တ႐ုတ္ကို သစ္ေရာင္းဖို႔ ေဆြးေႏြးမွု မပြင့္လင္း

ျမန္မာ နိုင္ငံက သစ္ေတြ တ႐ုတ္နိုင္ငံကို တရားဝင္ ေရာင္းခ်နိုင္ဖို႔ အတြက္ နားလည္မွု စာခၽြန္လႊာ လက္မွတ္ေရးထိုးနိုင္ေရး အတြက္ ႏွစ္နိုင္ငံ ၾကား ေဆြးေႏြးမွုေတြဟာ ပြင့္လင္း ျမင္သာမွု မရွိဘူးလို႔ အဖြဲ႕ အစည္း ၁၃၉ ဖြဲ႕က ထုတ္ေဖာ္ ေျပာဆိုၿပီး ကန္႔ကြက္လိုက္ပါတယ္။

က်ယ္က်ယ္ျပန္႔ျပန္႔ ေဆြးေႏြး တာေတြ မရွိတဲ့ အတြက္ လက္မွတ္ထိုးဖို႔ ေစာလြန္း ေနေသးတယ္လို႔ လည္း လူထု အေျချပဳ အရပ္ဖက္ အဖြဲ႕ အစည္းေတြက ေျပာၾကပါတယ္။

အဲဒီ ေဆြးေႏြးပြဲ ျဖစ္ေျမာက္ေရး အတြက္ ေငြေၾကး ေထာက္ပံ့ ေပးေနတယ္လို႔ ဆိုတဲ့ Blue Moon Fund အဖြဲ႕ကို အဲဒီ အဖြဲ႕ေတြက လက္မွတ္ေရးထိုး ကန္႔ကြက္ ၾကတာ ျဖစ္ပါတယ္။

ႏွစ္နိုင္ငံၾကား ေတြ႕ဆုံ ေဆြးေႏြးမွုေတြ ျဖစ္ေျမာက္ေအာင္ Blue Moon Fund အဖြဲ႕က ကုန္က်စရိတ္ ေထာက္ပံ့တယ္လို႔လည္း ဦးဝင္းမ်ိဳးသူက ေျပာပါတယ္။

တ႐ုတ္နဲ႔ ျမန္မာ နိုင္ငံၾကား တရားဝင္ သစ္ထုတ္လုပ္ေရးနဲ႔ ပတ္သက္တဲ့ ေဆြးေႏြးမွုေတြကို ေနျပည္ေတာ္မွာ လုပ္ခဲ့တုန္းက အရပ္ဖက္ အဖြဲ႕ တခ်ိဳ႕ကို ဖိတ္ခဲ့ေပမဲ့ က်ယ္က်ယ္ ျပန္႔ျပန္႔ ေဆြးေႏြး ခဲ့တာေတြ မရွိခဲ့ဘဲ စာခၽြန္လႊာ လက္မွတ္ ထိုးနိုင္ေရး လုပ္ေဆာင္မွုဟာ နယ္ေတြက အရပ္ဖက္ အဖြဲ႕ေတြကို သံသယေတြ တိုးပြား ေစတယ္လို႔ သူက ေျပာပါတယ္။

ဒါေၾကာင့္ သစ္ေတာထြက္ ပစၥည္းေတြကို ျပဳျပင္ ထုတ္လုပ္တဲ့ စက္မွုဇုန္ေတြ ထူေထာင္သြားမယ္ဆိုရင္ ေဒသတြင္းမွာ ပိုမို နစ္နာစရာ ရွိတယ္လို႔ ေဒသခံေတြက ယုံၾကည္ ေနတယ္လို႔လည္း သူက ေျပာပါတယ္။

သူတို႔ေျမေတြသိမ္းမွာ၊ သစ္ေတာထြက္ ပစၥည္းေတြ ပိုဆုံးရွုံးမွာနဲ႔ ဒါနဲ႔ ပတ္သက္လို႔ စစ္ေရး အရ အေရးယူမွုေတြ ျဖစ္လာ မလားလို႔ စိုးရိမ္ ေနၾကတာ လို႔လည္း ဦးဝင္းမ်ိဳးသူက ေျပာပါတယ္။

အခုလို ေတာင္းဆိုမွုေၾကာင့္ ပိုမိုက်ယ္ျပန္႔တဲ့ ေဆြးေႏြးပြဲ ျပဳလုပ္ၿပီး အားလုံး ပါဝင္နိုင္ေအာင္ ေဆာင္ရြက္သြားဖို႔ ေမၽွာ္လင့္တယ္လို႔ ဦးဝင္းမ်ိဳးသူက ေျပာပါတယ္။

BBC Burmese
http://www.bbc.com/burmese

......................................................

