ပစ္ခတ္ေစာင့္ၾကည့္ ေကာ္မတီက နယ္နမိတ္ေတြ သတ္မွတ္

 RCSS နဲ႔ တိုက္ပြဲ ျဖစ္ရတာက နယ္နမိတ္ မသတ္မွတ္ရေသးတာေၾကာင့္လို႔JMC ေျပာ (ဓါတ္ပုံ ျမန္မာ ၿငိမ္းခ်မ္းေရး စင္တာ)

ဇန္နဝါရီလ ၈ ရက္ေန႔မွာ ပစ္ခတ္ တိုက္ခိုက္မွု ရပ္စဲေရး ဆိုင္ရာ ပူးတြဲ ေစာင့္ၾကည့္ ေရး ေကာ္မတီ JMC ရဲ့ တတိယ အႀကိမ္ေျမာက္ အစည္း အေဝး ကို ရန္ကုန္ ၿမိဳ႕မွာ က်င္းပ ခဲ့ပါတယ္။

အစည္းအေဝးကို တိုင္းရင္းသား လက္နက္ကိုင္ အဖြဲ႕ေတြက ကိုယ္စားလွယ္ေတြ၊ နိုင္ငံတကာ သံတမန္ေတြနဲ႔ ေလ့လာေစာင့္ၾကည့္ေရး အဖြဲ႕ေတြ ၿပီးေတာ့ စစ္တပ္ ဘက္က ကိုယ္စားလွယ္ေတြလည္း တက္ေရာက္ ခဲ့ၾကပါတယ္။

အခု အစည္းအေဝးဟာ ျမန္မာ ၿငိမ္းခ်မ္းေရး စင္တာမွာ လစဥ္ လုပ္ေနၾက Key Stakeholder Briefing ဆိုတဲ့ အဓိက ပါဝင္ သက္ဆိုင္သူေတြကို ရွင္းလင္း ေျပာၾကားတဲ့ အစည္းအေဝးလို႔လည္း ဆိုနိုင္ပါတယ္။

ၿငိမ္းခ်မ္းေရး လက္မွတ္ထိုးထားတဲ့ အဖြဲ႕ တစ္ဖြဲ႕ ျဖစ္တဲ့ ရွမ္းျပည္ ျပန္လည္ ထူေထာင္ေရး ေကာင္စီ RCSS / SSA နဲ႔ တိုက္ပြဲေတြ ျပန္ျဖစ္ရတာက နယ္နမိတ္ မသတ္မွတ္ ရေသးလို႔ ျဖစ္တယ္လို႔ ျပည္ေထာင္စု အဆင့္ ပစ္ခတ္ တိုက္ခိုက္မွု ရပ္စဲေရး ဆိုင္ရာ JMC အတြင္းေရးမွူး ဗိုလ္မွူးႀကီး ဝဏၰေအာင္ က ေျပာပါတယ္။

JMC ရဲ့ လုပ္ငန္းေတြ အေကာင္အထည္ ေဖာ္ရာမွာ သုံးႏွစ္အတြင္း အေမရိကန္ ေဒၚလာ ၂၁ သန္း လိုမွာ ျဖစ္ေၾကာင္းကို တက္ေရာက္လာတဲ့ နိုင္ငံတကာနဲ႔ ကုလသမဂၢ အဖြဲ႕အစည္းေတြကို တြက္ခ်က္ တင္ျပခဲ့တယ္လို႔ သူက ဆက္ေျပာပါတယ္။

ခ်င္း အမ်ိဳးသား တပ္ဦး CNF နဲ႔ ပအိုဝ္း အမ်ိဳးသား လြတ္ေျမာက္ေရး အဖြဲ႕ PNLO အဖြဲ႕ တို႔နဲ႔ နယ္နမိတ္ သတ္မွတ္မွုေတြ လုပ္နိုင္ခဲ့ၿပီး တိုက္ပြဲေတြ ျပန္ျဖစ္ေနတဲ့ ရွမ္းျပည္နယ္မွာ နယ္နမိတ္ သတ္မွတ္နိုင္ေရး ေဆြးေႏြး ေနဆဲ ျဖစ္ေၾကာင္း ပစ္ခတ္ တိုက္ခိုက္မွု ရပ္စဲေရး ညႇိႏွိုင္း အေကာင္အထည္ေဖာ္ ေဆာင္ရြက္မွု အစီအစဥ္ ညြန္ၾကားေရးမွူး ဦးမင္းေဇာ္ဦး က ရွင္းျပပါတယ္။

တစ္ဘက္က ၿငိမ္းခ်မ္းေရး ေဆြးေႏြးပြဲေတြ လုပ္ေနၿပီး တိုက္ပြဲေတြ ျပန္ျဖစ္ေနတာ မေကာင္းဘဲ ေသနတ္သံေတြ တိတ္ေနတာ အေကာင္းဆုံးလို႔ ခ်င္းအမ်ိဳးသား တပ္ဦး က ဦးေရႊခါးက ဘီဘီစီကို ေျပာပါတယ္။

ဒီအဖြဲ႕ဟာ စၿပီး အေကာင္အထည္ေဖာ္တဲ့ အေနနဲ႔ ရွမ္းျပည္ ဆိုင္ရာ ပစ္ခတ္ တိုက္ခိုက္မွု ရပ္စဲေရး ပူးတြဲ ေစာင့္ၾကည့္ေရး ေကာ္မတီကို ဇႏၷဝါရီလ ၉ ရက္ေန႔နဲ႔ ၁၀ ရက္ေန႔ေတြမွာ ရွမ္းျပည္ က ခိုလမ္ၿမိဳ႕မွာ သြားေရာက္ ဖြဲ႕စည္းမွာ ျဖစ္ေၾကာင္း သိရွိရပါတယ္။

