မဂၤလာေစ်း ဒုတိယအႀကိမ္မီးေလာင္ ၊ ၀ါယာေရွာ့မျဖစ္ႏိုင္ဟု ေစ်းသူေစ်းသားအခ်ဳိ႕ သံုးသပ္

ရန္္ကုန္ၿမိဳ႕ မဂၤလာေတာင္ညြန္႕ ၿမိိဳ႕နယ္ မဂၤလာေစ်း စတုထၳထပ္ႏွင့္ တတိယထပ္တို႕တြင္ ဇန္န၀ါရီ ၉ ရက္ နံနက္ ၁ နာရီေက်ာ္ခန္႕က စတင္၍ မီးေလာင္ကၽြမ္းမႈ ျဖစ္ပြားခဲ့ရာ ငါးလႊာႏွင့္ ေျခာက္လႊာ ၿပိဳက်ပ်က္စီးခဲ့ကာ နံနက္ ၇ နာရီေက်ာ္တြင္ မီးထိန္းႏိုင္ခဲ့ၿပီး မီးသတ္ကား အစီးေရ တစ္ရာေက်ာ္ျဖင့္ ငါးနာရီၾကာ ခက္ခက္ခဲခဲ
ၿငိွမ္းသတ္ခ့ဲရသည္ဟု ျမန္မာႏိုင္ငံ မီးသတ္တပ္ဖြဲ႕က သတင္းထုတ္ျပန္သည္။

အဆင့္ျမင့္ မဂၤလာေစ်း ေလးလႊာ မီးေလာင္မႈတြင္ မီးၿငွိမ္းသတ္ယာဥ္ ၅၈ စီး၊ မီးသတ္ေရသယ္ယာဥ္ ၂၇ စီး၊ မီးသတ္ အေထာက္အကူျပဳယာဥ္ ၁၈ စီး၊ ေလွကားတင္ယာဥ္ ေျခာက္စီး၊ သူနာတင္ယာဥ္ ၁၉ စီး၊ မိတ္ဖက္ေရသယ္ယာဥ္ေျခာက္စီး၊ စုစုေပါင္း ယာဥ္ ၁၃၄ စီးနွင့္အတူ သေႏၶမီးသတ္တပ္ဖြဲဲ႕၀င္ ၅၉၀ ဦး၊
အရန္မီးသတ္ တပ္ဖြဲ႕၀င္ ၂၁၆ ဦး၊ ၾကက္ေျခနီ ၁၅၃ ဦးတို႔ျဖင့္ မီးၿငွိမ္းသတ္ေရး ေဆာင္ရြက္ခဲ့ၿပီး ၊ တပ္မေတာ္ ၊ ရဲတပ္ဖြဲ႕တို႕က လုံၿခဳံေရး တင္းက်ပ္ထားခဲ့ကာ မီးသတ္တပ္ဖြဲ႕မွ အမ်ိဳးသမီး တပ္ဖြဲ႕၀င္မ်ားလည္း မီးေလာင္ျပင္သို႕ လာေရာက္၍ ေထာက္ပံ့ေရး ကိစၥမ်ား ေဆာင္ရြက္ေပးခဲ့ေၾကာင္း ျမန္မာႏိုင္ငံ မီးသတ္တပ္ဖြဲ႕က သတင္းထုတ္ျပန္ခဲ့ သည္။

“အရင္တစ္ေခါက္ထက္ ဆိုးတယ္ ။ လူလည္း အားတင္းထားရတယ္ ။ မရွိတဲ့ အားေတြကို ေကာက္ၿပီးေတာ့ တင္းထားရတယ္ ။ ႏွစ္ခါဆိုေတာ့ လူေတြလည္း ပက္လက္လန္ေနၿပီ ။ ဘယ္လို လုပ္ရမွန္းမသိဘူး” ဟု မီးေလာင္ကၽြမ္းမႈတြင္ ဆိုင္ခန္းသုံးခန္း ဆုံး႐ႈံးသြားသည့္ ေဆးဆိုင္ပိုင္ရွင္ အမ်ိဳးသမီးႀကီးတစ္ဦးက
ေျပာသည္။

အဆိုပါ မီးေလာင္ကၽြမ္းမႈေၾကာင့္ ေဆးပစၥည္းတန္းႏွင့္ အလွကုန္ ပစၥည္းတန္းမ်ား အကုန္လုံး ဆုံးရႈံးခဲ့ေၾကာင္း ရန္ကုန္ၿမိဳ႕ေတာ္၀န္ ဦးလွျမင့္က မီးေလာင္ရာေနရာသို႕ ေရာက္ရွိစဥ္ ေျပာၾကားခဲ့သည္။