တရုတ်ကို သစ်ရောင်းဖို့ ဆွေးနွေးမှု မပွင့်လင်း

မြန်မာ နိုင်ငံက သစ်တွေ တရုတ်နိုင်ငံကို တရားဝင် ရောင်းချနိုင်ဖို့ အတွက် နားလည်မှု စာချွန်လွှာ လက်မှတ်ရေးထိုးနိုင်ရေး အတွက် နှစ်နိုင်ငံ ကြား ဆွေးနွေးမှုတွေဟာ ပွင့်လင်း မြင်သာမှု မရှိဘူးလို့ အဖွဲ့ အစည်း ၁၃၉ ဖွဲ့က ထုတ်ဖော် ပြောဆိုပြီး ကန့်ကွက်လိုက်ပါတယ်။

ကျယ်ကျယ်ပြန့်ပြန့် ဆွေးနွေး တာတွေ မရှိတဲ့ အတွက် လက်မှတ်ထိုးဖို့ စောလွန်း နေသေးတယ်လို့ လည်း လူထု အခြေပြု အရပ်ဖက် အဖွဲ့ အစည်းတွေက ပြောကြပါတယ်။

အဲဒီ ဆွေးနွေးပွဲ ဖြစ်မြောက်ရေး အတွက် ငွေကြေး ထောက်ပံ့ ပေးနေတယ်လို့ ဆိုတဲ့ Blue Moon Fund အဖွဲ့ကို အဲဒီ အဖွဲ့တွေက လက်မှတ်ရေးထိုး ကန့်ကွက် ကြတာ ဖြစ်ပါတယ်။

နှစ်နိုင်ငံကြား တွေ့ဆုံ ဆွေးနွေးမှုတွေ ဖြစ်မြောက်အောင် Blue Moon Fund အဖွဲ့က ကုန်ကျစရိတ် ထောက်ပံ့တယ်လို့လည်း ဦးဝင်းမျိုးသူက ပြောပါတယ်။

တရုတ်နဲ့ မြန်မာ နိုင်ငံကြား တရားဝင် သစ်ထုတ်လုပ်ရေးနဲ့ ပတ်သက်တဲ့ ဆွေးနွေးမှုတွေကို နေပြည်တော်မှာ လုပ်ခဲ့တုန်းက အရပ်ဖက် အဖွဲ့ တချို့ကို ဖိတ်ခဲ့ပေမဲ့ ကျယ်ကျယ် ပြန့်ပြန့် ဆွေးနွေး ခဲ့တာတွေ မရှိခဲ့ဘဲ စာချွန်လွှာ လက်မှတ် ထိုးနိုင်ရေး လုပ်ဆောင်မှုဟာ နယ်တွေက အရပ်ဖက် အဖွဲ့တွေကို သံသယတွေ တိုးပွား စေတယ်လို့ သူက ပြောပါတယ်။

ဒါကြောင့် သစ်တောထွက် ပစ္စည်းတွေကို ပြုပြင် ထုတ်လုပ်တဲ့ စက်မှုဇုန်တွေ ထူထောင်သွားမယ်ဆိုရင် ဒေသတွင်းမှာ ပိုမို နစ်နာစရာ ရှိတယ်လို့ ဒေသခံတွေက ယုံကြည် နေတယ်လို့လည်း သူက ပြောပါတယ်။

သူတို့မြေတွေသိမ်းမှာ၊ သစ်တောထွက် ပစ္စည်းတွေ ပိုဆုံးရှုံးမှာနဲ့ ဒါနဲ့ ပတ်သက်လို့ စစ်ရေး အရ အရေးယူမှုတွေ ဖြစ်လာ မလားလို့ စိုးရိမ် နေကြတာ လို့လည်း ဦးဝင်းမျိုးသူက ပြောပါတယ်။

အခုလို တောင်းဆိုမှုကြောင့် ပိုမိုကျယ်ပြန့်တဲ့ ဆွေးနွေးပွဲ ပြုလုပ်ပြီး အားလုံး ပါဝင်နိုင်အောင် ဆောင်ရွက်သွားဖို့ မျှော်လင့်တယ်လို့ ဦးဝင်းမျိုးသူက ပြောပါတယ်။

BBC Burmese

http://www.bbc.com/burmese