ဗိသုကာပညာရွင္တစ္ေယာက္ဟာ လူ ၂ ေသာင္းေနထိုင္ႏိုင္တဲ့ ကမ႓ာ့ပထမဆံုးေရေအာက္မိုးေမွ်ာ္တိုက္ပံုစံေတြကို ထုတ္ေဖာ္ျပသလိုက္ပါတယ္။
ဘယ္လ္ဂ်ီယံႏိုင္ငံသား ဗင္းဆင့္ကယ္လီေဘာက္က သူ႔ရဲ႕သမုဒၵရာမိုးေမွ်ာ္တုိက္ပံုစံေတြဟာ ကမ႓ာၿဂိဳဟ္ေပၚမွာ ကာဗြန္ေလွ်ာ့ခ်ဖို႔အတြက္ အေထာက္အကူျပဳလိမ့္မယ္လို႔ဆိုၿပီး ေဂဟစနစ္အတြက္အေထာက္အကူျပဳမယ့္ဖြဲ႕စည္းမႈေတြဟာ အႏၲရာယ္မ်ားတဲ့႐ုပ္ၾကြင္းေလာင္စာေတြမလိုအပ္ဘဲ ကိုယ္ပိုင္စြမ္းအင္နဲ႔ အပူကိုသာ ထုတ္လႊတ္ေပးမယ္လို႔ ေျပာၾကားပါတယ္။
သူေရးဆြဲထားတဲ့ပံုစံေတြအရ သမုဒၵရာမိုးေမွ်ာ္တိုက္ေတြဟာ ဂ်ယ္လီငါးပံုစံရွိၿပီး ၀င္ေပါက္နဲ႔ ကုန္းပတ္ေတြက ေရမ်က္ႏွာျပင္ေပၚမွာရွိကာ ေရေအာက္ မီတာ ၁၀၀၀ (၀.၆ မိုင္) အထိ ခ႐ုပတ္ပံုစံနဲ႔ ဆင္းသြားတာေတြ႕ရပါတယ္။
ေရေအာက္ဖြဲ႕စည္းမႈမွာေတာ့ အိမ္ေတြ၊ ႐ံုးခန္းေတြ၊ ၀ပ္ေရွာ့ေတြ၊ ဓာတ္ခြဲခန္းေတြ၊ ပင္လယ္စိုက္ခင္းေတြ၊ စိုက္ပ်ိဳးေရးဧရိယာေတြ၊ ျမက္နဲ႔ သီးပင္စားပင္ဥယ်ာဥ္ေတြ ပါ၀င္ပါတယ္။
ေသာက္ေရကိုေတာ့ စက္႐ံုနဲ႔ထုတ္လုပ္မွာျဖစ္ၿပီး ပင္လယ္ေရကေန ဆားဓာတ္ခြဲထုတ္ေပးဖို႔ အထူးတည္ေဆာက္သြားမွာလို႔ သိရသလို ေလကိုလည္း တာ၀ါေတြက ေလ၀င္ေပါက္ေတြ ဒါမွမဟုတ္ ေအာက္ဆီဂ်င္စက္႐ံုကေနျဖတ္သန္းေစၿပီး ျပန္လည္သန္႔စင္မယ္လို႔ ဆိုပါတယ္။
စားစရာေတြဟာ သႏၲာေက်ာက္တန္းေတြ၊ စိုက္ခင္းေတြနဲ႔ ငါးဖမ္းဆီးမႈကေန ရရွိမွာျဖစ္ၿပီး အသီးနဲ႔ ဟင္းသီးဟင္းရြက္ေတြကို ေဂဟရြာလို႔နာမည္ေပးထားတဲ့ ဒီအေဆာက္အအံုေတြထဲမွာ စိုက္ပ်ိဳးႏိုင္မွာျဖစ္ၿပီး ေဂဟရြာတစ္ခုစီဟာ မီတာ ၅၀၀ က်ယ္၀န္းကာ အထပ္ေပါင္း ၂၅၀ နဲ႔ ကမ႓ာ့အႏွံ႔က သမုဒၵရာႀကီးေတြမွာ တည္ေဆာက္ႏိုင္တယ္လို႔ သိရပါတယ္။
ေဂဟရြာတစ္ခုခ်င္းစီရဲ႕တည္ေဆာက္မႈကုန္က်စရိတ္ကေတာ့ တစ္စတုရန္းမီတာကို ေပါင္ ၁၄၃၀ ရွိမယ္လို႔ ခန္႔မွန္းတြက္ခ်က္ထားပါတယ္။
Ref: Daily Mail
ညီမင္းဟန္(ဆႏၵကူး)
Sandakoo
..........................................................................................................
