မႏၲေလးခရုိင္အတြင္း ကေလးခုိးယူသည့္ မႈခင္းမရွိေသာ္လည္း သတိလက္လြတ္ မေနသင့္ ဟုဆို

 ကေလးခုိးယူမႈမ်ား ျဖစ္ေပၚေနသည္ဟု အြန္လုိင္းစာမ်က္ႏွာမ်ားေပၚတြင္ သတင္း ထြက္ေပၚေနျခင္းႏွင့္ ျပင္ပတြင္ ပ်ံ႕ႏွံ႔ေနေသာ ကိစၥရပ္မ်ားႏွင့္ ပတ္သက္၍ ကေလး ခိုးယူမႈ မရွိေသာ္လည္း ျပည္သူမ်ားအေနျဖင့္ သတိလက္လြတ္ မေနထုိင္ၾကရန္ မႏၲေလးခ႐ုိင္ ဒုတိယရဲမွဴးႀကီး စိန္ထြန္းက သတိေပးေျပာဆိုလိုက္သည္။

“ကေလးခုိးယူမႈနဲ႔ ပတ္သက္လို႔ အဓိကက မိသားစုေတြ ရင္နဲ႔မကြာေစဖို႔၊ လႊတ္မထားဖို႔ လုိတယ္။ ဒါ့အျပင္ ျပည္သူေတြလည္း ပူးေပါင္းပါ၀င္ၾကဖို႔လုိတယ္” ဟု မႏၲေလးခ႐ုိင္ ဒုတိယရဲမွဴးႀကီး စိန္ထြန္းက ေျပာသည္။

လက္ရွိ Facebook စာမ်က္ႏွာေပၚတြင္ ကေလးခုိးယူသည္ဟု ဆုိကာ သတင္းမ်ား ပ်ံ႕ႏွံ႔မႈ မ်ားလာျခင္းအတြက္ သီးသန္႔အေနျဖင့္ ထိန္းသိမ္းျခင္း လုပ္ငန္းမ်ားကို လုပ္ေဆာင္သြားမည္ မဟုတ္ေသာ္လည္း ရပ္ကြက္၊ ေက်း႐ြာမ်ားတြင္ မႈခင္း က်ဆင္းေရးအတြက္ ေဟာေျပာပြဲမ်ားျဖင့္ အသိပညာေပး သြားမည္ျဖစ္ေၾကာင္း
သိရသည္။

“အိမ္က ကေလးက ဂိမ္းဆုိင္သြားတာကို မသိလို႔ ေပ်ာက္တယ္ဆုိၿပီး တုိင္ခ်က္ဖြင့္တဲ့ အထိ ျဖစ္ဖူးတယ္။ အဲဒါေၾကာင့္ ကေလးေတြကို ကုိယ့္ကုိမေျပာဘဲ မသြားေအာင္ေျပာထားတယ္။ ကိုယ္က အျပင္သြားမယ္ဆုိလည္း ကုိယ့္ေဆြမ်ိဳး သားခ်င္း၊ အိမ္နီးခ်င္းေတြကို ေသခ်ာအပ္ထားဖို႔ လိုပါတယ္။ သက္ဆုိင္ရာပဲ အားကိုးမေနဘဲ ကုိယ္တုိင္ ထိန္းသိမ္းဖို႔ ပိုလုိမယ္ထင္တယ္” ဟု မႏၱေလးၿမိဳ႕တြင္ ေနထိုင္သည့္ ကေလးမိခင္တစ္ဦး ျဖစ္သည့္ ေဒၚ၀င္း၀င္းက ေျပာသည္။

ထုိ႔ေၾကာင့္ ကေလးခုိးယူမႈမ်ား ရွိေနသည္ဟု သတင္းမ်ား ထြက္ေပၚလာလွ်င္ မိဘျပည္သူမ်ား အေနျဖင့္ ခ်င့္ခ်ိန္ယုံၾကည္ၾကရန္၊ ခုိင္မာမႈရွိေသာ သတင္းမ်ားျဖစ္လွ်င္ သက္ဆုိင္ရာၿမိဳ႕နယ္ ရဲစခန္းမ်ားထံသို႔ အျမန္ဆုံး အေၾကာင္းၾကားရန္ လုိအပ္ေၾကာင္း မႏၲေလးခ႐ုိင္ ဒုတိယရဲမွဴးႀကီး စိန္ထြန္းက ေျပာသည္။

“မႏၱေလးခ႐ုိင္အတြင္းမွာ အရင္ကလည္း ကေလးခုိးမႈမရွိခဲ့ဘူး။ အခုထိလည္း ကေလးခုိးယူမႈအတြက္ တုိင္တန္းတာမ်ိဳး မရွိေသးဘူး။ ရွိလာရင္ သက္ဆုိင္ရာ အုပ္ခ်ဳပ္ေရး အဖြဲ႔အစည္း၊ လူမႈအဖြဲ႔အစည္းေတြနဲ႔ ပူးေပါင္းၿပီး လုပ္ေဆာင္ေပးသြားမွာျဖစ္တယ္” ဟု ၎ကေျပာသည္။

ကေလးခုိးယူမႈ ျဖစ္စဥ္မ်ားႏွင့္ ပတ္သက္၍ လူမႈကြန္ရက္ စာမ်က္ႏွာေပၚတြင္ တင္ထားသည့္ ဖုန္းနံပါတ္မ်ား ဆက္သြယ္ေသာ္လည္း ဆက္သြယ္ေမးျမန္း၍ မရခဲ့ေပ။

သတင္း - MMK
The Ladies News Journal
https://www.facebook.com/News.TheLadies
.....................


