အထက္လႊတ္ေတာ္အမတ္ Ted Cruz ေရြးေကာက္္ပြဲ ယွဥ္ၿပိဳင္မႈရပ္ဆုိင္း

အေမရိကန္ျပည္ေထာင္စု အေနာက္အလယ္ပုိင္း Indiana ျပည္နယ္မွာ ျပဳလုပ္တဲ့ ပါတီတြင္း သမၼတကုိယ္စားလွယ္ေလာင္း ေရြးခ်ယ္မႈေတြမွာ ရီပတ္ဘလစ္ကန္ပါတီတြင္း ေရွ႕ကေန ဦးေဆာင္ေနတဲ့ ဘီလီယံနာသူေဌးႀကီး Donald Trump က အျပတ္အသတ္ အႏုိင္ရမယ္လုိ႔ အေမရိကန္ ႐ုပ္ျမင္သံၾကားသတင္းေတြမွာ ခန္႔မွန္းေျပာဆုိေနခ်ိန္မွာပဲ ၿပိဳင္ဘက္ျဖစ္တဲ့ အထက္လႊတ္ေတာ္အမတ္ Ted Cruz အေနနဲ႔ သမၼတေလာင္း ေရြးခ်ယ္ပြဲေတြမွာ ဆက္ၿပီး ၿပိဳင္ေတာ့မွာ မဟုတ္ဘူးလို႔ ေၾကညာလိုက္ပါတယ္။

ေရြးေကာက္ပြဲယွဥ္ၿပိဳင္မႈကို ရပ္ဆုိင္းလုိက္ေပမဲ့ အေမရိကန္ျပည္သူေတြရဲ႕ လြတ္ေျမာက္ေရး လႈပ္ရွားမႈကိုေတာ့ ရပ္ဆုိင္းလိုက္တာ မဟုတ္ပါဘူးဆုိၿပီး သူ႔ကို ေထာက္ခံသူေတြကို Ted Cruz က ေျပာဆုိပါတယ္။

Donlad Trump ဟာ သူ႔ရဲ႕ အနီးကပ္ဆုံး ၿပိဳင္ဘက္ Texas ျပည္နယ္ အထက္လႊတ္ေတာ္အမတ္ Ted Cruz ကုိ အျပတ္အသတ္ အႏုိင္ရလိမ့္မယ္လို႔ ေမွ်ာ္လင့္ရၿပီး တျခား ၿပိဳင္ဘက္တဦးျဖစ္တဲ့ Ohio ျပည္နယ္ အုပ္ခ်ဳပ္ေရးမွဴး John Kasich ကေတာ့ တတိယေနရာမွာ အျပတ္အသတ္ က်န္ရစ္ခဲ့ပါတယ္။

ဒီမုိကရက္ပါတီဘက္မွာေတာ့ - ပါတီတြင္း ေရြးခ်ယ္မႈေတြ မတုိင္ခင္မွာ ေကာက္ယူခဲဲ့တဲ့ စစ္တမ္းေတြအရ ႏုိင္ငံျခားေရး၀န္ႀကီး Hillary Clinton နဲ႔ ၿပိဳင္ဘက္ Vermont ျပည္နယ္ အထက္လႊတ္ေတာ္အမတ္ Bernie Sanders တုိ႔ ၂ ဦးဟာ သူမသာ ကုိယ္မသာ ျဖစ္ေနတယ္လုိ႔ ေဖာ္ျပၾကေပမဲ့ ေလာေလာဆယ္ မဲေတြ တ၀က္ေလာက္ ေရတြက္ၿပီးတဲ့အခ်ိန္မွာေတာ့ Bernie Sanders က အနည္းငယ္ အသာစီး ရေနပါတယ္။

Indiana ျပည္နယ္ ေရြးေကာက္ပြဲကေန သမၼတေလာင္းအျဖစ္ အမည္စာရင္းတင္သြင္းမယ့္ ကိုယ္စားလွယ္ ၄၂ ေယာက္ကို Donald Trump ရသြားႏုိင္ပါတယ္။ ဒီ ၄၂ ေယာက္ရ႐ုံနဲ႔ လိုအပ္တဲ့ ကိုယ္စားလွယ္ အေရအတြက္ ၁၂၃၇ ေယာက္ကို မရေပမဲ့လည္း ဂ်ဴလိုင္လ က်င္းပမယ့္ ရီပတ္ဘလစ္ကန္ ပါတီညီလာခံမွာ အမည္စာရင္း တင္သြင္းခံရသူအျဖစ္ ႀကိဳတင္ခန္႔မွန္းႏုိင္ၿပီလို႔ သူ႔ကိုယ္သူနဲ႔ ေထာက္ခံသူေတြ ေၾကညာႏုိင္မွာ ျဖစ္ပါတယ္။

လယ္ယာလုပ္ငန္းနဲ႔ စက္မႈလုပ္ငန္းေတြရွိၿပီး ကြန္ဆာေဗးတစ္ အမ်ားအျပား ေနထိုင္တဲ့ Indiana ျပည္နယ္ ပဏာမေရြးေကာက္ပြဲမွာ အႏုိင္ရၿပီဆုိရင္ သူ႔အေနနဲ႔ ဆက္ၿပိဳင္စရာ မလုိေတာ့ဘူး။ အႏုိင္ရေနၿပီဆုိၿပီး Donald Turmp က ေထာက္ခံသူေတြကို မဲဆြယ္ပြဲမွာ ေျပာဆိုခဲ့ပါတယ္။

ဗြီအိုေအ (ျမန္မာပုိင္း)
http://burmese.voanews.com

............................................


