အပစ္ရပ္စာခ်ဳပ္ လက္မွတ္ေရးထုိးမႈ ေဒၚစု သက္ေသျပဳဖို႔ အစုိးရနဲ႔ တုိင္းရင္းသားေတြ လုိလား

 တိုင္းရင္းသား လက္နက္ကိုင္တခ်ိဳ႕နဲ႔ ျမန္မာအစိုးရတို႔ၾကား အပစ္ရပ္ေရး စာခ်ဳပ္ လက္မွတ္ေရးထိုးတာမွာ ေဒၚေအာင္ဆန္းစုၾကည္ကို အသိသက္ေသ အျဖစ္ လက္မွတ္ထုိးေပးဖို႔ ႏွစ္ဘက္တို႔က လိုလားေနၾကပါတယ္။ တိုင္းရင္းသားတို႔ဘက္က လိုလားရင္ အပစ္ရပ္စာခ်ဳပ္မွာ ေဒၚေအာင္ဆန္းစုၾကည္အေနနဲ႔ လက္မွတ္ေရးထိုးလိုတဲ့ ဆႏၵရွိေပမယ့္ ခုိင္မာတဲ့ အပစ္ရပ္ေရး ျဖစ္ဖို႔လိုအပ္တယ္လို႔လည္း ေထာက္ျပ ထားပါတယ္။ အေသးစိတ္ကို မသိဂႌထုိက္က စုစည္းတင္ျပထားပါတယ္။

ျမန္မာ အစိုးရနဲ႔ တိုင္းရင္းသား လက္နက္ကိုင္ အဖြဲ႔ ၈ ဖြဲ႔တို႔ၾကား ေအာက္တိုဘာလ ၁၅ ရက္ေန႔ ေနျပည္ေတာ္မွာ အပစ္ရပ္ေရး လက္မွတ္ေရး ထိုးတာမွာ အတိုက္အခံ ေခါင္းေဆာင္ ေဒၚေအာင္ဆန္းစုၾကည္ အေနနဲ႔ အသိသက္ေသ အျဖစ္ လက္မွတ္ေရးထိုးေပးဖို႔ အစိုးရဘက္ကေရာ တိုင္းရင္းသားတို႔ ဘက္ကပါ လိုလားေနၾကတာပါ။ အပစ္ရပ္ေရး သေဘာတူထားတဲ့ ရခိုင္ျပည္ လြတ္ေျမာက္ေရး ပါတီ ANP ကိုယ္စားလွယ္ ေဒၚေစာျမရာဇာလင္းက အခုလုိ ေျပာပါတယ္။

“ႏွစ္ဘက္စလံုးကေတာ့ လိုလိုလားလားရွိတယ္လို႔ က်မတို႔ ေတြ႔ရပါတယ္။ အစိုးရဘက္နဲ႔ က်မတို႔ တုိင္းရင္းသားလက္နက္ကိုင္ အဖြဲ႔အစည္းေတြက ေဆြးေႏြးတဲ့အခါမွာ ျပည္တြင္းအသိသက္ေသေတြကို စဥ္းစားတဲ့အခါမွာ ေဒၚေအာင္ဆန္းစုၾကည္ကို အရင္ဆံုးထည့္ၿပီးေတာ့ စဥ္းစားၾကပါတယ္။ ေဒၚေအာင္ဆန္းစုၾကည္ရဲ႕ပါဝင္လာမႈဟာလည္း အင္မတန္မွ အေရးႀကီးပါတယ္။ အဲဒါေၾကာင့္မို႔လို႔ အစိုးရဘက္ကလည္း လိုလားတယ္၊ က်မတို႔ တုိင္းရင္းသားလက္နက္ကိုင္အဖြဲ႔အစည္းေတြကလည္း ေဒၚေအာင္ဆန္းစုၾကည္ပါဝင္မႈကို လိုလားတာမို႔လို႔ ေဒၚေအာင္ဆန္းစုၾကည္ ပါဝင္လာမႈကို က်မတို႔ တိုင္းရင္းသားလက္နက္ကိုင္အဖြဲ႔အစည္းေတြကလည္း အဆိုျပဳတာျဖစ္ပါတယ္။”

