ေမ့ခ်င္တာေမ့ပါ မဲေပးဖို႔ေတာ့မေမ့ပါနဲ႔

|| လွမ်ဳိးထြန္း ||

ေရြးေကာက္ပြဲ နီးလာေလေလ အာဏာကို လက္မလႊတ္လိုသူေတြ အတြက္ အလုပ္မ်ားေလေလ ျဖစ္သည္ ။ ငါးႏွစ္လုံးလုံး ယခင္စစ္အစိုးရ ေခတ္အတိုင္း ထင္ရာစိုင္းခ်င္သလို စိုင္းခဲ့သူမ်ား ေနမထိထိုင္မသာ ျဖစ္လာၾကသည္။ ယခင္ စစ္အစိုးရအေမြခံ ဝန္ႀကီးေဟာင္း ၊ ဗိုလ္ခ်ဳပ္ေဟာင္း အမ်ားစုသာ ပါဝင္သည့္ အာဏာရပါတီႏွင့္ အစိုးရအဖြဲ႕သည္ ႏိုင္ငံတကာႏွင့္ စီးပြားေရး ပိတ္ဆို႔မႈမ်ားဒဏ္မွ လြတ္ေျမာက္ရန္ သတင္းစာ လြတ္လပ္ခြင့္ ေပးလိုက္ရေသာေၾကာင့္ ႏွစ္ေပါင္း ၅၀ အတြင္း ပုဂၢလိက သတင္းစာမ်ား၏ ေဝဖန္မႈကို အခံရဆုံး အစိုးရႏွင့္ ပါတီျဖစ္လာခဲ့သည္ ။

စစ္ေခါင္းေဆာင္ေဟာင္းမ်ား အတြက္ကေတာ့ မီဒီယာကေန ႀကိဳက္သလိုသာ ေဝဖန္ပါေစ မၿဖံဳေရးခ် မၿဖဳံပါ ။ သူတို႔ကပင္ မီဒီယာအခ်ိဳ႕ႏွင့္ တက္ႂကြလႈပ္ရွားသူမ်ားကို တရားစြဲ ေထာင္ခ် အျပစ္ေပးလိုက္ၾကေသးသည္ ။ NLD ပါတီ၏ ေႂကြးေၾကာ္သံ "ေျပာင္းလဲခ်ိန္တန္ၿပီ" ဆိုသည္ကိုေတာင္ သူတို႔က သံေယာင္လိုက္ကာ ဆင္တူယိုးမွား လုပ္ခ်င္ေသးသည္ ။ အေျပာင္းအလဲေပါင္း မ်ားစြာ ေဖာ္ေဆာင္ေပးခဲ့သည့္ "အဘ" ကို မဲေပးၾကရန္ ေျပာဆိုႏိုင္ၾကေသးတာကို ျမင္ရၾကားရသည့္အတြက္ မေျပာင္းလဲ ႏိုင္ေသးသည့္ စိတ္ဓာတ္ေဟာင္းမ်ားကို ဩခ်ယူရမည္ျဖစ္သည္ ။

တစ္သက္လုံး မ႐ိုးသားခဲ့သူမ်ား ၊ တိုင္းျပည္ႏွင့္ ေဒသအတြက္ ဘာတစ္ခုမွ လွည့္မၾကည့္ခဲ့သူမ်ား ၊ မိမိအာဏာ တည္ျမဲေရးမွလြဲ၍ ဘာတစ္ခုမွ ထိထိေရာက္ေရာက္ မလုပ္ခဲ့သူမ်ား ေရြးေကာက္ပြဲ နားနီးလို႔ ေနာက္ဆုံး ၂ လ ေရာက္ေတာ့မွ ကမန္းကတန္း ဆန္ေတြ ၊ ဆီေတြ ထေဝၾကသည္ ။ တီဗီထဲတြင္ လႊင့္ေနသည့္ ႏိုင္ငံေတာ္အဆင့္ ဖြင့္ပြဲမ်ားတြင္ ေတြ႕ရာလူကို လက္ထဲ ေငြစကၠဴ အထပ္လိုက္ကိုင္၍ မုန္႔ဖိုးဆိုၿပီး ေလွ်ာက္ေပးသည္ ။ မွတ္ပံုတင္ အခမဲ့ လုပ္ေပးသည္ဆိုေသာ အာဏာလက္ရွိျဖင့္ အမတ္ေလာင္းတစ္ဦးပင္ ပါေသးသည္ ။ တကယ္ဆို စစ္ေရးေရာ အုပ္ခ်ဳပ္ေရး အေတြ႕အၾကံဳပါ အတိုင္းထက္အလြန္ သာေနသည့္ အာဏာလက္ရွိ ပါတီေခါင္းေဆာင္ေတြ ဒီထက္မက တိုင္းျပည္အတြက္ အေျပာင္းအလဲကို အာမခံခ်က္ ေပးသင့္သည္မွာ အမွန္ပင္ ။

တကယ္ေတာ့ သူတို႔ကိုယ္သူတို႔ ေမ့သြားသည္ဆိုျခင္းက ပိုမွန္ပါလိမ့္မည္ ။ အာဏာရွင္က ေမြးဖြားေပးခဲ့ေသာ ေခါင္းေဆာင္သစ္မ်ားပီပီ ခိုင္းတာမွလြဲ၍ ဘာမွမလုပ္ရဲ ။ မေတာ္ မွားသြားမွျဖင့္ ခ်က္ခ်င္း အရပ္သားစစ္စစ္အျဖစ္ ဘဝေျပာင္းသြားႏိုင္သည္ ။ ျပည္သူ႕အက်ိဳးအတြက္ ၊ အမ်ားအတြက္ မလုပ္ရဲရာကေန ႏွစ္ေပါင္းမ်ားစြာ ၾကာေသာအခါ မလုပ္တတ္ မကိုင္တတ္သည့္ အဆင့္အထိ ေရာက္သြားသည္ ။ ထိုနည္းတူစြာပင္ အုပ္ခ်ဳပ္ခံ ျပည္သူအေပါင္းသည္လည္း ရက္စက္ေသာ စစ္အစိုးရ အဆက္ဆက္၏ ႏွိပ္ကြပ္မႈမ်ားေၾကာင့္ ေမ့ေလ်ာ့ထားရတာေတြ မ်ားလြန္းပါသည္ ။

