NLD အမ်ဳိးသားဒီမုိကေရစီအဖြဲ႔ခ်ဳပ္ပါတီက တုိင္းျပည္အာဏာကုိ လႊဲေျပာင္းရယူဖုိ႔ ျပင္ဆင္ေနတဲ့အခ်ိန္မွာပဲ တုိင္းျပည္အတြင္းက တုိင္းရင္းသား လူမ်ဳိးစုေတြဟာ အနာဂတ္မွာ ေကာင္းမြန္တဲ့ ဘ၀အေျခအေနေတြနဲ႔ ၿငိမ္းခ်မ္းမႈ ရွိလိမ့္မယ္လုိ႔ ေမွ်ာ္လင့္ေနၾကပါတယ္။
ဒါေပမဲ့ တဘက္မွာလည္း စစ္တပ္က အစုိးရအေျပာင္းအလဲ ျဖစ္ခါနီးမွာ သူတုိ႔ရဲ႕ ၾသဇာလႊမ္းမုိးမႈ ေလ်ာ့က်မသြားေအာင္ လုပ္ေဆာင္တာေတြကုိ ေတြ႔ေနရတယ္လုိ႔ ျမန္မာ့အေရး ေလ့ လာသူေတြကုိ ေထာက္ျပ ေျပာဆုိၾကပါတယ္။ ဒီအေၾကာင္း ဗီြအုိေအသတင္းေထာက္ Steve Sandford ကခ်င္ျပည္နယ္၊ ျမစ္ႀကီးနားၿမိဳ႕ကေန သတင္းေပးပုိ႔ထားတာအေပၚ အေျခခံၿပီး ကုိေဇာ္၀င္းလႈိင္က တင္ျပေပးပါမယ္။
ျမန္မာႏုိင္ငံအတြင္းက ကခ်င္ျပည္နယ္နဲ႔ ရွမ္းျပည္ေတြမွာ ျဖစ္ပြားခဲ့တဲ့ စစ္ပြဲေတြနဲ႔ အၾကမ္းဖက္မႈေတြေၾကာင့္ လူေပါင္း ၂၀၀,၀၀၀ ေက်ာ္ အုိးမဲ့အိမ္မဲ့ ျဖစ္ခဲ့ပါတယ္။ တုိင္းရင္းသား လူမ်ဳိးစု အမ်ားအျပားကေတာ့ လက္နက္ကုိင္အဖြဲ႔အစည္းေတြနဲ႔ တုိင္းျပည္အတြင္း ၾသဇာႀကီးမားလွတဲ့ စစ္တပ္အၾကား ၿငိမ္းခ်မ္းေရး ရရွိေအာင္ ေဆာင္ရြက္ေပးမယ္လုိ႔ ကတိျပဳထားတဲ့ ေဒၚေအာင္ဆန္းစုၾကည္အေပၚ သူတုိ႔ရဲ႕ ေမွ်ာ္လင့္ခ်က္ေတြ စုပုံထားၾကပါတယ္။
ကခ်င္ျပည္နယ္၊ ျမစ္ႀကီးနားၿမိဳ႕မွာရွိတဲ့ ဒုကၡသည္စခန္းအတြင္းက Dah Poh ဟာ သူမရဲ႕ ကေလး ၃ ေယာက္ကုိ ၾကည့္ရႈ ေစာင့္ေရွာက္ေနရတဲ့အတြက္ ၿပီးခဲ့တဲ့ ႏုိ၀င္ဘာေရြးေကာက္ပြဲမွာ မဲေပးခြင့္ မရခဲ့ပါဘူး။
အခုေတာ့ KIA ကခ်င္လြတ္ေျမာက္ေရးတပ္မွာ တာ၀န္ထမ္းေဆာင္ေနတဲ့ သူမရဲ႕ခင္ပြန္း အိမ္ျပန္လာႏုိင္မယ့္ရက္ကုိ လက္ခ်ဳိးေစာင့္ေနပါတယ္။
