ဗိုလ္ခ်ဳပ္ နားေထာင္ခဲ့ေသာ သီခ်င္း ၂ ပုဒ္

ဗိုလ္ခ်ဳပ္ နဲ႕ ေဒၚခင္ၾကည္ တို႕ လက္ထပ္ထိမ္းျမွားခဲ့တာ ၁၉၄၂ စက္တင္ဘာ ၆ ရက္ တနဂၤေႏြ ေန႕မွာပါ။ လက္ထပ္ခဲ့တဲ့ေနရာကေတာ့ (BURMA INDEPENDENCE ARMY ) ဘီ- အိုင္- ေအ ဂ်ပန္ေခတ္ေဆးရံု ရဲ႕ အခန္းက်ယ္တခုမွာ ျဖစ္ပါတယ္။ (မဆလ ေခတ္မွာေတာ့ – စစ္ရံုးခ်ဳပ္ ျဖစ္လာပါတယ္။ အလံျပဘုရားလမ္းေပၚမွာ။ တရိစၦာန္ဥယ်ာဥ္နဲ႕ ေရွ႕တည့္တည့္ေပါ့။) ေဆးရံုကလဲ ဖြင့္ကာစပါ ။ ေဒၚခင္ၾကည္က -ေဆးရံုမွာ သူနာျပဳဆရာမပါ။
ဂ်ပန္ေတြတဲ႕ အတူ ျမန္မာျပည္ကို ဝင္ေရာက္လာတဲ့ ဘီ- အိုင္-ေအ တပ္နဲ႕အတူ ဗိုလ္ေတဇ အမည္ခံ ဗိုလ္ခ်ဳပ္ဟာ ၁၉၄၂ – မတ္လ ၁၂ ရက္ေန႕မွာ ရန္ကုန္ကို ေရာက္လာခဲ့ပါတယ္။ မရပ္မနား စစ္ခ်ီတက္ရာ လမ္းတေလွ်ာက္ အပင္ပန္းႀကီး ပင္ပန္းလြန္းလို႕ – ဗိုလ္ခ်ဳပ္ခမ်ာ အျပင္းဖ်ားပါေလေရာ ။ အဲဒီအတြက္ ေဆးရံုတက္ၿပီး အကုသခံရပါေတာ့တယ္။(၁၉၄၂-ေမလကုန္ ၊ဇြန္လဆန္းေလာက္ ျဖစ္ပါလိမ့္မယ္)။

သူ႕ကိုေဆးရံုအုပ္ႀကီးေဒါက္တာဘသန္း(ခြဲစိတ္ကုဆရာဝန္ႀကီး F.R.C.S ) အပါအဝင္ အားလံုးက ဂရုတစိုက္ျပဳစု ကုသေပးၾကတာေပါ့။အဲဒီမွာဘဲ သူ႕ကို အနီးကပ္ျပဳစုေပးေနတဲ့ သူနာျပဳဆရာမ ေဒၚခင္ၾကည္နဲ႕ ေတြ႕ဆံုၿပီး ဗိုလ္ခ်ဳပ္ရဲ႕ ေမတၱာစိတ္ေတြ ယုိဖိတ္ကုန္တာပါဘဲ။ နဂိုစိတ္ရင္းနဲ႕ ရွင္းရွင္းဘြင္းဘြင္း ေျပာတတ္တဲ့ ဗိုလ္ခ်ဳပ္ဟာ ေဒၚခင္ၾကည္ ရဲ႕ တံု႕လွယ္ေမတၱာပန္းကို ရယူၿပီးတဲ့ေနာက္- အဲဒီႏွစ္ စက္တင္ဘာလ ၆ ရက္ေန႕မွာ လက္ထပ္လိုက္ၾကပါတယ္။ အဲဒီအေၾကာင္းေတြကို (အျပည့္အစံု အေသးစိတ္မဟုတ္ေသာ္လည္း) ေရးျပထားတဲ့သူက- ေဒါက္တာျမင့္ေဆြ ျဖစ္ပါတယ္။(ေနာက္ပိုင္းမွာ – ဝဏၰေက်ာ္ထင္ဘြဲ႕ရခဲ့သူ) ၁၉၄၂ကေန ၁၉၄၅ ခုႏွစ္ အထိ(ဂ်ပန္ေတြ ဗမာျပည္ကို အုပ္စိုးတဲ့ ၃- ႏွစ္တာကာလအတြင္း )သူက ဆရာဝန္အျဖစ္ အဲဒီေဆးရံုမွာ လုပ္ခဲ့ၿပီးေတာ့၊ အဲဒီအေတြ႕အႀကံဳေတြကို “ မွတ္မိေသးတယ္ ဂ်ပန္ေခတ္ေဆးရံုႀကီးဝယ္ ” အမည္နဲ႕ ၁၉၆၈ မွာ စာအုပ္တအုပ္ေရးသားၿပီး မွတ္တမ္းတင္ထုတ္ေဝခဲ့တယ္။ တျခားသမိုင္းဝင္ အခ်က္အလက္ အေတြ႕အႀကံဳအေတာ္မ်ားမ်ားပါဝင္သလို ဗိုလ္ခ်ဳပ္နားေထာင္ခဲ့တဲ့ သီခ်င္း ၂ ပုဒ္ကိုလဲ ေဖၚျပထားတယ္။ ဗိုလ္ခ်ဳပ္ရဲ႕ အေရးႀကီးတဲ့ ဘဝတစိတ္တပိုင္းနဲ႕ တိုက္ရုိက္ ဆက္စပ္ေနတာမို႕ေဝမွ် ခံစားၾကည့္ၾကပါစို႕။

