ဖမ္းဆီးခံ ႏိုင္က်ဥ္းေတြ လႊတ္ေရး ဆႏၵျပေတာင္းဆို

    မတ္လ ၅ရက္ လက္ပတ္နီအၾကမ္းဖက္ႏွိမ္ႏွင္းမႈ ႏွစ္ပတ္လည္ေန႔(သတင္းဓာတ္ပံု-Photo Credit to မသဥၨာခိုင္ ( ၈၈မ်ိဳးဆက္ ၿငိမ္းခ်မ္းေရးနဲ႔ ပြင့္လင္း လူ႔အဖြဲ႔အစည္း)

တရားမွ်တမႈမရွိတဲ့ ပုဒ္မေတြနဲ႔ ေထာင္ခ်ထားတဲ့ ႏုိင္ငံေရး အက်ဥ္းသားေတြနဲ႔ အၾကမ္းဖက္ ဖမ္းဆီးခံထားရတဲ့ ေက်ာင္းသားေတြ အျမန္ဆံုးျပန္လႊတ္ေပးဖို႔ တကၠသိုလ္ ေက်ာင္းသားမ်ားသမဂၢက ဒီကေန႔ ေတာင္းဆိုလုိက္ပါတယ္။ ၿပီးခဲ့တဲ့ႏွစ္က ပညာေရးျပဳျပင္ေျပာင္းလဲဖို႔ ဆႏၵျပေနတဲ့ သပိတ္ေမွာက္ ေက်ာင္းသားေတြကို အၾကမ္းမဖက္ဖို႔ ၿငိမ္းခ်မ္းစြာေတာင္းဆိုရင္း ၿမိဳ႕ေတာ္ခန္းမေရွ႕မွာ ဆႏၵျပသူေတြကို လက္ပတ္နီေတြနဲ႔ ရဲလံုျခံဳေရးေတြ ဘက္က အၾကမ္းဖက္ ရိုက္ႏွက္ဖမ္းဆီးခဲ့ တဲ့ မတ္လ(၅)ရက္ေန႔ တႏွစ္ျပည့္အခမ္းအနားနဲ႔ အက်ဥ္းသား လြတ္ေျမာက္ေရး ဆုေတာင္းပြဲ ၿမိဳ႕ေတာ္ခန္းမေရွ႕မွာ ဒီကေန႔ က်င္းပခဲ့ပါတယ္။ အေသးစိတ္ ဆက္သြယ္စံုစမ္းထားတဲ့ မဆုမြန္က ေျပာျပေပးပါမယ္။

ၿပီးခဲ့တဲ့ႏွစ္ ၂၀၁၅ခုႏွစ္တြင္း မတ္လ (၃)ေန႔မွာ အမ်ိဳးသားပညာေရးဥပေဒၾကမ္းကို သပိတ္ေမွာက္ဆန္႔က်င္ဆႏၵျပတဲ့အေနနဲ႔ မႏၱေလးကေန ရန္ကုန္အထိ ခ်ီတက္ လာၾကတဲ့ ေက်ာင္းသားသပိတ္စစ္ေၾကာင္းက သပိတ္ေမွာက္ေက်ာင္းသားေတြနဲ႔ ရဲလံုျခံဳေရးေတြၾကား လက္ပံတန္းၿမိဳ႕မွာ ပိတ္ဆို႔တားဆီးၿပီး အၾကမ္းဖက္ ၿဖိဳခြင္းမႈ ျဖစ္ခဲ့တဲ့အတြက္ ႏုိင္ငံတဝွမ္းက ျပည္သူေတြနဲ႔ ေက်ာင္းသားေတြက ဆႏၵျပ ေက်ာင္းသားေတြကို အၾကမ္းဖက္ႏွိမ္ႏွင္းတာမလုပ္ဖို႔ ဆႏၵျပခဲ့ပါတယ္။

