ဇီကာဗိုင္းရပ္စ္ ကူးစက္ခံရသူ ၄ သန္းအထိ ရွိနိုင္

အႏၲရာယ္က ထိတ္လန္႔ဖြယ္ အေနအထားကို ေရာက္လာၿပီလို႔ WHO ညႊန္ခ်ဳပ္ ေဒါက္တာ မာဂရက္ ခ်န္းက ေျပာ။

ကူးစက္ ပ်ံ႕ပြားႏွုန္း အလြန္ ျမန္ဆန္ေနတဲ့ ဇီကာ ဗိုင္းရပ္စ္ေၾကာင့္ ကမၻာ့ က်န္းမာေရး အဖြဲ႕ႀကီး WHO က ဇီကာ အေရးေပၚ အဖြဲ႕ကို ဖြဲ႕စည္း လိုက္ပါတယ္။

လူအမ်ားစုမွာ ေရာဂါလကၡဏာ မျပသည့္တိုင္ ေတာင္နဲ႔ ေျမာက္ အေမရိကတိုက္ ၂ တိုက္က လူေပါင္း ၃ သန္း ကေန ၄ သန္းအထိ ကူးစက္ ခံရနိုင္တယ္လို႔ WHO က ေမၽွာ္မွန္း ထားပါတယ္။

ဇီကာ ဗိုင္းရပ္စ္ရဲ့ အႏၲရာယ္က အလယ္အလတ္ အဆင့္ကေန ထိတ္လန္႔ဖြယ္ အခ်ိဳးအစား အထိ ေရာက္ရွိ ခဲ့ၿပီလို႔ WHO ညႊန္ၾကားေရး မွူးခ်ဳပ္ ေဒါက္တာ မာဂရက္ ခ်န္း က ေျပာပါတယ္။

ဇီကာ အေရးေပၚ အဖြဲ႕ဟာ တနလၤာေန႔မွာ အစည္းအေဝး ထိုင္ၿပီး ဒီဗိုင္းရပ္စ္ကို တစ္ကမၻာလုံး အတိုင္းအတာနဲ႔ အေရးေပၚ ကိုင္တြယ္သင့္ မသင့္ ဆုံးျဖတ္မွာ ျဖစ္ပါတယ္။

နိုင္ငံတကာ အေရးေပၚ အေျခအေန ေၾကညာ ခဲ့ရတဲ့ ေနာက္ဆုံး အခ်ိန္ကေတာ့ အေနာက္ အာဖရိကမွာ လူေပါင္း ၁ ေသာင္း ၁ ေထာင္ေက်ာ္ ေသဆုံး ခဲ့ရတဲ့ အီဘိုလာ ဗိုင္းရပ္စ္ ကူးစက္ ခဲ့ခ်ိန္က ျဖစ္ပါတယ္။

ဇီကာ ဗိုင္းရပ္စ္ကို ၁၉၄၇ ခုႏွစ္က ယူဂန္ဒါ နိုင္ငံမွာ ပထမဆုံး ေတြ႕ရွိခဲ့ေပမယ့္ အဲဒီ အခ်ိန္က အခုလို ကူးစက္ ပ်ံ႕ပြားမွု မရွိခဲ့ပါဘူး။

၂၀၁၅ ေမလမွာေတာ့ ေတာင္အေမရိက တိုက္က ဘရာဇီး နိုင္ငံမွာ စတင္ ေတြ႕ရွိခဲ့ၿပီး အခုလို ကူစက္ ပ်ံ႕ပြား လာတာ ျဖစ္ပါတယ္။

BBC Burmese
http://www.bbc.com/burmese

......................................................

ဇီကာဗိုင်းရပ်စ် ကူးစက်ခံရသူ ၄ သန်းအထိ ရှိနိုင်

အန္တရာယ်က ထိတ်လန့်ဖွယ် အနေအထားကို ရောက်လာပြီလို့ WHO ညွှန်ချုပ် ဒေါက်တာ မာဂရက် ချန်းက ပြော။

ကူးစက် ပျံ့ပွားနှုန်း အလွန် မြန်ဆန်နေတဲ့ ဇီကာ ဗိုင်းရပ်စ်ကြောင့် ကမ္ဘာ့ ကျန်းမာရေး အဖွဲ့ကြီး WHO က ဇီကာ အရေးပေါ် အဖွဲ့ကို ဖွဲ့စည်း လိုက်ပါတယ်။

လူအများစုမှာ ရောဂါလက္ခဏာ မပြသည့်တိုင် တောင်နဲ့ မြောက် အမေရိကတိုက် ၂ တိုက်က လူပေါင်း ၃ သန်း ကနေ ၄ သန်းအထိ ကူးစက် ခံရနိုင်တယ်လို့ WHO က မျှော်မှန်း ထားပါတယ်။

ဇီကာ ဗိုင်းရပ်စ်ရဲ့ အန္တရာယ်က အလယ်အလတ် အဆင့်ကနေ ထိတ်လန့်ဖွယ် အချိုးအစား အထိ ရောက်ရှိ ခဲ့ပြီလို့ WHO ညွှန်ကြားရေး မှူးချုပ် ဒေါက်တာ မာဂရက် ချန်း က ပြောပါတယ်။

ဇီကာ အရေးပေါ် အဖွဲ့ဟာ တနင်္လာနေ့မှာ အစည်းအဝေး ထိုင်ပြီး ဒီဗိုင်းရပ်စ်ကို တစ်ကမ္ဘာလုံး အတိုင်းအတာနဲ့ အရေးပေါ် ကိုင်တွယ်သင့် မသင့် ဆုံးဖြတ်မှာ ဖြစ်ပါတယ်။

နိုင်ငံတကာ အရေးပေါ် အခြေအနေ ကြေညာ ခဲ့ရတဲ့ နောက်ဆုံး အချိန်ကတော့ အနောက် အာဖရိကမှာ လူပေါင်း ၁ သောင်း ၁ ထောင်ကျော် သေဆုံး ခဲ့ရတဲ့ အီဘိုလာ ဗိုင်းရပ်စ် ကူးစက် ခဲ့ချိန်က ဖြစ်ပါတယ်။

ဇီကာ ဗိုင်းရပ်စ်ကို ၁၉၄၇ ခုနှစ်က ယူဂန်ဒါ နိုင်ငံမှာ ပထမဆုံး တွေ့ရှိခဲ့ပေမယ့် အဲဒီ အချိန်က အခုလို ကူးစက် ပျံ့ပွားမှု မရှိခဲ့ပါဘူး။

၂၀၁၅ မေလမှာတော့ တောင်အမေရိက တိုက်က ဘရာဇီး နိုင်ငံမှာ စတင် တွေ့ရှိခဲ့ပြီး အခုလို ကူစက် ပျံ့ပွား လာတာ ဖြစ်ပါတယ်။

BBC Burmese

http://www.bbc.com/burmese