အတိုက္အခံ ေခါင္းေဆာင္ ေဒၚေအာင္ဆန္းစုၾကည္ဘက္ကေတာ့ တိုင္းရင္းသား လက္နက္ကိုင္ တပ္ဖြဲ႔တို႔ဘက္က လိုလားခ်က္ရွိရင္ အပစ္ရပ္ေရး စာခ်ဳပ္မွာ အသိသက္ေသ အျဖစ္ လက္မွတ္ေရးထိုးေပးဖို႔ သေဘာထားရွိေပမယ့္ ခိုင္မာတဲ့ အပစ္ရပ္ေရးစာခ်ဳပ္ ျဖစ္ေစ ခ်င္တယ္လို႔ ေျပာထားတဲ့ အေၾကာင္း အမ်ိဳးသားဒီမိုကေရစီအဖြဲ႔ခ်ဳပ္ပါတီရဲ႕ ေျပာခြင့္ရ ဦးဝင္းထိန္က ေျပာပါတယ္။

“တကယ္လို႔ တုိင္းရင္းသားလက္နက္ကိုင္အဖြဲ႔ေတြေရာ၊ တုိင္းရင္းသားပါတီေတြေရာက လိုလားမယ္ဆိုရင္ ေဒၚေအာင္ဆန္းစုၾကည္အေနနဲ႔ လက္မွတ္ထိုးဖို႔ ဝန္မေလးဘူး၊ သို႔ေသာ္ တခ်က္ေတာ့ရွိတယ္။ ဘာလဲဆိုရင္ အဲဒီထိုးလိုက္တဲ့လက္မွတ္ဟာ အဲဒီထိုးလုိက္တဲ့စာခ်ဳပ္ဟာ ခိုင္မာရမယ္၊ စာခ်ဳပ္ခ်ဳပ္ၿပီး ပ်က္တဲ့- အလြယ္တကူပ်က္တတ္တဲ့စာခ်ဳပ္မ်ဳိး မျဖစ္ရဘူးဆိုတဲ့ဟာကို က်ေနာ္ အဲဒီမွာ ေျပာျပပါတယ္။”

ဒါေပမယ့္လက္ရွိ ကာလမွာက ေရြးေကာက္ပြဲကာလျဖစ္ၿပီး အစိုးရ အကူးအေျပာင္းကာလ ျဖစ္ေနတဲ့အတြက္ အပစ္ရပ္ၿပီး ႏုိင္ငံေရး ေဆြးေႏြးပြဲ ဦးေဆာင္မႈ အခန္းက႑၊ အားလံုးပါဝင္ႏုိင္မႈ အခန္းက႑နဲ႔ လက္ေတြ႔ျဖစ္ႏုိင္ေျခေတြကို အဓိကထားၿပီး စဥ္းစားၾကဖို႔ကိုလည္း NLD ဘက္က တိုက္တြန္းခဲ့တယ္လို႔ ဦးဝင္းထိန္က ေျပာပါတယ္။

