မၿဖိဳးၿဖိဳးေအာင္ နဲ႔ ဆက္သြယ္ ေမးျမန္း

နႏၵစစ္ေအာင္၊ ၿဖိဳးၿဖိဳးေအာင္ ၊ မင္းေသြးသစ္ သာယာဝတီ အက်ဥ္းေထာင္မွ ျပန္လည္ လြတ္ေျမာက္။

ပညာေရးဆိုင္ရာ စနစ္ ျပဳျပင္ေျပာင္းလဲေရးေတြ အတြက္ ျပန္လည္ လြတ္ေျမာက္ လာၾကတဲ့ ေက်ာင္းသားေတြ အေနနဲ႔ ဆက္ၿပီး ေဆာင္ရြက္သြားၾကမွာျဖစ္ၿပီး၊ အမ်ိဳးသား ပညာေရး ဥပေဒျပင္ဆင္ေရး အတြက္ ညိႇႏိႈင္း ေဆာင္ရြက္မႈေတြ လုပ္သြားမယ္ လို႔ ဗကသမ်ားအဖဲြ႔ခ်ဳပ္ အေထြေထြအတြင္းေရးမွဴး မၿဖိဳးၿဖိဳးေအာင္က ဗီြအိုေအကို ေျပာပါတယ္။ မၿဖိဳးၿဖိဳးေအာင္ဟာ ဗီြအိုေအရဲ႕ ညပိုင္း အသံလႊင့္ေနခ်ိန္ အထိ သာယာ၀တီေထာင္ေရွ႕မွာ လႊတ္မိန္႔ကို ေစာင့္ေနရဆဲပါ။ အခုဆိုရင္ေတာ့ မၿဖိဳးၿဖိဳးေအာင္၊ မင္းေသြးသစ္နဲ႔ နႏၵစစ္ေအာင္စတဲ့ ေက်ာင္းသားေခါင္းေဆာင္ေတြ သာယာဝတီအက်ဥ္းေထာင္ကေန ျပန္လြတ္ေျမာက္သြားၿပီျဖစ္ပါတယ္။

သူတို႔ မလြတ္ခင္ အခ်ိန္ပိုင္းမွာ မၿဖိဳးၿဖိဳးေအာင္ကို ရန္ႏိုင္က ဆက္သြယ္ေမးျမန္း ထားတာျဖစ္ပါတယ္။

မၿဖိဳးၿဖိဳးေအာင္။ ။ "ျမိဳ႕နယ္ေတြကေနျပီးေတာ့ ဥပမာ က်မဆိုလို႔ရွိရင္ က်မကို တရားစြဲထားတာ (၁၀) ျမိဳ႕နယ္ (၁၀) ႐ံုး ရွိပါတယ္။ အဲဒီ (၁၀) ျမိဳ႕နယ္ (၁၀) ရုံးကေနျပီးေတာ့ အခုဆိုရင္ သာယာဝတီ တရားရုံးကေနျပီးေတာ့ လႊတ္ ဝရမ္းေပးလိုက္တယ္။ ဒါေပမယ္႕ ရန္ကုန္က (၉) ရုံးရဲ့ လႊတ္ဝရမ္းကိုေစာင့္ရတာ။ အဲ့လိုအေနအထားမ်ိဳးပါ။ (၉) ရုံး စုံေအာင္ ေစာင့္ေနရတယ္ေပါ့။ ကိုနႏၵစစ္ေအာင္ဆိုလည္း သူ႔ရဲ႕ တရားစြဲဆိုခံထားရတဲ့ ႐ံုးေတြရဲ႕ ဝရမ္းကို ေစာင့္ရတယ္။ ကိုမင္းေသြးသစ္ဆိုလည္း အလားတူပါပဲ။ တရားစြဲဆိုထားတဲ့ ႐ံုးေတြရဲ႕ ဝရမ္းကို ေစာင့္ရတယ္ေပါ့။ အဲ့တာေၾကာင့္ လႊတ္ဝရမ္းေတြကို ေစာင့္ေနဆဲပါပဲ။ ေနာက္တခုက က်မတို႔ သိထားသေလာက္ကေတာ့ ဒီေထာင္ကို လာပို႔တာ မဟုတ္ပဲနဲ႔ အင္းစိန္ေထာင္ကို ပဲ လႊတ္ဝရမ္းေတြ အားလံုး အကုန္လံုးပို႔ၿပီးေတာ့ အင္းစိန္ေထာင္က ေထာင္အခ်င္းခ်င္း လွမ္းၿပီးေတာ့ Fax နဲ႔ေပါ့ေနာ္ လွမ္းပို႔တဲ့ပံုစံမ်ိဳး လုပ္မွာေပါ့။ အခုေလာေလာဆယ္ေတာ့ မဝင္ေသးဘူးလို႔ ၾကားပါတယ္ရွင့္။"

