ျမန္မာႏွစ္ဦးအား ေသဒဏ္ခ်မွတ္မႈမွာ ထိုင္းက ျမန္မာအစိုးရအေပၚ စိန္ေခၚသကဲ႔သို႔ ျဖစ္ဟု ေကာ့ေတာင္အေရးေဆာင္ရြက္သူ ဦးထူးခ်စ္ဆို

ကမၻာတစ္၀န္းက စိတ္၀င္စားေနသည့္ ထိုင္း၊ ျမန္မာႏွင့္ ၿဗိတိန္သုံးႏိုင္ငံႏွင့္ သက္ဆိုင္သည့္ ကမၻာေက်ာ္ေကာ့ေတာင္ (လိပ္ကၽြန္း) လူသတ္မႈ ႏွင့္ပတ္သက္၍ စြပ္စြဲခံရသူ ျမန္မာႏွစ္ဦးကို ေသဒဏ္ခ်မွတ္ခဲ့ျခင္းသည္ ထိုင္းအစိုးရအေနျဖင့္ ျမန္မာအစိုးရကို စိန္ေခၚလိုက္သကဲ့သို႕ ခံစားရေၾကာင္း စြပ္စြဲခံရသူ ျမန္မာအမ်ဳိးသားႏွစ္ဦးဘက္မွ လိုက္ပါ ေဆာင္ရြက္ေပးေနသူ တစ္ဦးျဖစ္သည့္ ဦးထူးခ်စ္က ဒီဇင္ဘာ ၂၄ ရက္တြင္ The Ladies သို႕ေျပာသည္။

“ထိုင္းအစိုးရအေနနဲ႕ေတာ့ ဒါျမန္မာအစိုးရကို စိန္ေခၚလိုက္သလို ခံစားရတယ္ ။ တစ္ခ်ိန္တည္းမွာပဲ ထိုင္းႏိုင္ငံမွာ သန္းေပါင္းမ်ားစြာရွိတဲ့ ျမန္မာေရႊ႕ေျပာင္း အလုပ္သမားေတြအတြက္ အင္မတန္မွ စိုးရိမ္စရာေကာင္းတယ္၊ အမိန္႕ခ်တဲ့ အခ်ိန္မွာ အမႈ ခုနစ္မႈနဲ႕စြဲထားတဲ့ အခ်ိန္မွာ ကေလးေတြကို အျမင့္ဆုံးအမႈ အေနနဲ႕ ေသဒဏ္ခ်လိုက္ပါတယ္ ္” ဟု ဦးထူးခ်စ္ကေျပာသည္။

လိပ္ကၽြန္းလူသတ္မႈ ႏွင့္ ပတ္သက္၍ ဖမ္းဆီးခံ ျမန္မာအလုပ္သမားႏွစ္ဦးကို လူသတ္မႈ က်ဴးလြန္သည္ဟုဆိုကာ ထိုင္းတရားသူႀကီးက ေသဒဏ္ျပစ္ဒဏ္ အပါအ၀င္ ျပစ္မႈ ခုနစ္မႈလုံးကို သီးျခားျပစ္ဒဏ္မ်ား ခ်မွတ္ခဲ့ျခင္း ျဖစ္သည္။

ယင္းအမႈကို ေအာက္တိုဘာ ၁၁ ရက္က အၿပီးသတ္ စစ္ေဆးၿပီးစီးခဲ့ၿပီး ဒီဇင္ဘာ၂၄ ရက္တြင္ အၿပီးသတ္အမိန္႕ ခ်မွတ္ခဲ့သည္။ ထိုင္းႏိုင္ငံေတာင္ပိုင္း ေကာ့ေတာင္ကြ်န္းေခၚ ( လိပ္ကၽြန္း ) တြင္ ျဖစ္ပြားခဲ့သည့္ လူသတ္မႈမွာ ၂၀၁၄ စက္တင္ဘာလ ၁၅ ရက္ေန႕ နံနက္ပိုင္းအခ်ိန္တြင္ ျဖစ္ပြားခဲ့့ျခင္းျဖစ္ၿပီး ၿဗိတိန္ႏိုင္ငံသား ႏွစ္ဦးျဖစ္သည့္ ဟန္နာဝစ္ထာရစ္ခ်္ ၂၃ ႏွစ္ႏွင့္ ေဒးဗစ္မီလ္လာ ၂၄ ႏွစ္ တို႕ႏွစ္ဦးသည္ အသတ္ခံခဲ့ရျခင္း ျဖစ္သည္။

