လူ ၆၀ ေလာက္ေပ်ာက္ေနတဲ့ တရုတ္ေျမၿပိဳမႈ

တ႐ုတ္ႏိုင္ငံေတာင္ပိုင္းက စက္မႈဇုန္မွာ အႀကီးအက်ယ္ ေျမၿပိဳ

တ႐ုတ္ႏိုင္ငံေတာင္ပိုင္းက စက္မႈဇုန္မွာ အႀကီးအက်ယ္ ေျမၿပိဳက်ၿပီး အလုပ္သမားေတြေနထိုင္ရာ အေဆာင္ ၂ ခုအပါအဝင္ အေဆာက္အအံုေပါင္း ၂၂ လံုးေျမျမဳပ္သြားခဲ့ၿပီးတဲ့ေနာက္ လူေပါင္း ၅၉ ဦး ေပ်ာက္ဆံုးေနဆဲျဖစ္ေၾကာင္း တ႐ုတ္အစိုးရပိုင္သတင္းက ေဖာ္ျပထားပါတယ္။

အပ်က္အစီးေတြၾကားကေန လူ ၄ ဦးကို ကယ္တင္ႏုိင္ခဲ့ၿပီး အဲဒီထဲက ၃ ေယာက္မွာ မျပင္းထန္တဲ့ ဒဏ္ရာေတြ ရထားၾကတယ္လို႔ တာဝန္ရွိသူေတြက ေျပာပါတယ္။

ဂြမ္းေဒါင္းျပည္နယ္အတြင္းက ရွန္ဇန္း ေဒသမွာ တနဂၤေႏြေန႔မနက္ပိုင္းက ေျမၿပိဳက်ခဲ့ၿပီး အဲဒီအရပ္မွာ ရႊံ႕ျပင္ႀကီးဖံုးလႊမ္းသြားခဲ့သလို အဲဒီနားက ဓာတ္ေငြ႔ပိုက္လိုင္းတခု ေပါက္ကြဲသြားခဲ့ေၾကာင္း ရွင္ဟြာသတင္းဌာနက ေျပာပါတယ္။

အသက္ရွင္က်န္ရစ္သူေတြကို ရွာေဖြဖို႔ ကယ္ဆယ္ေရး အလုပ္သမားေပါင္း ၁၅၀၀ ကို ေစလႊတ္ထားပါတယ္။ အခုလို ေျမၿပိဳမႈမျဖစ္ခင္ လူေပါင္း ၉၀၀ ေလာက္ကို ေနရာေရႊ႕ေျပာင္းေပးခဲ့တာပါ။ တ႐ုတ္သမၼတ ရွီက်င့္ပင္နဲ႔ ဝန္ႀကီးခ်ဳပ္ လီ ကီက်င္း တို႔က ကယ္ဆယ္ေရးလုပ္ငန္းေတြအတြက္ အရာရွိေတြေစလႊတ္ဖို႔ ဗဟိုအာဏာပိုင္ေတြကို ညႊန္ၾကားခဲ့ပါတယ္။

ဘာေၾကာင့္ အခုလို ေျမၿပိဳက်ခဲ့ရသလဲဆိုတာ သဲသဲကြဲကြဲမသိရေသးေပမယ့္ အဲဒီအရပ္ေဒသမွာ မၾကာေသးခင္ႏွစ္ေတြအတြင္း ေဆာက္လုပ္ေရးလုပ္ငန္းေတြ အေတာ္မ်ားမ်ား လုပ္ခဲ့ပါတယ္။

VOA Burmese
http://burmese.voanews.com
...............

တရုတ်နိုင်ငံတောင်ပိုင်းက စက်မှုဇုန်မှာ အကြီးအကျယ် မြေပြို

တရုတ်နိုင်ငံတောင်ပိုင်းက စက်မှုဇုန်မှာ အကြီးအကျယ် မြေပြိုကျပြီး အလုပ်သမားတွေနေထိုင်ရာ အဆောင် ၂ ခုအပါအဝင် အဆောက်အအုံပေါင်း ၂၂ လုံးမြေမြုပ်သွားခဲ့ပြီးတဲ့နောက် လူပေါင်း ၅၉ ဦး ပျောက်ဆုံးနေဆဲဖြစ်ကြောင်း တရုတ်အစိုးရပိုင်သတင်းက ဖော်ပြထားပါတယ်။

အပျက်အစီးတွေကြားကနေ လူ ၄ ဦးကို ကယ်တင်နိုင်ခဲ့ပြီး အဲဒီထဲက ၃ ယောက်မှာ မပြင်းထန်တဲ့ ဒဏ်ရာတွေ ရထားကြတယ်လို့ တာဝန်ရှိသူတွေက ပြောပါတယ်။

ဂွမ်းဒေါင်းပြည်နယ်အတွင်းက ရှန်ဇန်း ဒေသမှာ တနင်္ဂနွေနေ့မနက်ပိုင်းက မြေပြိုကျခဲ့ပြီး အဲဒီအရပ်မှာ ရွှံ့ပြင်ကြီးဖုံးလွှမ်းသွားခဲ့သလို အဲဒီနားက ဓာတ်ငွေ့ပိုက်လိုင်းတခု ပေါက်ကွဲသွားခဲ့ကြောင်း ရှင်ဟွာသတင်းဌာနက ပြောပါတယ်။

အသက်ရှင်ကျန်ရစ်သူတွေကို ရှာဖွေဖို့ ကယ်ဆယ်ရေး အလုပ်သမားပေါင်း ၁၅၀၀ ကို စေလွှတ်ထားပါတယ်။ အခုလို မြေပြိုမှုမဖြစ်ခင် လူပေါင်း ၉၀၀ လောက်ကို နေရာရွှေ့ပြောင်းပေးခဲ့တာပါ။ တရုတ်သမ္မတ ရှီကျင့်ပင်နဲ့ ဝန်ကြီးချုပ် လီ ကီကျင်း တို့က ကယ်ဆယ်ရေးလုပ်ငန်းတွေအတွက် အရာရှိတွေစေလွှတ်ဖို့ ဗဟိုအာဏာပိုင်တွေကို ညွှန်ကြားခဲ့ပါတယ်။

ဘာကြောင့် အခုလို မြေပြိုကျခဲ့ရသလဲဆိုတာ သဲသဲကွဲကွဲမသိရသေးပေမယ့် အဲဒီအရပ်ဒေသမှာ မကြာသေးခင်နှစ်တွေအတွင်း ဆောက်လုပ်ရေးလုပ်ငန်းတွေ အတော်များများ လုပ်ခဲ့ပါတယ်။

VOA Burmese
http://burmese.voanews.com