ကိုရန္ႏုိင္။ ။ ဒီေန႔ေတာ့ အမိန္႔ရလာမယ္လို႔ ေမွ်ာ္လင့္ရတာေပါ့။

မၿဖိဳးၿဖိဳးေအာင္။ ။ ဟုတ္ကဲ့။ အခုအခ်ိန္အထိကေတာ့ ေစာင့္ေနဆဲ ကာလျဖစ္ေနတာေပါ့။ ဒီေန႔ထဲမွာပဲ အမိန္႔ရလာဖို႔ ေမွ်ာ္လင့္ၾကတာေပါ့။

ကိုရန္ႏုိင္။ ။ မၿဖိဳးၿဖိဳးေအာင္တို႔ လြတ္သြားၿပီဆိုရင္ ဘာေတြ ဆက္လုပ္သြားဖို႔ စဥ္းစားထားပါသလဲ။

မၿဖိဳးၿဖိဳးေအာင္။ ။ က်မတို႔ ဗကသမ်ား အဖြဲ႔ခ်ဳပ္ကေတာ့ မူလ လုပ္ငန္းစဥ္ေတြ ရွိတယ္။ ဗကသရဲ႕ မူ ငါးခ်က္ျဖစ္တဲ့ အမ်ိဳးသားေရး၊ ဒီမိုကေရစီေရး၊ ဒီမိုကေရစီ ပညာေရး၊ ေက်ာင္းသားထု အခြင့္အေရး ကာကြယ္ေရးနဲ႔ ၿငိမ္းခ်မ္းေရး ဆိုတဲ့ မူငါးခ်က္ အေပၚမွာ အေျခခံတဲ့ က်မတို႔ရဲ႕ လုပ္ငန္းစဥ္ေတြက ဆက္ၿပီးေတာ့ သြားမွာပါ။ အဲ့ဒီ့အထဲမွာမွ အေရးႀကီးတဲ့ က်မတို႔သပိတ္လည္း ဆက္ၿပီးရွိေနေသးတဲ့ ပညာေရးျပဳျပင္ေျပာင္းလဲေရး အတြက္ က်မတို႔ လႈပ္ရွားမႈေတြကလည္း ရွိေနဦးမွာပဲ။

ေနာက္ဆံုးတခ်က္ကေတာ့ က်မတို႔ ေက်ာင္းသားထု ညီလာခံမွာ အရင္တႏွစ္က က်မတို႔ ေက်ာင္းသားထု ညီလာခံကို ၂၀၁၅ မတ္လ မွာ ေနာက္ဆံုးထားၿပီး မက်င္းပႏုိင္ခဲ့ဘူး။ က်မတို႔ အေရးႀကီးတဲ့ အမ်ိဳးသားပညာေရးဥပေဒကို ျပင္ဆင္ဖို႔ က်မတို႔ သပိတ္ေမွာက္ခဲ့တယ္။ သပိတ္ေမွာက္လို႔ အက်ဥ္းေထာင္ထဲေရာက္ခဲ့ေတာ့ က်မတို႔ ညီလာခံက မျဖစ္လာခဲ့ဘူးေပါ့ေနာ္။ အဲ့ေတာ့ အဖြဲ႔ခ်ဳပ္ရဲ႕ ဗဟိုအလုပ္အမႈေဆာင္ေကာ္မတီ ျပန္လည္ေရြးခ်ယ္မယ့္ ကာလျဖစ္ပါလိမ့္မယ္။