ဒီအထဲ မတ္လ ၅ရက္ေန႔မွာ ရန္ကုန္ၿမိဳ႕ ၿမိဳ႕ေတာ္ခမ္းမေရွ႕မွာလည္း ၈၈မ်ိဳးဆက္ေတြ၊ ႏုိင္ငံေရးတက္ၾကြလႈပ္ရွားသူေတြနဲ႔ တကသ ေက်ာင္းသားေတြက အၾကမ္းဖက္ႏွိမ္ႏွင္းတာကို ဆန္႔က်င္ကန္႔ကြက္ေၾကာင္း ၿငိမ္းခ်မ္းစြာ ဆႏၵျပခဲ့ၾကတာပါ။ အဲ့ဒီလိုဆႏၵျပေနၾကတဲ့ တကသေက်ာင္းသားေတြနဲ႔ ၈၈ မ်ိဳးဆက္ေ က်ာင္းသူ မနီလာသိန္းအပါအဝင္ တက္ၾကြလႈပ္ရွားသူအခ်ိဳ႕ကို လက္ပတ္နီ တပ္ထားတဲ့ စြမ္းအားရွင္ေတြနဲ႔ ရဲလံုျခံဳေရးေတြဘက္က ၿမိဳ႕ေတာ္ခန္းမေရွ႕မွာပဲ အတင္းဝင္ေရာက္ရိုက္ႏွက္ထိုးႀကိတ္ၿပီး အခ်ဳပ္ကားေတြေပၚ တင္ၿပီး ဖမ္းဆီးခ်ဳပ္ေႏွာင္ခဲ့ပါတယ္။

ဒီကေန႔ ၂၀၁၆ခုႏွစ္ မတ္လ (၅)ရက္ေန႔ ဟာ မတ္လ(၅)ရက္ အၾကမ္းဖက္ ဖမ္းဆီးခဲ့တဲ့တႏွစ္ျပည့္ခ်ိန္ျဖစ္လို႔ အၾကမ္းဖက္ႏွိမ္ႏွင္းမႈေတြမွာ မတရား ရိုက္ႏွက္ခံရတဲ့ ေက်ာင္းသားေတြအတြက္ မွ်တတဲ့ တရားေရးစီရင္မႈ ရဖို႔နဲ႔ ဖမ္းဆီး ထိန္းသိမ္းထားဆဲ ေက်ာင္းသားေတြ နဲ႔ ႏုိင္ငံေရးတက္ၾကြလႈပ္ရွားသူေတြကို လက္ရွိ အစိုးရဘက္က အျမန္ဆံုးျပန္လႊတ္ေပးဖို႔ တကၠသိုလ္ေက်ာင္းသားမ်ား သမဂၢ တကသက ေက်ာင္းသားေတြက ဦးေဆာင္ၿပီးလႈပ္ရွားတဲ့ ဒီကေန႔ ႏွစ္ပတ္လည္ေန႔ အခမ္းအနားဆုေတာင္းပြဲကေန ေတာင္းဆိုတယ္လို႔ ဦးေဆာင္သူ တကသ ေက်ာင္းသားေခါင္းေဆာင္ကိုစိုးထက္က ေျပာပါတယ္။

“မႏွစ္က ပညာေရး သပိတ္စစ္ေၾကာင္းေတြကို အၾကမ္းမဖက္ဖို႔ ေတာင္းဆိုရင္း အၾကမ္းဖက္ခံခဲ့ရတဲ့ ေန႕ေပါ့။ အဲဒီ တစ္ႏွစ္ျပည့္ ႏွစ္ပတ္လည္ အခမ္းအနား ေအာက္ေမ့ဖြယ္ေန႔ က်င္းပရင္းနဲ႕ ႏိုင္ငံေရး အက်ဥ္းသား လြတ္ေျမာက္ေရးအတြက္ ကၽြန္ေတာ္တို႕ က်င္းပတာ ျဖစ္ပါတယ္။ ႏိုင္ငံေရး အက်ဥ္းသားေတြ ေထာင္ထဲမွာ ရွိေနေသးတယ္။ မလြတ္ေသးတဲ့ ေက်ာင္းသားေတြ ရွိေနေသးတယ္။ အဲဒီ ေက်ာင္းသားေတြကို လႊတ္ေပးဖို႔။ သူတို႕ အစိုးရသစ္ မေျပာင္းခင္မွာ ေက်ာင္းသားေတြကို ထပ္ဖမ္းေနမယ္ဆိုရင္ စစ္မွန္တဲ့ ဒီမိုကေရစီ ေျပာင္းလဲေရး မဟုတ္ပဲနဲ႕ ကၽြန္ေတာ္တို႔ ဒုကၡ ေတြကိုပဲ ေျပာင္းလဲေပးေနတယ္လို႔ က်ေနာ္တို႔ ျမင္တယ္ခင္ဗ်။”