“အဓိက အားျဖင့္ေတာ့ ေဆးပစၥည္းတန္းရယ္ ၊ အလွကုန္ပစၥည္းတန္းရယ္ အကုန္လုံးေလာက္ ဆုံးရႈံးတယ္လို႕ ထင္ပါတယ္ ။ အဲ့ဒီအထပ္ေတြပဲ ေလာင္တာကိုး။ ဘယ္က စေလာင္တယ္ ဆိုတာကေတာ့ သက္ဆိုင္ရာ မီးသတ္တပ္ဖြဲ႕ရယ္ ၊ တာ၀န္ရွိသူေတြရယ္ အကုန္ေပါင္းၿပီးေတာ့ စစ္ေဆးရမွာေပါ့” ဟု ၿမိဳ႕ေတာ္၀န္
ဦးလွျမင့္က ေျပာသည္။

မဂၤလာေစ်း မီးေလာင္ကၽြမ္းမႈသည္ ဓာတ္ေလွကားမွ စတင္၍ ၀ါယာေရွာ႕ျဖစ္ၿပီး စတင္ေလာင္ကၽြမ္းသည္ဟု ေျပာဆိုေနၾကေသာ္လည္း ဆိုင္ခန္းပိုင္ရွင္မ်ားကမူ ၀ါယာေရွာ့ ျဖစ္သည္ဆိုျခင္းကို လက္မခံႏိုင္ဟု ေျပာဆိုေနၾကသည္။ ျမန္မာႏိုင္ငံ မီးသတ္တပ္ဖြဲ႕ အပါအ၀င္ သက္ဆိုင္ရာ အဖြဲ႕အစည္းမ်ားက မီးစတင္ေလာင္ကၽြမ္း
ျခင္းႏွင့္ ပတ္သက္၍ တစ္စုံတစ္ရာ ထုတ္ျပန္ျခင္း မျပဳေသးဟုလည္း တာ၀န္ရွိသူမ်ားက ေျပာဆိုၾကသည္။

“၀ါယာေရွာ႕လို႕ေျပာတာကို လက္မခံဘူး ။ သူတို႕က ေဘးမီးပဲ ေပးထားတယ္ ။ ကိုယ့္ဘာသာ မီးအိမ္ေလးေတြ ေဆာင္တဲ့သူရွိတယ္ ။ ဖုန္းမီးေတြ ရွိတယ္ ။ တစ္ပုံႀကီးပဲ ။ အရင္တုန္းက တတိယထပ္ မီးမေလာင္ခင္တုန္းက မီးေပးတယ္။ အခုမေပးေတာ့ဘူး။ မီးအား နည္းနည္းေလး မွိန္မွိန္ေလးပဲ ေပးတာ။ ဒီကိစၥကို
ေသေသခ်ာခ်ာ ေဖာ္ထုတ္သင့္ေနၿပီ ။ အသိအသာႀကီးေလ။ မီးလည္း မသုံးဘူး ။ ႐ိုး႐ိုးတန္းတန္း စားေသာက္ဆိုင္ေတြ ဆိုလည္း ညေနဆို ျပန္ရတယ္” ဟု အဆိုပါေစ်း စတုထၳထပ္တြင္ ေဆးပစၥည္း ေရာင္းခ်သည့္ အမ်ိဳးသမီးႀကီးတစ္ဦးက ေျပာသည္။

မီးေလာင္ကၽြမ္းမႈေၾကာင့္ မီးသတ္ ၀န္ထမ္းအခ်ိဳ႕ႏွင့္ ၾကက္ေျခနီ ၀န္ထမ္းအခ်ိဳ႕ ဒဏ္ရာရရွိခဲ့ၿပီး အေသအေပ်ာက္ မရွိေၾကာင္း မီးသတ္၀န္ထမ္းမ်ားထံမွ သိရသည္။