ပထမ သီခ်င္းက “ မယ္ခုေမွ်ာ္ ” ဆိုတဲ့သီခ်င္းေလးပါ။ ေဆးရံုတက္ကုသမႈေတြေၾကာင့္ နာလန္ထစျပဳလာတဲ့ ဗိုလ္ခ်ဳပ္က – ေဒၚခင္ၾကည္ေနတဲ့ အေဆာင္ (ေဆးရံုဝင္းအတြင္း မွာဘဲ ရိွတဲ့ သူနာျပဳေတြရဲ႕ အေဆာင္) ကို ဆရာဝန္ေဒါက္တာ ျမင့္ေဆြ နဲ႕ ရဲေဘာ္သံုးက်ိပ္ဝင္ ဗိုလ္စႀက္ာ တို႕ကို အေဖၚေခၚၿပီး အလည္အပတ္သြားရင္း ေျပာခ်လိုက္ပံုကို အဲဒီစာအုပ္ထဲမွာ အခုလို ေရးထားပါတယ္။

“ ဆရာမ – က်ေနာ္တို႕တေတြဟာ လြတ္လပ္ေရးရဖို႕ ႀကိဳးပမ္းတဲ့ ခရီးတေလွ်ာက္မွာ – ဆရာမတို႕လို ၾကင္နာယုယစြာျပဳစုျခင္းကို တႀကိမ္တခါမွ မခံစားရပါဘူး ။ ဒီေဆးရံုေရာက္မွ အခုလို ျပဳစုယုယတဲ့ ဆရာမတို႕နဲ႕ ေတြ႕ေတာ့ စိတ္ထဲမွာ ခ်မ္းေျမ႕ၾကည္ႏွဴးမိတယ္ဗ်ာ ။ ကိုင္း- ဆရာမ သီခ်င္းတပုဒ္ေလာက္ဆိုစမ္းပါ ”

“ အို – ဗိုလ္ခ်ဳပ္ကလဲ ရွက္စရာႀကီး – ဘယ္ဆိုတတ္ပါ့မလဲ ”

“ ဆိုသာ -ဆိုပါ၊ ရွက္စရာ မရိွပါဘူး ၊ က်ေနာ္တို႕ခ်ည္းဘဲရိွတာပါ။ ”

အဲဒီလို ဗိုလ္ခ်ဳပ္က ခိုင္းတာကို ေဒၚခင္ၾကည္က လိုက္ေလ်ာၿပီး ဆိုျပရေတာ့တာေပါ့။ “ မယ္ခုေမွ်ာ္ ” ဆိုတဲ့ သီခ်င္းကေလးပါ။ အဲဒီေခတ္က နာမည္ေက်ာ္ လူႀကိဳက္မ်ားတဲ့ ရုပ္ရွင္မင္းသမီး ေမရွင္(၁၉၁၆-၂၀၀၈) ရဲ႕နာမည္ေက်ာ္သီခ်င္းတပုဒ္ေပါ့။

“ စိန္ျခဴးၾကာေညာင္၊ လေရာင္လင္းပါလို႕၊မွန္ေရႊျပတင္းက ၊မယ္ခုေမွ်ာ္… ” အစခ်ီတဲ့ လိႈင္ထိပ္ေခါင္တင္ မင္းသမီးရဲ႕ နာမည္ေက်ာ္ ေဘာလယ္သီခ်င္းရဲ႕ စာသားေတြကို မီွးၿပီးေတာ့ ျမဴးျမဴးၾကြၾကြ ေျပာင္းလဲစပ္ဆိုထားတဲ့ သံဆန္းေတးတပုဒ္ျဖစ္ပါတယ္။
ေဒၚခင္ၾကည္ ၏ အသံမွာ သာယာခ်ိဳေအးစြာ ထြက္ေပၚလာခဲ့သည္။