BBC Burmese
http://www.bbc.com/burmese
...............
  RCSS နဲ့ တိုက်ပွဲ ဖြစ်ရတာက နယ်နမိတ် မသတ်မှတ်ရသေးတာကြောင့်လို့JMC ပြော (ဓါတ်ပုံ မြန်မာ ငြိမ်းချမ်းရေး စင်တာ)
ဇန်နဝါရီလ ၈ ရက်နေ့မှာ ပစ်ခတ် တိုက်ခိုက်မှု ရပ်စဲရေး ဆိုင်ရာ ပူးတွဲ စောင့်ကြည့် ရေး ကော်မတီ JMC ရဲ့ တတိယ အကြိမ်မြောက် အစည်း အဝေး ကို ရန်ကုန် မြို့မှာ ကျင်းပ ခဲ့ပါတယ်။

အစည်းအဝေးကို တိုင်းရင်းသား လက်နက်ကိုင် အဖွဲ့တွေက ကိုယ်စားလှယ်တွေ၊ နိုင်ငံတကာ သံတမန်တွေနဲ့ လေ့လာစောင့်ကြည့်ရေး အဖွဲ့တွေ ပြီးတော့ စစ်တပ် ဘက်က ကိုယ်စားလှယ်တွေလည်း တက်ရောက် ခဲ့ကြပါတယ်။

အခု အစည်းအဝေးဟာ မြန်မာ ငြိမ်းချမ်းရေး စင်တာမှာ လစဉ် လုပ်နေကြ Key Stakeholder Briefing ဆိုတဲ့ အဓိက ပါဝင် သက်ဆိုင်သူတွေကို ရှင်းလင်း ပြောကြားတဲ့ အစည်းအဝေးလို့လည်း ဆိုနိုင်ပါတယ်။

ငြိမ်းချမ်းရေး လက်မှတ်ထိုးထားတဲ့ အဖွဲ့ တစ်ဖွဲ့ ဖြစ်တဲ့ ရှမ်းပြည် ပြန်လည် ထူထောင်ရေး ကောင်စီ RCSS / SSA နဲ့ တိုက်ပွဲတွေ ပြန်ဖြစ်ရတာက နယ်နမိတ် မသတ်မှတ် ရသေးလို့ ဖြစ်တယ်လို့ ပြည်ထောင်စု အဆင့် ပစ်ခတ် တိုက်ခိုက်မှု ရပ်စဲရေး ဆိုင်ရာ JMC အတွင်းရေးမှူး ဗိုလ်မှူးကြီး ဝဏ္ဏအောင် က ပြောပါတယ်။

JMC ရဲ့ လုပ်ငန်းတွေ အကောင်အထည် ဖော်ရာမှာ သုံးနှစ်အတွင်း အမေရိကန် ဒေါ်လာ ၂၁ သန်း လိုမှာ ဖြစ်ကြောင်းကို တက်ရောက်လာတဲ့ နိုင်ငံတကာနဲ့ ကုလသမဂ္ဂ အဖွဲ့အစည်းတွေကို တွက်ချက် တင်ပြခဲ့တယ်လို့ သူက ဆက်ပြောပါတယ်။

ချင်း အမျိုးသား တပ်ဦး CNF နဲ့ ပအိုဝ်း အမျိုးသား လွတ်မြောက်ရေး အဖွဲ့ PNLO အဖွဲ့ တို့နဲ့ နယ်နမိတ် သတ်မှတ်မှုတွေ လုပ်နိုင်ခဲ့ပြီး တိုက်ပွဲတွေ ပြန်ဖြစ်နေတဲ့ ရှမ်းပြည်နယ်မှာ နယ်နမိတ် သတ်မှတ်နိုင်ရေး ဆွေးနွေး နေဆဲ ဖြစ်ကြောင်း ပစ်ခတ် တိုက်ခိုက်မှု ရပ်စဲရေး ညှိနှိုင်း အကောင်အထည်ဖော် ဆောင်ရွက်မှု အစီအစဉ် ညွန်ကြားရေးမှူး ဦးမင်းဇော်ဦး က ရှင်းပြပါတယ်။

တစ်ဘက်က ငြိမ်းချမ်းရေး ဆွေးနွေးပွဲတွေ လုပ်နေပြီး တိုက်ပွဲတွေ ပြန်ဖြစ်နေတာ မကောင်းဘဲ သေနတ်သံတွေ တိတ်နေတာ အကောင်းဆုံးလို့ ချင်းအမျိုးသား တပ်ဦး က ဦးရွှေခါးက ဘီဘီစီကို ပြောပါတယ်။

ဒီအဖွဲ့ဟာ စပြီး အကောင်အထည်ဖော်တဲ့ အနေနဲ့ ရှမ်းပြည် ဆိုင်ရာ ပစ်ခတ် တိုက်ခိုက်မှု ရပ်စဲရေး ပူးတွဲ စောင့်ကြည့်ရေး ကော်မတီကို ဇန္နဝါရီလ ၉ ရက်နေ့နဲ့ ၁၀ ရက်နေ့တွေမှာ ရှမ်းပြည် က ခိုလမ်မြို့မှာ သွားရောက် ဖွဲ့စည်းမှာ ဖြစ်ကြောင်း သိရှိရပါတယ်။

BBC Burmese
http://www.bbc.com/burmese