ဇန္န၀ါရီ ၁၅ရက္၊ ၂၀၁၆ခုႏွစ္။ စဖန္းေရွာင္း
ထိုင္း-ျမန္မာနယ္စပ္ရွိ ကရင္ဒုကၡသည္စခန္းတစ္ခုျဖစ္သည့္ မယ္လစခန္းတြင္ ၿပီးခဲ့သည့္ ၂၀၁၅ခုႏွစ္အတြင္း သာမန္ ေသြး႐ိုး သား႐ိုး အေျခအေနေၾကာင့္ မဟုတ္ဘဲ ေသဆံုးခဲ့သူ ၂၃ဦးရွိေၾကာင္း မယ္လစခန္းမွျပဳစုထားသည့္ စာရင္းမ်ားအရ သိရွိရသည္။
မယ္လဒုကၡသည္စခန္း လူမႈေရးတာ၀န္ခံ ေစာဖေထာက “၂၀၁၄ကေတာ့ ေသဆံုးမႈေတြကို စာရင္းအတိအက်နဲ႔ မေျပာႏိုင္ေပ မယ့္ ေသခ်ာတာကေတာ့ ၂၀၁၅ခုႏွစ္အတြင္း ေသြး႐ိုးသား႐ိုး မဟုတ္ဘဲ ေသဆံုးမႈႏႈန္းဟာ ျမင့္တက္လာတယ္လို႔ေတာ့ ေျပာလို႔ ရတယ္”ဟု ေကအုိင္စီသို႔ ေျပာဆိုသည္။
၂၀၁၅ခုႏွစ္အတြက္ မယ္လစခန္းမွျပဳစုထားသည့္ စာရင္းမ်ားအရ ေသဆံုးမႈမ်ားမွာ မိမိကိုယ္ကို ေသေၾကာင္းႀကံစည္မႈေၾကာင့္ ေသဆံုးရသူ ၁၄ဦးအထိရွိၿပီး မေတာ္တဆ ျဖစ္ပြားမႈႏွင့္ ခိုက္ရန္ျဖစ္ပြားမႈေၾကာင့္ ေသဆံုးသူ ၉ဦးရွိေၾကာင္း သိရသည္။
အလားတူ တာ့ခ္ခ႐ိုင္၊ အုန္းဖန္ၿမိဳ႕နယ္ရွိ ဒုကၡသည္စခန္းတစ္ခုျဖစ္ေသာ အုန္းဖ်န္စခန္းတြင္ စခန္းတာ၀န္ရွိသူမ်ား ေကာက္ခံရ ယူထားသည့္ စာရင္းမ်ားအရ မိမိကိုယ္ကို ေသေၾကာင္းႀကံစည္မႈေၾကာင့္ ၂၀၁၅ခုႏွစ္အတြင္း ေသဆံုးသူတစ္ဦးသာရွိေၾကာင္း အုန္းဖ်န္စခန္း၏ လူမႈေရးတာ၀န္ခံ ေစာပလာေဖာ္က ေျပာသည္။
က်န္ရွိသည့္ဒုကၡသည္စခန္းမ်ား၏ စာရင္းကို လတ္တေလာ မသိရွိရေသးသလို တႏွစ္အတြင္း ဒုကၡသည္စခန္းရွိ လူေသဆံုးမႈ စာရင္းအခ်ဳပ္ကို ေကာက္ယူေနဆဲျဖစ္သည့္အတြက္ ဇန္န၀ါရီလကုန္ခန္႔မွသာ အတိအက် သိရွိႏိုင္မည္ျဖစ္ေၾကာင္း ကရင္ဒုကၡ သည္ေကာ္မတီ-KRC တြဲဖက္အတြင္းေရးမႉး ေနာ္ဘလူးမင္းႏိုက္ဇန္က ေျပာသည္။
ထိုင္း-ျမန္မာနယ္စပ္ရွိ ကရင္ဒုကၡသည္စခန္း ၇ခုအနက္ အႀကီးဆံုးစခန္းျဖစ္သည့္ မယ္လဒုကၡသည္စခန္းတြင္ ယခုႏွစ္အတြင္း မိမိကိုယ့္ကို ေသေၾကာင္းႀကံစည္မႈ၊ ခိုက္ရန္ျဖစ္ပြားမႈ၊ ယာဥ္တိုက္မႈ စသည့္ျဖစ္စဥ္မ်ားေၾကာင့္ လူေသဆံုးမႈမ်ား မၾကာခဏ ျဖစ္ ပြားေလ့ရွိၿပီး ထိုသို႔ျဖစ္ေပၚျခင္းရျခင္း အေၾကာင္းရင္းအေပၚ စခန္းတာ၀န္ရွိသူမ်ားႏွင့္ စခန္းတြင္းေနထိုင္ၾကသူမ်ားက အမ်ိဳးမ်ိဳး သံုးသပ္ေျပာဆိုေနၾကသည္။
စဖန္းေရွာင္း
KIC - ေကအုိင္စီ
http://kicnews.org
......................