သမိုင္းကို ေမ့ထားလိုက္ၿပီး ပစၥဳပၸန္တည့္တည့္ကိုပဲ ၾကည့္လိုက္မည္ဆိုလွ်င္ ဒီကေန႔ အာဏာရေနေသာ အစိုးရသည္ ဒီမိုကေရစီနည္းျဖင့္ က်င္းပ ျပဳလုပ္ခဲ့သည့္ ၂၀၁၀ ျပည့္ႏွစ္ အေထြေထြ ေရြးေကာက္ပြဲႀကီး ကေနတစ္ဆင့္ ေပၚေပါက္လာတဲ့ ျပည္သူ႕အစိုးရလို႔ ဆိုႏိုင္သည္ ။ ကိုယ္တိုင္ကိုယ္က် မဲ႐ံုကို လာထည့္သူေတြရဲ႕ မဲေတြကို ေရတြက္ရင္း ပဏာမရလဒ္ေၾကာင့္ ဝမ္းသာေပ်ာ္ရႊင္ခဲ့ရေသာ စစ္ဗိုလ္ေဟာင္း မဟုတ္ေသာ ကိုယ္စားလွယ္ေလာင္းေတြ မနက္လည္း မိုးလင္းေရာ ဘယ္က ေရာက္လာမွန္းမသိသည့္ ႀကိဳတင္မဲေတြကေန ေျပာင္းျပန္ရလဒ္ကို ေနာက္ဆုံးပိတ္အျဖစ္ သက္ဆိုင္ရာ ေရြးေကာက္ပြဲ ေကာ္မရွင္က ေၾကညာခ်က္ ထုတ္ျပန္လိုက္လို႔ ဝမ္းနည္းပက္လက္ ျဖစ္ခဲ့ရသည့္ လြန္ခဲ့ေသာ ၅ ႏွစ္က အျဖစ္အပ်က္ေပါင္း မ်ားစြာကို ေမ့ထားလိုက္မည္ဆိုလွ်င္ လက္ရွိ လႊတ္ေတာ္ႀကီးသည္ ျပည္သူ႕လႊတ္ေတာ္ႀကီး ျဖစ္သည္ဟု ေျပာႏိုင္ပါသည္ ။

နာဂစ္မုန္တိုင္း ဒဏ္ေၾကာင့္ ဧရာဝတီတိုင္းေဒသႀကီး တစ္ခုလုံး အေလာင္းေကာင္ေတြ ေမ်ာခ်င္တိုင္း ေမ်ာပါေနသည့္ အခ်ိန္ ၊ ေနစရာမရွိ စားစရာနတိၳႏွင့္ ေသကြဲရွင္ကြဲ အကြဲကြဲ အျပားျပားျဖစ္သူ မိသားစု သိန္းခ်ီေနေသာ ကာလတြင္ ႏိုင္ငံတကာႏွင့္ ျပည္တြင္း ကယ္ဆယ္ေရး လုပ္ငန္းမ်ားကို ဦးစားေပးအျဖစ္ ခြင့္မျပဳဘဲ ျပည္လုံးကြၽတ္ ဆႏၵခံယူပြဲကို အတင္းအက်ပ္ ျပဳလုပ္ခဲ့သည္ကို ေမ့ထားလိုက္မည္ဆိုလွ်င္ မဲေပးခြင့္ရွိသူ အားလုံး၏ ၉၂.၄၈ ရာခိုင္ႏႈန္း ေထာက္ခံေသာ ဖြဲ႕စည္းပံုအေျခခံ ဥပေဒသည္ ဒီမိုကေရစီ နည္းက်က် အတည္ျပဳထားခဲ့သည္ဟု ေျပာလို႔ရသည္ ။

အေျခခံဥပေဒ ေရးဆြဲရန္အတြက္ ရည္ရြယ္ထားေသာ အမ်ိဳးသားညီလာခံႀကီးတြင္ စစ္အစိုးရ စိတ္တိုင္းက် ေရြးခ်ယ္ထားသည့္ ညီလာခံ ကိုယ္စားလွယ္မ်ားသာ အမ်ားစုအျဖစ္ ပါဝင္သည္ကို ေမ့ထားလိုက္မည္ဆိုလွ်င္ ၂၀၀၈ အေျခခံဥပေဒသည္ ျမန္မာႏိုင္ငံသား အားလုံး၏ အက်ိဳးအတြက္ ရည္ရြယ္၍ ေရးဆြဲထားသည္ဟု ေျပာလို႔ရသည္ ။

အမ်ိဳးသားညီလာခံတြင္ ဖြဲ႕စည္းပံု အေျခခံေရးဆြဲရာ၌ အေျခခံရမည့္ မူအျဖစ္ တပ္မေတာ္သည္ အမ်ိဳးသားႏိုင္ငံေရး၏ ဦးေဆာင္က႑တြင္ ပါဝင္ေစရမည္ဟု စစ္အာဏာရွင္ ေခါင္းေဆာင္ႀကီးမ်ား ကိုယ္တိုင္ ခ်မွတ္ေပးခဲ့သည္ကို ေမ့ထားလိုက္လွ်င္ ၂၀၀၈ အေျခခံဥပေဒသည္ ခ်ိဳ႕ယြင္းခ်က္ အနည္းငယ္မွအပ ေရြးေကာက္ပြဲ ဝင္စရာမလိုသည့္ ၂၅ ရာခိုင္ႏႈန္း တပ္မေတာ္သား ကိုယ္စားလွယ္မ်ားႏွင့္ လိုက္ဖက္ေသာ ဥပေဒဟု ေျပာႏိုင္သည္ ။ ၁၉၉၃ ခုႏွစ္မွ စတင္ေသာ အေျခခံဥပေဒ ေရးဆြဲသည့္ အမ်ိဳးသားညီလာခံသည္ ၂၀၀၇ စက္တင္ဘာတြင္မွ ၿပီးစီးသည့္အတြက္ မလိုအပ္ဘဲ အခ်ိန္ဆြဲကာ ျပည္သူအေပါင္းႏွင့္ ႏိုင္ငံတကာသို႔ လွည့္စားမႈ ၁၄ ႏွစ္နီးပါး ၾကာျမင့္ခဲ့သည္ကို ေမ့ထားႏိုင္လွ်င္ အေျခခံဥပေဒအသစ္သည္ အခ်ိန္အေတာ္ယူကာ ေစ့ေစ့စပ္စပ္ ေရးဆြဲခဲ့သည္ဟု ခ်ီးက်ဴးရမည္ျဖစ္သည္ ။

၁၉၈၈ စက္တင္ဘာ ၁၈ ရက္ေန႔က မဆလအစိုးရထံမွ အုပ္ခ်ဳပ္ေရးအာဏာကို သိမ္းယူခဲ့ေသာ ကာကြယ္ေရးဦးစီးခ်ဳပ္ ဦးေဆာင္သည့္ နဝတအမည္ျဖင့္ အဖြဲ႕သည္ တပ္မေတာ္အစိုးရ ျဖစ္သည္ ။ ၁၉၉၀ ေမလတြင္ ျပည္လုံးကြၽတ္ အေထြေထြ ေရြးေကာက္ပြဲႀကီးကို က်င္းပျပဳလုပ္ ေပးခဲ့ေသာ္လည္း ပါတီစံုဒီမိုကေရစီ ေရြးေကာက္ပြဲ၏ ရလဒ္ျဖစ္ေသာ ျပည္သူ႕ကိုယ္စားလွယ္မ်ားကို လႊတ္ေတာ္ ေခၚယူခြင့္ မေပးခဲ့သည္ကို ေမ့ထားႏိုင္သည္ဆိုလွ်င္ တပ္မေတာ္အစိုးရသည္ ကတိအတိုင္း ေရြးေကာက္ပြဲ က်င္းပေပးႏိုင္သည့္ လက္နက္ကိုင္ အစိုးရ ျဖစ္သည္ဟု မွတ္ယူႏိုင္သည္ ။