“ ေလႏုေအးေလး ၏ အရသာႏွင့္ သီခ်င္းသံ၏ အရသာမွာ – မည္သည္က သာလြန္သည္ကို ကၽြန္ေတာ္ မဆံုးျဖတ္နိုင္ပါ ” ဟု တေယာထိုးေပးေနသူ ၊စာေရးသူ ေဒါက္တာျမင့္ေဆြ ရဲ႕ အဲဒီေရးသားခ်က္မ်ားအရ ေဒၚခင္ၾကည္ရဲ႕ အဆိုပိုင္ႏိုင္မႈကိုလဲ မွန္းဆၾကည့္လို႕ရပါတယ္။

“ သိပ္ေကာင္းတာဘဲဗ်ာ…. တေခါက္ ထပ္ၿပီး ဆိုျပပါဦး ” လို႕ ဗိုလ္ခ်ဳပ္က ထပ္ၿပီး ေတာင္းဆိုလို႕ ေဒၚခင္ၾကည္က ေနာက္တေခါက္ထပ္ၿပီး ဆိုျပရေသးသတဲ့။

အဲဒီသီခ်င္းေလးဟာ ေအဝမ္းဓါတ္ျပားကုမၸဏီရဲ႕ ဓါတ္ျပားအမွတ္ ၁၄၇ ။ ၁၉၄၁ ဩဂုတ္လတြင္ ထုတ္ေဝသည္ ဆိုတဲ့ မွတ္တမ္းအရဆိုရင္ (ေဒၚခင္ၾကည္ ဆိုျပတဲ့ ၁၉၄၂ ဇြန္လ ေလာက္နဲ႕ တြက္ဆၾကည့္ရင္ )သီခ်င္းထြက္လာတာ တႏွစ္ေတာင္ မျပည့္ေသးဘူးလို႕ ေျပာရမွာပါဘဲ။ ေရးစပ္သူက တကၠသိုလ္စိုး။ နိုင္ငံျခားသီခ်င္းေတြထဲကအလိုက္ေတြကို ေရာေမႊစပ္ဟပ္ၿပီး စပ္ဆိုၾကတဲ့ သီခ်င္းေရးဆရာေတြထဲမွာ နာမည္ႀကီးတေယာက္ေပါ့။ ဒီ “ မယ္ခုေမွ်ာ္ ” သီခ်င္းဟာလဲ O SOLE MIO (IT’s Now or Never ) သီခ်င္းနဲ႕ (In a Little Rent Cabin in Honolulu ) သီခ်င္းေတြကို ေရာေမႊ စပ္ထားတာ ျဖစ္ပါသတဲ့။ ( အဲဒီ သီခ်င္းကို ေမရွင္ အျပင္ ေနာက္ထပ္ အႀကိမ္မ်ားစြာ အဆိုေတာ္ေပါင္းမ်ားစြာက ျပန္ဆိုထားၾကပါေသးတယ္။)

ေနာက္တပုဒ္က “ သက္ေဝ ” ပါ။ ဒီသီခ်င္းကိုေတာ့ ဘီ- အိုင္- ေအ ေဆးရံုမွာ လက္ထပ္တဲ့ ၁၉၄၂ စက္တင္ဘာလ ၆ ရက္ေန႔ မဂၤလာအခမ္းအနားမွာ ေဆးရံုအုပ္ႀကီး ေဒါက္တာဘသန္း သီဆိုခဲ့တာပါ။ သူ႕ရဲ႕သမီး ကစ္တီဘသန္း က စႏၵရားတီးပါတယ္။ အဲဒီသီခ်င္းဟာ မဂၤလာ လက္ထပ္ပြဲရဲ႕ ဘိသိက္သီခ်င္းေပါ့။ ႏွစ္ခါျပန္ၿပီး ဆိုၾက ၊တီးၾကတယ္။ ေဒါက္တာဘသန္းဟာ ဗမာ့ဂီတ သီခ်င္းေတြကို ျမတ္နိုး ႏွစ္သက္တဲ့ စႏၵရား၊ ပတၱလား စတာေတြကို တီးနိုင္တဲ့ ခြဲစိတ္ကုဆရာဝန္ႀကီးတဦးပါ။

သမီးကစ္တီဘသန္းကေတာ့ အသက္ ၁၃-၁၄ ေလာက္ဘဲရိွပါဦးမယ္။(ေနာက္ေတာ့ အဂၤလန္မွာ သူနာျပဳသင္တန္းတက္၊ ျမန္မာျပည္ ျပန္လာၿပီး ဗိုလ္ေနဝင္းကေတာ္ ေဒၚခင္ေမသန္း(၁၉၂၇- ၁၉၇၂ ) ျဖစ္လာပါတယ္။) အဲဒီ “ သက္ေဝ ” သီခ်င္းဟာ ၿမိဳ႕မၿငိမ္း(၁၉၀၉-၁၉၅၅) ရဲ႕ ထိပ္တန္း လက္ရာေကာင္းတပုဒ္ပါဘဲ။ လူထုေဒၚအမာက “ ခ်စ္သမွ်ကို ” ကဲ့သို႕ ေခတ္သစ္အခ်စ္သီခ်င္းေကာင္းတပုဒ္ျဖစ္တယ္ ရယ္လို႕ ညႊန္းခဲ့ မႊန္းခဲ့ ပါေသးတယ္။

