အစိုးရ ဖြဲ႔ေရး ကိစၥ NLD ပါတီေခါင္းေဆာင္ေတြ ေဆြးေႏြးဆဲ

အဖြဲ႔ခ်ဳပ္ ဥကၠ႒ ေဒၚေအာင္ဆန္းစုၾကည္နဲ႔ ေျပာခြင့္ရ ဦးဉာဏ္ဝင္း ။ (ဇန္နဝါရီလ ၄ရက္ေန႔၊ ၂၀၁၆) 

အစိုးရသစ္ ဖြဲ႔စည္းေရး၊ လႊတ္ေတာ္ပိုင္း ကိစၥရပ္ေတြနဲ႔ ပတ္သက္ၿပီး အေရးႀကီးတဲ့ အစည္းအေ၀း တရပ္ကို ေနျပည္ေတာ္က ေဒၚေအာင္ဆန္းစုၾကည္ ရဲ႕ ႏွင္းဆီ စံအိမ္မွာ ဒီကေန႔ က်င္းပပါတယ္။ ေဒၚေအာင္ဆန္းစုၾကည္အပါအ၀င္ အမ်ဳိးသားဒီမုိကေရစီ အဖြဲ႔ ခ်ဳပ္ NLD ပါတီရဲ႕ ဗဟိုအလုပ္အမႈေဆာင္ေတြ တက္ေရာက္တဲ့ အဲဒီအစည္းအေ၀းမွာ ဆံုးျဖတ္ခ်က္ေတာ့ မခ်ခဲ့ဘူးလို႔ ပါတီ ေျပာခြင့္ရ ဦးဉာဏ္ဝင္း ကေျပာပါတယ္။

မၾကာခင္သီတင္းပတ္ေတြအတြင္း သက္တမ္းအသစ္စတင္မယ့္ လႊတ္ေတာ္ေတြ အတြက္ လည္း NLD ပါတီက လႊတ္ေတာ္ကိုယ္စားလွယ္ေတြ ျပင္ဆင္ေနၾကပါၿပီ။ သူတို႔ကို ေရြးေကာက္တင္ေျမႇာက္ခဲ့တဲ့ ျပည္သူလူထု စိတ္မပ်က္ေစရပါဘူး လို႔ ေရြးေကာက္ခံ NLD လႊတ္ေတာ္အမတ္တဦးက ကတိေပး ေျပာဆိုပါတယ္။ ဆက္သြယ္ေမးျမန္းထားတဲ့ မဆုမြန္က ဆက္ေျပာျပပါမယ္။

၂၀၁၅ ေရြးေကာက္ပြဲမွာ အစိုးရသစ္တရပ္ဖြဲ႔စည္းခြင့္ရႏုိင္တဲ့အထိ မဲရလဒ္ အျပတ္အသတ္နဲ႔ အႏုိင္ရခဲ့တဲ့ အတုိက္အခံပါတီႀကီးျဖစ္တဲ့ အမ်ိဳးသားဒီမိုကေရစီ အဖြဲ႔ခ်ဳပ္က ေခါင္းေဆာင္ေတြနဲ႔ ဗဟိုအလုပ္အမႈေဆာင္ေတြ အစိုးရသစ္ ဖြဲ႔စည္းေရးအတြက္ အေရးပါတဲ့ေဆြးေႏြးခ်က္ေတြကို ဒီကေန႔ ေနျပည္ေတာ္မွာ စည္းေဝးေဆြးေႏြးခဲ့ၾကပါတယ္။

အစိုးရသစ္နဲ႔ လႊတ္ေတာ္သစ္ ဖြဲ႔စည္းေရးနဲ႔ အစိုးရအဖြဲ႔ ဖြဲ႔စည္းေရးဆိုင္ရာ အေရးပါတဲ့ ေဆြးေႏြးခ်က္ေတြကို ဗဟိုအလုပ္အမႈေဆာင္ေတြ ေဆြးေႏြးခဲ့ၾကတဲ့ အေၾကာင္း ေနျပည္ေတာ္က ဗဟိုအလုပ္အမႈေဆာင္အစည္းအေဝးကို ကိုယ္တုိင္ တက္ေရာက္ခဲ့တဲ့ ဗဟိုအလုပ္အမႈေဆာင္အဖြဲ႔ဝင္လည္းျဖစ္ NLD ေျပာခြင့္ရပုဂၢိဳလ္ လည္းျဖစ္တဲ့ ဦးဉာဏ္ဝင္းက ဗီြအိုေအျမန္မာပိုင္းကို အခုလိုေျပာပါတယ္။