အမေရိကန်ပြည်ထောင်စု အနောက်အလယ်ပိုင်း Indiana ပြည်နယ်မှာ ပြုလုပ်တဲ့ ပါတီတွင်း သမ္မတကိုယ်စားလှယ်လောင်း ရွေးချယ်မှုတွေမှာ ရီပတ်ဘလစ်ကန်ပါတီတွင်း ရှေ့ကနေ ဦးဆောင်နေတဲ့ ဘီလီယံနာသူဌေးကြီး Donald Trump က အပြတ်အသတ် အနိုင်ရမယ်လို့ အမေရိကန် ရုပ်မြင်သံကြားသတင်းတွေမှာ ခန့်မှန်းပြောဆိုနေချိန်မှာပဲ ပြိုင်ဘက်ဖြစ်တဲ့ အထက်လွှတ်တော်အမတ် Ted Cruz အနေနဲ့ သမ္မတလောင်း ရွေးချယ်ပွဲတွေမှာ ဆက်ပြီး ပြိုင်တော့မှာ မဟုတ်ဘူးလို့ ကြေညာလိုက်ပါတယ်။

ရွေးကောက်ပွဲယှဉ်ပြိုင်မှုကို ရပ်ဆိုင်းလိုက်ပေမဲ့ အမေရိကန်ပြည်သူတွေရဲ့ လွတ်မြောက်ရေး လှုပ်ရှားမှုကိုတော့ ရပ်ဆိုင်းလိုက်တာ မဟုတ်ပါဘူးဆိုပြီး သူ့ကို ထောက်ခံသူတွေကို Ted Cruz က ပြောဆိုပါတယ်။

Donlad Trump ဟာ သူ့ရဲ့ အနီးကပ်ဆုံး ပြိုင်ဘက် Texas ပြည်နယ် အထက်လွှတ်တော်အမတ် Ted Cruz ကို အပြတ်အသတ် အနိုင်ရလိမ့်မယ်လို့ မျှော်လင့်ရပြီး တခြား ပြိုင်ဘက်တဦးဖြစ်တဲ့ Ohio ပြည်နယ် အုပ်ချုပ်ရေးမှူး John Kasich ကတော့ တတိယနေရာမှာ အပြတ်အသတ် ကျန်ရစ်ခဲ့ပါတယ်။

ဒီမိုကရက်ပါတီဘက်မှာတော့ - ပါတီတွင်း ရွေးချယ်မှုတွေ မတိုင်ခင်မှာ ကောက်ယူခဲဲ့တဲ့ စစ်တမ်းတွေအရ နိုင်ငံခြားရေးဝန်ကြီး Hillary Clinton နဲ့ ပြိုင်ဘက် Vermont ပြည်နယ် အထက်လွှတ်တော်အမတ် Bernie Sanders တို့ ၂ ဦးဟာ သူမသာ ကိုယ်မသာ ဖြစ်နေတယ်လို့ ဖော်ပြကြပေမဲ့ လောလောဆယ် မဲတွေ တဝက်လောက် ရေတွက်ပြီးတဲ့အချိန်မှာတော့ Bernie Sanders က အနည်းငယ် အသာစီး ရနေပါတယ်။

Indiana ပြည်နယ် ရွေးကောက်ပွဲကနေ သမ္မတလောင်းအဖြစ် အမည်စာရင်းတင်သွင်းမယ့် ကိုယ်စားလှယ် ၄၂ ယောက်ကို Donald Trump ရသွားနိုင်ပါတယ်။ ဒီ ၄၂ ယောက်ရရုံနဲ့ လိုအပ်တဲ့ ကိုယ်စားလှယ် အရေအတွက် ၁၂၃၇ ယောက်ကို မရပေမဲ့လည်း ဂျူလိုင်လ ကျင်းပမယ့် ရီပတ်ဘလစ်ကန် ပါတီညီလာခံမှာ အမည်စာရင်း တင်သွင်းခံရသူအဖြစ် ကြိုတင်ခန့်မှန်းနိုင်ပြီလို့ သူ့ကိုယ်သူနဲ့ ထောက်ခံသူတွေ ကြေညာနိုင်မှာ ဖြစ်ပါတယ်။

လယ်ယာလုပ်ငန်းနဲ့ စက်မှုလုပ်ငန်းတွေရှိပြီး ကွန်ဆာဗေးတစ် အများအပြား နေထိုင်တဲ့ Indiana ပြည်နယ် ပဏာမရွေးကောက်ပွဲမှာ အနိုင်ရပြီဆိုရင် သူ့အနေနဲ့ ဆက်ပြိုင်စရာ မလိုတော့ဘူး။ အနိုင်ရနေပြီဆိုပြီး Donald Turmp က ထောက်ခံသူတွေကို မဲဆွယ်ပွဲမှာ ပြောဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com