ေအဝမ္း ဓါတ္ျပားအမွတ္ ၁၃၄ ၊ ၁၉၄၁ ေမလ မွာ ထုတ္ေဝတယ္လို႕ မွတ္တမ္းေတြထဲမွာ ေတြ႕ရပါတယ္။ျပည္လွေဖ( ၁၉၁၂- ၁၉၉၀) နဲ႕ ေမရွင္ စံုတြဲသီခ်င္းေတြထဲမွာ လူႀကိဳက္မ်ားတဲ့ ထိပ္တန္းသီခ်င္းတပုဒ္ေပါ့။ ေခတ္အဆက္ဆက္ ဂီတ ေရစီးေၾကာင္းေတြ ဘယ္လိုဘဲေျပာင္းေျပာင္း မေပ်ာက္မပ်က္တည္တံ့က်န္ေနရစ္တဲ့ ဂႏၱဝင္အခ်စ္ သီခ်င္းတပုဒ္ေပါ့ေလ။ေနာက္ပိုင္းမွာ အဆိုေတာ္ေပါင္းမ်ားစြာ -တမက္တေမာ ဆိုေနၾကတံုး။

ဗိုလ္ခ်ဳပ္ရဲ႕ တိုေတာင္းလွတဲ့ ဘဝသက္တမ္းမွာ

သူ ခ်စ္ျမတ္ႏိုးတဲ့သူ ေဒၚခင္ၾကည္ ကိုယ္တိုင္ဆိုခဲ့တဲ့ “ မယ္ခုေမွ်ာ္ ” သီခ်င္းရယ္

သူ႕ရဲ႕ မဂၤလာေဆာင္မွာ က်က္သေရရိွရိွၾကားခဲ့ရတဲ့ “ သက္ေဝ ” သီခ်င္းရယ္။ ဒီသီခ်င္း ႏွစ္ပုဒ္ကိုေတာ့ျဖင့္ သူ႕ရဲ႕စိတ္ထဲမွာ သူ႕ရဲ႕ စိတ္ထဲမွာ သူ႕ရဲ႕ဘဝတေလွ်ာက္လံုးမွာ အမွတ္တရရိွေနလိမ့္မယ္ လို႕ မွန္းဆၾကည့္နိုင္ပါတယ္။

သူႀကိဳက္ႏွစ္သက္ ျမတ္နိုးခဲ့တဲ့ ဒီသီခ်င္း (၂) ပုဒ္ကို ျပန္လည္နားဆင္ရင္း….

က်ေနာ္တို႕တေတြလဲ ဗိုလ္ခ်ဳပ္ကို (သူ႕ရဲ႕ ႏွစ္ ၁၀၀ ျပည့္အခါသမယမွာ) ေလးစား ဂုဏ္ျပဳ ဦးညႊတ္ အေလးျပဳလိုက္ၾကပါစို႕ ။

(သီခ်င္းနားေထာင္ရန္ ေအာက္မွ LINK မ်ားကို အသံုးျပဳပါ)

မယ္ခုေမ်ာ္ (၁) (ေခတ္ေပၚ)

မယ္ခုေမ်ာ္ (၂) (ေရွးေဟာင္း)

သက္ေ၀ (၁) (ေခတ္ေပၚ)

သက္ေ၀ (၂) (ေခတ္ေပၚ)

သက္ေ၀ (၃) (ေရွးေဟာင္း)

မီွျငမ္းစာရင္း

(၁) မွတ္မိေသးတယ္ ဂ်ပန္ေခတ္ေဆးရံုႀကီးဝယ္( ေဒါက္တာျမင့္ေဆြ)
(၂) ေခတ္ေဟာင္း သီခ်င္းေပါင္းခ်ဳပ္ (ကိုသန္းလိႈင္)
(၃) ျမန္မာ့ဂီတေရစီးေၾကာင္း (စႏၵရားလွထြဋ္)
(၄) ျပည္သူခ်စ္ေသာ အႏုပညာသည္မ်ား (လူထုေဒၚအမာ)
(၅) စာေပ ႏွင့္ ဂီတ ဂီတႏွင့္စာေပ (ဦးျမင့္ၾကည္)
(၆) ေႏွာင္းအတိတ္က မေဟာင္းေသာ ပံုရိပ္လႊာမ်ား (တကၠသိုလ္ ခင္ေမာင္ေဇာ္)
(၇) ေတးေရး ပညာရွင္ႀကီးမ်ား၏ ေခတ္ေဟာင္းေတးသီခ်င္းမ်ား (ျပန္ၾကားေရးဝန္ႀကီးဌာန )
(၈) ခ်စ္ေသာေမရွင္ –ကက္ဆက္တိပ္ေခြ
(၉) သိန္းေဇာ္- နန္းခင္ေမႊး ေရႊဓါတ္ျပား ၊ပထမတြဲ ကက္ဆက္တိပ္ေခြ