ကိုရန္ႏုိင္။ ။ မၿဖိဳးၿဖိဳးေအာင္တို႔က အမ်ိဳးသားပညာေရးဥပေဒနဲ႔ပတ္သက္ၿပီးေတာ့ အခုလို ေတာင္းဆိုဆႏၵျပခဲ့လို႔ ဖမ္းဆီး ခံခဲ့ရတယ္။ အခုျပန္လြတ္ေျမာက္လာတဲ့ အခ်ိန္မွာလည္း ဆက္ၿပီးေတာ့ လုပ္သြားမယ္ ဆိုေတာ့ အခု အမ်ိဳးသားပညာေရး ဥပေဒနဲ႔ ပတ္သက္ၿပီးေတာ့ NNER နဲ႔ NLD နဲ႔လည္း ပညာေရးဥပေဒျပင္ဆင္ဖို႔ ကိစၥမွာ နည္းနည္းေလး ထိပ္တိုက္ေတြ႔ခဲ့တဲ့ အေနအထားေလး ရွိေတာ့ အခု မၿဖိဳးၿဖိဳးေအာင္တို႔ အခုဆက္လုပ္သြားမယ့္ ဥစၥာကေရာ ဘယ္လိုအေနအထားမ်ိဳး ရွိႏိုင္မလဲ။

မၿဖိဳးၿဖိဳးေအာင္။ ။ က်မတို႔ကေတာ့ အရင္ဦးသိန္းစိန္အစိုးရ လက္ထက္တုန္း ကေတာင္ ေဆြးေႏြးပြဲေတြ ေတာက္ေလ်ာက္တက္တယ္။ ေဆြးေႏြးတယ္။ ညိႇႏိႈင္းတယ္ ေတာက္ေလ်ာက္ လုပ္ခဲ့ပါတယ္။ က်မတို႔ရဲ႕ ဆႏၵေတြ က်မတို႔ရဲ႕ ေဆြးေႏြးခ်က္ေတြကို လံုးဝ လ်စ္လ်ဴရႈ႕ ထားတဲ့အခါက်ေတာ့ က်မတို႔ ၿငိမ္းခ်မ္းစြာ ဆႏၵျပတဲ့ ပံုစံကို ေရြးၿပီးေတာ့ က်မတို႔ ဆႏၵျပပြဲေတြ ေဖာ္ေဆာင္ခဲ့တာပါ။ ဒါေၾကာင့္မို႔လို႔ က်မတို႔ကေတာ့ ညိႇႏိႈင္းေဆာင္ရြက္ဖို႔ နည္းလမ္းကေတာ့ အျမဲတမ္း သံုးပါတယ္။ ျပည္သူလူထုရဲ႕ မဲဆႏၵနဲ႔ ၇၅% ေသာ လႊတ္ေတာ္ ကိုယ္စားလွယ္ေတြက ေရြးခ်ယ္လိုက္တဲ့ အစိုးရအဖြဲ႔နဲ႔ ညိႇႏိႈင္းတဲ့ ေနရာမွာလည္း က်မတို႔အေနနဲ႔ ပိုၿပီးေတာ့ ဒီမိုကေရစီ ပံုစံမ်ိဳး က်ေအာင္ ညိႇႏိႈင္းေဆြးေႏြးမႈ နည္းလမ္းကို က်မတို႔ကေတာ့ အျမဲတမ္း ပူးေပါင္းေဆာင္ရြက္တဲ့ နည္းလမ္းကစၿပီး က်မတို႔က သြားမွာျဖစ္ပါတယ္။

ကိုရန္ႏုိင္။ ။ အစိုးရေျပာင္းသြားၿပီဆုိေတာ့ မၿဖိဳးၿဖိဳးေအာင္တို႔ရဲ႕ ေတာင္းဆိုခ်က္ေတြ လုိလားခ်က္ေတြ ျပည့္ဝ လာလိမ့္မယ္လို႔ ေမွ်ာ္လင့္ထားလား။ ဘယ္ေလာက္ အထိ ေမွ်ာ္လင့္ထားလဲ။