စတုထၳထပ္ႏွင့္ တတိယထပ္ရွိ ေဆးပစၥည္းဆိုင္မ်ားႏွင့္ အလွကုန္ဆိုင္မ်ား မီးေလာင္ကၽြမ္းခဲ့ၿပီး က်န္ေအာက္ထပ္ ဆိုင္ခန္းမွာမွာ ေရစို႐ုံသာရွိကာ စတုထၳထပ္၏ ေခါင္မိုး၊ စားေသာက္ဆိုင္မ်ား ရွိသည့္ အထပ္၏ ၾကမ္းခင္းမွာ တတိယထပ္အေပၚ ၿပိဳဆင္းသြားသည့္ အေနအထားတြင္ရွိၿပီး တတိယထပ္သည္လည္း အကာအရံမ်ား ကြဲအက္ၿပိဳပ်က္ခဲ့ေၾကာင္း မီးသတ္၀န္ထမ္းမ်ားထံမွ သိရသည္။

အဆင့္ျမင့္ မဂၤလာေစ်း မီးေလာင္မႈသည္ (Level 5) အဆင့္ရွိ ၿပီး ဒုတိယအလႊာသို႕ပါ ကူးစက္ေလာင္ကၽြမ္းခဲ့ေၾကာင္း ၊ မီးေလာင္ရာသို႔ ရန္ကုန္တိုင္း ၀န္ႀကီးခ်ဳပ္ဦးျမင့္ေဆြ လာေရာက္ ၾကည့္ရႈခဲ့ၿပီး ေလးလႊာ ၊ သုံးလႊာမွ ႏွစ္လႊာအထိ မီးကူးစက္ေလာင္ကြၽမ္းခဲ့ျခင္းေၾကာင့္ မီးသတ္ယာဥ္မ်ား သြားလာမႈ လြယ္ကူေစရန္ လမ္းလယ္ဘေလာက္တုန္းမ်ားအား ျပည္သူမ်ားက ၀ိုင္း၀န္း ေရႊ႕ေျပာင္း ေပးခဲ့ၾကေၾကာင္း ၊ နံနက္ပိုင္းတြင္ မီးထိန္းႏိုင္ခဲ့ေသာ္လည္း မီးၾကြင္းမီးက်န္မ်ားကို ေန႔ ၁ နာရီ၀န္းက်င္ခန္႔ထိ ဆက္လက္ ၿငိွမ္းသတ္ခဲ့ရေၾကာင္း သိရသည္။

မဂၤလာေစ်း မီးေလာင္ကၽြမ္းမႈမွာ ယခုအခါ ဒုတိယအႀကိမ္ျဖစ္ၿပီး ပထမအႀကိမ္မွာ၂၀၁၀ ခုႏွစ္ မတ္လ ၂၅ ရက္က ေလာင္ကၽြမ္းခဲ့ျခင္း ျဖစ္ကာ ၃၆ နာရီခန္႕ၾကာျမင့္စြာ မီးၿငိွမ္းသတ္ခဲ့ရသည္။

သတင္း - ေဇာ္မင္းထြန္း
Photo – Saung Phyu
The Ladies News Journal
https://www.facebook.com/News.TheLadies

.......................

ရန််ကုန်မြို့ မင်္ဂလာတောင်ညွန့် မြိို့နယ် မင်္ဂလာစျေး စတုထ္ထထပ်နှင့် တတိယထပ်တို့တွင် ဇန်နဝါရီ ၉ ရက် နံနက် ၁ နာရီကျော်ခန့်က စတင်၍ မီးလောင်ကျွမ်းမှု ဖြစ်ပွားခဲ့ရာ ငါးလွှာနှင့် ခြောက်လွှာ ပြိုကျပျက်စီးခဲ့ကာ နံနက် ရ နာရီကျော်တွင် မီးထိန်းနိုင်ခဲ့ပြီး မီးသတ်ကား အစီးရေ တစ်ရာကျော်ဖြင့် ငါးနာရီကြာ ခက်ခက်ခဲခဲ

ငြိှမ်းသတ်ခဲ့ရသည်ဟု မြန်မာနိုင်ငံ မီးသတ်တပ်ဖွဲ့က သတင်းထုတ်ပြန်သည်။

အဆင့်မြင့် မင်္ဂလာစျေး လေးလွှာ မီးလောင်မှုတွင် မီးငြှိမ်းသတ်ယာဉ် ၅၈ စီး၊ မီးသတ်ရေသယ်ယာဉ် ၂၇ စီး၊ မီးသတ် အထောက်အကူပြုယာဉ် ၁၈ စီး၊ လှေကားတင်ယာဉ် ခြောက်စီး၊ သူနာတင်ယာဉ် ၁၉ စီး၊ မိတ်ဖက်ရေသယ်ယာဉ်ခြောက်စီး၊ စုစုပေါင်း ယာဉ် ၁၃၄ စီးနှင့်အတူ သန္ဓေမီးသတ်တပ်ဖွဲဲ့ဝင် ၅၉၀ ဦး၊