Photo – Yan Naung (Botahtaung) – ၂၀၁၅၊ ရန္ကုန္မွာ ကခဲ့တဲ့ ဗိုလ္ခ်ဳပ္ေအာင္ဆန္း ႏွစ္ ၁၀၀ ျပည့္ ေအာ္ပါရာ
MoeMaKa
....................

ဗိုလ်ချုပ် နဲ့ ဒေါ်ခင်ကြည် တို့ လက်ထပ်ထိမ်းမြှားခဲ့တာ ၁၉၄၂ စက်တင်ဘာ ၆ ရက် တနင်္ဂနွေ နေ့မှာပါ။ လက်ထပ်ခဲ့တဲ့နေရာကတော့ (BURMA INDEPENDENCE ARMY ) ဘီ- အိုင်- အေ ဂျပန်ခေတ်ဆေးရုံ ရဲ့ အခန်းကျယ်တခုမှာ ဖြစ်ပါတယ်။ (မဆလ ခေတ်မှာတော့ – စစ်ရုံးချုပ် ဖြစ်လာပါတယ်။ အလံပြဘုရားလမ်းပေါ်မှာ။ တရိစ္ဆာန်ဥယျာဉ်နဲ့ ရှေ့တည့်တည့်ပေါ့။) ဆေးရုံကလဲ ဖွင့်ကာစပါ ။ ဒေါ်ခင်ကြည်က -ဆေးရုံမှာ သူနာပြုဆရာမပါ။
ဂျပန်တွေတဲ့ အတူ မြန်မာပြည်ကို ဝင်ရောက်လာတဲ့ ဘီ- အိုင်-အေ တပ်နဲ့အတူ ဗိုလ်တေဇ အမည်ခံ ဗိုလ်ချုပ်ဟာ ၁၉၄၂ – မတ်လ ၁၂ ရက်နေ့မှာ ရန်ကုန်ကို ရောက်လာခဲ့ပါတယ်။ မရပ်မနား စစ်ချီတက်ရာ လမ်းတလျှောက် အပင်ပန်းကြီး ပင်ပန်းလွန်းလို့ – ဗိုလ်ချုပ်ခမျာ အပြင်းဖျားပါလေရော ။ အဲဒီအတွက် ဆေးရုံတက်ပြီး အကုသခံရပါတော့တယ်။(၁၉၄၂-မေလကုန် ၊ဇွန်လဆန်းလောက် ဖြစ်ပါလိမ့်မယ်)။

သူ့ကိုဆေးရုံအုပ်ကြီးဒေါက်တာဘသန်း(ခွဲစိတ်ကုဆရာဝန်ကြီး F.R.C.S ) အပါအဝင် အားလုံးက ဂရုတစိုက်ပြုစု ကုသပေးကြတာပေါ့။အဲဒီမှာဘဲ သူ့ကို အနီးကပ်ပြုစုပေးနေတဲ့ သူနာပြုဆရာမ ဒေါ်ခင်ကြည်နဲ့ တွေ့ဆုံပြီး ဗိုလ်ချုပ်ရဲ့ မေတ္တာစိတ်တွေ ယိုဖိတ်ကုန်တာပါဘဲ။ နဂိုစိတ်ရင်းနဲ့ ရှင်းရှင်းဘွင်းဘွင်း ပြောတတ်တဲ့ ဗိုလ်ချုပ်ဟာ ဒေါ်ခင်ကြည် ရဲ့ တုံ့လှယ်မေတ္တာပန်းကို ရယူပြီးတဲ့နောက်- အဲဒီနှစ် စက်တင်ဘာလ ၆ ရက်နေ့မှာ လက်ထပ်လိုက်ကြပါတယ်။ အဲဒီအကြောင်းတွေကို (အပြည့်အစုံ အသေးစိတ်မဟုတ်သော်လည်း) ရေးပြထားတဲ့သူက- ဒေါက်တာမြင့်ဆွေ ဖြစ်ပါတယ်။(နောက်ပိုင်းမှာ – ဝဏ္ဏကျော်ထင်ဘွဲ့ရခဲ့သူ) ၁၉၄၂ကနေ ၁၉၄၅ ခုနှစ် အထိ(ဂျပန်တွေ ဗမာပြည်ကို အုပ်စိုးတဲ့ ၃- နှစ်တာကာလအတွင်း )သူက ဆရာဝန်အဖြစ် အဲဒီဆေးရုံမှာ လုပ်ခဲ့ပြီးတော့၊ အဲဒီအတွေ့အကြုံတွေကို “ မှတ်မိသေးတယ် ဂျပန်ခေတ်ဆေးရုံကြီးဝယ် ” အမည်နဲ့ ၁၉၆၈ မှာ စာအုပ်တအုပ်ရေးသားပြီး မှတ်တမ်းတင်ထုတ်ဝေခဲ့တယ်။ တခြားသမိုင်းဝင် အချက်အလက် အတွေ့အကြံုအတော်များများပါဝင်သလို ဗိုလ်ချုပ်နားထောင်ခဲ့တဲ့ သီချင်း ၂ ပုဒ်ကိုလဲ ဖေါ်ပြထားတယ်။ ဗိုလ်ချုပ်ရဲ့ အရေးကြီးတဲ့ ဘဝတစိတ်တပိုင်းနဲ့ တိုက်ရိုက် ဆက်စပ်နေတာမို့ဝေမျှ ခံစားကြည့်ကြပါစို့။