ေရြးေကာက္ပြဲ အႏိုင္ရပါတီကို အာဏာလႊဲေပးမေပးႏွင့္ ျပည္သူ႕လႊတ္ေတာ္ ေခၚယူေရး
ႏိုင္ငံေရး တင္းမာမႈမ်ား အရွိန္ျမင့္ေနသည့္ ၁၉၉၂ ခုႏွစ္ ဧၿပီလ သႀကၤန္အၿပီးတြင္ စစ္တပ္အတြင္းမွ လက္ေအာက္ငယ္သား အရာရွိႀကီးမ်ား စုေပါင္း၍ ကာကြယ္ေရးဦးစီးခ်ဳပ္ ဗိုလ္ခ်ဳပ္မွဴးႀကီး ေစာေမာင္ကို ဖယ္ရွားကာ ဗိုလ္ခ်ဳပ္မွဴးႀကီး သန္းေရႊ ဦးေဆာင္ေသာ နဝတအဖြဲ႕ဝင္မ်ားက တပ္တြင္း အာဏာသိမ္းခဲ့သည္ကို ေမ့ေလ်ာ့ထားမည္ဆိုလွ်င္ တပ္မေတာ္သည္ အထက္အမိန္႔အတိုင္း လုပ္ကိုင္ ေဆာင္ရြက္ေလ့ရွိေသာ အဖြဲ႕အစည္းျဖစ္သည္ဟု မွတ္ယူရမည္ ျဖစ္ပါသည္ ။

၁၉၉၀ ျပည့္ႏွစ္ မတိုင္မီက ႏိုင္ငံျခားတိုင္းျပည္မ်ား သြားေရာက္ အလုပ္လုပ္ကိုင္ေနေသာ ျမန္မာမ်ား အနည္းအက်ဥ္းသာ ရွိခဲ့ေသာ္လည္း ယေန႔ လက္ရွိကာလတြင္ သိန္းေပါင္းမ်ားစြာေသာ အလုပ္လုပ္ကိုင္ႏိုင္သည့္ ျမန္မာမ်ား ႏိုင္ငံရပ္ျခားတြင္ အလုပ္ သြားလုပ္ေနၾကရသည္ကို ေမ့ထားလွ်င္ စစ္အစိုးရႏွင့္ စစ္အစိုးရအေမြခံ အရပ္သားအစိုးရ လက္ထက္ ၂၇ ႏွစ္တာ ကာလအတြင္း ျပည္တြင္း အလုပ္အကိုင္ အခြင့္အလမ္းမ်ား ေဖာ္ထုတ္ေပးႏိုင္ခဲ့သည္ဟု အစိုးရပိုင္ သတင္းစာမ်ားတြင္ ေရးသားသည္ကို ယံုၾကည္လက္ခံရပါမည္ ။

သမိုင္းဝင္ပုဂၢိဳလ္မ်ား ေမြးထုတ္ေပးခဲ့ေသာ တကၠသိုလ္ေက်ာင္းႀကီးမ်ားကို မၾကာခဏ ဆူဆူပူပူ လုပ္တတ္ေသာ လူငယ္မ်ားစုေဝးရာ ေနရာအျဖစ္ သတ္မွတ္ကာ ပိတ္ပင္ခဲ့သည္မွာလည္း စစ္ေရးအျမင္ျဖင့္ တစ္ဖက္သတ္ၾကည့္ေသာ စစ္ေခါင္းေဆာင္မ်ား၏ ထင္ရွားေသာ လုပ္ရပ္မ်ားအတြင္း တစ္ခုအပါအဝင္ ျဖစ္သည္ ။ အမည္အမ်ိဳးမ်ိဳးျဖင့္ တကၠသိုလ္ ေက်ာင္းသစ္ေပါင္းမ်ားစြာ ႏိုင္ငံအႏွံ႔ တည္ေဆာက္ဖြင့္လွစ္ရင္း ႏိုင္ငံေတာ္၏ အနာဂတ္ မ်ိဳးဆက္သစ္မ်ားကို ေက်ာင္းသြားရာ လမ္းမေပၚတြင္ နာရီေပါင္းမ်ားစြာ ကုန္ဆုံးေအာင္ ၿမိဳ႕စြန္နယ္ဖ်ား၌ ေက်ာင္းတက္ေစခဲ့သည့္ စစ္ဗိုလ္ခ်ဳပ္မ်ား၏ ပညာေရးႏွင့္ စစ္ေရးအျမင္ကို ေမ့ထားလိုက္မည္ဆိုလွ်င္ ဘြဲ႕ရေက်ာင္းသား အေရအတြက္ျဖင့္ တိုင္းတာသည့္ ပညာေရးမူဝါဒ မွန္ကန္သည္ဟု လက္ခံေပးရပါလိမ့္မည္ ။

သမိုင္းဆိုသည္မွာ ေမ့ေပ်ာက္ေအာင္ လုပ္ထားလို႔ ရေကာင္းရႏိုင္ေသာ္လည္း အခ်ိန္အတိုင္းအတာ တစ္ခုအထိသာ ရပါလိမ့္မည္ ။ အေၾကာင္းျပခ်က္မ်ားကို တစ္ဖက္သတ္ ေပးႏိုင္ေသာ္လည္း အျပန္အလွန္ ေဆြးေႏြးခြင့္ေတြ ရလာေသာအခါ အမွန္တို႔သည္ အမွားဇာတ္လမ္းမ်ားအျဖစ္ သမိုင္းစစ္ သမိုင္းမွန္မ်ားအသြင္ တစ္ဖန္ျပန္ေပၚလာကာ ေနာက္လူမ်ားအတြက္ သင္ခန္းစာမ်ားအျဖစ္ မားမားမတ္မတ္ က်န္ရစ္ပါလိမ့္မည္ ။

ျမန္မာ့သမိုင္းတြင္ အေမွာင္ေခတ္ေပါင္းမ်ားစြာ ရွိခဲ့သည္ ။ အေမွာင္ေခတ္ ကုန္ဆုံးေသာအခါ ပညာေခတ္သို႔ တစ္ဖန္ျပန္ေရာက္ရစၿမဲပင္ ျဖစ္သည္ ။ အေမွာင္ေခတ္တြင္ တိုးတက္မႈမွန္သမွ် ဆုံး႐ႈံးခဲ့ရေသာ္လည္း အေမွာင္ကုန္ဆုံး အလင္းေရာက္ေသာအခါ ပညာသည္တို႔ႏွင့္ အမ်ိဳးေကာင္းသားတို႔၏ စုေပါင္းအားျဖင့္ ႏိုင္ငံေတာ္ႀကီးကို တစ္ဖန္ျပန္လည္ တင့္တယ္ေအာင္ ေဆာင္ရြက္ႏိုင္ပါလိမ့္မည္ ။