"အစည္းအေဝးမွာကေတာ့ အခုအခ်ိန္မွာ အစိုးရဖြဲ႔စည္းေရး၊ လႊတ္ေတာ္ဖြဲ႔စည္းေရး၊ ဒီ Subjects ေတြ အကုန္ပါတာေပါ့ေနာ္။ ဒီကေန႔ ေဆြးေႏြးတာ။ သို႔ေသာ္ ဆံုးျဖတ္ခ်က္အေနန႔ဲေတာ့ မခ်ဘူး။ ဆံုးျဖတ္ခ်က္မခ်တဲ့အတြက္ အန္ကယ္လ္တို႔က အေသးစိတ္ေတာ့ ေျပာလို႔မရပါဘူး။"

အခုလိုမ်ိဳး အစိုးရဖြဲ႔စည္းႏုိင္ေရး အေရးတႀကီး ေဆြးေႏြးေနၾကခ်ိန္မွာပဲ လာမယ့္ ေဖေဖာ္ဝါရီလ ၁ရက္ေန႔မွာ က်င္းပေတာ့မယ့္ ဒုတိယအႀကိမ္ လႊတ္ေတာ္ အစည္းအေဝးေတြအတြက္ ကိုယ္စားလွယ္အေရအတြက္အမ်ားဆံုး ေရြးေကာက္ပြဲ အႏုိင္ရခဲ့တဲ့ NLD ပါတီကိုယ္စားျပဳ လႊတ္ေတာ္ကိုယ္စားလွယ္ေတြကလည္း လႊတ္ေတာ္တက္ဖို႔ ျပင္ဆင္ေနၾကၿပီျဖစ္တယ္လို႔ ဦးဉာဏ္ဝင္းကေျပာပါတယ္။

"ဒီက လႊတ္ေတာ္ရံုးကပဲ သူတို႔ ေနေရးထိုင္ေရး ကိစၥေတြ၊ ဘာေတြ သူတို႔ျပင္ဆင္ေနတယ္။ ေနာက္ လုပ္ထံုးလုပ္နည္းေတြ ဘာေတြ စာအုပ္ေတြ ေပးမယ္။ အဲ့တာေတာ့ သိတယ္။"

လႊတ္ေတာ္တြင္း တုိင္းျပည္နဲ႔ျပည္သူ အက်ိဳးျပဳလုပ္ငန္းေတြ လုပ္ကိုင္ႏုိင္ေအာင္ ေဆာင္ရြက္ သြားၾကမွာျဖစ္တယ္လို႔လည္း NLD ဗဟို အလုပ္အမႈေဆာင္တစ္ဦးလည္းျဖစ္ လႊတ္ေတာ္ကိုယ္စားလွယ္လည္းျဖစ္တဲ့ ဦးထြန္းထြန္းဟိန္ က ေျပာပါတယ္။

"လႊတ္ေတာ္တက္ဖို႔ရာအတြက္ ၂၅ရက္ထက္ မေစာ၊ ၂၆ရက္ေန႔ ထက္ ေနာက္မက်ပဲ လႊတ္ေတာ္ကို သတင္းပို႔ဖို႔ အေၾကာင္းၾကားထားပါတယ္။ လႊတ္ေတာ္ ဒုတိယအႀကိမ္သက္တမ္း၊ ပထမဆံုး အစည္းအေဝးေပါ့ေလ။ က်ေနာ္တုိ႔က က်ေနာ္တို႔ရဲ႕ လႊတ္ေတာ္ကိုယ္စားလွယ္ေတြကို Capacity Building ေပါ့ေနာ္ က်ေနာ္တို႔ အဲ့တာေတြ လုပ္ထားပါတယ္။