၂၀၁၄ ခုႏွစ္ ေအာက္တိုဘာ ၂ ရက္တြင္ ထိုင္းရဲတပ္ဖြဲ႕က အသက္ ၂၂ ႏွစ္ အရြယ္ရွိ ျမန္မာႏို္င္ငံသား ေရႊ႕ေျပာင္းလုပ္သား ႏွစ္ဦးကို တရားခံအျဖစ္ စြပ္စြဲကာ ဖမ္းဆီး၍ ျပစ္မႈခုနစ္မႈျဖင့္ တရားစြဲဆိုခဲ့ျခင္းျဖစ္သည္။ အဆိုပါအမႈကို စစ္ေဆးရာတြင္ ႏွစ္ဖက္သက္ေသ ၃၄ ဦး က ႐ုံးခ်ိန္းစုစုေပါင္း ၂၁ ႀကိမ္တိုင္ ထြက္ဆိုခ်က္ေပးခဲ့ၿပီး ၂၀၁၅ ခုႏွစ္ ေအာက္တိုဘာ ၁၁ ရက္ တြင္ ႐ုံးခ်ိန္းမ်ား အၿပီးသတ္ခဲ့ကာ စြပ္စြဲခံရသူ ႏွစ္ဦးဘက္မွ ထိုင္းေရွ႕ေနအဖြဲ႕သည္ တရားသူႀကီး စီရင္ခ်က္ခ်ရာတြင္ ထည့္သြင္းစဥ္းစားႏိုင္မည့္ သက္ေသခံစာရြက္ ေထာင္ေပါင္းမ်ားစြာကို တရား႐ုံးတြင္ သြင္းခဲ့ၾကသည္။ ၂၀၁၅ ခုႏွစ္ ဒီဇင္ဘာ ၂၄ ရက္ (ယေန႕) တြင္ လိပ္ကၽြန္းလူသတ္မႈအား အၿပီးသတ္ အမိန္႕ခ်မွတ္ခဲ့ျခင္း ျဖစ္သည္။

ထိုသို႕ အမိန္႕ခ်မွတ္ခဲ့သည့္အေပၚ ဦးထူးခ်စ္က “အယူခံဆက္တက္ပါမယ္ ။ အယူခံက ႏွစ္ဆင့္တက္ရပါမယ္ ။ ပထမတစ္ဆင့္ကေတာ့ ခ႐ိုင္အဆင့္မွာ အယူခံတစ္ခု တက္မယ္ ။ လိုအပ္လို႕ရွိရင္ေတာ့ ဗဟိုအစိုးရကို အယူခံတက္ပါမယ္ ။ အယူခံႏွစ္ခုတက္ဖို႕ အစီအစဥ္ရွိပါတယ္” ဟု ေျပာဆိုသည္။

လိပ္ကၽြန္းလူသတ္မႈကို စစ္ေဆးရာတြင္ ထိုင္ႏိုင္ငံ မွ DNA ပညာရွင္မ်ားက DNA မတူညီေၾကာင္း ထုတ္ျပန္ခဲ့သည္။ “ထိုင္းကရွိတဲ့ DNA ပညာရွင္ေတြကအစ ေျပာထားတဲ့ ကိစၥျဖစ္တယ္ ။ ေနာက္တစ္ခု သူကလည္း သက္ေသအတိအက် မေပးႏိုင္ဘဲ အခုလိုမ်ိဳး အမိန္႕ခ်တယ္ဆိုေတာ့ မတရားသျဖင့္ ကိုယ္ေတြ ႏိုင္ငံသားေတြကို အမိန္႕ခ်တယ္လို႕ ခံစားရတယ္” ဟု ဦးထူးခ်စ္ကေျပာသည္။

ထိုင္းႏိုင္ငံတြင္ရွိသည့္ ျမန္မာလုပ္သားႏွစ္ဦး၏ အမႈသာ မဟုတ္ဘဲ ျမန္မာေရႊ႕ေျပာင္း အလုပ္သမားမ်ားအတြက္ အကာအကြယ္ေပးရန္မွာ လက္ရွိ ျမန္မာအစိုးရအေနျဖင့္ သာမက ေနာင္တက္လာမည့္ အစိုးရ၊ အဓိကအားျဖင့္ ျမန္မာ့တပ္မေတာ္အေနျဖင့္ တတ္ႏိုင္သည့္ဘက္က စနစ္တက် ပူးေပါင္းေဆာင္ရြက္ၿပီး အကာအကြယ္ေပးရန္ အခ်ိန္ေရာက္ၿပီဟု ေျပာၾကားခ်င္ေၾကာင္း အလုပ္သမားအေရး ေဆာင္ရြက္ေပးသူျဖစ္သည့္ ဦးထူးခ်စ္က ဆက္လက္ ေျပာၾကားခဲ့သည္။


(The Ladies News)

https://www.facebook.com/News.TheLadies/
..................