“ႏုိင္ငံေရးျပႆနာေတြ ေျပလည္သြားၿပီး ကုိယ့္ရြာကုိ ျပန္ႏုိင္မယ့္ရက္ကုိ က်မတုိ႔ ေမွ်ာ္လင့္ ေစာင့္ဆုိင္းေနပါတယ္။ က်မ အမ်ဳိးသားကလည္း တႏွစ္မွာတခါပဲ အိမ္ကုိ ျပန္လာလုိ႔ရပါတယ္။ ၿပီးေတာ့ အျပင္မွာ အလုပ္ထြက္ရွာမယ္ ဆုိျပန္ရင္လည္း က်မကေလးေတြက အရမ္းငယ္လြန္းေနေတာ့ အဲဒါကလည္း အဆင္မေျပျပန္ဘူး။ က်မ သူတုိ႔ကုိ ေစာင့္ၾကည့္ေနဖုိ႔ လုိအပ္တယ္ေလ။”
ဒါေပမဲ့ တႏုိင္ငံလုံး အပစ္အခတ္ရပ္စဲေရးအတြက္ လုပ္ေဆာင္ေနမႈေတြက တုိင္းရင္းသားေတြ အခ်င္းခ်င္းၾကား ေသြးကြဲေအာင္ လုပ္ေနသလားဆုိၿပီး ေ၀ဖန္သူေတြက ေမးခြန္းထုတ္ေနၾကပါတယ္။
ရွမ္းျပည္နယ္ထဲမွာဆုိရင္လည္း တႏုိင္ငံလုံး အပစ္အခတ္ရပ္စဲေရး သေဘာတူညီခ်က္မွာ လက္မွတ္ထုိးခဲ့တဲ့ ရွမ္းလက္နက္ကုိင္အဖြဲ႔နဲ႔ တျခား လက္နက္ကုိင္ အဖြဲ႔အစည္းအၾကား တုိက္ပြဲေတြ ျဖစ္ေနပါတယ္။
ျမန္မာစစ္တပ္က လက္ရွိ က်င့္သုံးေနတဲ့ နည္းဗ်ဴဟာဟာ လြန္ခဲ့တဲ့ ဆယ္စုႏွစ္ေပါင္း မ်ားစြာကတည္းက စစ္တပ္က အသုံးျပဳလာတဲ့ ျဗဴဟာနဲ႔ ကြာျခားမႈမရွိဘူးလုိ႔ ျမန္မာ့ေရးရာ ကၽြမ္းက်င္သူ Bertil Lintner က ေျပာပါတယ္။
“ျမန္မာစစ္တပ္ဟာ စစ္ပြဲကုိ လူစားထုိး ဆင္ႏႊဲေနတယ္လုိ႔ က်ေနာ္ထင္ပါတယ္။ စစ္တပ္က သူတုိ႔ကုိယ္တုိင္ ၀င္တုိက္ေနတယ္လုိ႔ အထင္မခံရေအာင္ ပေလာင္တပ္ဖြဲ႔ေတြကုိ တုိက္ခုိက္ဖုိ႔အတြက္ တျခား ရွမ္းလက္နက္ကုိင္အဖြဲ႔တခုကုိ ၾကားခံအျဖစ္ အသုံးျပဳၿပီး သူတုိ႔လုိခ်င္တဲ့ ပုံစံရေအာင္ လုပ္ခုိင္းေနတာပါ။ ဘာျဖစ္လုိ႔လဲဆုိေတာ့ စစ္တပ္က လုိခ်င္တာက အၿပီးသတ္ ေအာင္ပြဲပဲ ျဖစ္ပါတယ္။ စစ္တပ္က အဲဒီ အဖြဲ႔ေတြအေပၚ ေအာင္ပြဲခံခ်င္လုိ႔ပါ။”
တုိက္ပြဲေတြ ဆက္လက္ျဖစ္ပြားသလုိပဲ ၂၀၀၈ ဖြဲ႔စည္းပုံကလည္း စစ္တပ္အသာစီးရေအာင္ ေရးဆြဲထားတဲ့အေပၚ စုိးရိမ္မႈေတြ ရွိေနတာေၾကာင့္ တုိင္းရင္းသား လက္နက္ကုိင္အဖြဲ႔ အမ်ားစုက လက္နက္ေတြကုိ ဆက္လက္ ကုိင္ေဆာင္ထားၾကဆဲ ျဖစ္တယ္လုိ႔ TNLA တေအာင္း အမ်ဳိးသားလြတ္ေျမာက္ေရးတပ္ဖြဲ႔က ေျပာခြင့္ရ တာပါလက ေျပာပါတယ္။