ဒီလႊတ္ေတာ္ ဒုတိယသက္တမ္းမွာ ဆိုလို႔ရွိရင္ ေယဘူယ်အားျဖင့္ ေျပာမယ္ဆိုရင္ ငါးႏွစ္သက္တမ္းလို႔ ေျပာေသာ္လည္းပဲ တကယ္အခ်ိန္က ေလးႏွစ္ခြဲေလာက္ပဲ ရတာေပါ့ေလ။ အဲ့ေတာ့ က်ေနာ္တို႔ လုပ္ေပးႏုိင္တာ ေရတိုကာလမွာ အေျဖရႏုိင္တဲ့ အေျဖရႏုိင္တဲ့ဟာေတြကို လုပ္ငန္းေတြ၊ ျပည္သူ႔အက်ိဳးျပဳ လုပ္ငန္းေတြ ကို ေဆာင္ရြက္ပါ့မယ္။

က်ေနာ္တို႔ ျပည္သူလူထုကို သူတို႔ေပးခဲ့တဲ့ မဲအတြက္ စိတ္မပ်က္ေစရပါဘူးလို႔ပဲ ဒီလို အမွာစကားေလး ပါးခ်င္ပါတယ္။"

အခုအခ်ိန္မွာေတာ့ အစိုးရဖြဲ႔စည္းႏုိင္ေရး၊ လႊတ္ေတာ္အေရး စသျဖင့္ ေနျပည္ေတာ္ မွာ NLD ဘက္က ဗဟိုအလုပ္ အမႈေဆာင္အဖြဲ႔ေတြ ေတြ႔ဆံုေဆြးေႏြးေနၾကေပမဲ့ လို႔ အေသးစိတ္အခ်က္အလက္ေတြကို အတုိက္အခံပါတီဘက္က တရားဝင္ ထုတ္ျပန္ေၾကညာတာ မရွိေသးပါဘူး။

လက္ရွိအစိုးရဘက္ကေတာ့ အာဏာလႊဲေျပာင္းေရး အဆင္ေျပေခ်ာေမြ႔ေအာင္ ေဆာင္ရြက္မယ္ လို႔ သမၼတဦးသိန္းစိန္ဘက္က ကတိေပးေျပာဆို ထားသလို လက္ရွိအေျခအေနမွာလည္း အႏုိင္ရ NLD ပါတီ တာ၀န္ရွိသူေတြနဲ႔ လက္ရွိသမၼတဦးသိန္းစိန္အစိုးရဘက္က တာ၀န္ရွိသူေတြ ဟာ ႏိုင္ငံေတာ္အၾကီးအကဲ တာ၀န္လဲႊေျပာင္းေရး အတြက္ ႏွစ္ဖက္ ပူးေပါင္းေဆာင္ရြက္ေရး ေကာ္မတီကို ဖဲြ႔စည္းေဆာင္ရြက္ေနၿပီျဖစ္ပါတယ္။

အာဏာစနစ္တက်လႊဲေျပာင္းေရးအတြက္ အစိုးရဘက္က ဖြဲ႔စည္းထားတဲ့ ႏိုင္ငံေတာ္ အၾကီးအကဲ တာ၀န္လဲႊေျပာင္းမႈ အေထာက္အကူျပဳေကာ္မတီ မွာ ဥကၠ႒အျဖစ္ ျပည္ေထာင္စု ဝန္ၾကီး ဦးလွထြန္းနဲ႔ ျပည္ေထာင္စုဝန္ၾကီး ဦးရဲထြဋ္၊ နိုင္ငံေတာ္သမၼတရံုး ညႊန္ၾကားေရးမွဴးခ်ဳပ္ ဦးလွထြန္း၊ သမၼတရံုး ညႊန္ၾကားေရးမွဴး ဦးေဇာ္ေဌးတို႔ပါဝင္ၿပီး NLD ဘက္ကေတာ့ ဦးဝင္းထိန္၊ ေဒါက္တာေအာင္သူ နဲ႔ ေဒါက္တာမ်ဳိးေအာင္တို႔ ပါဝင္ပါတယ္။