ပထမ သီချင်းက “ မယ်ခုမျှော် ” ဆိုတဲ့သီချင်းလေးပါ။ ဆေးရုံတက်ကုသမှုတွေကြောင့် နာလန်ထစပြုလာတဲ့ ဗိုလ်ချုပ်က – ဒေါ်ခင်ကြည်နေတဲ့ အဆောင် (ဆေးရုံဝင်းအတွင်း မှာဘဲ ရှိတဲ့ သူနာပြုတွေရဲ့ အဆောင်) ကို ဆရာဝန်ဒေါက်တာ မြင့်ဆွေ နဲ့ ရဲဘော်သုံးကျိပ်ဝင် ဗိုလ်စကြ်ာ တို့ကို အဖေါ်ခေါ်ပြီး အလည်အပတ်သွားရင်း ပြောချလိုက်ပုံကို အဲဒီစာအုပ်ထဲမှာ အခုလို ရေးထားပါတယ်။

“ ဆရာမ – ကျနော်တို့တတွေဟာ လွတ်လပ်ရေးရဖို့ ကြိုးပမ်းတဲ့ ခရီးတလျှောက်မှာ – ဆရာမတို့လို ကြင်နာယုယစွာပြုစုခြင်းကို တကြိမ်တခါမှ မခံစားရပါဘူး ။ ဒီဆေးရုံရောက်မှ အခုလို ပြုစုယုယတဲ့ ဆရာမတို့နဲ့ တွေ့တော့ စိတ်ထဲမှာ ချမ်းမြေ့ကြည်နှူးမိတယ်ဗျာ ။ ကိုင်း- ဆရာမ သီချင်းတပုဒ်လောက်ဆိုစမ်းပါ ”

“ အို – ဗိုလ်ချုပ်ကလဲ ရှက်စရာကြီး – ဘယ်ဆိုတတ်ပါ့မလဲ ”

“ ဆိုသာ -ဆိုပါ၊ ရှက်စရာ မရှိပါဘူး ၊ ကျနော်တို့ချည်းဘဲရှိတာပါ။ ”

အဲဒီလို ဗိုလ်ချုပ်က ခိုင်းတာကို ဒေါ်ခင်ကြည်က လိုက်လျောပြီး ဆိုပြရတော့တာပေါ့။ “ မယ်ခုမျှော် ” ဆိုတဲ့ သီချင်းကလေးပါ။ အဲဒီခေတ်က နာမည်ကျော် လူကြိုက်များတဲ့ ရုပ်ရှင်မင်းသမီး မေရှင်(၁၉၁၆-၂၀၀၈) ရဲ့နာမည်ကျော်သီချင်းတပုဒ်ပေါ့။

“ စိန်ခြူးကြာညောင်၊ လရောင်လင်းပါလို့၊မှန်ရွှေပြတင်းက ၊မယ်ခုမျှော်… ” အစချီတဲ့ လှိုင်ထိပ်ခေါင်တင် မင်းသမီးရဲ့ နာမည်ကျော် ဘောလယ်သီချင်းရဲ့ စာသားတွေကို မှီးပြီးတော့ မြူးမြူးကြွကြွ ပြောင်းလဲစပ်ဆိုထားတဲ့ သံဆန်းတေးတပုဒ်ဖြစ်ပါတယ်။
ဒေါ်ခင်ကြည် ၏ အသံမှာ သာယာချိုအေးစွာ ထွက်ပေါ်လာခဲ့သည်။