“စစ္တပ္ဟာ သီးျခား လြတ္လပ္တဲ့ အဖြဲ႔အစည္းတခုလုိပါပဲ။ သူတုိ႔ကုိ လႊတ္ေတာ္ကလည္း ထိန္းခ်ဳပ္ထားတာမဟုတ္သလုိ အစုိးရကလဲ ထိန္းခ်ဳပ္ထားတာ မဟုတ္ပါဘူး။ သူတုိ႔ဟာ သီးျခား လြတ္လပ္တဲ့ အဖြဲ႔တခု ျဖစ္ပါတယ္။ ဒါေၾကာင့္ ဒီကိစၥဟာ NLD အတြက္ အႀကီးမားဆုံး စိန္ေခၚမႈႀကီးပဲ ျဖစ္ပါတယ္။”
ကုိဂြမ္ဆန္းဟာ ကခ်င္မဟာမိတ္အဖြဲ႔ရဲ႕ ဥကၠ႒ျဖစ္ပါတယ္။ သူက အစုိးရအေျပာင္းအလဲ ျပဳလုပ္ခါနီးမွာ စစ္တပ္အေနနဲ႔ သူ႔ရဲ႕ ၾသဇာအရွိန္အ၀ါ ပုိႀကီးေအာင္ လုပ္ေဆာင္လာေနတာကုိ ေတြ႔ေနရတယ္လုိ႔ ေထာက္ျပ ေျပာဆုိပါတယ္။
“က်ေနာ့္အျမင္ကေတာ့ ဒီစစ္တပ္ကေနၿပီးေတာ့ေပါ့ေနာ္ သူတုိ႔မွာ အာဂ်င္တာရွိမွာပါ။ ႏုိင္ငံေရးအာဂ်င္တာရွိမယ္။ ေရွးယခင္က သူတုိ႔အခါတုိင္း ေတြ႔ခဲ့သလိုပဲ ဒီ UPWC နဲ႔ ဒီမွာ ေတြ႔ခဲ့တာေတြက သူတို႔အာဂ်င္တာေတြနဲ႔ ပတ္သက္တယ္ဆုိေပမဲ့ - ဥပမာ အခုဆုိရင္ အစိုးရနဲ႔ ပတ္သက္ၿပီးမွ သူတို႔ ေတာင္းဆုိခ်က္ေတြက ရွိမွာဆိုေတာ့ ေယဘုယ်အားျဖင့္ အကုန္လံုး လက္ခံတာပဲ။ လက္ခံေတာ့ အခု အစိုးရအေနနဲ႔ အမ်ားႀကီးလုပ္လာတဲ့အခ်ိန္မွာ NLD အစိုးရကေနၿပီးေတာ့ အေပးအယူလုပ္လာတဲ့အခ်ိန္မွာ တုိင္းရင္းသားေတြက လုပ္လာတဲ့အခ်ိန္မွာ သူတို႔ မလုိခ်င္တဲ့ဟာေတြကေတာ့ သူတုိ႔မလုပ္ေအာင္လို႔ ဖ်က္ဆီးပစ္လိမ့္မယ္လုိ႔ က်ေနာ္ျမင္တာေပါ့။”