ျမန္မာလူမ်ိဳးတို႔သည္ ေပ်ာ္ရႊင္မႈကို အလြန္အမင္း ႏွစ္သက္တတ္ၾကသည္ဟု ျမန္မာ့ယဥ္ေက်းမႈကို ေလ့လာသူ အေနာက္တိုင္းသားတို႔က ေရးသားခဲ့ၾကသည္ကို ဖတ္ခဲ့ရသည္ ။ အမွန္တြင္မူ ေပ်ာ္ရႊင္မႈကို ႏွစ္သက္ကာ ေပ်ာ္ေပ်ာ္ရႊင္ရႊင္ ေနတတ္ၾကသလို နာၾကည္း ခါးသီးဖြယ္ရာတို႔ကိုလည္း ေမ့လြယ္ ေပ်ာက္လြယ္ၾကသည္ ။ နာစရာရွိသည္တို႔ကို ကာယကံရွင္မ်ားမွအပ အျခားသူမ်ားက အလြယ္တကူ ေမ့ေပ်ာက္ပစ္ၾကေလသည္ ။ ထို႔ေၾကာင့္ပင္ အေမွာင္ေခတ္ ကုန္ဆုံးခါနီး ေရာင္နီသန္းလာေသာ အခ်ိန္ အလင္းေရာင္ မသဲကြဲေသာကာလ အာဏာရွင္တို႔၏ ေနာက္ဆုံး တံတိုင္းျဖစ္သည့္ ၂၀၀၈ အေျခခံဥပေဒ၏ ဒုတိယအႀကိမ္ အေထြေထြ ေရြးေကာက္ပြဲရက္ မတိုင္မီအထိ နာက်င္စြာမ်ိဳသိပ္ထားခဲ့ရင္း ေမ့သလိုျဖစ္ခဲ့ရသည္မ်ားကို ျပန္ေျပာင္း အမွတ္ရႏိုင္ေအာင္ အနည္းအက်ဥ္း တို႔ထိမိပါသည္ ။

၂၀၁၅ ခုႏွစ္ ႏိုဝင္ဘာလ ၈ ရက္ေန႔ မတိုင္မီအထိ ေမ့ထားခဲ့ရသည့္ ယူနီေဖာင္းဝတ္ စစ္ေခါင္းေဆာင္မ်ားႏွင့္ ေခါင္းေပါင္း ၊ တိုက္ပံုဝတ္ အၿငိမ္းစား အာဏာရွင္မ်ား၏ အတိတ္က လုပ္ရပ္မ်ားေၾကာင့္ စီးပြားေရး ၊ ပညာေရး ၊ က်န္းမာေရး ၊ လူမႈေရး အေထြေထြျဖင့္ ျမန္မာတစ္ႏိုင္ငံလုံး နာလန္ ျပန္မထူႏိုင္ေအာင္ ျဖစ္ခဲ့ရသည္မ်ားကို ျပန္ေျပာင္း အမွတ္ရမိပါသည္ ။

တိုင္းျပည္အက်ိဳးကို အမွန္တကယ္ ေဆာင္ရြက္ႏိုင္မည့္ သူမ်ားကို လူကိုမၾကည့္ ပါတီကိုသာ ၾကည့္ကာ ၁၉၄၇ တိုင္းျပဳျပည္ျပဳ လႊတ္ေတာ္ ေရြးေကာက္ပြဲ (ကိုလိုနီေခတ္မွ လြတ္လပ္ေရးေခတ္သို႔ အညင္သာဆုံး အေျပာင္းအလဲ)တုန္းက တိုင္းျပည္အတြက္ အမွန္တကယ္ အလုပ္လုပ္မည့္ ဗိုလ္ခ်ဳပ္ေအာင္ဆန္း ဦးေဆာင္သည့္ ဖဆပလအဖြဲ႕ခ်ဳပ္ကို တစ္ခဲနက္ ေထာက္ခံခဲ့ၾကသလို ယခုလည္း ၂၇ ႏွစ္လုံးလုံး စစ္အာဏာရွင္စနစ္ေအာက္မွာ ၾကံ့ၾကံ့ခံ ရပ္တည္လာခဲ့ေသာ အဖြဲ႕ခ်ဳပ္ႏွင့္ ကမာၻ႔အဆင့္ ေခါင္းေဆာင္ကိုသာ အားေပးေထာက္ခံ အမွန္တံဆိပ္တုံး ႐ိုက္ႏွိပ္ေပးရပါလိမ့္မည္ ။

ျမန္မာ့ဆိုရွယ္လစ္လမ္းစဥ္ပါတီ အမည္ျဖင့္ အုပ္ခ်ဳပ္ေသာအခါက ႏိုင္ငံအႀကီးအကဲႏွင့္ အစိုးရအဖြဲ႕ဝန္ႀကီး ရာထူးမ်ားတြင္ စစ္ဗိုလ္ခ်ဳပ္ေဟာင္းမ်ားကို အၿငိမ္းစားယူေစ၍ အရပ္ဝတ္ျဖင့္သာ ရာထူးထမ္းေဆာင္ေစခဲ့သည္ ။ ၁၉၈၈ ခုႏွစ္ ေႏွာင္းပိုင္း နဝတအမည္ျဖင့္ အာဏာသိမ္းခဲ့ေသာ အစိုးရအဖြဲ႕တြင္ စစ္ဗိုလ္ခ်ဳပ္မ်ား ယူနီေဖာင္းဝတ္ ေသနတ္ခါးခ်ိတ္ကာ တိုင္းျပည္အတြက္ အေရးပါေသာ မူဝါဒေပါင္းမ်ားစြာကို ခ်မွတ္ခဲ့သည္ ။

ယခင္က အလုပ္အကိုင္ အခြင့္အလမ္းမ်ား နည္းပါးေသာ္လည္း လူမႈဘဝဖူလံုသည့္ အကာအကြယ္မ်ားေၾကာင့္ မိသားစုမ်ား ေအးခ်မ္းစြာ စုစုစည္းစည္း ေနႏိုင္ေသာ္လည္း စစ္အုပ္ခ်ဳပ္ေရး ေနာက္ပိုင္း မတန္တဆ ေဖာင္းပြလာေသာ ေငြေၾကးေၾကာင့္ မိသားစုဝင္ အားလုံးနီးပါး အလုပ္လုပ္ကိုင္မွ စားႏိုင္ေသာက္ႏိုင္ေသာ အေနက်ပ္ အေသက်ပ္ေခတ္ကို မသိခ်င္ေယာင္ေဆာင္မည္ ဆိုပါက စက္႐ံုအလုပ္႐ံုႏွင့္ စီးပြားေရး လုပ္ငန္းသစ္ေပါင္းမ်ားစြာ ေပၚေပါက္ခဲ့ေသာ စစ္ေခါင္းေဆာင္မ်ား၏ စီမံခန္႔ခြဲမႈကို မွတ္တမ္းတင္ထားႏိုင္ပါသည္ ။