မၿဖိဳးၿဖိဳးေအာင္။ ။ က်မတို႔ လက္ရွိေပါ့ေနာ္။ အစိုးရသစ္ကေတာ့ ပညာေရးျပဳျပင္ေျပာင္းလဲေရး အတြက္ စၿပီးေတာ့ လုပ္ေဆာင္ေနတာ တခ်ိဳ႕ကို ေတြ႔ေနရတယ္။ လက္ရွိအစိုးရကလည္း က်မတို႔နဲ႔ ယံုၾကည္မႈရွိတယ္။ က်မတို႔နဲ႔ သိပ္ၿပီးေတာ့ မကြဲျပားလွဘူးလို႔ က်မတို႔ေတြးတယ္။ တခ်ိဳ႕ အေျခခံ အခ်က္အလက္ေတြမွာေတာ့ က်မတို႔ သြားခ်င္တဲ့ ပံုစံေတြ ကြာဟခ်က္ေတာ့ ရွိေကာင္းရွိႏုိင္တယ္။ ဒါကိုလည္း က်မတို႔ ညိႇႏိႈင္းေဆြးေႏြးမယ္ ဆိုလို႔ရွိရင္ ေျပလည္ႏုိင္လိမ့္မယ္လို႔ က်မတို႔ကေတာ့ ေမွ်ာ္လင့္ထားပါတယ္ရွင့္။ တကယ္သာ ပညာရွင္ေတြ တိုင္ပင္ညိႇႏိႈင္းၾကမယ္။ က်မတို႔ကလည္း က်မတို႔ျဖစ္ခ်င္တဲ့ ဆႏၵေလးေတြနဲ႔ ဝိုင္းဝန္းေဆြးေႏြးၾကမယ္ ဆိုလို႔ရွိရင္ေတာ့ ေအာင္ျမင့္လိမ့္မယ္လို႔ က်မအေနနဲ႔ ေမွ်ာ္လင့္ပါတယ္။

ၿဖိဳးၿဖိဳးေအာင္ မင္းေသြးသစ္နဲ႔ ေက်ာင္းသားေခါင္းေဆာင္ေတြ အကုန္လံုး မလြတ္ခင္ အခ်ိန္ပိုင္းမွာ မၿဖိဳးၿဖိဳးေအာင္ကို ရန္ႏိုင္က ဆက္သြယ္ေမးျမန္းထားတာျဖစ္ပါတယ္။ အခုဆိုရင္ေတာ့ မၿဖိဳးၿဖိဳးေအာင္ အပါအဝင္ ေက်ာင္းသားေခါင္းေဆာင္ေတြ ျပန္လည္ လြတ္ေျမာက္သြားၿပီျဖစ္ပါတယ္။

ကုိရန္ႏုိင္ / ဗြီအုိေအ (ျမန္မာပုိင္း)
http://burmese.voanews.com

..............................................


နန္ဒစစ်အောင်၊ ဖြိုးဖြိုးအောင် ၊ မင်းသွေးသစ် သာယာဝတီ အကျဉ်းထောင်မှ ပြန်လည် လွတ်မြောက်။
ပညာရေးဆိုင်ရာ စနစ် ပြုပြင်ပြောင်းလဲရေးတွေ အတွက် ပြန်လည် လွတ်မြောက် လာကြတဲ့ ကျောင်းသားတွေ အနေနဲ့ ဆက်ပြီး ဆောင်ရွက်သွားကြမှာဖြစ်ပြီး၊ အမျိုးသား ပညာရေး ဥပဒေပြင်ဆင်ရေး အတွက် ညှိနှိုင်း ဆောင်ရွက်မှုတွေ လုပ်သွားမယ် လို့ ဗကသများအဖွဲ့ချုပ် အထွေထွေအတွင်းရေးမှူး မဖြိုးဖြိုးအောင်က ဗွီအိုအေကို ပြောပါတယ်။ မဖြိုးဖြိုးအောင်ဟာ ဗွီအိုအေရဲ့ ညပိုင်း အသံလွှင့်နေချိန် အထိ သာယာဝတီထောင်ရှေ့မှာ လွှတ်မိန့်ကို စောင့်နေရဆဲပါ။ အခုဆိုရင်တော့ မဖြိုးဖြိုးအောင်၊ မင်းသွေးသစ်နဲ့ နန္ဒစစ်အောင်စတဲ့ ကျောင်းသားခေါင်းဆောင်တွေ သာယာဝတီအကျဉ်းထောင်ကနေ ပြန်လွတ်မြောက်သွားပြီဖြစ်ပါတယ်။