အစိုးရဖြဲ႔စည္းႏုိင္ေရးနဲ႔တၿပိဳင္နက္တည္း လႊတ္ေတာ္တြင္း လႊတ္ေတာ္ လုပ္ငန္းရပ္ေတြ ေျပာင္းလႊဲႏုိင္ေရး အတြက္ကိုလည္း လက္ရွိ ျပည္ေထာင္စု လႊတ္ေတာ္နာယက ျပည္သူ႔လႊတ္ေတာ္ဥကၠ႒ သူရဦးေရႊမန္းနဲ႔ အႏုိင္ရပါတီ ဥကၠ႒ေဒၚေအာင္ဆန္းစုၾကည္တို႔လည္း မၾကာခဏ ဆိုသလို ေတြ႔ဆံုေဆြးေႏြးေနၾကတာျဖစ္ပါတယ္။

မဆုမြန္ / ဗြီအုိေအ (ျမန္မာပုိင္း)
http://burmese.voanews.com
..............
 အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့ ပြောခွင့်ရ ဦးဉာဏ်ဝင်း ။ (ဇန်နဝါရီလ ၄ရက်နေ့၊ ၂၀၁၆)
အစိုးရသစ် ဖွဲ့စည်းရေး၊ လွှတ်တော်ပိုင်း ကိစ္စရပ်တွေနဲ့ ပတ်သက်ပြီး အရေးကြီးတဲ့ အစည်းအဝေး တရပ်ကို နေပြည်တော်က ဒေါ်အောင်ဆန်းစုကြည် ရဲ့ နှင်းဆီ စံအိမ်မှာ ဒီကနေ့ ကျင်းပပါတယ်။ ဒေါ်အောင်ဆန်းစုကြည်အပါအဝင် အမျိုးသားဒီမိုကရေစီ အဖွဲ့ ချုပ် NLD ပါတီရဲ့ ဗဟိုအလုပ်အမှုဆောင်တွေ တက်ရောက်တဲ့ အဲဒီအစည်းအဝေးမှာ ဆုံးဖြတ်ချက်တော့ မချခဲ့ဘူးလို့ ပါတီ ပြောခွင့်ရ ဦးဉာဏ်ဝင်း ကပြောပါတယ်။

မကြာခင်သီတင်းပတ်တွေအတွင်း သက်တမ်းအသစ်စတင်မယ့် လွှတ်တော်တွေ အတွက် လည်း NLD ပါတီက လွှတ်တော်ကိုယ်စားလှယ်တွေ ပြင်ဆင်နေကြပါပြီ။ သူတို့ကို ရွေးကောက်တင်မြှောက်ခဲ့တဲ့ ပြည်သူလူထု စိတ်မပျက်စေရပါဘူး လို့ ရွေးကောက်ခံ NLD လွှတ်တော်အမတ်တဦးက ကတိပေး ပြောဆိုပါတယ်။ ဆက်သွယ်မေးမြန်းထားတဲ့ မဆုမွန်က ဆက်ပြောပြပါမယ်။

၂၀၁၅ ရွေးကောက်ပွဲမှာ အစိုးရသစ်တရပ်ဖွဲ့စည်းခွင့်ရနိုင်တဲ့အထိ မဲရလဒ် အပြတ်အသတ်နဲ့ အနိုင်ရခဲ့တဲ့ အတိုက်အခံပါတီကြီးဖြစ်တဲ့ အမျိုးသားဒီမိုကရေစီ အဖွဲ့ချုပ်က ခေါင်းဆောင်တွေနဲ့ ဗဟိုအလုပ်အမှုဆောင်တွေ အစိုးရသစ် ဖွဲ့စည်းရေးအတွက် အရေးပါတဲ့ဆွေးနွေးချက်တွေကို ဒီကနေ့ နေပြည်တော်မှာ စည်းဝေးဆွေးနွေးခဲ့ကြပါတယ်။