လက္ရွိအစိုးရအေနနဲ႔လည္း ဖမ္းဆီးထိန္းသိမ္း ထားတဲ့ ေက်ာင္းသားေတြနဲ႔ ႏုိင္ငံေရးအက်ဥ္းသားေတြကို အျမန္ဆံုးျပန္လႊတ္ေပးဖို႔ လိုအပ္သလို ေနာင္တက္လာမယ့္ NLD ဦးေဆာင္တဲ့ အစိုးရသစ္ အေနနဲ႔လည္း ႏုိင္ငံေရးအက်ဥ္းသားေတြနဲ႔ ေက်ာင္းသားေတြအေရး အေလးအနက္ထား ေဆာင္ရြက္ေပးဖို႔ ေတာင္းဆိုပါတယ္လို႔ တကသ ေက်ာင္းသားကိုစိုးထက္က ေျပာပါတယ္။

“ေနာက္အစိုးရတက္လာတဲ့ အခါက်ရင္လည္း ဖမ္းဆီးခံထား ရတဲ့ ေက်ာင္းသားေတြ၊ ႏိုင္ငံေရး အက်ဥ္းသားေတြ၊ ယံုၾကည္ခ်က္ေၾကာင့္ အက်ဥ္းက်ေနတဲ့ အက်ဥ္းသားေတြ အားလံုးကို ျပန္လႊတ္ေပးေစခ်င္တယ္ေပါ့။”

အခုခ်ိန္အထိ အက်ဥ္းေထာင္အသီးသီးမွာ အၾကမ္းဖက္ ဖမ္းဆီး ထိန္းသိမ္းခံရဆဲ ျဖစ္တဲ့သပိတ္ေမွာက္ေက်ာင္းသား ေတြနဲ႔  ေက်ာင္းသားလႈပ္ရွားမႈ ေတြကို ဦးေဆာင္ခဲ့တဲ့ ဗကသ၊ တကသေက်ာင္းသားေခါင္းေဆာင္ေတြကို ပဲခူးတုိင္း သာယာဝတီခရိုင္ တရားရံုးနဲ႔ ရန္ကုန္တုိင္းတြင္းက တရားရံုးအသီးသီးမွာ ရဲေတြဘက္က ခြင့္ျပဳခ်က္မရပဲ ဆႏၵျပမႈ ပုဒ္မ(၁၈) ႏိုင္ငံေတာ္ အၾကည္ညိဳပ်က္ေစမႈနဲ႔ ဆူပူေအာင္လံႈ႔ေဆာ္မႈ ပုဒ္မ (၅၀၀ )(၅၀၅) ခ စတဲ့ ပုဒ္မမ်ိဳးစံုတပ္ၿပီး မတရားသျဖင့္ တရားစြဲဆိုေနတာေတြ ကို ရပ္တန္းက ရပ္ဖို႔ ႏုိင္ငံေရး အက်ဥ္းသားလႈပ္ရွားသူေတြက ေတာင္းဆိုပါတယ္။

အုပ္ခ်ဳပ္ေရးအာဏာ အလႊဲအေျပာင္းကာလ ဒီမိုကေရစီ ျပဳဳျပင္ ေျပာင္းလဲေရး ေဖာ္ေဆာင္ေနခ်ိန္မွာ မလုပ္သင့္၊ မလုပ္အပ္တဲ့အလုပ္ကို လက္ရွိအစိုးရက လုပ္ေနတယ္ လို႔ ႏုိင္ငံေရးအက်ဥ္းသားေဟာင္းလည္းျဖစ္ ႏုိင္ငံေရးအက်ဥ္းသားလြတ္ေျမာက္ေရးလႈပ္ရွားသူ ကိုဘမ်ိဳးသိန္းက ေျပာပါတယ္။