“တုိင္းရင္းသားလက္နက္ကိုင္ ပဋိပကၡေတြရဲ႕ ျပႆနာနဲ႔ပတ္သက္ၿပီး ႏိုင္ငံေရးနည္းနဲ႔ ေျဖရွင္းမယ္၊ ႏိုင္ငံကိုလည္း ဖက္ဒရယ္ဒီမိုကေရစီ ျပည္ေထာင္စု ျဖစ္ေအာင္ ရည္ရြယ္ခ်က္ထားတယ္ဆိုတဲ့ …ရွိခဲ့တယ္။ ဒီအတုိင္းပဲ က်ေနာ္တို႔ တေသြမတိမ္းဘဲ ရပ္တည္ခဲ့တယ္။ ေဒၚေအာင္ဆန္းစုၾကည္ရဲ႕ ေခါင္းေဆာင္မႈနဲ႔၊ အဲဒီေတာ့ ဖက္ဒရယ္ဆိုတာကို ေျပာတာလည္း က်ေနာ္တို႔ ပထမဦးဆံုးပဲ။ ဒါေၾကာင့္မို႔လို႔ ၿငိမ္းခ်မ္းေရးလည္း လိုလားတယ္။ စာခ်ဳပ္ ခ်ဳပ္မယ္ဆိုရင္လည္း ႀကိဳဆိုလက္ခံရမယ့္သေဘာရွိတယ္။ သို႔ေသာ္ ေရြးေကာက္ပြဲနဲ႔ သိပ္ၿပီးေတာ့ အလုပ္မ်ားေနတဲ့အခ်ိန္မွာ အစည္းအေဝးလုပ္ဖို႔ကေတာ့ မျဖစ္ႏိုင္ဘူးထင္တယ္။ အဲဒါတစ္ခ်က္၊ ေနာက္တစ္ခ်က္ကေတာ့ ေရြးေကာက္ပြဲၿပီး တဲ့ေနာက္မွာ ဘယ္သူႏုိင္မလဲဆိုတာလည္းမသိေသးဘူး၊ ႏိုင္ၿပီးရင္လည္း ဘယ္လိုနည္းနဲ႔အာဏာလႊဲမယ္ဆိုတဲ့ဟာလည္း မသိေသးေတာ့ - transition period - အင္မတန္အလုပ္မ်ားတဲ့အခ်ိန္၊ အဲဒီအခ်ိန္မွာ ၿငိမ္းခ်မ္းေရးဦးစားေပးမယ္ဆိုရင္ ဘယ္သူက ဦးေဆာင္လုပ္မွာလဲ၊ အစုိးရကပဲလုပ္မွာပဲလား၊ ဒီပုဂၢိဳလ္ေတြကပဲလုပ္မွာပဲလား။ …….ဒါေၾကာင့္မို႔လို႔ စဥ္းစဥ္းစားစားလုပ္သင့္တယ္လုိ႔ က်ေနာ္တင္ျပခဲ့တာ။”

ဒါ႔အျပင္ လက္ရွိ ျမန္မာအစိုးရက မတရားအသင္း ေၾကညာထားတဲ့ တိုင္းရင္းသား လက္နက္ကိုင္တပ္ဖြဲ႔ေတြနဲ႔ အပစ္ရပ္ေရးမွာ ႏုိင္ငံေရး ပါတီေတြ ပါဝင္ ပတ္သက္လာရင္ တည္ဆဲဥပေဒအရ အာမခံခ်က္ရွိမရွိဆိုတာနဲ႔ တည္ဆဲဥပေဒေတြနဲ႔ ၿငိစြန္းမယ့္အေရးကိုလည္း ေထာက္ျပခဲ့တယ္လုိ႔ ဦးဝင္းထိန္က ေျပာပါတယ္။ အပစ္ရပ္အၿပီး ႏုိင္ငံေရးေဆြးေႏြးပြဲေတြ က်င္းပႏုိင္ေရး တနလာၤေန႔မွာ တိုင္းရင္းသား လက္နက္ကိုင္တပ္ဖြဲ႔ေတြ၊ ျမန္မာအစိုးရၿငိမ္းခ်မ္းေရး ေဖာ္ေဆာင္ေရးအဖြဲ႔နဲ႔ ႏုိင္ငံေရးပါတီတို႔ၾကား အလြတ္သေဘာေဆြးေႏြးပြဲမွာ ျမန္မာ အစိုးရနဲ႔ တိုင္းရင္းသားလက္နက္ကိုင္တို႔ၾကား အရင္ခ်ဳပ္ဆိုထားတဲ့ အပစ္ရပ္ေရးစာခ်ဳပ္ေတြ ပ်က္ျပယ္ခဲ့ၾကတာေတြကိုလည္း ေထာက္ျပၿပီး အခု ခ်ဳပ္ဆိုမယ့္ အပစ္ရပ္ေရး စာခ်ဳပ္ရဲ႕ခိုင္မာမႈ၊ ယံုၾကည္မႈ တည္ေဆာက္ႏုိင္ေရးကို အဓိကထားၾကဖို႔ NLD က တိုက္တြန္းထားပါတယ္ရွင္။