Unicode Version
လူ ၂ သောင်းနေထိုင်နိုင်တဲ့ ကမ႓ာ့ပထမဆုံး ရေအောက်မိုးမျှော်တိုက်ဒီဇိုင်းနဲ့ ဂေဟရွာများ
ဗိသုကာပညာရှင်တစ်ယောက်ဟာ လူ ၂ သောင်းနေထိုင်နိုင်တဲ့ ကမ႓ာ့ပထမဆုံးရေအောက်မိုးမျှော်တိုက်ပုံစံတွေကို ထုတ်ဖော်ပြသလိုက်ပါတယ်။
ဘယ်လ်ဂျီယံနိုင်ငံသား ဗင်းဆင့်ကယ်လီဘောက်က သူ့ရဲ့သမုဒ္ဒရာမိုးမျှော်တိုက်ပုံစံတွေဟာ ကမ႓ာဂြိုဟ်ပေါ်မှာ ကာဗွန်လျှော့ချဖို့အတွက် အထောက်အကူပြုလိမ့်မယ်လို့ဆိုပြီး ဂေဟစနစ်အတွက်အထောက်အကူပြုမယ့်ဖွဲ့စည်းမှုတွေဟာ အန္တရာယ်များတဲ့ရုပ်ကြွင်းလောင်စာတွေမလိုအပ်ဘဲ ကိုယ်ပိုင်စွမ်းအင်နဲ့ အပူကိုသာ ထုတ်လွှတ်ပေးမယ်လို့ ပြောကြားပါတယ်။
သူရေးဆွဲထားတဲ့ပုံစံတွေအရ သမုဒ္ဒရာမိုးမျှော်တိုက်တွေဟာ ဂျယ်လီငါးပုံစံရှိပြီး ဝင်ပေါက်နဲ့ ကုန်းပတ်တွေက ရေမျက်နှာပြင်ပေါ်မှာရှိကာ ရေအောက် မီတာ ၁၀၀၀ (၀.၆ မိုင်) အထိ ခရုပတ်ပုံစံနဲ့ ဆင်းသွားတာတွေ့ရပါတယ်။
ရေအောက်ဖွဲ့စည်းမှုမှာတော့ အိမ်တွေ၊ ရုံးခန်းတွေ၊ ဝပ်ရှော့တွေ၊ ဓာတ်ခွဲခန်းတွေ၊ ပင်လယ်စိုက်ခင်းတွေ၊ စိုက်ပျိုးရေးဧရိယာတွေ၊ မြက်နဲ့ သီးပင်စားပင်ဥယျာဉ်တွေ ပါဝင်ပါတယ်။
သောက်ရေကိုတော့ စက်ရုံနဲ့ထုတ်လုပ်မှာဖြစ်ပြီး ပင်လယ်ရေကနေ ဆားဓာတ်ခွဲထုတ်ပေးဖို့ အထူးတည်ဆောက်သွားမှာလို့ သိရသလို လေကိုလည်း တာဝါတွေက လေဝင်ပေါက်တွေ ဒါမှမဟုတ် အောက်ဆီဂျင်စက်ရုံကနေဖြတ်သန်းစေပြီး ပြန်လည်သန့်စင်မယ်လို့ ဆိုပါတယ်။
စားစရာတွေဟာ သန္တာကျောက်တန်းတွေ၊ စိုက်ခင်းတွေနဲ့ ငါးဖမ်းဆီးမှုကနေ ရရှိမှာဖြစ်ပြီး အသီးနဲ့ ဟင်းသီးဟင်းရွက်တွေကို ဂေဟရွာလို့နာမည်ပေးထားတဲ့ ဒီအဆောက်အအုံတွေထဲမှာ စိုက်ပျိုးနိုင်မှာဖြစ်ပြီး ဂေဟရွာတစ်ခုစီဟာ မီတာ ၅၀၀ ကျယ်ဝန်းကာ အထပ်ပေါင်း ၂၅၀ နဲ့ ကမ႓ာ့အနှံ့က သမုဒ္ဒရာကြီးတွေမှာ တည်ဆောက်နိုင်တယ်လို့ သိရပါတယ်။
ဂေဟရွာတစ်ခုချင်းစီရဲ့တည်ဆောက်မှုကုန်ကျစရိတ်ကတော့ တစ်စတုရန်းမီတာကို ပေါင် ၁၄၃၀ ရှိမယ်လို့ ခန့်မှန်းတွက်ချက်ထားပါတယ်။
ညီမင်းဟန်(ဆန္ဒကူး)
No comments:
Post a Comment