သူတို့ မလွတ်ခင် အချိန်ပိုင်းမှာ မဖြိုးဖြိုးအောင်ကို ရန်နိုင်က ဆက်သွယ်မေးမြန်း ထားတာဖြစ်ပါတယ်။

မဖြိုးဖြိုးအောင်။ ။ "မြို့နယ်တွေကနေပြီးတော့ ဥပမာ ကျမဆိုလို့ရှိရင် ကျမကို တရားစွဲထားတာ (၁၀) မြို့နယ် (၁၀) ရုံး ရှိပါတယ်။ အဲဒီ (၁၀) မြို့နယ် (၁၀) ရုံးကနေပြီးတော့ အခုဆိုရင် သာယာဝတီ တရားရုံးကနေပြီးတော့ လွှတ် ဝရမ်းပေးလိုက်တယ်။ ဒါပေမယ့် ရန်ကုန်က (၉) ရုံးရဲ့ လွှတ်ဝရမ်းကိုစောင့်ရတာ။ အဲ့လိုအနေအထားမျိုးပါ။ (၉) ရုံး စုံအောင် စောင့်နေရတယ်ပေါ့။ ကိုနန္ဒစစ်အောင်ဆိုလည်း သူ့ရဲ့ တရားစွဲဆိုခံထားရတဲ့ ရုံးတွေရဲ့ ဝရမ်းကို စောင့်ရတယ်။ ကိုမင်းသွေးသစ်ဆိုလည်း အလားတူပါပဲ။ တရားစွဲဆိုထားတဲ့ ရုံးတွေရဲ့ ဝရမ်းကို စောင့်ရတယ်ပေါ့။ အဲ့တာကြောင့် လွှတ်ဝရမ်းတွေကို စောင့်နေဆဲပါပဲ။ နောက်တခုက ကျမတို့ သိထားသလောက်ကတော့ ဒီထောင်ကို လာပို့တာ မဟုတ်ပဲနဲ့ အင်းစိန်ထောင်ကို ပဲ လွှတ်ဝရမ်းတွေ အားလုံး အကုန်လုံးပို့ပြီးတော့ အင်းစိန်ထောင်က ထောင်အချင်းချင်း လှမ်းပြီးတော့ Fax နဲ့ပေါ့နော် လှမ်းပို့တဲ့ပုံစံမျိုး လုပ်မှာပေါ့။ အခုလောလောဆယ်တော့ မဝင်သေးဘူးလို့ ကြားပါတယ်ရှင့်။"

ကိုရန်နိုင်။ ။ ဒီနေ့တော့ အမိန့်ရလာမယ်လို့ မျှော်လင့်ရတာပေါ့။

မဖြိုးဖြိုးအောင်။ ။ ဟုတ်ကဲ့။ အခုအချိန်အထိကတော့ စောင့်နေဆဲ ကာလဖြစ်နေတာပေါ့။ ဒီနေ့ထဲမှာပဲ အမိန့်ရလာဖို့ မျှော်လင့်ကြတာပေါ့။

ကိုရန်နိုင်။ ။ မဖြိုးဖြိုးအောင်တို့ လွတ်သွားပြီဆိုရင် ဘာတွေ ဆက်လုပ်သွားဖို့ စဉ်းစားထားပါသလဲ။