ကမ္ဘာတစ်ဝန်းက စိတ်ဝင်စားနေသည့် ထိုင်း၊ မြန်မာနှင့် ဗြိတိန်သုံးနိုင်ငံနှင့် သက်ဆိုင်သည့် ကမ္ဘာကျော်ကော့တောင် (လိပ်ကျွန်း) လူသတ်မှု နှင့်ပတ်သက်၍ စွပ်စွဲခံရသူ မြန်မာနှစ်ဦးကို သေဒဏ်ချမှတ်ခဲ့ခြင်းသည် ထိုင်းအစိုးရအနေဖြင့် မြန်မာအစိုးရကို စိန်ခေါ်လိုက်သကဲ့သို့ ခံစားရကြောင်း စွပ်စွဲခံရသူ မြန်မာအမျိုးသားနှစ်ဦးဘက်မှ လိုက်ပါ ဆောင်ရွက်ပေးနေသူ တစ်ဦးဖြစ်သည့် ဦးထူးချစ်က ဒီဇင်ဘာ ၂၄ ရက်တွင် The Ladies သို့ပြောသည်။

“ထိုင်းအစိုးရအနေနဲ့တော့ ဒါမြန်မာအစိုးရကို စိန်ခေါ်လိုက်သလို ခံစားရတယ် ။ တစ်ချိန်တည်းမှာပဲ ထိုင်းနိုင်ငံမှာ သန်းပေါင်းများစွာရှိတဲ့ မြန်မာရွှေ့ပြောင်း အလုပ်သမားတွေအတွက် အင်မတန်မှ စိုးရိမ်စရာကောင်းတယ်၊ အမိန့်ချတဲ့ အချိန်မှာ အမှု ခုနစ်မှုနဲ့စွဲထားတဲ့ အချိန်မှာ ကလေးတွေကို အမြင့်ဆုံးအမှု အနေနဲ့ သေဒဏ်ချလိုက်ပါတယ် ်” ဟု ဦးထူးချစ်ကပြောသည်။

လိပ်ကျွန်းလူသတ်မှု နှင့် ပတ်သက်၍ ဖမ်းဆီးခံ မြန်မာအလုပ်သမားနှစ်ဦးကို လူသတ်မှု ကျူးလွန်သည်ဟုဆိုကာ ထိုင်းတရားသူကြီးက သေဒဏ်ပြစ်ဒဏ် အပါအဝင် ပြစ်မှု ခုနစ်မှုလုံးကို သီးခြားပြစ်ဒဏ်များ ချမှတ်ခဲ့ခြင်း ဖြစ်သည်။

ယင်းအမှုကို အောက်တိုဘာ ၁၁ ရက်က အပြီးသတ် စစ်ဆေးပြီးစီးခဲ့ပြီး ဒီဇင်ဘာ၂၄ ရက်တွင် အပြီးသတ်အမိန့် ချမှတ်ခဲ့သည်။ ထိုင်းနိုင်ငံတောင်ပိုင်း ကော့တောင်ကျွန်းခေါ် ( လိပ်ကျွန်း ) တွင် ဖြစ်ပွားခဲ့သည့် လူသတ်မှုမှာ ၂၀၁၄ စက်တင်ဘာလ ၁၅ ရက်နေ့ နံနက်ပိုင်းအချိန်တွင် ဖြစ်ပွားခဲ့့ခြင်းဖြစ်ပြီး ဗြိတိန်နိုင်ငံသား နှစ်ဦးဖြစ်သည့် ဟန်နာဝစ်ထာရစ်ချ် ၂၃ နှစ်နှင့် ဒေးဗစ်မီလ်လာ ၂၄ နှစ် တို့နှစ်ဦးသည် အသတ်ခံခဲ့ရခြင်း ဖြစ်သည်။