“ႏိုင္ငံေရး အက်ဥ္းသားကေတာ့ မရွိသင့္ဘူး။ မရွိသင့္တဲ့အျပင္ ထပ္ၿပီးေတာ့ ပုဒ္မေတြ၊ ပုဒ္မေတြနဲ႕ ထပ္ၿပီးေတာ့ စြဲတဲ့ ကိစၥ ဘယ္လိုမွ လုပ္္သင့္တဲ့ ကိစၥ မဟုတ္ဘူး။ တရားမွ်တတဲ့ ကိစၥ မဟုတ္ဘူးေပါ့။ တရားရံုးေတြ တစ္ခုၿပီး တစ္ခုေျပာင္းတယ္။ ၿမိဳ႕နယ္ေတြ တစ္ခုၿပီး တစ္ခု ေျပာင္းတယ္။ ေက်ာင္းသားေတြက ေန႔စဥ္ ရက္ဆက္ ရံုးထြက္ေနရတယ္။ ပင္ပန္းဆင္းရဲၿပီးေတာ့ လူေတြက ကိုယ္ပင္ပန္း စိတ္ပင္ပန္းျဖစ္ေအာင္ လုပ္ေဆာင္ေနတဲ့ကိစၥ လူသားခ်င္း စာနာမႈအရေကာ၊ ေက်ာင္းသားခ်င္း စာနာမႈအရေကာ၊ မိဘခ်င္း စာနာမႈအရေကာ ဘယ္လိုမွမျဖစ္သင့္တဲ့ ကိစၥေပါ့။ မလုပ္သင့္တဲ့ ကိစၥေပါ့ လို႔ ကၽြန္ေတာ္တို႕ ျမင္ပါတယ္။ လံုး၀ အျမန္ဆံုး ရပ္တန္႕ေစခ်င္ပါတယ္။”

အခုလို ဗကသ၊ တကသ ေက်ာင္းသားေတြနဲ႔ တက္ၾကြလႈပ္ရွားသူေတြကို ပုဒ္မေတြ အမ်ိဳးမ်ိဳးတပ္ၿပီး တရားရံုးေတြမွာ တရားရင္ဆိုင္ခိုင္းေနတာဟာ အမ်ိဳးသား ျပန္လည္သင့္ျမတ္ေရးေဖာ္ေဆာင္ေနပါတယ္ဆိုတဲ့ လက္ရွိ အစိုးရရဲ႕လုပ္ရပ္အေပၚ ေမးခြန္းထုတ္စရာျဖစ္ေနတယ္လို႔လည္း ႏုိင္ငံေရးအက်ဥ္းသား လြတ္ေျမာက္ေရးလႈပ္ရွားသူေတြက ဆိုပါတယ္။ အခုလက္ရွိ ျမန္မာႏုိင္ငံတဝွမ္းက အက်ဥ္းေထာင္ေတြထဲမွာ ယံုၾကည္ခ်က္ေၾကာင့္ အက်ဥ္းက်ခံေနရတဲ့သူ ႏုိင္ငံေရးအက်ဥ္းသားေပါင္းက ၈၀ေက်ာ္ရွွိၿပီး လက္ရွိ တရားရံုးမွာ အမႈရင္ဆိုင္ေနရတဲ့ ေက်ာင္းသားေတြ၊ တက္ၾကြလႈပ္ရွားသူစုစုေပါင္း ၄၀၀ ေက်ာ္ရွိတယ္လို႔ ႏုိင္ငံေရးအက်ဥ္းသားမ်ား ကူညီေစာင့္ေရွာက္ေရး အသင္း ေအေအပီပီက ထုတ္ျပန္ထားပါတယ္။

မဆုမြန္ / ဗြီအုိေအ (ျမန္မာပုိင္း)
http://burmese.voanews.com

.........................................


    မတ်လ ၅ရက် လက်ပတ်နီအကြမ်းဖက်နှိမ်နှင်းမှု နှစ်ပတ်လည်နေ့(သတင်းဓာတ်ပုံ-Photo Credit to မသဥ္ဇာခိုင် ( ၈၈မျိုးဆက် ငြိမ်းချမ်းရေးနဲ့ ပွင့်လင်း လူ့အဖွဲ့အစည်း)
တရားမျှတမှုမရှိတဲ့ ပုဒ်မတွေနဲ့ ထောင်ချထားတဲ့ နိုင်ငံရေး အကျဉ်းသားတွေနဲ့ အကြမ်းဖက် ဖမ်းဆီးခံထားရတဲ့ ကျောင်းသားတွေ အမြန်ဆုံးပြန်လွှတ်ပေးဖို့ တက္ကသိုလ် ကျောင်းသားများသမဂ္ဂက ဒီကနေ့ တောင်းဆိုလိုက်ပါတယ်။ ပြီးခဲ့တဲ့နှစ်က ပညာရေးပြုပြင်ပြောင်းလဲဖို့ ဆန္ဒပြနေတဲ့ သပိတ်မှောက် ကျောင်းသားတွေကို အကြမ်းမဖက်ဖို့ ငြိမ်းချမ်းစွာတောင်းဆိုရင်း မြို့တော်ခန်းမရှေ့မှာ ဆန္ဒပြသူတွေကို လက်ပတ်နီတွေနဲ့ ရဲလုံခြုံရေးတွေ ဘက်က အကြမ်းဖက် ရိုက်နှက်ဖမ်းဆီးခဲ့ တဲ့ မတ်လ(၅)ရက်နေ့ တနှစ်ပြည့်အခမ်းအနားနဲ့ အကျဉ်းသား လွတ်မြောက်ရေး ဆုတောင်းပွဲ မြို့တော်ခန်းမရှေ့မှာ ဒီကနေ့ ကျင်းပခဲ့ပါတယ်။ အသေးစိတ် ဆက်သွယ်စုံစမ်းထားတဲ့ မဆုမွန်က ပြောပြပေးပါမယ်။