သိဂႌထုိက္ / ဗြီအုိေအ (ျမန္မာပုိင္း)
http://burmese.voanews.com
...................................

 တိုင်းရင်းသား လက်နက်ကိုင်တချို့နဲ့ မြန်မာအစိုးရတို့ကြား အပစ်ရပ်ရေး စာချုပ် လက်မှတ်ရေးထိုးတာမှာ ဒေါ်အောင်ဆန်းစုကြည်ကို အသိသက်သေ အဖြစ် လက်မှတ်ထိုးပေးဖို့ နှစ်ဘက်တို့က လိုလားနေကြပါတယ်။ တိုင်းရင်းသားတို့ဘက်က လိုလားရင် အပစ်ရပ်စာချုပ်မှာ ဒေါ်အောင်ဆန်းစုကြည်အနေနဲ့ လက်မှတ်ရေးထိုးလိုတဲ့ ဆန္ဒရှိပေမယ့် ခိုင်မာတဲ့ အပစ်ရပ်ရေး ဖြစ်ဖို့လိုအပ်တယ်လို့လည်း ထောက်ပြ ထားပါတယ်။ အသေးစိတ်ကို မသိင်္ဂီထိုက်က စုစည်းတင်ပြထားပါတယ်။

မြန်မာ အစိုးရနဲ့ တိုင်းရင်းသား လက်နက်ကိုင် အဖွဲ့ ၈ ဖွဲ့တို့ကြား အောက်တိုဘာလ ၁၅ ရက်နေ့ နေပြည်တော်မှာ အပစ်ရပ်ရေး လက်မှတ်ရေး ထိုးတာမှာ အတိုက်အခံ ခေါင်းဆောင် ဒေါ်အောင်ဆန်းစုကြည် အနေနဲ့ အသိသက်သေ အဖြစ် လက်မှတ်ရေးထိုးပေးဖို့ အစိုးရဘက်ကရော တိုင်းရင်းသားတို့ ဘက်ကပါ လိုလားနေကြတာပါ။ အပစ်ရပ်ရေး သဘောတူထားတဲ့ ရခိုင်ပြည် လွတ်မြောက်ရေး ပါတီ ANP ကိုယ်စားလှယ် ဒေါ်စောမြရာဇာလင်းက အခုလို ပြောပါတယ်။

“နှစ်ဘက်စလုံးကတော့ လိုလိုလားလားရှိတယ်လို့ ကျမတို့ တွေ့ရပါတယ်။ အစိုးရဘက်နဲ့ ကျမတို့ တိုင်းရင်းသားလက်နက်ကိုင် အဖွဲ့အစည်းတွေက ဆွေးနွေးတဲ့အခါမှာ ပြည်တွင်းအသိသက်သေတွေကို စဉ်းစားတဲ့အခါမှာ ဒေါ်အောင်ဆန်းစုကြည်ကို အရင်ဆုံးထည့်ပြီးတော့ စဉ်းစားကြပါတယ်။ ဒေါ်အောင်ဆန်းစုကြည်ရဲ့ပါဝင်လာမှုဟာလည်း အင်မတန်မှ အရေးကြီးပါတယ်။ အဲဒါကြောင့်မို့လို့ အစိုးရဘက်ကလည်း လိုလားတယ်၊ ကျမတို့ တိုင်းရင်းသားလက်နက်ကိုင်အဖွဲ့အစည်းတွေကလည်း ဒေါ်အောင်ဆန်းစုကြည်ပါဝင်မှုကို လိုလားတာမို့လို့ ဒေါ်အောင်ဆန်းစုကြည် ပါဝင်လာမှုကို ကျမတို့ တိုင်းရင်းသားလက်နက်ကိုင်အဖွဲ့အစည်းတွေကလည်း အဆိုပြုတာဖြစ်ပါတယ်။”