အရန်မီးသတ် တပ်ဖွဲ့ဝင် ၂၁၆ ဦး၊ ကြက်ခြေနီ ၁၅၃ ဦးတို့ဖြင့် မီးငြှိမ်းသတ်ရေး ဆောင်ရွက်ခဲ့ပြီး ၊ တပ်မတော် ၊ ရဲတပ်ဖွဲ့တို့က လုံခြုံရေး တင်းကျပ်ထားခဲ့ကာ မီးသတ်တပ်ဖွဲ့မှ အမျိုးသမီး တပ်ဖွဲ့ဝင်များလည်း မီးလောင်ပြင်သို့ လာရောက်၍ ထောက်ပံ့ရေး ကိစ္စများ ဆောင်ရွက်ပေးခဲ့ကြောင်း မြန်မာနိုင်ငံ မီးသတ်တပ်ဖွဲ့က သတင်းထုတ်ပြန်ခဲ့ သည်။

“အရင်တစ်ခေါက်ထက် ဆိုးတယ် ။ လူလည်း အားတင်းထားရတယ် ။ မရှိတဲ့ အားတွေကို ကောက်ပြီးတော့ တင်းထားရတယ် ။ နှစ်ခါဆိုတော့ လူတွေလည်း ပက်လက်လန်နေပြီ ။ ဘယ်လို လုပ်ရမှန်းမသိဘူး” ဟု မီးလောင်ကျွမ်းမှုတွင် ဆိုင်ခန်းသုံးခန်း ဆုံးရှုံးသွားသည့် ဆေးဆိုင်ပိုင်ရှင် အမျိုးသမီးကြီးတစ်ဦးက

ပြောသည်။

အဆိုပါ မီးလောင်ကျွမ်းမှုကြောင့် ဆေးပစ္စည်းတန်းနှင့် အလှကုန် ပစ္စည်းတန်းများ အကုန်လုံး ဆုံးရှုံးခဲ့ကြောင်း ရန်ကုန်မြို့တော်ဝန် ဦးလှမြင့်က မီးလောင်ရာနေရာသို့ ရောက်ရှိစဉ် ပြောကြားခဲ့သည်။

“အဓိက အားဖြင့်တော့ ဆေးပစ္စည်းတန်းရယ် ၊ အလှကုန်ပစ္စည်းတန်းရယ် အကုန်လုံးလောက် ဆုံးရှုံးတယ်လို့ ထင်ပါတယ် ။ အဲ့ဒီအထပ်တွေပဲ လောင်တာကိုး။ ဘယ်က စလောင်တယ် ဆိုတာကတော့ သက်ဆိုင်ရာ မီးသတ်တပ်ဖွဲ့ရယ် ၊ တာဝန်ရှိသူတွေရယ် အကုန်ပေါင်းပြီးတော့ စစ်ဆေးရမှာပေါ့” ဟု မြို့တော်ဝန်

ဦးလှမြင့်က ပြောသည်။

မင်္ဂလာစျေး မီးလောင်ကျွမ်းမှုသည် ဓာတ်လှေကားမှ စတင်၍ ၀ါယာရှော့ဖြစ်ပြီး စတင်လောင်ကျွမ်းသည်ဟု ပြောဆိုနေကြသော်လည်း ဆိုင်ခန်းပိုင်ရှင်များကမူ ၀ါယာရှော့ ဖြစ်သည်ဆိုခြင်းကို လက်မခံနိုင်ဟု ပြောဆိုနေကြသည်။ မြန်မာနိုင်ငံ မီးသတ်တပ်ဖွဲ့ အပါအဝင် သက်ဆိုင်ရာ အဖွဲ့အစည်းများက မီးစတင်လောင်ကျွမ်း

ခြင်းနှင့် ပတ်သက်၍ တစ်စုံတစ်ရာ ထုတ်ပြန်ခြင်း မပြုသေးဟုလည်း တာဝန်ရှိသူများက ပြောဆိုကြသည်။