အမွန္တကယ္လည္း "ေျပာင္းလဲဖို႔ အခ်ိန္တန္ၿပီ" မွာၾကာခဲ့ၿပီ ျဖစ္သည္ ။ သမိုင္းကိုသာ ေမ့ေလ်ာ့ခ်င္ ေမ့ေလ်ာ့ပါလိမ့္မည္ ။ စစ္ေခါင္းေဆာင္ အေဟာင္းအသစ္ အသီးသီး၏ ၁၉၆၂ ခုႏွစ္မွစတင္၍ အသြင္မ်ိဳးစံု ၊ ပံုသ႑န္အဖုံဖံု ဖန္ဆင္းကာ တိုင္းျပည္ကိုအုပ္ခ်ဳပ္ မင္းလုပ္ရင္း မွားယြင္းေသာ စီမံခန္႔ခြဲမႈ ပံုစံအမ်ိဳးမ်ိဳးျဖင့္ ဆင္းရဲတြင္း နက္သည္ထက္နက္ေအာင္ လုပ္ခဲ့ပံုတို႔ကို ဒီကေန႔ထိတိုင္ ခံစားေနရသူ ျပည္သူအေပါင္းမွာ အသည္းနာ မဆုံးႏိုင္ေအာင္ ျဖစ္ေနဆဲပင္ျဖစ္ပါ၏ ။ အာဏာရွင္ ေလာင္းရိပ္ မကင္းသည့္ မည္သည့္ပါတီ အဖြဲ႕အစည္းႏွင့္ ကိုယ္စားလွယ္ေလာင္းကို မဆို အစိုးရဖြဲ႕ခြင့္ကို မဆိုထားႏွင့္ လႊတ္ေတာ္အတြင္းသို႔ပင္ အေရာက္မခံႏိုင္သည္မွာ ႏိုဝင္ဘာ ၈ ရက္ေန႔တြင္ အဆုံးအျဖတ္ေပးရမည့္ အနာဂတ္အေရးပင္ ျဖစ္ပါေတာ့သည္ ။

လွမ်ဳိးထြန္း
The Ladies News Journal ပါ ေဆာင္းပါး
https://www.facebook.com/News.TheLadies
.................................................

|| လှမျိုးထွန်း ||

ရွေးကောက်ပွဲ နီးလာလေလေ အာဏာကို လက်မလွှတ်လိုသူတွေ အတွက် အလုပ်များလေလေ ဖြစ်သည် ။ ငါးနှစ်လုံးလုံး ယခင်စစ်အစိုးရ ခေတ်အတိုင်း ထင်ရာစိုင်းချင်သလို စိုင်းခဲ့သူများ နေမထိထိုင်မသာ ဖြစ်လာကြသည်။ ယခင် စစ်အစိုးရအမွေခံ ဝန်ကြီးဟောင်း ၊ ဗိုလ်ချုပ်ဟောင်း အများစုသာ ပါဝင်သည့် အာဏာရပါတီနှင့် အစိုးရအဖွဲ့သည် နိုင်ငံတကာနှင့် စီးပွားရေး ပိတ်ဆို့မှုများဒဏ်မှ လွတ်မြောက်ရန် သတင်းစာ လွတ်လပ်ခွင့် ပေးလိုက်ရသောကြောင့် နှစ်ပေါင်း ၅၀ အတွင်း ပုဂ္ဂလိက သတင်းစာများ၏ ဝေဖန်မှုကို အခံရဆုံး အစိုးရနှင့် ပါတီဖြစ်လာခဲ့သည် ။

စစ်ခေါင်းဆောင်ဟောင်းများ အတွက်ကတော့ မီဒီယာကနေ ကြိုက်သလိုသာ ဝေဖန်ပါစေ မဖြုံရေးချ မဖြုံပါ ။ သူတို့ကပင် မီဒီယာအချို့နှင့် တက်ကြွလှုပ်ရှားသူများကို တရားစွဲ ထောင်ချ အပြစ်ပေးလိုက်ကြသေးသည် ။ NLD ပါတီ၏ ကြွေးကြော်သံ "ပြောင်းလဲချိန်တန်ပြီ" ဆိုသည်ကိုတောင် သူတို့က သံယောင်လိုက်ကာ ဆင်တူယိုးမှား လုပ်ချင်သေးသည် ။ အပြောင်းအလဲပေါင်း များစွာ ဖော်ဆောင်ပေးခဲ့သည့် "အဘ" ကို မဲပေးကြရန် ပြောဆိုနိုင်ကြသေးတာကို မြင်ရကြားရသည့်အတွက် မပြောင်းလဲ နိုင်သေးသည့် စိတ်ဓာတ်ဟောင်းများကို ဩချယူရမည်ဖြစ်သည် ။

တစ်သက်လုံး မရိုးသားခဲ့သူများ ၊ တိုင်းပြည်နှင့် ဒေသအတွက် ဘာတစ်ခုမှ လှည့်မကြည့်ခဲ့သူများ ၊ မိမိအာဏာ တည်မြဲရေးမှလွဲ၍ ဘာတစ်ခုမှ ထိထိရောက်ရောက် မလုပ်ခဲ့သူများ ရွေးကောက်ပွဲ နားနီးလို့ နောက်ဆုံး ၂ လ ရောက်တော့မှ ကမန်းကတန်း ဆန်တွေ ၊ ဆီတွေ ထဝေကြသည် ။ တီဗီထဲတွင် လွှင့်နေသည့် နိုင်ငံတော်အဆင့် ဖွင့်ပွဲများတွင် တွေ့ရာလူကို လက်ထဲ ငွေစက္ကူ အထပ်လိုက်ကိုင်၍ မုန့်ဖိုးဆိုပြီး လျှောက်ပေးသည် ။ မှတ်ပုံတင် အခမဲ့ လုပ်ပေးသည်ဆိုသော အာဏာလက်ရှိဖြင့် အမတ်လောင်းတစ်ဦးပင် ပါသေးသည် ။ တကယ်ဆို စစ်ရေးရော အုပ်ချုပ်ရေး အတွေ့အကြံုပါ အတိုင်းထက်အလွန် သာနေသည့် အာဏာလက်ရှိ ပါတီခေါင်းဆောင်တွေ ဒီထက်မက တိုင်းပြည်အတွက် အပြောင်းအလဲကို အာမခံချက် ပေးသင့်သည်မှာ အမှန်ပင် ။

တကယ်တော့ သူတို့ကိုယ်သူတို့ မေ့သွားသည်ဆိုခြင်းက ပိုမှန်ပါလိမ့်မည် ။ အာဏာရှင်က မွေးဖွားပေးခဲ့သော ခေါင်းဆောင်သစ်များပီပီ ခိုင်းတာမှလွဲ၍ ဘာမှမလုပ်ရဲ ။ မတော် မှားသွားမှဖြင့် ချက်ချင်း အရပ်သားစစ်စစ်အဖြစ် ဘဝပြောင်းသွားနိုင်သည် ။ ပြည်သူ့အကျိုးအတွက် ၊ အများအတွက် မလုပ်ရဲရာကနေ နှစ်ပေါင်းများစွာ ကြာသောအခါ မလုပ်တတ် မကိုင်တတ်သည့် အဆင့်အထိ ရောက်သွားသည် ။ ထိုနည်းတူစွာပင် အုပ်ချုပ်ခံ ပြည်သူအပေါင်းသည်လည်း ရက်စက်သော စစ်အစိုးရ အဆက်ဆက်၏ နှိပ်ကွပ်မှုများကြောင့် မေ့လျော့ထားရတာတွေ များလွန်းပါသည် ။