စစ္မွန္တဲ့ ျပည္တြင္း ၿငိမ္းခ်မ္းေရး ေပၚေပါက္လာဖုိ႔အတြက္ တုိင္းရင္းသား လက္နက္ကုိင္ အဖြဲ႔အစည္းေတြနဲ႔ အစုိးရအၾကား အပစ္အခတ္ရပ္စဲေရး သေဘာတူညီခ်က္ လက္မွတ္ေရးထုိးလုိက္ယုံနဲ႔ ၿပီးဆုံးသြားတာမဟုတ္ဘဲ အဲဒီ သေဘာတူညီခ်က္ကုိ စစ္တပ္က လက္ေတြ႔ လုိက္နာေဆာင္ရြက္ျခင္း ရွိမလားဆုိတဲ့ အေပၚမွာ အမ်ားႀကီး မူတည္ေနတာေၾကာင့္ NLD အစုိးရအေနနဲ႔ ဒီကိစၥကုိ သဟဇာတမွ်ေအာင္ ဘယ္လုိ ကုိင္တြယ္သြားမလဲဆုိတဲ့အခ်က္က အေရးႀကီးတယ္လုိ႔ ကုိဂြမ္ဆန္းက ေျပာပါတယ္။
“ပါကစၥတန္ႏုိင္ငံဆုိရင္ စစ္တပ္က သူ႔ဟာသူ အာဏာတရပ္ရွိတယ္။ အဲ့လိုဆို ႏုိင္ငံျခားကေနၿပီးေတာ့ အေမရိကန္အစိုးရျဖစ္ျဖစ္၊ ဘယ္အစိုးရျဖစ္ျဖစ္ စစ္တပ္ကိုေရာ တမ်ိဳးအေနနဲ႔ ဘာလို႔လဲဆုိေတာ့ တကယ့္အာဏာတည္ရွိေနတဲ့ ေနရာတေနရာဆိုေတာ့ သူတုိ႔လက္ခံရတယ္ဆုိေတာ့ စစ္တပ္ကိုေရာ သူတုိ႔ကေန ေစ့စပ္တယ္။ ပါကစၥတန္စစ္တပ္ေပါ့ေနာ္။ ထုိနည္းတူပဲ ဒီအစိုးရကိုေရာ သူတုိ႔ကေနၿပီးေတာ့ ခ်ဥ္းကပ္တယ္။ ႏွစ္မ်ိဳးနဲ႔လုပ္ရတာေပါ့။ က်ေနာ္တို႔ ဗမာျပည္လည္း အဲ့လိုပဲ လုပ္ပါလိမ့္မယ္လုိ႔ ထင္တယ္။ ဘာလို႔လဲဆုိေတာ့ NLD အစိုးရအတြက္က ဒီ ၂ ခုကို ဘယ္လို ကိုင္တြယ္မလဲဆုိတာ အဲဒါ အေရးႀကီးဆံုးပဲ။ အရမ္းႀကီး လုပ္လိုက္မယ္ဆုိရင္ေတာ့ ဟိုဘက္ကို ကၽြံတာေပါ့ေနာ္။ က်ေနာ္တုိ႔ စိုးရိမ္တာကလည္း ဒါပဲ။ ၿငိမ္းခ်မ္းေရးက အစိုးရနဲ႔ ၿပီးေတာ့ အစိုးရကို စာခ်ဳပ္ခ်ဳပ္လိုက္တာေတာ့ ဟုတ္ပါရဲ႕။ ဒါေပမဲ့ စစ္တပ္ကေနၿပီးေတာ့ အဲဒါကို လိုက္နာရဲ႕လားဆိုတာ ကေတာ့ ေမးခြန္းအႀကီးႀကီး ရွိတာေပါ့။ အဲဒါက။”
လက္ရွိ အေျခအေနမွာေတာ့ အားလုံးက NLD ဘာလုပ္မလဲဆုိတဲ့အေပၚမွာ ေစာင့္ၾကည့္ေနၾကၿပီး ေထာင္ေပါင္းမ်ားစြာေသာ စစ္ေဘးေရွာင္ ဒုကၡသည္ေတြ ဘယ္ေတာ့ ကုိယ့္အိမ္ကုိယ့္ယာကုိ ျပန္ႏုိင္ၾကမလဲဆုိတဲ့ အခ်ိန္ကုိ ေမွ်ာ္လင့္ ေစာင့္ဆုိင္းေနၾကပါတယ္။
ကိုုေဇာ္၀င္းလႈိင္ / ဗြီအုိေအ (ျမန္မာပုိင္း)
http://burmese.voanews.com
.....................