မဖြိုးဖြိုးအောင်။ ။ ကျမတို့ ဗကသများ အဖွဲ့ချုပ်ကတော့ မူလ လုပ်ငန်းစဉ်တွေ ရှိတယ်။ ဗကသရဲ့ မူ ငါးချက်ဖြစ်တဲ့ အမျိုးသားရေး၊ ဒီမိုကရေစီရေး၊ ဒီမိုကရေစီ ပညာရေး၊ ကျောင်းသားထု အခွင့်အရေး ကာကွယ်ရေးနဲ့ ငြိမ်းချမ်းရေး ဆိုတဲ့ မူငါးချက် အပေါ်မှာ အခြေခံတဲ့ ကျမတို့ရဲ့ လုပ်ငန်းစဉ်တွေက ဆက်ပြီးတော့ သွားမှာပါ။ အဲ့ဒီ့အထဲမှာမှ အရေးကြီးတဲ့ ကျမတို့သပိတ်လည်း ဆက်ပြီးရှိနေသေးတဲ့ ပညာရေးပြုပြင်ပြောင်းလဲရေး အတွက် ကျမတို့ လှုပ်ရှားမှုတွေကလည်း ရှိနေဦးမှာပဲ။

နောက်ဆုံးတချက်ကတော့ ကျမတို့ ကျောင်းသားထု ညီလာခံမှာ အရင်တနှစ်က ကျမတို့ ကျောင်းသားထု ညီလာခံကို ၂၀၁၅ မတ်လ မှာ နောက်ဆုံးထားပြီး မကျင်းပနိုင်ခဲ့ဘူး။ ကျမတို့ အရေးကြီးတဲ့ အမျိုးသားပညာရေးဥပဒေကို ပြင်ဆင်ဖို့ ကျမတို့ သပိတ်မှောက်ခဲ့တယ်။ သပိတ်မှောက်လို့ အကျဉ်းထောင်ထဲရောက်ခဲ့တော့ ကျမတို့ ညီလာခံက မဖြစ်လာခဲ့ဘူးပေါ့နော်။ အဲ့တော့ အဖွဲ့ချုပ်ရဲ့ ဗဟိုအလုပ်အမှုဆောင်ကော်မတီ ပြန်လည်ရွေးချယ်မယ့် ကာလဖြစ်ပါလိမ့်မယ်။

ကိုရန်နိုင်။ ။ မဖြိုးဖြိုးအောင်တို့က အမျိုးသားပညာရေးဥပဒေနဲ့ပတ်သက်ပြီးတော့ အခုလို တောင်းဆိုဆန္ဒပြခဲ့လို့ ဖမ်းဆီး ခံခဲ့ရတယ်။ အခုပြန်လွတ်မြောက်လာတဲ့ အချိန်မှာလည်း ဆက်ပြီးတော့ လုပ်သွားမယ် ဆိုတော့ အခု အမျိုးသားပညာရေး ဥပဒေနဲ့ ပတ်သက်ပြီးတော့ NNER နဲ့ NLD နဲ့လည်း ပညာရေးဥပဒေပြင်ဆင်ဖို့ ကိစ္စမှာ နည်းနည်းလေး ထိပ်တိုက်တွေ့ခဲ့တဲ့ အနေအထားလေး ရှိတော့ အခု မဖြိုးဖြိုးအောင်တို့ အခုဆက်လုပ်သွားမယ့် ဥစ္စာကရော ဘယ်လိုအနေအထားမျိုး ရှိနိုင်မလဲ။