သမိုင်းကို မေ့ထားလိုက်ပြီး ပစ္စုပ္ပန်တည့်တည့်ကိုပဲ ကြည့်လိုက်မည်ဆိုလျှင် ဒီကနေ့ အာဏာရနေသော အစိုးရသည် ဒီမိုကရေစီနည်းဖြင့် ကျင်းပ ပြုလုပ်ခဲ့သည့် ၂၀၁၀ ပြည့်နှစ် အထွေထွေ ရွေးကောက်ပွဲကြီး ကနေတစ်ဆင့် ပေါ်ပေါက်လာတဲ့ ပြည်သူ့အစိုးရလို့ ဆိုနိုင်သည် ။ ကိုယ်တိုင်ကိုယ်ကျ မဲရုံကို လာထည့်သူတွေရဲ့ မဲတွေကို ရေတွက်ရင်း ပဏာမရလဒ်ကြောင့် ဝမ်းသာပျော်ရွှင်ခဲ့ရသော စစ်ဗိုလ်ဟောင်း မဟုတ်သော ကိုယ်စားလှယ်လောင်းတွေ မနက်လည်း မိုးလင်းရော ဘယ်က ရောက်လာမှန်းမသိသည့် ကြိုတင်မဲတွေကနေ ပြောင်းပြန်ရလဒ်ကို နောက်ဆုံးပိတ်အဖြစ် သက်ဆိုင်ရာ ရွေးကောက်ပွဲ ကော်မရှင်က ကြေညာချက် ထုတ်ပြန်လိုက်လို့ ဝမ်းနည်းပက်လက် ဖြစ်ခဲ့ရသည့် လွန်ခဲ့သော ၅ နှစ်က အဖြစ်အပျက်ပေါင်း များစွာကို မေ့ထားလိုက်မည်ဆိုလျှင် လက်ရှိ လွှတ်တော်ကြီးသည် ပြည်သူ့လွှတ်တော်ကြီး ဖြစ်သည်ဟု ပြောနိုင်ပါသည် ။

နာဂစ်မုန်တိုင်း ဒဏ်ကြောင့် ဧရာဝတီတိုင်းဒေသကြီး တစ်ခုလုံး အလောင်းကောင်တွေ မျောချင်တိုင်း မျောပါနေသည့် အချိန် ၊ နေစရာမရှိ စားစရာနတ္ထိနှင့် သေကွဲရှင်ကွဲ အကွဲကွဲ အပြားပြားဖြစ်သူ မိသားစု သိန်းချီနေသော ကာလတွင် နိုင်ငံတကာနှင့် ပြည်တွင်း ကယ်ဆယ်ရေး လုပ်ငန်းများကို ဦးစားပေးအဖြစ် ခွင့်မပြုဘဲ ပြည်လုံးကျွတ် ဆန္ဒခံယူပွဲကို အတင်းအကျပ် ပြုလုပ်ခဲ့သည်ကို မေ့ထားလိုက်မည်ဆိုလျှင် မဲပေးခွင့်ရှိသူ အားလုံး၏ ၉၂.၄၈ ရာခိုင်နှုန်း ထောက်ခံသော ဖွဲ့စည်းပုံအခြေခံ ဥပဒေသည် ဒီမိုကရေစီ နည်းကျကျ အတည်ပြုထားခဲ့သည်ဟု ပြောလို့ရသည် ။

အခြေခံဥပဒေ ရေးဆွဲရန်အတွက် ရည်ရွယ်ထားသော အမျိုးသားညီလာခံကြီးတွင် စစ်အစိုးရ စိတ်တိုင်းကျ ရွေးချယ်ထားသည့် ညီလာခံ ကိုယ်စားလှယ်များသာ အများစုအဖြစ် ပါဝင်သည်ကို မေ့ထားလိုက်မည်ဆိုလျှင် ၂၀၀၈ အခြေခံဥပဒေသည် မြန်မာနိုင်ငံသား အားလုံး၏ အကျိုးအတွက် ရည်ရွယ်၍ ရေးဆွဲထားသည်ဟု ပြောလို့ရသည် ။

အမျိုးသားညီလာခံတွင် ဖွဲ့စည်းပုံ အခြေခံရေးဆွဲရာ၌ အခြေခံရမည့် မူအဖြစ် တပ်မတော်သည် အမျိုးသားနိုင်ငံရေး၏ ဦးဆောင်ကဏ္ဍတွင် ပါဝင်စေရမည်ဟု စစ်အာဏာရှင် ခေါင်းဆောင်ကြီးများ ကိုယ်တိုင် ချမှတ်ပေးခဲ့သည်ကို မေ့ထားလိုက်လျှင် ၂၀၀၈ အခြေခံဥပဒေသည် ချို့ယွင်းချက် အနည်းငယ်မှအပ ရွေးကောက်ပွဲ ဝင်စရာမလိုသည့် ၂၅ ရာခိုင်နှုန်း တပ်မတော်သား ကိုယ်စားလှယ်များနှင့် လိုက်ဖက်သော ဥပဒေဟု ပြောနိုင်သည် ။ ၁၉၉၃ ခုနှစ်မှ စတင်သော အခြေခံဥပဒေ ရေးဆွဲသည့် အမျိုးသားညီလာခံသည် ၂၀၀၇ စက်တင်ဘာတွင်မှ ပြီးစီးသည့်အတွက် မလိုအပ်ဘဲ အချိန်ဆွဲကာ ပြည်သူအပေါင်းနှင့် နိုင်ငံတကာသို့ လှည့်စားမှု ၁၄ နှစ်နီးပါး ကြာမြင့်ခဲ့သည်ကို မေ့ထားနိုင်လျှင် အခြေခံဥပဒေအသစ်သည် အချိန်အတော်ယူကာ စေ့စေ့စပ်စပ် ရေးဆွဲခဲ့သည်ဟု ချီးကျူးရမည်ဖြစ်သည် ။

၁၉၈၈ စက်တင်ဘာ ၁၈ ရက်နေ့က မဆလအစိုးရထံမှ အုပ်ချုပ်ရေးအာဏာကို သိမ်းယူခဲ့သော ကာကွယ်ရေးဦးစီးချုပ် ဦးဆောင်သည့် နဝတအမည်ဖြင့် အဖွဲ့သည် တပ်မတော်အစိုးရ ဖြစ်သည် ။ ၁၉၉၀ မေလတွင် ပြည်လုံးကျွတ် အထွေထွေ ရွေးကောက်ပွဲကြီးကို ကျင်းပပြုလုပ် ပေးခဲ့သော်လည်း ပါတီစုံဒီမိုကရေစီ ရွေးကောက်ပွဲ၏ ရလဒ်ဖြစ်သော ပြည်သူ့ကိုယ်စားလှယ်များကို လွှတ်တော် ခေါ်ယူခွင့် မပေးခဲ့သည်ကို မေ့ထားနိုင်သည်ဆိုလျှင် တပ်မတော်အစိုးရသည် ကတိအတိုင်း ရွေးကောက်ပွဲ ကျင်းပပေးနိုင်သည့် လက်နက်ကိုင် အစိုးရ ဖြစ်သည်ဟု မှတ်ယူနိုင်သည် ။