NLD အမျိုးသားဒီမိုကရေစီအဖွဲ့ချုပ်ပါတီက တိုင်းပြည်အာဏာကို လွှဲပြောင်းရယူဖို့ ပြင်ဆင်နေတဲ့အချိန်မှာပဲ တိုင်းပြည်အတွင်းက တိုင်းရင်းသား လူမျိုးစုတွေဟာ အနာဂတ်မှာ ကောင်းမွန်တဲ့ ဘဝအခြေအနေတွေနဲ့ ငြိမ်းချမ်းမှု ရှိလိမ့်မယ်လို့ မျှော်လင့်နေကြပါတယ်။
ဒါပေမဲ့ တဘက်မှာလည်း စစ်တပ်က အစိုးရအပြောင်းအလဲ ဖြစ်ခါနီးမှာ သူတို့ရဲ့ သြဇာလွှမ်းမိုးမှု လျော့ကျမသွားအောင် လုပ်ဆောင်တာတွေကို တွေ့နေရတယ်လို့ မြန်မာ့အရေး လေ့ လာသူတွေကို ထောက်ပြ ပြောဆိုကြပါတယ်။ ဒီအကြောင်း ဗွီအိုအေသတင်းထောက် Steve Sandford ကချင်ပြည်နယ်၊ မြစ်ကြီးနားမြို့ကနေ သတင်းပေးပို့ထားတာအပေါ် အခြေခံပြီး ကိုဇော်ဝင်းလှိုင်က တင်ပြပေးပါမယ်။
မြန်မာနိုင်ငံအတွင်းက ကချင်ပြည်နယ်နဲ့ ရှမ်းပြည်တွေမှာ ဖြစ်ပွားခဲ့တဲ့ စစ်ပွဲတွေနဲ့ အကြမ်းဖက်မှုတွေကြောင့် လူပေါင်း ၂၀၀,၀၀၀ ကျော် အိုးမဲ့အိမ်မဲ့ ဖြစ်ခဲ့ပါတယ်။ တိုင်းရင်းသား လူမျိုးစု အများအပြားကတော့ လက်နက်ကိုင်အဖွဲ့အစည်းတွေနဲ့ တိုင်းပြည်အတွင်း သြဇာကြီးမားလှတဲ့ စစ်တပ်အကြား ငြိမ်းချမ်းရေး ရရှိအောင် ဆောင်ရွက်ပေးမယ်လို့ ကတိပြုထားတဲ့ ဒေါ်အောင်ဆန်းစုကြည်အပေါ် သူတို့ရဲ့ မျှော်လင့်ချက်တွေ စုပုံထားကြပါတယ်။
ကချင်ပြည်နယ်၊ မြစ်ကြီးနားမြို့မှာရှိတဲ့ ဒုက္ခသည်စခန်းအတွင်းက Dah Poh ဟာ သူမရဲ့ ကလေး ၃ ယောက်ကို ကြည့်ရှု စောင့်ရှောက်နေရတဲ့အတွက် ပြီးခဲ့တဲ့ နို၀င်ဘာရွေးကောက်ပွဲမှာ မဲပေးခွင့် မရခဲ့ပါဘူး။
အခုတော့ KIA ကချင်လွတ်မြောက်ရေးတပ်မှာ တာဝန်ထမ်းဆောင်နေတဲ့ သူမရဲ့ခင်ပွန်း အိမ်ပြန်လာနိုင်မယ့်ရက်ကို လက်ချိုးစောင့်နေပါတယ်။
“နိုင်ငံရေးပြဿနာတွေ ပြေလည်သွားပြီး ကိုယ့်ရွာကို ပြန်နိုင်မယ့်ရက်ကို ကျမတို့ မျှော်လင့် စောင့်ဆိုင်းနေပါတယ်။ ကျမ အမျိုးသားကလည်း တနှစ်မှာတခါပဲ အိမ်ကို ပြန်လာလို့ရပါတယ်။ ပြီးတော့ အပြင်မှာ အလုပ်ထွက်ရှာမယ် ဆိုပြန်ရင်လည်း ကျမကလေးတွေက အရမ်းငယ်လွန်းနေတော့ အဲဒါကလည်း အဆင်မပြေပြန်ဘူး။ ကျမ သူတို့ကို စောင့်ကြည့်နေဖို့ လိုအပ်တယ်လေ။”
ဒါပေမဲ့ တနိုင်ငံလုံး အပစ်အခတ်ရပ်စဲရေးအတွက် လုပ်ဆောင်နေမှုတွေက တိုင်းရင်းသားတွေ အချင်းချင်းကြား သွေးကွဲအောင် လုပ်နေသလားဆိုပြီး ဝေဖန်သူတွေက မေးခွန်းထုတ်နေကြပါတယ်။
