၊ အလုပ်ရုံများ၊ အသားစက်ရုံများရှိသည်။ သို့သော် ဒေသခံလူဖြူများက တစ်နာရီလျှင် ဒေါ်လာ ၁၀ လောက်သာရသော သည်အလုပ်များကို မလုပ်ချင်ကြ။ သူတို့က နယူးယောက်ကဲ့သို့၊ ချီကာဂိုကဲ့သို့ မြို့ကြီးများမှာ သွားရောက်အခြေချသဖြင့် မြို့မှာ လူဦးရေနည်းပါးပြီး မြို့ပျက်များကဲ့သို့ ဖြစ်နေသည်။ သည်မြို့ပျက်များကို မြန်မာပြည် ကလာရောက်ကြသူ ဒုက္ခသည်များဖြင့် ပြန်လည်အသက်သွင်းကြခြင်း ဖြစ်သည်။ စိုက်ပျိုးမွေးမြူရေးလုပ်ငန်းများမှာ လိုအပ်နေသော လုပ်အားကို ဒုက္ခသည်များ ရွှေ့ပြောင်းအခြေချသူများဖြင့် ဖြည့်တင်းခြင်း ဖြစ်သည်။

သို့သော်လည်း မြန်မာဒုက္ခ သည်များအတွက်ကလည်း မြန် မာနိုင်ငံထက် အစစအရာရာသာ လွန်သော အမေရိကန်နယ်မြို့ လေးများက နိဗ္ဗာန်ဘုံပင် ဖြစ် သည်။ တစ်နာရီကို ဒေါ်လာ ၁၀ နှင့် တစ်နေ့ကို ရှစ်နာရီလုပ်ပြီးရလာသော ဒေါ်လာ ၈၀ သည် သူတို့ဘ၀မှာ အများဆုံးလစာဖြစ်သည်။ သူတို့မှာ ကိုယ်ပိုင်ကားရှိသည်။ အိမ်ကောင်းကောင်းဖြင့် နေနိုင်ကြသည်။ ကလေးများကိုလည်း ကျောင်းကောင်းကောင်းထားနိုင်ကြသည်။ အကောင်းဆုံးအချက်မှာ သူတို့၏ ကျန်းမာရေးအတွက် အမေရိကမှာ ဆေးကောင်းကောင်းကုနိုင်ခြင်း ဖြစ်သည်။

‘‘သူတို့က ကျန်းမာရေးအာ မခံဘယ်ဝယ်နိုင်မလဲ။ တချို့က တော့ စက်ရုံကနေ အလုပ်ကတစ် ဆင့်ရတယ်။ အများစုကတော့ အစိုးရကျန်းမာရေးစနစ်နဲ့ အိုဘားမားရဲ့ စရိတ်မျှပေးကျန်းမာရေး စနစ်နဲ့ ဆေးကုနေကြရတာ။ အ များစုက ၀င်ငွေနည်းလူတန်းစား ဆိုတော့ တစ်ခုမဟုတ်တစ်ခုရကြ တယ်လေ’’ဟု အင်ဒီယားနားပြည်နယ် ကျန်းမာရေးဌာနက မြန်မာ ဒုက္ခသည်များကို ကူညီပေးနေ သော သူနာပြုဆရာမ အိန်ဂျလာ က ပြောသည်။

သူက မြန်မာဒုက္ခသည်များ အတွက် တီဘီဆေးခန်းမှ သူနာပြုဆရာမဖြစ်သည်။ ထရန့်သည် တရားဝင်သမ္မတအဖြစ် ဇန်န၀ါရီ ၂၀ ရက်နေ့မှ ကျမ်းသစ္စာကျိန်ဆို မည် ဖြစ်သည်။ သို့သော် ယခုကတည်းကစပြီး သူ၏ အစိုးရအဖွဲ့ဝင်များကို ရွေးချယ်နေပြီ ဖြစ်သည်။ သူရွေးချယ်လိုက်သည့် လူများကလည်း ရူဒီဂျူလီယန်နီကဲ့သို့ လူဖြူလူမျိုးကြီး ၀ါဒပြင်းထန်သော ရှေးရိုးစွဲသမား လူဖြူအမေရိကန်များသာ ဖြစ်သည်။ ဒေါ်နယ်ထရန့်က သူ၏ ရွေးကောက်ပွဲကတိများနှင့် ပတ်သက်ပြီး ယခုအချိန်တွင် သိပ်ဖိအားပေးခြင်းမရှိသေးပေ။ သူက လူထုအုံကြွမည်ကို စိုးရိမ်စွာဖြင့် စုစည်းညီညွတ်မှုကို ပြောနေပါသေးသည်။ သို့ရာတွင် တစ်ချိန်တည်းမှာပင် တရားမ၀င်အခြေချလာသူ ၁၁ သန်းထဲက သုံးသန်းကို အရင်ပြန်ပို့မည်ဟု စကားများကို စပြောလာပြီ ဖြစ်၏။ အိုဘားမား၏ ကျန်းမာရေးအာမခံနှင့် ပတ်သက်ပြီး အချို့အချက်များကို ပယ်ပြီး တချို့အ ချက်များကို လက်ခံမည်ဟု စတင် ပြောနေသည်။

အချို့ကတော့ ထရန့်သည် အိုဘားမား၏ ကျန်းမာရေးအာမခံ စနစ်ကို ဖျက်ရဲမည်ဟု မယူဆကြ။သို့သော်လည်း သည်အချက်က သူ၏ အားအကောင်းဆုံးမဲဆွယ် ကတိဖြစ်သည်။ လုံးဝမဖျက်လျှင် တောင် သူ့ကို ထောက်ခံသူများ ကျေနပ်အောင် အနည်းငယ်တော့ အပြောင်းအလဲလုပ်မည် ဖြစ်၏။ မည်သို့ပင်ဖြစ်စေ အနည်းငယ်မျှ သာပင် အပြောင်းအလဲလုပ်ပါစေ ဦး။ သည်အာမခံများဖြင့် ကျန်းမာရေးစောင့်ရှောက်မှုခံနေရသော ၀င်ငွေနည်းလူတန်းစားများအ တွက် အခြေအနေသိပ်မကောင်း တော့။

သည်သတင်းများကို ကျန်း မာရေးဌာနကနေ ဟိုတစ်စသည် တစ်စကြားလာရသော ကင်ဆတ် ပြည်နယ်က ကလေးသုံးယောက် မိခင် ကယားအမျိုးသမီးလေး ပါးရဲလ်မှာ ဒေါ်နယ်ထရန့်ကို အတော်ကြောက်နေရှာသည်။ သူ တို့ နောင်ရေးအတွက် စိတ်ပူလာ သည်။ ထရန့်ကို မဲပေးခဲ့သော သူ့ ယောက်ျားကိုလည်း ပြဿနာရှာ ရန်လုပ်၏။

‘‘သူဖြင့် ဘာမှနားမလည်ဘဲ ထရန့်ကို မဲပေးလာတာ။ ငါသိပ် စိတ်ညစ်တယ်။ သူ့အလုပ်က ကျန်းမာရေးအာမခံမရဘူး။ တ ကယ်ဆို ငါ့ကိုမေးပါဦးလား။ အခု ဒီလူကြီးသမ္မတဖြစ်တယ်ဆို တော့ ငါတို့က ကလေးသုံးယောက်နဲ့ ကျန်းမာရေးအာမခံမရှိရင် ဘယ်လိုဆေးကုမတုံး’’။


ထားထားမြင့်
7Daydaily