အတိုက်အခံ ခေါင်းဆောင် ဒေါ်အောင်ဆန်းစုကြည်ဘက်ကတော့ တိုင်းရင်းသား လက်နက်ကိုင် တပ်ဖွဲ့တို့ဘက်က လိုလားချက်ရှိရင် အပစ်ရပ်ရေး စာချုပ်မှာ အသိသက်သေ အဖြစ် လက်မှတ်ရေးထိုးပေးဖို့ သဘောထားရှိပေမယ့် ခိုင်မာတဲ့ အပစ်ရပ်ရေးစာချုပ် ဖြစ်စေ ချင်တယ်လို့ ပြောထားတဲ့ အကြောင်း အမျိုးသားဒီမိုကရေစီအဖွဲ့ချုပ်ပါတီရဲ့ ပြောခွင့်ရ ဦးဝင်းထိန်က ပြောပါတယ်။

“တကယ်လို့ တိုင်းရင်းသားလက်နက်ကိုင်အဖွဲ့တွေရော၊ တိုင်းရင်းသားပါတီတွေရောက လိုလားမယ်ဆိုရင် ဒေါ်အောင်ဆန်းစုကြည်အနေနဲ့ လက်မှတ်ထိုးဖို့ ဝန်မလေးဘူး၊ သို့သော် တချက်တော့ရှိတယ်။ ဘာလဲဆိုရင် အဲဒီထိုးလိုက်တဲ့လက်မှတ်ဟာ အဲဒီထိုးလိုက်တဲ့စာချုပ်ဟာ ခိုင်မာရမယ်၊ စာချုပ်ချုပ်ပြီး ပျက်တဲ့- အလွယ်တကူပျက်တတ်တဲ့စာချုပ်မျိုး မဖြစ်ရဘူးဆိုတဲ့ဟာကို ကျနော် အဲဒီမှာ ပြောပြပါတယ်။”

ဒါပေမယ့်လက်ရှိ ကာလမှာက ရွေးကောက်ပွဲကာလဖြစ်ပြီး အစိုးရ အကူးအပြောင်းကာလ ဖြစ်နေတဲ့အတွက် အပစ်ရပ်ပြီး နိုင်ငံရေး ဆွေးနွေးပွဲ ဦးဆောင်မှု အခန်းကဏ္ဍ၊ အားလုံးပါဝင်နိုင်မှု အခန်းကဏ္ဍနဲ့ လက်တွေ့ဖြစ်နိုင်ခြေတွေကို အဓိကထားပြီး စဉ်းစားကြဖို့ကိုလည်း NLD ဘက်က တိုက်တွန်းခဲ့တယ်လို့ ဦးဝင်းထိန်က ပြောပါတယ်။