ရွေးကောက်ပွဲ အနိုင်ရပါတီကို အာဏာလွှဲပေးမပေးနှင့် ပြည်သူ့လွှတ်တော် ခေါ်ယူရေး
နိုင်ငံရေး တင်းမာမှုများ အရှိန်မြင့်နေသည့် ၁၉၉၂ ခုနှစ် ဧပြီလ သင်္ကြန်အပြီးတွင် စစ်တပ်အတွင်းမှ လက်အောက်ငယ်သား အရာရှိကြီးများ စုပေါင်း၍ ကာကွယ်ရေးဦးစီးချုပ် ဗိုလ်ချုပ်မှူးကြီး စောမောင်ကို ဖယ်ရှားကာ ဗိုလ်ချုပ်မှူးကြီး သန်းရွှေ ဦးဆောင်သော နဝတအဖွဲ့ဝင်များက တပ်တွင်း အာဏာသိမ်းခဲ့သည်ကို မေ့လျော့ထားမည်ဆိုလျှင် တပ်မတော်သည် အထက်အမိန့်အတိုင်း လုပ်ကိုင် ဆောင်ရွက်လေ့ရှိသော အဖွဲ့အစည်းဖြစ်သည်ဟု မှတ်ယူရမည် ဖြစ်ပါသည် ။

၁၉၉၀ ပြည့်နှစ် မတိုင်မီက နိုင်ငံခြားတိုင်းပြည်များ သွားရောက် အလုပ်လုပ်ကိုင်နေသော မြန်မာများ အနည်းအကျဉ်းသာ ရှိခဲ့သော်လည်း ယနေ့ လက်ရှိကာလတွင် သိန်းပေါင်းများစွာသော အလုပ်လုပ်ကိုင်နိုင်သည့် မြန်မာများ နိုင်ငံရပ်ခြားတွင် အလုပ် သွားလုပ်နေကြရသည်ကို မေ့ထားလျှင် စစ်အစိုးရနှင့် စစ်အစိုးရအမွေခံ အရပ်သားအစိုးရ လက်ထက် ၂၇ နှစ်တာ ကာလအတွင်း ပြည်တွင်း အလုပ်အကိုင် အခွင့်အလမ်းများ ဖော်ထုတ်ပေးနိုင်ခဲ့သည်ဟု အစိုးရပိုင် သတင်းစာများတွင် ရေးသားသည်ကို ယုံကြည်လက်ခံရပါမည် ။

သမိုင်းဝင်ပုဂ္ဂိုလ်များ မွေးထုတ်ပေးခဲ့သော တက္ကသိုလ်ကျောင်းကြီးများကို မကြာခဏ ဆူဆူပူပူ လုပ်တတ်သော လူငယ်များစုဝေးရာ နေရာအဖြစ် သတ်မှတ်ကာ ပိတ်ပင်ခဲ့သည်မှာလည်း စစ်ရေးအမြင်ဖြင့် တစ်ဖက်သတ်ကြည့်သော စစ်ခေါင်းဆောင်များ၏ ထင်ရှားသော လုပ်ရပ်များအတွင်း တစ်ခုအပါအဝင် ဖြစ်သည် ။ အမည်အမျိုးမျိုးဖြင့် တက္ကသိုလ် ကျောင်းသစ်ပေါင်းများစွာ နိုင်ငံအနှံ့ တည်ဆောက်ဖွင့်လှစ်ရင်း နိုင်ငံတော်၏ အနာဂတ် မျိုးဆက်သစ်များကို ကျောင်းသွားရာ လမ်းမပေါ်တွင် နာရီပေါင်းများစွာ ကုန်ဆုံးအောင် မြို့စွန်နယ်ဖျား၌ ကျောင်းတက်စေခဲ့သည့် စစ်ဗိုလ်ချုပ်များ၏ ပညာရေးနှင့် စစ်ရေးအမြင်ကို မေ့ထားလိုက်မည်ဆိုလျှင် ဘွဲ့ရကျောင်းသား အရေအတွက်ဖြင့် တိုင်းတာသည့် ပညာရေးမူဝါဒ မှန်ကန်သည်ဟု လက်ခံပေးရပါလိမ့်မည် ။

သမိုင်းဆိုသည်မှာ မေ့ပျောက်အောင် လုပ်ထားလို့ ရကောင်းရနိုင်သော်လည်း အချိန်အတိုင်းအတာ တစ်ခုအထိသာ ရပါလိမ့်မည် ။ အကြောင်းပြချက်များကို တစ်ဖက်သတ် ပေးနိုင်သော်လည်း အပြန်အလှန် ဆွေးနွေးခွင့်တွေ ရလာသောအခါ အမှန်တို့သည် အမှားဇာတ်လမ်းများအဖြစ် သမိုင်းစစ် သမိုင်းမှန်များအသွင် တစ်ဖန်ပြန်ပေါ်လာကာ နောက်လူများအတွက် သင်ခန်းစာများအဖြစ် မားမားမတ်မတ် ကျန်ရစ်ပါလိမ့်မည် ။

မြန်မာ့သမိုင်းတွင် အမှောင်ခေတ်ပေါင်းများစွာ ရှိခဲ့သည် ။ အမှောင်ခေတ် ကုန်ဆုံးသောအခါ ပညာခေတ်သို့ တစ်ဖန်ပြန်ရောက်ရစမြဲပင် ဖြစ်သည် ။ အမှောင်ခေတ်တွင် တိုးတက်မှုမှန်သမျှ ဆုံးရှုံးခဲ့ရသော်လည်း အမှောင်ကုန်ဆုံး အလင်းရောက်သောအခါ ပညာသည်တို့နှင့် အမျိုးကောင်းသားတို့၏ စုပေါင်းအားဖြင့် နိုင်ငံတော်ကြီးကို တစ်ဖန်ပြန်လည် တင့်တယ်အောင် ဆောင်ရွက်နိုင်ပါလိမ့်မည် ။

မြန်မာလူမျိုးတို့သည် ပျော်ရွှင်မှုကို အလွန်အမင်း နှစ်သက်တတ်ကြသည်ဟု မြန်မာ့ယဉ်ကျေးမှုကို လေ့လာသူ အနောက်တိုင်းသားတို့က ရေးသားခဲ့ကြသည်ကို ဖတ်ခဲ့ရသည် ။ အမှန်တွင်မူ ပျော်ရွှင်မှုကို နှစ်သက်ကာ ပျော်ပျော်ရွှင်ရွှင် နေတတ်ကြသလို နာကြည်း ခါးသီးဖွယ်ရာတို့ကိုလည်း မေ့လွယ် ပျောက်လွယ်ကြသည် ။ နာစရာရှိသည်တို့ကို ကာယကံရှင်များမှအပ အခြားသူများက အလွယ်တကူ မေ့ပျောက်ပစ်ကြလေသည် ။ ထို့ကြောင့်ပင် အမှောင်ခေတ် ကုန်ဆုံးခါနီး ရောင်နီသန်းလာသော အချိန် အလင်းရောင် မသဲကွဲသောကာလ အာဏာရှင်တို့၏ နောက်ဆုံး တံတိုင်းဖြစ်သည့် ၂၀၀၈ အခြေခံဥပဒေ၏ ဒုတိယအကြိမ် အထွေထွေ ရွေးကောက်ပွဲရက် မတိုင်မီအထိ နာကျင်စွာမျိုသိပ်ထားခဲ့ရင်း မေ့သလိုဖြစ်ခဲ့ရသည်များကို ပြန်ပြောင်း အမှတ်ရနိုင်အောင် အနည်းအကျဉ်း တို့ထိမိပါသည် ။