ဇန်နဝါရီ ၁၅ရက်၊ ၂၀၁၆ခုနှစ်။ စဖန်းရှောင်း
ထိုင်း-မြန်မာနယ်စပ်ရှိ ကရင်ဒုက္ခသည်စခန်းတစ်ခုဖြစ်သည့် မယ်လစခန်းတွင် ပြီးခဲ့သည့် ၂၀၁၅ခုနှစ်အတွင်း သာမန် သွေးရိုး သားရိုး အခြေအနေကြောင့် မဟုတ်ဘဲ သေဆုံးခဲ့သူ ၂၃ဦးရှိကြောင်း မယ်လစခန်းမှပြုစုထားသည့် စာရင်းများအရ သိရှိရသည်။
မယ်လဒုက္ခသည်စခန်း လူမှုရေးတာဝန်ခံ စောဖထောက “၂၀၁၄ကတော့ သေဆုံးမှုတွေကို စာရင်းအတိအကျနဲ့ မပြောနိုင်ပေ မယ့် သေချာတာကတော့ ၂၀၁၅ခုနှစ်အတွင်း သွေးရိုးသားရိုး မဟုတ်ဘဲ သေဆုံးမှုနှုန်းဟာ မြင့်တက်လာတယ်လို့တော့ ပြောလို့ ရတယ်”ဟု ကေအိုင်စီသို့ ပြောဆိုသည်။
၂၀၁၅ခုနှစ်အတွက် မယ်လစခန်းမှပြုစုထားသည့် စာရင်းများအရ သေဆုံးမှုများမှာ မိမိကိုယ်ကို သေကြောင်းကြံစည်မှုကြောင့် သေဆုံးရသူ ၁၄ဦးအထိရှိပြီး မတော်တဆ ဖြစ်ပွားမှုနှင့် ခိုက်ရန်ဖြစ်ပွားမှုကြောင့် သေဆုံးသူ ၉ဦးရှိကြောင်း သိရသည်။
အလားတူ တာ့ခ်ခရိုင်၊ အုန်းဖန်မြို့နယ်ရှိ ဒုက္ခသည်စခန်းတစ်ခုဖြစ်သော အုန်းဖျန်စခန်းတွင် စခန်းတာဝန်ရှိသူများ ကောက်ခံရ ယူထားသည့် စာရင်းများအရ မိမိကိုယ်ကို သေကြောင်းကြံစည်မှုကြောင့် ၂၀၁၅ခုနှစ်အတွင်း သေဆုံးသူတစ်ဦးသာရှိကြောင်း အုန်းဖျန်စခန်း၏ လူမှုရေးတာဝန်ခံ စောပလာဖော်က ပြောသည်။
ကျန်ရှိသည့်ဒုက္ခသည်စခန်းများ၏ စာရင်းကို လတ်တလော မသိရှိရသေးသလို တနှစ်အတွင်း ဒုက္ခသည်စခန်းရှိ လူသေဆုံးမှု စာရင်းအချုပ်ကို ကောက်ယူနေဆဲဖြစ်သည့်အတွက် ဇန်နဝါရီလကုန်ခန့်မှသာ အတိအကျ သိရှိနိုင်မည်ဖြစ်ကြောင်း ကရင်ဒုက္ခ သည်ကော်မတီ-KRC တွဲဖက်အတွင်းရေးမှူး နော်ဘလူးမင်းနိုက်ဇန်က ပြောသည်။
ထိုင်း-မြန်မာနယ်စပ်ရှိ ကရင်ဒုက္ခသည်စခန်း ရခုအနက် အကြီးဆုံးစခန်းဖြစ်သည့် မယ်လဒုက္ခသည်စခန်းတွင် ယခုနှစ်အတွင်း မိမိကိုယ့်ကို သေကြောင်းကြံစည်မှု၊ ခိုက်ရန်ဖြစ်ပွားမှု၊ ယာဉ်တိုက်မှု စသည့်ဖြစ်စဉ်များကြောင့် လူသေဆုံးမှုများ မကြာခဏ ဖြစ် ပွားလေ့ရှိပြီး ထိုသို့ဖြစ်ပေါ်ခြင်းရခြင်း အကြောင်းရင်းအပေါ် စခန်းတာဝန်ရှိသူများနှင့် စခန်းတွင်းနေထိုင်ကြသူများက အမျိုးမျိုး သုံးသပ်ပြောဆိုနေကြသည်။
စဖန်းရှောင်း
KIC - ကေအိုင်စီ
http://kicnews.org
No comments:
Post a Comment