“ လေနုအေးလေး ၏ အရသာနှင့် သီချင်းသံ၏ အရသာမှာ – မည်သည်က သာလွန်သည်ကို ကျွန်တော် မဆုံးဖြတ်နိုင်ပါ ” ဟု တယောထိုးပေးနေသူ ၊စာရေးသူ ဒေါက်တာမြင့်ဆွေ ရဲ့ အဲဒီရေးသားချက်များအရ ဒေါ်ခင်ကြည်ရဲ့ အဆိုပိုင်နိုင်မှုကိုလဲ မှန်းဆကြည့်လို့ရပါတယ်။

“ သိပ်ကောင်းတာဘဲဗျာ…. တခေါက် ထပ်ပြီး ဆိုပြပါဦး ” လို့ ဗိုလ်ချုပ်က ထပ်ပြီး တောင်းဆိုလို့ ဒေါ်ခင်ကြည်က နောက်တခေါက်ထပ်ပြီး ဆိုပြရသေးသတဲ့။

အဲဒီသီချင်းလေးဟာ အေဝမ်းဓါတ်ပြားကုမ္ပဏီရဲ့ ဓါတ်ပြားအမှတ် ၁၄၇ ။ ၁၉၄၁ ဩဂုတ်လတွင် ထုတ်ဝေသည် ဆိုတဲ့ မှတ်တမ်းအရဆိုရင် (ဒေါ်ခင်ကြည် ဆိုပြတဲ့ ၁၉၄၂ ဇွန်လ လောက်နဲ့ တွက်ဆကြည့်ရင် )သီချင်းထွက်လာတာ တနှစ်တောင် မပြည့်သေးဘူးလို့ ပြောရမှာပါဘဲ။ ရေးစပ်သူက တက္ကသိုလ်စိုး။ နိုင်ငံခြားသီချင်းတွေထဲကအလိုက်တွေကို ရောမွှေစပ်ဟပ်ပြီး စပ်ဆိုကြတဲ့ သီချင်းရေးဆရာတွေထဲမှာ နာမည်ကြီးတယောက်ပေါ့။ ဒီ “ မယ်ခုမျှော် ” သီချင်းဟာလဲ O SOLE MIO (IT’s Now or Never ) သီချင်းနဲ့ (In a Little Rent Cabin in Honolulu ) သီချင်းတွေကို ရောမွှေ စပ်ထားတာ ဖြစ်ပါသတဲ့။ ( အဲဒီ သီချင်းကို မေရှင် အပြင် နောက်ထပ် အကြိမ်များစွာ အဆိုတော်ပေါင်းများစွာက ပြန်ဆိုထားကြပါသေးတယ်။)

နောက်တပုဒ်က “ သက်ဝေ ” ပါ။ ဒီသီချင်းကိုတော့ ဘီ- အိုင်- အေ ဆေးရုံမှာ လက်ထပ်တဲ့ ၁၉၄၂ စက်တင်ဘာလ ၆ ရက်နေ့ မင်္ဂလာအခမ်းအနားမှာ ဆေးရုံအုပ်ကြီး ဒေါက်တာဘသန်း သီဆိုခဲ့တာပါ။ သူ့ရဲ့သမီး ကစ်တီဘသန်း က စန္ဒရားတီးပါတယ်။ အဲဒီသီချင်းဟာ မင်္ဂလာ လက်ထပ်ပွဲရဲ့ ဘိသိက်သီချင်းပေါ့။ နှစ်ခါပြန်ပြီး ဆိုကြ ၊တီးကြတယ်။ ဒေါက်တာဘသန်းဟာ ဗမာ့ဂီတ သီချင်းတွေကို မြတ်နိုး နှစ်သက်တဲ့ စန္ဒရား၊ ပတ္တလား စတာတွေကို တီးနိုင်တဲ့ ခွဲစိတ်ကုဆရာဝန်ကြီးတဦးပါ။

သမီးကစ်တီဘသန်းကတော့ အသက် ၁၃-၁၄ လောက်ဘဲရှိပါဦးမယ်။(နောက်တော့ အင်္ဂလန်မှာ သူနာပြုသင်တန်းတက်၊ မြန်မာပြည် ပြန်လာပြီး ဗိုလ်နေဝင်းကတော် ဒေါ်ခင်မေသန်း(၁၉၂၇- ၁၉၇၂ ) ဖြစ်လာပါတယ်။) အဲဒီ “ သက်ဝေ ” သီချင်းဟာ မြို့မငြိမ်း(၁၉၀၉-၁၉၅၅) ရဲ့ ထိပ်တန်း လက်ရာကောင်းတပုဒ်ပါဘဲ။ လူထုဒေါ်အမာက “ ချစ်သမျှကို ” ကဲ့သို့ ခေတ်သစ်အချစ်သီချင်းကောင်းတပုဒ်ဖြစ်တယ် ရယ်လို့ ညွှန်းခဲ့ မွှန်းခဲ့ ပါသေးတယ်။