“၀ါယာရှော့လို့ပြောတာကို လက်မခံဘူး ။ သူတို့က ဘေးမီးပဲ ပေးထားတယ် ။ ကိုယ့်ဘာသာ မီးအိမ်လေးတွေ ဆောင်တဲ့သူရှိတယ် ။ ဖုန်းမီးတွေ ရှိတယ် ။ တစ်ပုံကြီးပဲ ။ အရင်တုန်းက တတိယထပ် မီးမလောင်ခင်တုန်းက မီးပေးတယ်။ အခုမပေးတော့ဘူး။ မီးအား နည်းနည်းလေး မှိန်မှိန်လေးပဲ ပေးတာ။ ဒီကိစ္စကို

သေသေချာချာ ဖော်ထုတ်သင့်နေပြီ ။ အသိအသာကြီးလေ။ မီးလည်း မသုံးဘူး ။ ရိုးရိုးတန်းတန်း စားသောက်ဆိုင်တွေ ဆိုလည်း ညနေဆို ပြန်ရတယ်” ဟု အဆိုပါစျေး စတုထ္ထထပ်တွင် ဆေးပစ္စည်း ရောင်းချသည့် အမျိုးသမီးကြီးတစ်ဦးက ပြောသည်။

မီးလောင်ကျွမ်းမှုကြောင့် မီးသတ် ၀န်ထမ်းအချို့နှင့် ကြက်ခြေနီ ၀န်ထမ်းအချို့ ဒဏ်ရာရရှိခဲ့ပြီး အသေအပျောက် မရှိကြောင်း မီးသတ်ဝန်ထမ်းများထံမှ သိရသည်။

စတုထ္ထထပ်နှင့် တတိယထပ်ရှိ ဆေးပစ္စည်းဆိုင်များနှင့် အလှကုန်ဆိုင်များ မီးလောင်ကျွမ်းခဲ့ပြီး ကျန်အောက်ထပ် ဆိုင်ခန်းမှာမှာ ရေစိုရုံသာရှိကာ စတုထ္ထထပ်၏ ခေါင်မိုး၊ စားသောက်ဆိုင်များ ရှိသည့် အထပ်၏ ကြမ်းခင်းမှာ တတိယထပ်အပေါ် ပြိုဆင်းသွားသည့် အနေအထားတွင်ရှိပြီး တတိယထပ်သည်လည်း အကာအရံများ ကွဲအက်ပြိုပျက်ခဲ့ကြောင်း မီးသတ်ဝန်ထမ်းများထံမှ သိရသည်။

အဆင့်မြင့် မင်္ဂလာစျေး မီးလောင်မှုသည် (Level 5) အဆင့်ရှိ ပြီး ဒုတိယအလွှာသို့ပါ ကူးစက်လောင်ကျွမ်းခဲ့ကြောင်း ၊ မီးလောင်ရာသို့ ရန်ကုန်တိုင်း ၀န်ကြီးချုပ်ဦးမြင့်ဆွေ လာရောက် ကြည့်ရှုခဲ့ပြီး လေးလွှာ ၊ သုံးလွှာမှ နှစ်လွှာအထိ မီးကူးစက်လောင်ကျွမ်းခဲ့ခြင်းကြောင့် မီးသတ်ယာဉ်များ သွားလာမှု လွယ်ကူစေရန် လမ်းလယ်ဘလောက်တုန်းများအား ပြည်သူများက ၀ိုင်းဝန်း ရွှေ့ပြောင်း ပေးခဲ့ကြကြောင်း ၊ နံနက်ပိုင်းတွင် မီးထိန်းနိုင်ခဲ့သော်လည်း မီးကြွင်းမီးကျန်များကို နေ့ ၁ နာရီဝန်းကျင်ခန့်ထိ ဆက်လက် ငြိှမ်းသတ်ခဲ့ရကြောင်း သိရသည်။

မင်္ဂလာစျေး မီးလောင်ကျွမ်းမှုမှာ ယခုအခါ ဒုတိယအကြိမ်ဖြစ်ပြီး ပထမအကြိမ်မှာ၂၀၁၀ ခုနှစ် မတ်လ ၂၅ ရက်က လောင်ကျွမ်းခဲ့ခြင်း ဖြစ်ကာ ၃၆ နာရီခန့်ကြာမြင့်စွာ မီးငြိှမ်းသတ်ခဲ့ရသည်။

သတင်း - ဇော်မင်းထွန်း

Photo – Saung Phyu

The Ladies News Journal

https://www.facebook.com/News.TheLadies