ပြီးခဲ့တဲ့နှစ် ၂၀၁၅ခုနှစ်တွင်း မတ်လ (၃)နေ့မှာ အမျိုးသားပညာရေးဥပဒေကြမ်းကို သပိတ်မှောက်ဆန့်ကျင်ဆန္ဒပြတဲ့အနေနဲ့ မန္တလေးကနေ ရန်ကုန်အထိ ချီတက် လာကြတဲ့ ကျောင်းသားသပိတ်စစ်ကြောင်းက သပိတ်မှောက်ကျောင်းသားတွေနဲ့ ရဲလုံခြံုရေးတွေကြား လက်ပံတန်းမြို့မှာ ပိတ်ဆို့တားဆီးပြီး အကြမ်းဖက် ဖြိုခွင်းမှု ဖြစ်ခဲ့တဲ့အတွက် နိုင်ငံတဝှမ်းက ပြည်သူတွေနဲ့ ကျောင်းသားတွေက ဆန္ဒပြ ကျောင်းသားတွေကို အကြမ်းဖက်နှိမ်နှင်းတာမလုပ်ဖို့ ဆန္ဒပြခဲ့ပါတယ်။

ဒီအထဲ မတ်လ ၅ရက်နေ့မှာ ရန်ကုန်မြို့ မြို့တော်ခမ်းမရှေ့မှာလည်း ၈၈မျိုးဆက်တွေ၊ နိုင်ငံရေးတက်ကြွလှုပ်ရှားသူတွေနဲ့ တကသ ကျောင်းသားတွေက အကြမ်းဖက်နှိမ်နှင်းတာကို ဆန့်ကျင်ကန့်ကွက်ကြောင်း ငြိမ်းချမ်းစွာ ဆန္ဒပြခဲ့ကြတာပါ။ အဲ့ဒီလိုဆန္ဒပြနေကြတဲ့ တကသကျောင်းသားတွေနဲ့ ၈၈ မျိုးဆက်ေ ကျာင်းသူ မနီလာသိန်းအပါအဝင် တက်ကြွလှုပ်ရှားသူအချို့ကို လက်ပတ်နီ တပ်ထားတဲ့ စွမ်းအားရှင်တွေနဲ့ ရဲလုံခြံုရေးတွေဘက်က မြို့တော်ခန်းမရှေ့မှာပဲ အတင်းဝင်ရောက်ရိုက်နှက်ထိုးကြိတ်ပြီး အချုပ်ကားတွေပေါ် တင်ပြီး ဖမ်းဆီးချုပ်နှောင်ခဲ့ပါတယ်။

ဒီကနေ့ ၂၀၁၆ခုနှစ် မတ်လ (၅)ရက်နေ့ ဟာ မတ်လ(၅)ရက် အကြမ်းဖက် ဖမ်းဆီးခဲ့တဲ့တနှစ်ပြည့်ချိန်ဖြစ်လို့ အကြမ်းဖက်နှိမ်နှင်းမှုတွေမှာ မတရား ရိုက်နှက်ခံရတဲ့ ကျောင်းသားတွေအတွက် မျှတတဲ့ တရားရေးစီရင်မှု ရဖို့နဲ့ ဖမ်းဆီး ထိန်းသိမ်းထားဆဲ ကျောင်းသားတွေ နဲ့ နိုင်ငံရေးတက်ကြွလှုပ်ရှားသူတွေကို လက်ရှိ အစိုးရဘက်က အမြန်ဆုံးပြန်လွှတ်ပေးဖို့ တက္ကသိုလ်ကျောင်းသားများ သမဂ္ဂ တကသက ကျောင်းသားတွေက ဦးဆောင်ပြီးလှုပ်ရှားတဲ့ ဒီကနေ့ နှစ်ပတ်လည်နေ့ အခမ်းအနားဆုတောင်းပွဲကနေ တောင်းဆိုတယ်လို့ ဦးဆောင်သူ တကသ ကျောင်းသားခေါင်းဆောင်ကိုစိုးထက်က ပြောပါတယ်။