အစိုးရသစ်နဲ့ လွှတ်တော်သစ် ဖွဲ့စည်းရေးနဲ့ အစိုးရအဖွဲ့ ဖွဲ့စည်းရေးဆိုင်ရာ အရေးပါတဲ့ ဆွေးနွေးချက်တွေကို ဗဟိုအလုပ်အမှုဆောင်တွေ ဆွေးနွေးခဲ့ကြတဲ့ အကြောင်း နေပြည်တော်က ဗဟိုအလုပ်အမှုဆောင်အစည်းအဝေးကို ကိုယ်တိုင် တက်ရောက်ခဲ့တဲ့ ဗဟိုအလုပ်အမှုဆောင်အဖွဲ့ဝင်လည်းဖြစ် NLD ပြောခွင့်ရပုဂ္ဂိုလ် လည်းဖြစ်တဲ့ ဦးဉာဏ်ဝင်းက ဗွီအိုအေမြန်မာပိုင်းကို အခုလိုပြောပါတယ်။

"အစည်းအဝေးမှာကတော့ အခုအချိန်မှာ အစိုးရဖွဲ့စည်းရေး၊ လွှတ်တော်ဖွဲ့စည်းရေး၊ ဒီ Subjects တွေ အကုန်ပါတာပေါ့နော်။ ဒီကနေ့ ဆွေးနွေးတာ။ သို့သော် ဆုံးဖြတ်ချက်အနေနဲ့တော့ မချဘူး။ ဆုံးဖြတ်ချက်မချတဲ့အတွက် အန်ကယ်လ်တို့က အသေးစိတ်တော့ ပြောလို့မရပါဘူး။"

အခုလိုမျိုး အစိုးရဖွဲ့စည်းနိုင်ရေး အရေးတကြီး ဆွေးနွေးနေကြချိန်မှာပဲ လာမယ့် ဖေဖော်ဝါရီလ ၁ရက်နေ့မှာ ကျင်းပတော့မယ့် ဒုတိယအကြိမ် လွှတ်တော် အစည်းအဝေးတွေအတွက် ကိုယ်စားလှယ်အရေအတွက်အများဆုံး ရွေးကောက်ပွဲ အနိုင်ရခဲ့တဲ့ NLD ပါတီကိုယ်စားပြု လွှတ်တော်ကိုယ်စားလှယ်တွေကလည်း လွှတ်တော်တက်ဖို့ ပြင်ဆင်နေကြပြီဖြစ်တယ်လို့ ဦးဉာဏ်ဝင်းကပြောပါတယ်။

"ဒီက လွှတ်တော်ရုံးကပဲ သူတို့ နေရေးထိုင်ရေး ကိစ္စတွေ၊ ဘာတွေ သူတို့ပြင်ဆင်နေတယ်။ နောက် လုပ်ထုံးလုပ်နည်းတွေ ဘာတွေ စာအုပ်တွေ ပေးမယ်။ အဲ့တာတော့ သိတယ်။"

လွှတ်တော်တွင်း တိုင်းပြည်နဲ့ပြည်သူ အကျိုးပြုလုပ်ငန်းတွေ လုပ်ကိုင်နိုင်အောင် ဆောင်ရွက် သွားကြမှာဖြစ်တယ်လို့လည်း NLD ဗဟို အလုပ်အမှုဆောင်တစ်ဦးလည်းဖြစ် လွှတ်တော်ကိုယ်စားလှယ်လည်းဖြစ်တဲ့ ဦးထွန်းထွန်းဟိန် က ပြောပါတယ်။

"လွှတ်တော်တက်ဖို့ရာအတွက် ၂၅ရက်ထက် မစော၊ ၂၆ရက်နေ့ ထက် နောက်မကျပဲ လွှတ်တော်ကို သတင်းပို့ဖို့ အကြောင်းကြားထားပါတယ်။ လွှတ်တော် ဒုတိယအကြိမ်သက်တမ်း၊ ပထမဆုံး အစည်းအဝေးပေါ့လေ။ ကျနော်တို့က ကျနော်တို့ရဲ့ လွှတ်တော်ကိုယ်စားလှယ်တွေကို Capacity Building ပေါ့နော် ကျနော်တို့ အဲ့တာတွေ လုပ်ထားပါတယ်။