အေဝမ်း ဓါတ်ပြားအမှတ် ၁၃၄ ၊ ၁၉၄၁ မေလ မှာ ထုတ်ဝေတယ်လို့ မှတ်တမ်းတွေထဲမှာ တွေ့ရပါတယ်။ပြည်လှဖေ( ၁၉၁၂- ၁၉၉၀) နဲ့ မေရှင် စုံတွဲသီချင်းတွေထဲမှာ လူကြိုက်များတဲ့ ထိပ်တန်းသီချင်းတပုဒ်ပေါ့။ ခေတ်အဆက်ဆက် ဂီတ ရေစီးကြောင်းတွေ ဘယ်လိုဘဲပြောင်းပြောင်း မပျောက်မပျက်တည်တံ့ကျန်နေရစ်တဲ့ ဂန္တဝင်အချစ် သီချင်းတပုဒ်ပေါ့လေ။နောက်ပိုင်းမှာ အဆိုတော်ပေါင်းများစွာ -တမက်တမော ဆိုနေကြတုံး။

ဗိုလ်ချုပ်ရဲ့ တိုတောင်းလှတဲ့ ဘဝသက်တမ်းမှာ

သူ ချစ်မြတ်နိုးတဲ့သူ ဒေါ်ခင်ကြည် ကိုယ်တိုင်ဆိုခဲ့တဲ့ “ မယ်ခုမျှော် ” သီချင်းရယ်

သူ့ရဲ့ မင်္ဂလာဆောင်မှာ ကျက်သရေရှိရှိကြားခဲ့ရတဲ့ “ သက်ဝေ ” သီချင်းရယ်။ ဒီသီချင်း နှစ်ပုဒ်ကိုတော့ဖြင့် သူ့ရဲ့စိတ်ထဲမှာ သူ့ရဲ့ စိတ်ထဲမှာ သူ့ရဲ့ဘဝတလျှောက်လုံးမှာ အမှတ်တရရှိနေလိမ့်မယ် လို့ မှန်းဆကြည့်နိုင်ပါတယ်။

သူကြိုက်နှစ်သက် မြတ်နိုးခဲ့တဲ့ ဒီသီချင်း (၂) ပုဒ်ကို ပြန်လည်နားဆင်ရင်း….

ကျနော်တို့တတွေလဲ ဗိုလ်ချုပ်ကို (သူ့ရဲ့ နှစ် ၁၀၀ ပြည့်အခါသမယမှာ) လေးစား ဂုဏ်ပြု ဦးညွှတ် အလေးပြုလိုက်ကြပါစို့ ။

(သီချင်းနားထောင်ရန် အောက်မှ LINK များကို အသုံးပြုပါ)

မယ်ခုမျော် (၁) (ခေတ်ပေါ်)

မယ်ခုမျော် (၂) (ရှေးဟောင်း)

သက်ဝေ (၁) (ခေတ်ပေါ်)

သက်ဝေ (၂) (ခေတ်ပေါ်)

သက်ဝေ (၃) (ရှေးဟောင်း)

မှီငြမ်းစာရင်း

(၁) မှတ်မိသေးတယ် ဂျပန်ခေတ်ဆေးရုံကြီးဝယ်( ဒေါက်တာမြင့်ဆွေ)
(၂) ခေတ်ဟောင်း သီချင်းပေါင်းချုပ် (ကိုသန်းလှိုင်)
(၃) မြန်မာ့ဂီတရေစီးကြောင်း (စန္ဒရားလှထွဋ်)
(၄) ပြည်သူချစ်သော အနုပညာသည်များ (လူထုဒေါ်အမာ)
(၅) စာပေ နှင့် ဂီတ ဂီတနှင့်စာပေ (ဦးမြင့်ကြည်)
(၆) နှောင်းအတိတ်က မဟောင်းသော ပုံရိပ်လွှာများ (တက္ကသိုလ် ခင်မောင်ဇော်)
(၇) တေးရေး ပညာရှင်ကြီးများ၏ ခေတ်ဟောင်းတေးသီချင်းများ (ပြန်ကြားရေးဝန်ကြီးဌာန )
(၈) ချစ်သောမေရှင် –ကက်ဆက်တိပ်ခွေ
(၉) သိန်းဇော်- နန်းခင်မွှေး ရွှေဓါတ်ပြား ၊ပထမတွဲ ကက်ဆက်တိပ်ခွေ

Photo – Yan Naung (Botahtaung) – ၂၀၁၅၊ ရန်ကုန်မှာ ကခဲ့တဲ့ ဗိုလ်ချုပ်အောင်ဆန်း နှစ် ၁၀၀ ပြည့် အော်ပါရာ

MoeMaKa