ရှမ်းပြည်နယ်ထဲမှာဆိုရင်လည်း တနိုင်ငံလုံး အပစ်အခတ်ရပ်စဲရေး သဘောတူညီချက်မှာ လက်မှတ်ထိုးခဲ့တဲ့ ရှမ်းလက်နက်ကိုင်အဖွဲ့နဲ့ တခြား လက်နက်ကိုင် အဖွဲ့အစည်းအကြား တိုက်ပွဲတွေ ဖြစ်နေပါတယ်။
မြန်မာစစ်တပ်က လက်ရှိ ကျင့်သုံးနေတဲ့ နည်းဗျူဟာဟာ လွန်ခဲ့တဲ့ ဆယ်စုနှစ်ပေါင်း များစွာကတည်းက စစ်တပ်က အသုံးပြုလာတဲ့ ဗြူဟာနဲ့ ကွာခြားမှုမရှိဘူးလို့ မြန်မာ့ရေးရာ ကျွမ်းကျင်သူ Bertil Lintner က ပြောပါတယ်။
“မြန်မာစစ်တပ်ဟာ စစ်ပွဲကို လူစားထိုး ဆင်နွှဲနေတယ်လို့ ကျနော်ထင်ပါတယ်။ စစ်တပ်က သူတို့ကိုယ်တိုင် ၀င်တိုက်နေတယ်လို့ အထင်မခံရအောင် ပလောင်တပ်ဖွဲ့တွေကို တိုက်ခိုက်ဖို့အတွက် တခြား ရှမ်းလက်နက်ကိုင်အဖွဲ့တခုကို ကြားခံအဖြစ် အသုံးပြုပြီး သူတို့လိုချင်တဲ့ ပုံစံရအောင် လုပ်ခိုင်းနေတာပါ။ ဘာဖြစ်လို့လဲဆိုတော့ စစ်တပ်က လိုချင်တာက အပြီးသတ် အောင်ပွဲပဲ ဖြစ်ပါတယ်။ စစ်တပ်က အဲဒီ အဖွဲ့တွေအပေါ် အောင်ပွဲခံချင်လို့ပါ။”
တိုက်ပွဲတွေ ဆက်လက်ဖြစ်ပွားသလိုပဲ ၂၀၀၈ ဖွဲ့စည်းပုံကလည်း စစ်တပ်အသာစီးရအောင် ရေးဆွဲထားတဲ့အပေါ် စိုးရိမ်မှုတွေ ရှိနေတာကြောင့် တိုင်းရင်းသား လက်နက်ကိုင်အဖွဲ့ အများစုက လက်နက်တွေကို ဆက်လက် ကိုင်ဆောင်ထားကြဆဲ ဖြစ်တယ်လို့ TNLA တအောင်း အမျိုးသားလွတ်မြောက်ရေးတပ်ဖွဲ့က ပြောခွင့်ရ တာပါလက ပြောပါတယ်။
“စစ်တပ်ဟာ သီးခြား လွတ်လပ်တဲ့ အဖွဲ့အစည်းတခုလိုပါပဲ။ သူတို့ကို လွှတ်တော်ကလည်း ထိန်းချုပ်ထားတာမဟုတ်သလို အစိုးရကလဲ ထိန်းချုပ်ထားတာ မဟုတ်ပါဘူး။ သူတို့ဟာ သီးခြား လွတ်လပ်တဲ့ အဖွဲ့တခု ဖြစ်ပါတယ်။ ဒါကြောင့် ဒီကိစ္စဟာ NLD အတွက် အကြီးမားဆုံး စိန်ခေါ်မှုကြီးပဲ ဖြစ်ပါတယ်။”
ကိုဂွမ်ဆန်းဟာ ကချင်မဟာမိတ်အဖွဲ့ရဲ့ ဥက္ကဋ္ဌဖြစ်ပါတယ်။ သူက အစိုးရအပြောင်းအလဲ ပြုလုပ်ခါနီးမှာ စစ်တပ်အနေနဲ့ သူ့ရဲ့ သြဇာအရှိန်အဝါ ပိုကြီးအောင် လုပ်ဆောင်လာနေတာကို တွေ့နေရတယ်လို့ ထောက်ပြ ပြောဆိုပါတယ်။
“ကျနော့်အမြင်ကတော့ ဒီစစ်တပ်ကနေပြီးတော့ပေါ့နော် သူတို့မှာ အာဂျင်တာရှိမှာပါ။ နိုင်ငံရေးအာဂျင်တာရှိမယ်။ ရှေးယခင်က သူတို့အခါတိုင်း တွေ့ခဲ့သလိုပဲ ဒီ UPWC နဲ့ ဒီမှာ တွေ့ခဲ့တာတွေက သူတို့အာဂျင်တာတွေနဲ့ ပတ်သက်တယ်ဆိုပေမဲ့ - ဥပမာ အခုဆိုရင် အစိုးရနဲ့ ပတ်သက်ပြီးမှ သူတို့ တောင်းဆိုချက်တွေက ရှိမှာဆိုတော့ ယေဘုယျအားဖြင့် အကုန်လုံး လက်ခံတာပဲ။ လက်ခံတော့ အခု အစိုးရအနေနဲ့ အများကြီးလုပ်လာတဲ့အချိန်မှာ NLD အစိုးရကနေပြီးတော့ အပေးအယူလုပ်လာတဲ့အချိန်မှာ တိုင်းရင်းသားတွေက လုပ်လာတဲ့အချိန်မှာ သူတို့ မလိုချင်တဲ့ဟာတွေကတော့ သူတို့မလုပ်အောင်လို့ ဖျက်ဆီးပစ်လိမ့်မယ်လို့ ကျနော်မြင်တာပေါ့။”