ဒီလွှတ်တော် ဒုတိယသက်တမ်းမှာ ဆိုလို့ရှိရင် ယေဘူယျအားဖြင့် ပြောမယ်ဆိုရင် ငါးနှစ်သက်တမ်းလို့ ပြောသော်လည်းပဲ တကယ်အချိန်က လေးနှစ်ခွဲလောက်ပဲ ရတာပေါ့လေ။ အဲ့တော့ ကျနော်တို့ လုပ်ပေးနိုင်တာ ရေတိုကာလမှာ အဖြေရနိုင်တဲ့ အဖြေရနိုင်တဲ့ဟာတွေကို လုပ်ငန်းတွေ၊ ပြည်သူ့အကျိုးပြု လုပ်ငန်းတွေ ကို ဆောင်ရွက်ပါ့မယ်။

ကျနော်တို့ ပြည်သူလူထုကို သူတို့ပေးခဲ့တဲ့ မဲအတွက် စိတ်မပျက်စေရပါဘူးလို့ပဲ ဒီလို အမှာစကားလေး ပါးချင်ပါတယ်။"

အခုအချိန်မှာတော့ အစိုးရဖွဲ့စည်းနိုင်ရေး၊ လွှတ်တော်အရေး စသဖြင့် နေပြည်တော် မှာ NLD ဘက်က ဗဟိုအလုပ် အမှုဆောင်အဖွဲ့တွေ တွေ့ဆုံဆွေးနွေးနေကြပေမဲ့ လို့ အသေးစိတ်အချက်အလက်တွေကို အတိုက်အခံပါတီဘက်က တရားဝင် ထုတ်ပြန်ကြေညာတာ မရှိသေးပါဘူး။

လက်ရှိအစိုးရဘက်ကတော့ အာဏာလွှဲပြောင်းရေး အဆင်ပြေချောမွေ့အောင် ဆောင်ရွက်မယ် လို့ သမ္မတဦးသိန်းစိန်ဘက်က ကတိပေးပြောဆို ထားသလို လက်ရှိအခြေအနေမှာလည်း အနိုင်ရ NLD ပါတီ တာဝန်ရှိသူတွေနဲ့ လက်ရှိသမ္မတဦးသိန်းစိန်အစိုးရဘက်က တာဝန်ရှိသူတွေ ဟာ နိုင်ငံတော်အကြီးအကဲ တာဝန်လွှဲပြောင်းရေး အတွက် နှစ်ဖက် ပူးပေါင်းဆောင်ရွက်ရေး ကော်မတီကို ဖွဲ့စည်းဆောင်ရွက်နေပြီဖြစ်ပါတယ်။

အာဏာစနစ်တကျလွှဲပြောင်းရေးအတွက် အစိုးရဘက်က ဖွဲ့စည်းထားတဲ့ နိုင်ငံတော် အကြီးအကဲ တာဝန်လွှဲပြောင်းမှု အထောက်အကူပြုကော်မတီ မှာ ဥက္ကဋ္ဌအဖြစ် ပြည်ထောင်စု ဝန်ကြီး ဦးလှထွန်းနဲ့ ပြည်ထောင်စုဝန်ကြီး ဦးရဲထွဋ်၊ နိုင်ငံတော်သမ္မတရုံး ညွှန်ကြားရေးမှူးချုပ် ဦးလှထွန်း၊ သမ္မတရုံး ညွှန်ကြားရေးမှူး ဦးဇော်ဌေးတို့ပါဝင်ပြီး NLD ဘက်ကတော့ ဦးဝင်းထိန်၊ ဒေါက်တာအောင်သူ နဲ့ ဒေါက်တာမျိုးအောင်တို့ ပါဝင်ပါတယ်။

အစိုးရဖွဲ့စည်းနိုင်ရေးနဲ့တပြိုင်နက်တည်း လွှတ်တော်တွင်း လွှတ်တော် လုပ်ငန်းရပ်တွေ ပြောင်းလွှဲနိုင်ရေး အတွက်ကိုလည်း လက်ရှိ ပြည်ထောင်စု လွှတ်တော်နာယက ပြည်သူ့လွှတ်တော်ဥက္ကဋ္ဌ သူရဦးရွှေမန်းနဲ့ အနိုင်ရပါတီ ဥက္ကဋ္ဌဒေါ်အောင်ဆန်းစုကြည်တို့လည်း မကြာခဏ ဆိုသလို တွေ့ဆုံဆွေးနွေးနေကြတာဖြစ်ပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com