မဖြိုးဖြိုးအောင်။ ။ ကျမတို့ကတော့ အရင်ဦးသိန်းစိန်အစိုးရ လက်ထက်တုန်း ကတောင် ဆွေးနွေးပွဲတွေ တောက်လျောက်တက်တယ်။ ဆွေးနွေးတယ်။ ညှိနှိုင်းတယ် တောက်လျောက် လုပ်ခဲ့ပါတယ်။ ကျမတို့ရဲ့ ဆန္ဒတွေ ကျမတို့ရဲ့ ဆွေးနွေးချက်တွေကို လုံးဝ လျစ်လျူရှု့ ထားတဲ့အခါကျတော့ ကျမတို့ ငြိမ်းချမ်းစွာ ဆန္ဒပြတဲ့ ပုံစံကို ရွေးပြီးတော့ ကျမတို့ ဆန္ဒပြပွဲတွေ ဖော်ဆောင်ခဲ့တာပါ။ ဒါကြောင့်မို့လို့ ကျမတို့ကတော့ ညှိနှိုင်းဆောင်ရွက်ဖို့ နည်းလမ်းကတော့ အမြဲတမ်း သုံးပါတယ်။ ပြည်သူလူထုရဲ့ မဲဆန္ဒနဲ့ ရ၅% သော လွှတ်တော် ကိုယ်စားလှယ်တွေက ရွေးချယ်လိုက်တဲ့ အစိုးရအဖွဲ့နဲ့ ညှိနှိုင်းတဲ့ နေရာမှာလည်း ကျမတို့အနေနဲ့ ပိုပြီးတော့ ဒီမိုကရေစီ ပုံစံမျိုး ကျအောင် ညှိနှိုင်းဆွေးနွေးမှု နည်းလမ်းကို ကျမတို့ကတော့ အမြဲတမ်း ပူးပေါင်းဆောင်ရွက်တဲ့ နည်းလမ်းကစပြီး ကျမတို့က သွားမှာဖြစ်ပါတယ်။

ကိုရန်နိုင်။ ။ အစိုးရပြောင်းသွားပြီဆိုတော့ မဖြိုးဖြိုးအောင်တို့ရဲ့ တောင်းဆိုချက်တွေ လိုလားချက်တွေ ပြည့်ဝ လာလိမ့်မယ်လို့ မျှော်လင့်ထားလား။ ဘယ်လောက် အထိ မျှော်လင့်ထားလဲ။

မဖြိုးဖြိုးအောင်။ ။ ကျမတို့ လက်ရှိပေါ့နော်။ အစိုးရသစ်ကတော့ ပညာရေးပြုပြင်ပြောင်းလဲရေး အတွက် စပြီးတော့ လုပ်ဆောင်နေတာ တချို့ကို တွေ့နေရတယ်။ လက်ရှိအစိုးရကလည်း ကျမတို့နဲ့ ယုံကြည်မှုရှိတယ်။ ကျမတို့နဲ့ သိပ်ပြီးတော့ မကွဲပြားလှဘူးလို့ ကျမတို့တွေးတယ်။ တချို့ အခြေခံ အချက်အလက်တွေမှာတော့ ကျမတို့ သွားချင်တဲ့ ပုံစံတွေ ကွာဟချက်တော့ ရှိကောင်းရှိနိုင်တယ်။ ဒါကိုလည်း ကျမတို့ ညှိနှိုင်းဆွေးနွေးမယ် ဆိုလို့ရှိရင် ပြေလည်နိုင်လိမ့်မယ်လို့ ကျမတို့ကတော့ မျှော်လင့်ထားပါတယ်ရှင့်။ တကယ်သာ ပညာရှင်တွေ တိုင်ပင်ညှိနှိုင်းကြမယ်။ ကျမတို့ကလည်း ကျမတို့ဖြစ်ချင်တဲ့ ဆန္ဒလေးတွေနဲ့ ဝိုင်းဝန်းဆွေးနွေးကြမယ် ဆိုလို့ရှိရင်တော့ အောင်မြင့်လိမ့်မယ်လို့ ကျမအနေနဲ့ မျှော်လင့်ပါတယ်။

ဖြိုးဖြိုးအောင် မင်းသွေးသစ်နဲ့ ကျောင်းသားခေါင်းဆောင်တွေ အကုန်လုံး မလွတ်ခင် အချိန်ပိုင်းမှာ မဖြိုးဖြိုးအောင်ကို ရန်နိုင်က ဆက်သွယ်မေးမြန်းထားတာဖြစ်ပါတယ်။ အခုဆိုရင်တော့ မဖြိုးဖြိုးအောင် အပါအဝင် ကျောင်းသားခေါင်းဆောင်တွေ ပြန်လည် လွတ်မြောက်သွားပြီဖြစ်ပါတယ်။

ကိုရန်နိုင် / ဗွီအိုအေ (မြန်မာပိုင်း)
http://burmese.voanews.com