“တိုင်းရင်းသားလက်နက်ကိုင် ပဋိပက္ခတွေရဲ့ ပြဿနာနဲ့ပတ်သက်ပြီး နိုင်ငံရေးနည်းနဲ့ ဖြေရှင်းမယ်၊ နိုင်ငံကိုလည်း ဖက်ဒရယ်ဒီမိုကရေစီ ပြည်ထောင်စု ဖြစ်အောင် ရည်ရွယ်ချက်ထားတယ်ဆိုတဲ့ …ရှိခဲ့တယ်။ ဒီအတိုင်းပဲ ကျနော်တို့ တသွေမတိမ်းဘဲ ရပ်တည်ခဲ့တယ်။ ဒေါ်အောင်ဆန်းစုကြည်ရဲ့ ခေါင်းဆောင်မှုနဲ့၊ အဲဒီတော့ ဖက်ဒရယ်ဆိုတာကို ပြောတာလည်း ကျနော်တို့ ပထမဦးဆုံးပဲ။ ဒါကြောင့်မို့လို့ ငြိမ်းချမ်းရေးလည်း လိုလားတယ်။ စာချုပ် ချုပ်မယ်ဆိုရင်လည်း ကြိုဆိုလက်ခံရမယ့်သဘောရှိတယ်။ သို့သော် ရွေးကောက်ပွဲနဲ့ သိပ်ပြီးတော့ အလုပ်များနေတဲ့အချိန်မှာ အစည်းအဝေးလုပ်ဖို့ကတော့ မဖြစ်နိုင်ဘူးထင်တယ်။ အဲဒါတစ်ချက်၊ နောက်တစ်ချက်ကတော့ ရွေးကောက်ပွဲပြီး တဲ့နောက်မှာ ဘယ်သူနိုင်မလဲဆိုတာလည်းမသိသေးဘူး၊ နိုင်ပြီးရင်လည်း ဘယ်လိုနည်းနဲ့အာဏာလွှဲမယ်ဆိုတဲ့ဟာလည်း မသိသေးတော့ - transition period - အင်မတန်အလုပ်များတဲ့အချိန်၊ အဲဒီအချိန်မှာ ငြိမ်းချမ်းရေးဦးစားပေးမယ်ဆိုရင် ဘယ်သူက ဦးဆောင်လုပ်မှာလဲ၊ အစိုးရကပဲလုပ်မှာပဲလား၊ ဒီပုဂ္ဂိုလ်တွေကပဲလုပ်မှာပဲလား။ …….ဒါကြောင့်မို့လို့ စဉ်းစဉ်းစားစားလုပ်သင့်တယ်လို့ ကျနော်တင်ပြခဲ့တာ။”

ဒါ့အပြင် လက်ရှိ မြန်မာအစိုးရက မတရားအသင်း ကြေညာထားတဲ့ တိုင်းရင်းသား လက်နက်ကိုင်တပ်ဖွဲ့တွေနဲ့ အပစ်ရပ်ရေးမှာ နိုင်ငံရေး ပါတီတွေ ပါဝင် ပတ်သက်လာရင် တည်ဆဲဥပဒေအရ အာမခံချက်ရှိမရှိဆိုတာနဲ့ တည်ဆဲဥပဒေတွေနဲ့ ငြိစွန်းမယ့်အရေးကိုလည်း ထောက်ပြခဲ့တယ်လို့ ဦးဝင်းထိန်က ပြောပါတယ်။ အပစ်ရပ်အပြီး နိုင်ငံရေးဆွေးနွေးပွဲတွေ ကျင်းပနိုင်ရေး တနလာင်္နေ့မှာ တိုင်းရင်းသား လက်နက်ကိုင်တပ်ဖွဲ့တွေ၊ မြန်မာအစိုးရငြိမ်းချမ်းရေး ဖော်ဆောင်ရေးအဖွဲ့နဲ့ နိုင်ငံရေးပါတီတို့ကြား အလွတ်သဘောဆွေးနွေးပွဲမှာ မြန်မာ အစိုးရနဲ့ တိုင်းရင်းသားလက်နက်ကိုင်တို့ကြား အရင်ချုပ်ဆိုထားတဲ့ အပစ်ရပ်ရေးစာချုပ်တွေ ပျက်ပြယ်ခဲ့ကြတာတွေကိုလည်း ထောက်ပြပြီး အခု ချုပ်ဆိုမယ့် အပစ်ရပ်ရေး စာချုပ်ရဲ့ခိုင်မာမှု၊ ယုံကြည်မှု တည်ဆောက်နိုင်ရေးကို အဓိကထားကြဖို့ NLD က တိုက်တွန်းထားပါတယ်ရှင်။

သိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com