၂၀၁၄ ခုနှစ် အောက်တိုဘာ ၂ ရက်တွင် ထိုင်းရဲတပ်ဖွဲ့က အသက် ၂၂ နှစ် အရွယ်ရှိ မြန်မာနို်င်ငံသား ရွှေ့ပြောင်းလုပ်သား နှစ်ဦးကို တရားခံအဖြစ် စွပ်စွဲကာ ဖမ်းဆီး၍ ပြစ်မှုခုနစ်မှုဖြင့် တရားစွဲဆိုခဲ့ခြင်းဖြစ်သည်။ အဆိုပါအမှုကို စစ်ဆေးရာတွင် နှစ်ဖက်သက်သေ ၃၄ ဦး က ရုံးချိန်းစုစုပေါင်း ၂၁ ကြိမ်တိုင် ထွက်ဆိုချက်ပေးခဲ့ပြီး ၂၀၁၅ ခုနှစ် အောက်တိုဘာ ၁၁ ရက် တွင် ရုံးချိန်းများ အပြီးသတ်ခဲ့ကာ စွပ်စွဲခံရသူ နှစ်ဦးဘက်မှ ထိုင်းရှေ့နေအဖွဲ့သည် တရားသူကြီး စီရင်ချက်ချရာတွင် ထည့်သွင်းစဉ်းစားနိုင်မည့် သက်သေခံစာရွက် ထောင်ပေါင်းများစွာကို တရားရုံးတွင် သွင်းခဲ့ကြသည်။ ၂၀၁၅ ခုနှစ် ဒီဇင်ဘာ ၂၄ ရက် (ယနေ့) တွင် လိပ်ကျွန်းလူသတ်မှုအား အပြီးသတ် အမိန့်ချမှတ်ခဲ့ခြင်း ဖြစ်သည်။

ထိုသို့ အမိန့်ချမှတ်ခဲ့သည့်အပေါ် ဦးထူးချစ်က “အယူခံဆက်တက်ပါမယ် ။ အယူခံက နှစ်ဆင့်တက်ရပါမယ် ။ ပထမတစ်ဆင့်ကတော့ ခရိုင်အဆင့်မှာ အယူခံတစ်ခု တက်မယ် ။ လိုအပ်လို့ရှိရင်တော့ ဗဟိုအစိုးရကို အယူခံတက်ပါမယ် ။ အယူခံနှစ်ခုတက်ဖို့ အစီအစဉ်ရှိပါတယ်” ဟု ပြောဆိုသည်။

လိပ်ကျွန်းလူသတ်မှုကို စစ်ဆေးရာတွင် ထိုင်နိုင်ငံ မှ DNA ပညာရှင်များက DNA မတူညီကြောင်း ထုတ်ပြန်ခဲ့သည်။ “ထိုင်းကရှိတဲ့ DNA ပညာရှင်တွေကအစ ပြောထားတဲ့ ကိစ္စဖြစ်တယ် ။ နောက်တစ်ခု သူကလည်း သက်သေအတိအကျ မပေးနိုင်ဘဲ အခုလိုမျိုး အမိန့်ချတယ်ဆိုတော့ မတရားသဖြင့် ကိုယ်တွေ နိုင်ငံသားတွေကို အမိန့်ချတယ်လို့ ခံစားရတယ်” ဟု ဦးထူးချစ်ကပြောသည်။

ထိုင်းနိုင်ငံတွင်ရှိသည့် မြန်မာလုပ်သားနှစ်ဦး၏ အမှုသာ မဟုတ်ဘဲ မြန်မာရွှေ့ပြောင်း အလုပ်သမားများအတွက် အကာအကွယ်ပေးရန်မှာ လက်ရှိ မြန်မာအစိုးရအနေဖြင့် သာမက နောင်တက်လာမည့် အစိုးရ၊ အဓိကအားဖြင့် မြန်မာ့တပ်မတော်အနေဖြင့် တတ်နိုင်သည့်ဘက်က စနစ်တကျ ပူးပေါင်းဆောင်ရွက်ပြီး အကာအကွယ်ပေးရန် အချိန်ရောက်ပြီဟု ပြောကြားချင်ကြောင်း အလုပ်သမားအရေး ဆောင်ရွက်ပေးသူဖြစ်သည့် ဦးထူးချစ်က ဆက်လက် ပြောကြားခဲ့သည်။


(The Ladies News)

https://www.facebook.com/News.TheLadies/