စစ်မှန်တဲ့ ပြည်တွင်း ငြိမ်းချမ်းရေး ပေါ်ပေါက်လာဖို့အတွက် တိုင်းရင်းသား လက်နက်ကိုင် အဖွဲ့အစည်းတွေနဲ့ အစိုးရအကြား အပစ်အခတ်ရပ်စဲရေး သဘောတူညီချက် လက်မှတ်ရေးထိုးလိုက်ယုံနဲ့ ပြီးဆုံးသွားတာမဟုတ်ဘဲ အဲဒီ သဘောတူညီချက်ကို စစ်တပ်က လက်တွေ့ လိုက်နာဆောင်ရွက်ခြင်း ရှိမလားဆိုတဲ့ အပေါ်မှာ အများကြီး မူတည်နေတာကြောင့် NLD အစိုးရအနေနဲ့ ဒီကိစ္စကို သဟဇာတမျှအောင် ဘယ်လို ကိုင်တွယ်သွားမလဲဆိုတဲ့အချက်က အရေးကြီးတယ်လို့ ကိုဂွမ်ဆန်းက ပြောပါတယ်။
“ပါကစ္စတန်နိုင်ငံဆိုရင် စစ်တပ်က သူ့ဟာသူ အာဏာတရပ်ရှိတယ်။ အဲ့လိုဆို နိုင်ငံခြားကနေပြီးတော့ အမေရိကန်အစိုးရဖြစ်ဖြစ်၊ ဘယ်အစိုးရဖြစ်ဖြစ် စစ်တပ်ကိုရော တမျိုးအနေနဲ့ ဘာလို့လဲဆိုတော့ တကယ့်အာဏာတည်ရှိနေတဲ့ နေရာတနေရာဆိုတော့ သူတို့လက်ခံရတယ်ဆိုတော့ စစ်တပ်ကိုရော သူတို့ကနေ စေ့စပ်တယ်။ ပါကစ္စတန်စစ်တပ်ပေါ့နော်။ ထိုနည်းတူပဲ ဒီအစိုးရကိုရော သူတို့ကနေပြီးတော့ ချဉ်းကပ်တယ်။ နှစ်မျိုးနဲ့လုပ်ရတာပေါ့။ ကျနော်တို့ ဗမာပြည်လည်း အဲ့လိုပဲ လုပ်ပါလိမ့်မယ်လို့ ထင်တယ်။ ဘာလို့လဲဆိုတော့ NLD အစိုးရအတွက်က ဒီ ၂ ခုကို ဘယ်လို ကိုင်တွယ်မလဲဆိုတာ အဲဒါ အရေးကြီးဆုံးပဲ။ အရမ်းကြီး လုပ်လိုက်မယ်ဆိုရင်တော့ ဟိုဘက်ကို ကျွံတာပေါ့နော်။ ကျနော်တို့ စိုးရိမ်တာကလည်း ဒါပဲ။ ငြိမ်းချမ်းရေးက အစိုးရနဲ့ ပြီးတော့ အစိုးရကို စာချုပ်ချုပ်လိုက်တာတော့ ဟုတ်ပါရဲ့။ ဒါပေမဲ့ စစ်တပ်ကနေပြီးတော့ အဲဒါကို လိုက်နာရဲ့လားဆိုတာ ကတော့ မေးခွန်းအကြီးကြီး ရှိတာပေါ့။ အဲဒါက။”
လက်ရှိ အခြေအနေမှာတော့ အားလုံးက NLD ဘာလုပ်မလဲဆိုတဲ့အပေါ်မှာ စောင့်ကြည့်နေကြပြီး ထောင်ပေါင်းများစွာသော စစ်ဘေးရှောင် ဒုက္ခသည်တွေ ဘယ်တော့ ကိုယ့်အိမ်ကိုယ့်ယာကို ပြန်နိုင်ကြမလဲဆိုတဲ့ အချိန်ကို မျှော်လင့် စောင့်ဆိုင်းနေကြပါတယ်။
ကိုုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com
No comments:
Post a Comment