 ကလေးခိုးယူမှုများ ဖြစ်ပေါ်နေသည်ဟု အွန်လိုင်းစာမျက်နှာများပေါ်တွင် သတင်း ထွက်ပေါ်နေခြင်းနှင့် ပြင်ပတွင် ပျံ့နှံ့နေသော ကိစ္စရပ်များနှင့် ပတ်သက်၍ ကလေး ခိုးယူမှု မရှိသော်လည်း ပြည်သူများအနေဖြင့် သတိလက်လွတ် မနေထိုင်ကြရန် မန္တလေးခရိုင် ဒုတိယရဲမှူးကြီး စိန်ထွန်းက သတိပေးပြောဆိုလိုက်သည်။

“ကလေးခိုးယူမှုနဲ့ ပတ်သက်လို့ အဓိကက မိသားစုတွေ ရင်နဲ့မကွာစေဖို့၊ လွှတ်မထားဖို့ လိုတယ်။ ဒါ့အပြင် ပြည်သူတွေလည်း ပူးပေါင်းပါ၀င်ကြဖို့လိုတယ်” ဟု မန္တလေးခရိုင် ဒုတိယရဲမှူးကြီး စိန်ထွန်းက ပြောသည်။

လက်ရှိ Facebook စာမျက်နှာပေါ်တွင် ကလေးခိုးယူသည်ဟု ဆိုကာ သတင်းများ ပျံ့နှံ့မှု များလာခြင်းအတွက် သီးသန့်အနေဖြင့် ထိန်းသိမ်းခြင်း လုပ်ငန်းများကို လုပ်ဆောင်သွားမည် မဟုတ်သော်လည်း ရပ်ကွက်၊ ကျေးရွာများတွင် မှုခင်း ကျဆင်းရေးအတွက် ဟောပြောပွဲများဖြင့် အသိပညာပေး သွားမည်ဖြစ်ကြောင်း
သိရသည်။

“အိမ်က ကလေးက ဂိမ်းဆိုင်သွားတာကို မသိလို့ ပျောက်တယ်ဆိုပြီး တိုင်ချက်ဖွင့်တဲ့ အထိ ဖြစ်ဖူးတယ်။ အဲဒါကြောင့် ကလေးတွေကို ကိုယ့်ကိုမပြောဘဲ မသွားအောင်ပြောထားတယ်။ ကိုယ်က အပြင်သွားမယ်ဆိုလည်း ကိုယ့်ဆွေမျိုး သားချင်း၊ အိမ်နီးချင်းတွေကို သေချာအပ်ထားဖို့ လိုပါတယ်။ သက်ဆိုင်ရာပဲ အားကိုးမနေဘဲ ကိုယ်တိုင် ထိန်းသိမ်းဖို့ ပိုလိုမယ်ထင်တယ်” ဟု မန္တလေးမြို့တွင် နေထိုင်သည့် ကလေးမိခင်တစ်ဦး ဖြစ်သည့် ဒေါ်ဝင်းဝင်းက ပြောသည်။

ထို့ကြောင့် ကလေးခိုးယူမှုများ ရှိနေသည်ဟု သတင်းများ ထွက်ပေါ်လာလျှင် မိဘပြည်သူများ အနေဖြင့် ချင့်ချိန်ယုံကြည်ကြရန်၊ ခိုင်မာမှုရှိသော သတင်းများဖြစ်လျှင် သက်ဆိုင်ရာမြို့နယ် ရဲစခန်းများထံသို့ အမြန်ဆုံး အကြောင်းကြားရန် လိုအပ်ကြောင်း မန္တလေးခရိုင် ဒုတိယရဲမှူးကြီး စိန်ထွန်းက ပြောသည်။

“မန္တလေးခရိုင်အတွင်းမှာ အရင်ကလည်း ကလေးခိုးမှုမရှိခဲ့ဘူး။ အခုထိလည်း ကလေးခိုးယူမှုအတွက် တိုင်တန်းတာမျိုး မရှိသေးဘူး။ ရှိလာရင် သက်ဆိုင်ရာ အုပ်ချုပ်ရေး အဖွဲ့အစည်း၊ လူမှုအဖွဲ့အစည်းတွေနဲ့ ပူးပေါင်းပြီး လုပ်ဆောင်ပေးသွားမှာဖြစ်တယ်” ဟု ၎င်းကပြောသည်။

ကလေးခိုးယူမှု ဖြစ်စဉ်များနှင့် ပတ်သက်၍ လူမှုကွန်ရက် စာမျက်နှာပေါ်တွင် တင်ထားသည့် ဖုန်းနံပါတ်များ ဆက်သွယ်သော်လည်း ဆက်သွယ်မေးမြန်း၍ မရခဲ့ပေ။

သတင်း - MMK
The Ladies News Journal
https://www.facebook.com/News.TheLadies