၂၀၁၅ ခုနှစ် နိုဝင်ဘာလ ၈ ရက်နေ့ မတိုင်မီအထိ မေ့ထားခဲ့ရသည့် ယူနီဖောင်းဝတ် စစ်ခေါင်းဆောင်များနှင့် ခေါင်းပေါင်း ၊ တိုက်ပုံဝတ် အငြိမ်းစား အာဏာရှင်များ၏ အတိတ်က လုပ်ရပ်များကြောင့် စီးပွားရေး ၊ ပညာရေး ၊ ကျန်းမာရေး ၊ လူမှုရေး အထွေထွေဖြင့် မြန်မာတစ်နိုင်ငံလုံး နာလန် ပြန်မထူနိုင်အောင် ဖြစ်ခဲ့ရသည်များကို ပြန်ပြောင်း အမှတ်ရမိပါသည် ။

တိုင်းပြည်အကျိုးကို အမှန်တကယ် ဆောင်ရွက်နိုင်မည့် သူများကို လူကိုမကြည့် ပါတီကိုသာ ကြည့်ကာ ၁၉၄၇ တိုင်းပြုပြည်ပြု လွှတ်တော် ရွေးကောက်ပွဲ (ကိုလိုနီခေတ်မှ လွတ်လပ်ရေးခေတ်သို့ အညင်သာဆုံး အပြောင်းအလဲ)တုန်းက တိုင်းပြည်အတွက် အမှန်တကယ် အလုပ်လုပ်မည့် ဗိုလ်ချုပ်အောင်ဆန်း ဦးဆောင်သည့် ဖဆပလအဖွဲ့ချုပ်ကို တစ်ခဲနက် ထောက်ခံခဲ့ကြသလို ယခုလည်း ၂၇ နှစ်လုံးလုံး စစ်အာဏာရှင်စနစ်အောက်မှာ ကြံ့ကြံ့ခံ ရပ်တည်လာခဲ့သော အဖွဲ့ချုပ်နှင့် ကမ္ဘာ့အဆင့် ခေါင်းဆောင်ကိုသာ အားပေးထောက်ခံ အမှန်တံဆိပ်တုံး ရိုက်နှိပ်ပေးရပါလိမ့်မည် ။

မြန်မာ့ဆိုရှယ်လစ်လမ်းစဉ်ပါတီ အမည်ဖြင့် အုပ်ချုပ်သောအခါက နိုင်ငံအကြီးအကဲနှင့် အစိုးရအဖွဲ့ဝန်ကြီး ရာထူးများတွင် စစ်ဗိုလ်ချုပ်ဟောင်းများကို အငြိမ်းစားယူစေ၍ အရပ်ဝတ်ဖြင့်သာ ရာထူးထမ်းဆောင်စေခဲ့သည် ။ ၁၉၈၈ ခုနှစ် နှောင်းပိုင်း နဝတအမည်ဖြင့် အာဏာသိမ်းခဲ့သော အစိုးရအဖွဲ့တွင် စစ်ဗိုလ်ချုပ်များ ယူနီဖောင်းဝတ် သေနတ်ခါးချိတ်ကာ တိုင်းပြည်အတွက် အရေးပါသော မူဝါဒပေါင်းများစွာကို ချမှတ်ခဲ့သည် ။

ယခင်က အလုပ်အကိုင် အခွင့်အလမ်းများ နည်းပါးသော်လည်း လူမှုဘဝဖူလုံသည့် အကာအကွယ်များကြောင့် မိသားစုများ အေးချမ်းစွာ စုစုစည်းစည်း နေနိုင်သော်လည်း စစ်အုပ်ချုပ်ရေး နောက်ပိုင်း မတန်တဆ ဖောင်းပွလာသော ငွေကြေးကြောင့် မိသားစုဝင် အားလုံးနီးပါး အလုပ်လုပ်ကိုင်မှ စားနိုင်သောက်နိုင်သော အနေကျပ် အသေကျပ်ခေတ်ကို မသိချင်ယောင်ဆောင်မည် ဆိုပါက စက်ရုံအလုပ်ရုံနှင့် စီးပွားရေး လုပ်ငန်းသစ်ပေါင်းများစွာ ပေါ်ပေါက်ခဲ့သော စစ်ခေါင်းဆောင်များ၏ စီမံခန့်ခွဲမှုကို မှတ်တမ်းတင်ထားနိုင်ပါသည် ။

အမှန်တကယ်လည်း "ပြောင်းလဲဖို့ အချိန်တန်ပြီ" မှာကြာခဲ့ပြီ ဖြစ်သည် ။ သမိုင်းကိုသာ မေ့လျော့ချင် မေ့လျော့ပါလိမ့်မည် ။ စစ်ခေါင်းဆောင် အဟောင်းအသစ် အသီးသီး၏ ၁၉၆၂ ခုနှစ်မှစတင်၍ အသွင်မျိုးစုံ ၊ ပုံသဏ္ဍန်အဖုံဖုံ ဖန်ဆင်းကာ တိုင်းပြည်ကိုအုပ်ချုပ် မင်းလုပ်ရင်း မှားယွင်းသော စီမံခန့်ခွဲမှု ပုံစံအမျိုးမျိုးဖြင့် ဆင်းရဲတွင်း နက်သည်ထက်နက်အောင် လုပ်ခဲ့ပုံတို့ကို ဒီကနေ့ထိတိုင် ခံစားနေရသူ ပြည်သူအပေါင်းမှာ အသည်းနာ မဆုံးနိုင်အောင် ဖြစ်နေဆဲပင်ဖြစ်ပါ၏ ။ အာဏာရှင် လောင်းရိပ် မကင်းသည့် မည်သည့်ပါတီ အဖွဲ့အစည်းနှင့် ကိုယ်စားလှယ်လောင်းကို မဆို အစိုးရဖွဲ့ခွင့်ကို မဆိုထားနှင့် လွှတ်တော်အတွင်းသို့ပင် အရောက်မခံနိုင်သည်မှာ နိုဝင်ဘာ ၈ ရက်နေ့တွင် အဆုံးအဖြတ်ပေးရမည့် အနာဂတ်အရေးပင် ဖြစ်ပါတော့သည် ။

လှမျိုးထွန်း
The Ladies News Journal ပါ ဆောင်းပါး
https://www.facebook.com/News.TheLadies