“မနှစ်က ပညာရေး သပိတ်စစ်ကြောင်းတွေကို အကြမ်းမဖက်ဖို့ တောင်းဆိုရင်း အကြမ်းဖက်ခံခဲ့ရတဲ့ နေ့ပေါ့။ အဲဒီ တစ်နှစ်ပြည့် နှစ်ပတ်လည် အခမ်းအနား အောက်မေ့ဖွယ်နေ့ ကျင်းပရင်းနဲ့ နိုင်ငံရေး အကျဉ်းသား လွတ်မြောက်ရေးအတွက် ကျွန်တော်တို့ ကျင်းပတာ ဖြစ်ပါတယ်။ နိုင်ငံရေး အကျဉ်းသားတွေ ထောင်ထဲမှာ ရှိနေသေးတယ်။ မလွတ်သေးတဲ့ ကျောင်းသားတွေ ရှိနေသေးတယ်။ အဲဒီ ကျောင်းသားတွေကို လွှတ်ပေးဖို့။ သူတို့ အစိုးရသစ် မပြောင်းခင်မှာ ကျောင်းသားတွေကို ထပ်ဖမ်းနေမယ်ဆိုရင် စစ်မှန်တဲ့ ဒီမိုကရေစီ ပြောင်းလဲရေး မဟုတ်ပဲနဲ့ ကျွန်တော်တို့ ဒုက္ခ တွေကိုပဲ ပြောင်းလဲပေးနေတယ်လို့ ကျနော်တို့ မြင်တယ်ခင်ဗျ။”

လက်ရှိအစိုးရအနေနဲ့လည်း ဖမ်းဆီးထိန်းသိမ်း ထားတဲ့ ကျောင်းသားတွေနဲ့ နိုင်ငံရေးအကျဉ်းသားတွေကို အမြန်ဆုံးပြန်လွှတ်ပေးဖို့ လိုအပ်သလို နောင်တက်လာမယ့် NLD ဦးဆောင်တဲ့ အစိုးရသစ် အနေနဲ့လည်း နိုင်ငံရေးအကျဉ်းသားတွေနဲ့ ကျောင်းသားတွေအရေး အလေးအနက်ထား ဆောင်ရွက်ပေးဖို့ တောင်းဆိုပါတယ်လို့ တကသ ကျောင်းသားကိုစိုးထက်က ပြောပါတယ်။

“နောက်အစိုးရတက်လာတဲ့ အခါကျရင်လည်း ဖမ်းဆီးခံထား ရတဲ့ ကျောင်းသားတွေ၊ နိုင်ငံရေး အကျဉ်းသားတွေ၊ ယုံကြည်ချက်ကြောင့် အကျဉ်းကျနေတဲ့ အကျဉ်းသားတွေ အားလုံးကို ပြန်လွှတ်ပေးစေချင်တယ်ပေါ့။”

အခုချိန်အထိ အကျဉ်းထောင်အသီးသီးမှာ အကြမ်းဖက် ဖမ်းဆီး ထိန်းသိမ်းခံရဆဲ ဖြစ်တဲ့သပိတ်မှောက်ကျောင်းသား တွေနဲ့  ကျောင်းသားလှုပ်ရှားမှု တွေကို ဦးဆောင်ခဲ့တဲ့ ဗကသ၊ တကသကျောင်းသားခေါင်းဆောင်တွေကို ပဲခူးတိုင်း သာယာဝတီခရိုင် တရားရုံးနဲ့ ရန်ကုန်တိုင်းတွင်းက တရားရုံးအသီးသီးမှာ ရဲတွေဘက်က ခွင့်ပြုချက်မရပဲ ဆန္ဒပြမှု ပုဒ်မ(၁၈) နိုင်ငံတော် အကြည်ညိုပျက်စေမှုနဲ့ ဆူပူအောင်လှုံ့ဆော်မှု ပုဒ်မ (၅၀၀ )(၅၀၅) ခ စတဲ့ ပုဒ်မမျိုးစုံတပ်ပြီး မတရားသဖြင့် တရားစွဲဆိုနေတာတွေ ကို ရပ်တန်းက ရပ်ဖို့ နိုင်ငံရေး အကျဉ်းသားလှုပ်ရှားသူတွေက တောင်းဆိုပါတယ်။

အုပ်ချုပ်ရေးအာဏာ အလွှဲအပြောင်းကာလ ဒီမိုကရေစီ ပြုုပြင် ပြောင်းလဲရေး ဖော်ဆောင်နေချိန်မှာ မလုပ်သင့်၊ မလုပ်အပ်တဲ့အလုပ်ကို လက်ရှိအစိုးရက လုပ်နေတယ် လို့ နိုင်ငံရေးအကျဉ်းသားဟောင်းလည်းဖြစ် နိုင်ငံရေးအကျဉ်းသားလွတ်မြောက်ရေးလှုပ်ရှားသူ ကိုဘမျိုးသိန်းက ပြောပါတယ်။

“နိုင်ငံရေး အကျဉ်းသားကတော့ မရှိသင့်ဘူး။ မရှိသင့်တဲ့အပြင် ထပ်ပြီးတော့ ပုဒ်မတွေ၊ ပုဒ်မတွေနဲ့ ထပ်ပြီးတော့ စွဲတဲ့ ကိစ္စ ဘယ်လိုမှ လုပ််သင့်တဲ့ ကိစ္စ မဟုတ်ဘူး။ တရားမျှတတဲ့ ကိစ္စ မဟုတ်ဘူးပေါ့။ တရားရုံးတွေ တစ်ခုပြီး တစ်ခုပြောင်းတယ်။ မြို့နယ်တွေ တစ်ခုပြီး တစ်ခု ပြောင်းတယ်။ ကျောင်းသားတွေက နေ့စဉ် ရက်ဆက် ရုံးထွက်နေရတယ်။ ပင်ပန်းဆင်းရဲပြီးတော့ လူတွေက ကိုယ်ပင်ပန်း စိတ်ပင်ပန်းဖြစ်အောင် လုပ်ဆောင်နေတဲ့ကိစ္စ လူသားချင်း စာနာမှုအရကော၊ ကျောင်းသားချင်း စာနာမှုအရကော၊ မိဘချင်း စာနာမှုအရကော ဘယ်လိုမှမဖြစ်သင့်တဲ့ ကိစ္စပေါ့။ မလုပ်သင့်တဲ့ ကိစ္စပေါ့ လို့ ကျွန်တော်တို့ မြင်ပါတယ်။ လုံးဝ အမြန်ဆုံး ရပ်တန့်စေချင်ပါတယ်။”

အခုလို ဗကသ၊ တကသ ကျောင်းသားတွေနဲ့ တက်ကြွလှုပ်ရှားသူတွေကို ပုဒ်မတွေ အမျိုးမျိုးတပ်ပြီး တရားရုံးတွေမှာ တရားရင်ဆိုင်ခိုင်းနေတာဟာ အမျိုးသား ပြန်လည်သင့်မြတ်ရေးဖော်ဆောင်နေပါတယ်ဆိုတဲ့ လက်ရှိ အစိုးရရဲ့လုပ်ရပ်အပေါ် မေးခွန်းထုတ်စရာဖြစ်နေတယ်လို့လည်း နိုင်ငံရေးအကျဉ်းသား လွတ်မြောက်ရေးလှုပ်ရှားသူတွေက ဆိုပါတယ်။ အခုလက်ရှိ မြန်မာနိုင်ငံတဝှမ်းက အကျဉ်းထောင်တွေထဲမှာ ယုံကြည်ချက်ကြောင့် အကျဉ်းကျခံနေရတဲ့သူ နိုင်ငံရေးအကျဉ်းသားပေါင်းက ၈၀ကျော်ရှှိပြီး လက်ရှိ တရားရုံးမှာ အမှုရင်ဆိုင်နေရတဲ့ ကျောင်းသားတွေ၊ တက်ကြွလှုပ်ရှားသူစုစုပေါင်း ၄၀၀ ကျော်ရှိတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေး အသင်း အေအေပီပီက ထုတ်ပြန်ထားပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com